دائي و دوائي 🥀🖤 ( مكتملة )

الجمرة الثانية والثلاثون

ومهما قال الانسان : انا قوي وانا قادر ان افعل ما اريد 😏 فأنه وان كان فعلا قادر لا يستطيع أن يتخلى عن حاجته لله ، فهو عز وجل ملجأ كل ضائع 🥺🤲

( من كتاباتي 👆)

&&&&&&&&&&&

وليد ، من كالي الدكتور على مرض اساور واني ماادري شصار بيه احس جسمي كله كام يرجف وكلبي وكفت دكاته ونفسي ضااگ نسيت روحي ونسيت مرسي ونسيت كلشي ركبت سيارتي واني ما ادري وي مقصدي او ووين اريد اروح ، بس اريد اروح لمكان هيج حتى ولو اطلع شوية من حرگة كلبي بي ،

ما حسيت على روحي غير واني واكف بسيارتي بالكراج مال النجف التتوكف بي السيارات ومنهه نروح لعلي ابن ابي طالب ( ع ) ، نزلت واني كوة امشي من خنكتي بس مو خنكة من ورة مرضي لا خنكة قهر وحزن وكلبي يوجعني وجع مو طبيعي زايد عليه خنكتي ،

بس صارت كدامي كبة امير المؤمنين (ع) ، صارت كدام همويمي وقهري وحزني وضيكة صدري كدام عيني وخنكتني العبرة ، طبيت للتفتيش ودخلت للصحن واني اريد بس اوصل للشباك والزمة واكعد اشكي همي وحزني لداحي باب خيبر طبيت بالضريح وجانت خفيفة لان مو وكت زيارة ولا شي ، وصلت للشباك ولزمتة ودموعي وحدهن اخذن مجراهن على خدي ، خليت راسي على الشباك وكمت احجي بحرگة :

وصلت يمك ، ياقاضي حاجات العالم اجيتك يامن من افترت بيه الدنيا ما لكيت احد غيرك اروحلة ، يا علي يامگصد كل محتاج ، يا شافي كل مريض اجيتك واني مالي غيرك اروحلة واوصلة واشكيلة همي ومحد يفرج همي غيرك ، والله مااكدر اعيش بدونها ، ممشي عليك حبيبة كلبك فاطمة تشفيها واني ادري هذا المرض ماله غير الله وغير فزعتكم يا اهل بيت الرحمة ، فدوة اروح لاسمك لا تخيب ضني وتكسر ضهري بيها ترة والله روحي معلگة بيها ، ربي بجاه صاحب هذا المكان الشريف اخذ من روحي ومن عافيتي وخليهه على عافيتهه ، وضليت اندب امير المؤمنين وانخي ما يردني خايب ، لمن حسيت ايد على متني رفعت راسي شفت رجال جبير لحيته وشعرة كلهه بيضة وشكد وجهه مريح وبي نور صدك ارتاحيت من شفته ، كالي ،

الحجي بصووت مريييح : مو عيب عالرجال يبجي ، هاي عود احنا العراقيين الشفنا مصايب ومصايب محد شايفها ، ليش تبجي ، مات الك احد كول انا لله وانا اليه راجعون ،

عندك ام ، حبيب ، اخو ، صديق ، ابو ،عم ، خال مريض كول الحمدلله وعسى ان تكرهوا شيئا وهو خير لكم ، عندك دين اسعى وسددة هو ربك كال اسعى يا عبدي واني اسعى وياك ، عندك احد غايب وما تعرف اخبارة ادعي الله يرجعه الك دور علي ما لكيته كول الحمدلله ، عندك واحد عزيز عليك زعلان عليك ومجافيك هم كول الحمدلله ع الاقل عايش وتكدر تشوفة ، شني بعد الشي الينبجي علي يبوية احنا العراقيين تعلمنه نبلع الهم والقهر ونسكت ونكول الحمدلله ،

عندك اني كدامك والله بأنفجار واحد راحوا مني امي وابوي واخوتي سوية وجان عمري بوكتها ١٤ سنه واشتغلت ونمت بالشارع اربع سنين اني انام بالشارع لمن الله فتحهه بوجهي وصار عندي خير يغطي عين الشمس وحبيتلي وحدة وكتلت روحي يلا اطونياهه وهم اخذتهه وهي بيها مرض ماله دوة وما منه گومة وما بطلت منها ركضت بيها من طبيب لطبيب وكلهه تكلي اكعد بالبيت واسكت ،