انجبرت اكون زياد لجل اعيش (مكتمله )

البارت العشرون

ريم ناظرته بنظره خبيثه : الحب اجل
فهد يغير الموضوع : تاخرنا على خالد قومو يالله
ريم الا صدق اهو راح واتصل علي وين راح : يالله بس دقايق بالبس جزمتي واجي
دق الباب وهي متوجهه لغرفتها ورجعت فتحت
ريم : طلال احمد ووليد ياهلا
طلال على طول ضمها : اخبارك اليوم والله
كان بيكمل سحبه احمد برا ووليد حب يغير الموضوع
احمد بصوت واطي : صاحي انت الولد امس صاير له السالفه
طلال يتصنع الحزن : بس ليه خلوني اسلم عليه ابي اتطمن انه بخير
ضربه احمد : صاحي انت هذا هو قدامك بخير مافيه شي لا تتكلم وتذكره
طلال بنكسار : طيب
ريم مستغربه : شفيك طلال ؟!
طلال مشى : ولاشي
ريم راحت عنده ورفعت راسها وحطت عينها بعينه لانه اطول منها وبالنسبه للعيال نفس الحكايه  كلهم طوال اطول منها : وش فيك ؟!
طلال ابتسم : ولاشي قلت لك لاتحاتي
فهد والشبس بفمه : اتركه عنك ذا بس يتدلع
ريم ابتسمت ومسكت يده متوجهه للغرفه
دخل خالد : على وين ان شاء الله
ريم والكل التفت عليه : بروح للغرفه
خالد عطاها نظره اما ريم ما التفتت له وراحت لغرفه مع طلال فتحت دولابها وهو واقف مايدري وش تسوي فتحت الدرج طلعت علبه
طلال : شفيك زياد ؟!
ريم : دقيقه
بالصاله كان خالد معصب من حركتها والعيال يعرفون ان خالد مايحب احد يدخل غرفته ابد الا ببيته اما بالمدرسه لا والكل ساكت ينتظر القنبله تنفجر  اما ريم طلعت اسواره وربطتها بيد طلال
ريم مبتسمه وتربط الاسواره كانت رجاليه : هذي خلها معك ولا عليك من العيال واي شي بخاطرك لاتسكت وقله
طلال لعب في شعرها وتذكر اخته : تصدق انك تذكرني باختي
ريم رفعت راسها : جد ؟!
طلال : اي والله
ريم : احلى شي يالله نروح
طلال : طيب
ريم : روح انت قبلي بجيب جوالي والحقك
طلال طلع دخل الصاله كل الانظار عليه
خالد حاط رجل على رجل وينتظر يخلصون
طبعا فيه شخص احيان مايهتم لعصبيت خالد واللي هو طلال  : شفيه ذا
خالد عطاه نظره : وين زياد
طلال : يقول بيجيب جواله
ريم دق جوالها : الو
اروى : هلا انت اللي قلت لي بتخليني اشوف زياد صح
ريم : اي انا
اروى : متى تبغى نلتقي
ريم : الحين يناسبك تروحين للمجمع ؟!
اروى : اي عادي
ريم : روحي وروحي للمحل ""
اروى بخنقه  : وعد اني بشوفه
ريم حست بصديقتها : اي وعد
اروى : مشكوور
ريم : العفو يالله بروح انا الحين
وطلعت كانو الكل طلع ماعاد خالد
خالد ببرود : يالله
وفتح الباب مسكت يده : ادري انك معصب بس لاتعصب مابي احد يتضايق مني او يتضايق علشاني لاني يمكن ماطول و
خالد قاطعها : مايحتاج تبررين بس انا ماحب احد يدخل غرفتي
ريم ناظرته بفهاوه : خالد عادي اطلب طلب
خالد : وش
ريم ابتسمت : لا خلاص مافي شي
خالد سحبها وقفل الباب : طيب امش وانت ساكت
انتبهت للشباب الثلاثه اللي اول مادخلت قالو مارح تكمل اسبوع ابتسمت لهم ورفعت راسها لخالد انتبه لها حط يده على كتفها اما العيال الثلاثه يتهامسون
ريم ضحكت خالد : وش صاير
ريم : لما جيت اول يوم قالو اني مارح اكمل ٣ ايام معك
خالد : صدق بصراحه بالبدايه مابلعتك بس مدري وش اللي خلاني ارتاح لك
ريم : وتقولها بوجهي
خالد : اجل من وراك
وصلو للبوابه وشافو السيارات طبعا سيارتين
خالد : الحين زياد وطلال ومحمد معي الباقي بسياره ثانيه
فهد بخبث : ماكانك صاير تتلزق بزياد كثير
ريم 'وهي متوجهه للسياره : وانت ماكانك صاير تحشر نفسك بيننا ؟!
فهد التفت وركض وراها طوق رقبتها وتعلق فيها وطاحت عليه : اخخ قم مني يازياد لو انك دب
ريم تمسك يد محمد وتقوم : تستاهل من قال لك تسوي حركات البزران
خالد ضرب فهد : كم مره قايل لك لاتقربه هاه
منصور ياكل فطيره : وحده مني زياده ياخالد
خالد ضرب فهد بس جات الضربه بريم فهد فتح عينه وشافها قدامه
فهد : هيه زياد فيك شي
ريم تعورت من ضربت خالد : لا مافي شي
خالد : بزر انت وش هالحركه ؟!
ريم : وش سوا يوم تضربه
خالد : هفف اخلص اركب قدامي انت وياه يالله
ركبو السيارات وراحو 
خالد اللي يسوق طبعا السيارات كانت من احدث الموديلات : تعورك
ريم مسكت كتفها : شوي بس بيخف
وحست بنغزه بالجرح اللي بخصرها
ريم : الحين وش جدولكم هناك جد !!
طلال : انا بروح اخذ لي بدل جديده
محمد : ابروح اشتري عطور
ريم التفتت لخالد : وانت
خالد وهو يناظر الطريق : بروح اغازل
طلعت لسانها : بزر للحين الناس يغازلون ماماتو
خالد التفت عليها : يعني ماني وسيم علشان اغازل
طلال : بالعكس يازياد انت ماتعرف خالد البنات اللي يجرن يعطونه الارقام
ريم : الله يستر منك بس واضح انك منت هين
خالد : علشان ماتتفلسف
ريم : تووووبه
خالد : اقول محمد معاك بوكك ؟!
محمد : تبي البطاقه ؟!
خالد : اي اذا هي معك خلنا نستغلها
ريم مو فاهمه طلال فهم عليهم وضحك : بيروحون للملاهي
ريم تغير وجهها : لا لا مارح اروح انا
خالد لاحظ تغير تعابير وجهها وانها بدت ترجف : خلاص مارح نروح اهداء
ريم استوعبت على نفسها وعضت شفايفها بقوه