انجبرت اكون زياد لجل اعيش (مكتمله )

البارت السادس

وصلو للفصل وحاله ريم مثل ما اهي مخطوف لونها وللحين تتذكر الموقف
فهد : زياد تعال ابيك وانت ياخالد
خالد ما التفت يدري انه ماعنده سالفه
راحت ريم وجلسو يسولفون ويضحكون وبعد دقايق خالد يذاكر للدرس وطلعت من الفصل بعد دقايق
خالد التفت عليهم : عيال وين زياد
فهد : قال بيروح دوره المياه
خالد فتح جواله يالله غبي انا ماسجلت رقمه
وراح للحمام حصلها تغسل وجهها التفتت له وابتسمت
ريم : شفيك ؟!
خالد يسوي نفسه : لا بس كنت ابي الحمام
ريم : طيب ادخل
خالد برتباك : اي بدخل اجل بنتظرك
ريم ضحكت عليه انبسط انه غير من نفسيتها شوي : بنتظرك انا يالله لاتطول
خالد : طيب
دخل مايدري وش يسوي اصلا كان يدورها
ستووووووب
~ تعريف عن الشخصيات ~
طلال : ملامحه هاديه جميل وشعره اسود جسمه مرتب مايحب المشاكل ابد بس اذا تعلقت باصدقائه يوقف معهم
منصور : عيونه عسليه شعره اسود جسمه معضل بس خفيف يحب يتهاوش دايم وتكون الاضواء عليه
فهد : شخصيه اجتماعيه عكس الشله كلها وبالاخص خالد يحب حلو وشعره لونه اسود على بني
محمد : شخصيه حنونه بختصار فاقد حنان دايم يضم الشباب ومسوؤل عن الطبخ
احمد : شخصيه جديه بس نادر يحب يهتم بمظهره كثييير
وليد : يحب المقالب ويحب يزعج الناس مشاكس بختصار
فارس : شخص متنكر على هيئة طالب بالاخص حارس شخصي ل منصور لانه من عائله غنيه ومشهوره
عبدالله : شخص اجتماعي يحب يتعامل مع الاشخاص باسلوبهم طبعا مخلص دراسه بالجامعه وتوظف بنفس المدرسه اللي درس فيها ..

~نرجع للروايه ~

خالد جاته رساله من تركي ضرورررري اشوفك اليوم
ارسل له خالد الوقت والساعه وطلع
شافها تكلم غريب اول مره اشوفه يكلم
جاء من وراها وسمعها تقول : طيب متى تبي اجي ؟!
وسكرت بعدها على طول
ريم : يالله نروح ترا تاخرنا ٣دقايق
خالد : تتسابق
ريم ركضت قبل يعد وهو يلحقها اما الشباب بالممر مستغربين هذا خالد ؟!
ريم دقت الباب بعد ماعدلت نفسها وبنفس اللحظه مسكها خالد وخافت وتقدمت وطاحت داخل الفصل لان الباب كان مفتوح والاستاذ انصدم خالد واقف وجهه احمر فيه ضحكه بس ماسكها والاستاذ انصدم وبعدها كل الفصل ضحك عليها مد يده لها
الاستاذ : هذا وانت اول حصه عندي تعرف عن نفسك عدل
ريم وجهها احمر ماتدري وش تقول : اسف استاذ
خالد بعد عن الباب وضحك
الاستاذ: وانت ياخالد وبشويش على خويك
ريم وجعتها الطيحه بس جلست تتبسم لخالد وجلسو باماكنهم وكملو حصص ولما جات الفسحه طلعو
خالد لعب بشعرها : اسمع زياد بخليك الحين عادي بتنتبه لنفسك عدل ؟!
ريم ابتسمت وبنفس الوقت خايفه : وين بتروح
خالد :عندي كم شغله بخلصها واجي
ريم لا لاتروح : طيب خلاص روح ليه تقول لي ؟!
خالد علشان مايصير لك شي وتغيرت تعابيره للحزن : لا بس كذا علشان ماتحاتي
ريم ابتسمت : لا روح ماعليك
خالد : طيب عطني رقمك علشان ارسل لك
ريم طلعت جوالها وارسلت لخالد : هذا رقمي جاك
خالد : طيب مارح تروح تاكل ؟!
ريم : لا بس مالي نفس
خالد: اذا رجعت بتاكل فاهم ؟!
ريم ابتسمت وهي تلوح له

وش يبغى تركي من خالد
وريم وش رح يصير لها مع الابطال
   ورامي وجهاد وش قصتهم مع ريم ؟!
كل هذا رح نعرفه بالجزء الجاي