انجبرت اكون زياد لجل اعيش (مكتمله )

بارت ٤١

حازم عقد حواجبه وعض على شفايفه : مازن مع ابوي ؟!
ريم هزت راسها بالايجاب
حازم ضرب الجدار بقوه وكمل ضرب راحت تركض مسكت يده : بس بس
حازم بكامل عصبيته : كيف بس وانتي كل هالشي صار لك من اقرب شخصين لي
ريم ببتسامه باهته تحاول تهديه : اشش هدي مارح يصير شي لما تضر نفسك لازم نهدا ومانحسسه بشي علشان نقدر نمسكه
حازم سند راسه على كتفها وعيونه مليانه دموع هذي البنت اللي وعدها انها يحميها ويحافظ عليها لما تتزوج يصير فيها كل هذا وهو مو مصدقها كانت بتبعد مسكها حست بدموعه على كتفها ضمته
~طبعا رح تسالون ايش العلاقه اللي بينهم هم تربو من كانو صغار انهم مايفترقون ابد لما قررو يزوجونهم وهم رافضين الفكره لان كل واحد يعتبر الثاني اخ له ~
حازم مسح دموعه ورفع راسه : رح اخذ حقك منهم لاتحاتين
ريم ابتسمت ومسكت وجهه بيدينه : ربي لايحرمني منك
حازم مسك يدها : ولا منك يالله تامريني بشي وقفلي الباب بعدي واذا احتجتي اي شي كلميني
ريم : ان شاء الله
طلع وقفل الباب جلست تناظر البيت وكل الذكريات تمشي قدامها حست بصراع قوي داخلها ماتدري وش السبب دق جوالها راحت تدوره بين الاغراض اللي رمتها بالارض
خالد ؟! شفيه غريبه
ريم تحاول تخلي صوتها عادي : هلا
خالد بستغراب : وينك انت ؟!
ريم : طلعت
خالد منصدم : طلعت وين وكيف
ريم : طلعت
خالد بنكسار : طيب عادي اقابلك اخر مره
ريم : بشوف وارد لك خبر ومنه برسل لك العنوان
خالد : انتظرك
جلست تفكر وقررت تقول لحازم اول اتصلت عليه
حازم بمزح : مسرع ما اشتقتي لي
ريم ضحكت على كلامه : ماشتقت ابي اطلب منك طلب
حازم استغرب : وش
ريم مادري ايش اقول لك او كيف اقول لك بالاصح : امم حازم ولا اقول خلاص خلاص
حازم بجديه : قولي ايش فيه
ريم : حازم فيه واحد كان معي بالمدرسه ويبي يقابلني يقول فيه كم شي نسيته عادي اروح له
حازم تنهد : بشكلك زياد
ريم : اي
حازم : تجهزي طيب بروح لبيتنا ابدل واجي
ريم ابتسمت : طيب
حازم سكر منها كان واقف قدام بيتهم وجاته فكره نزل دخل البيت
الجدة : جيتيي يابنتي
حازم : لا ياجده هذا انا ببدل واطلع مع ريم تبي تشتري ثياب وبنجي
الجدة تنهدت وابتسمت بثقل : انتبه لها ياوليدي ترا للحين جروحها ماطابت
حازم : ابشري
بدل وطلع تعطر من عطره اللي بالسياره
نروح لريم شافت الرساله فتحتها
السلام عليكم
مدري اذا رح تكوني موجوده وانا موجود او لا بس حبيت اقول لاتكملين بمسرحيتك صح انا صدقتك بس غيري مارح يصدقك ويمكن يصير فيك شي تندمي عليه انا حبيت زياد وشخصيته وانه يذكرني باقرب شخص لي بس ماتوقعت انو يصير كذا ويكون زياد بنت صح اني صرخت عليك بالبدايه بس للحين بصرخ وابعدك عني لاني ماطيق البنات اللي يسوون تصرفك صح اني ماعرف الظروف اللي مريتي فيها ولا شي بس ابنهي الرساله لاني ماعاد فيه حكي بيننا وما ادري اذا بترجعين او لا بس انتبهي لنفسك والحمدلله انك بنت منتي ولد

مشاري

ريم دموعها تنزل وبتد تصيح ليشش يصير كذا انا كل ما اتعلق بشخص يصير شي وينتهي كل شي ليييه
سمعت جوالها تذكرت حازم مسحت دموعها وغيرت صوتها : هلا
حازم : يالله انا عند الباب
ريم : يالله جايه
لبست بنطلون اسود وبلوزه بيضاء فوقها جكيت جنز وطالع شكلها يجنن
حازم فهى فيها : شهالجمال
ريم ضحكت عليها : ماخذه من جمالك
حازم طلع العطر ورشها فيه : كذا كويس
ريم اكتفت ببتسامه وطول الطريق تفكر كيف رح يكون لقائها مع خالد راحت لكوفي بعيد عن الزحمه وهادي
ارسلت له الموقع وهم بالسياره
حازم مسك يدها : تحتاجيني ؟!
ريم ابتسمت : لا بتروح !!
حازم : اي بروح اخلص كم شغله جد ماتحتاجيني ؟!
ريم : اي تطمن مارح يصير شي ان شاء الله
حازم : زين
ابتسم ومسك يدها وباسها حمرت خدينها وسحبت يدها
ريم : وش تسوي
حازم : ابي احرجك وش اسوي بعد
ريم طلعت لسانها وجات تنزل
حازم مسك يدها : دقيقه ماتبين فلوس
ريم ضربت راسها : نسيييت فلوسي بالبيت
حازم طلع بوكه وطلع بطاقه كانت دايم تستخدمها : خذي واذا احتجتي زياده ارسلي لي وارسل اك على طول
ريم : شكرا يالدب
حازم ناظر نفسه : الحين عضلات وجسم مرسوم واخر شي تقولين دب روحي روحي الشرهه علي مو عليك
ريم : باي حبي
حازم ضحك على استهبالها وحرك السياره يسوي اللي بباله
جلست بطاوله وطلبت مويه بس بعد ربع ساعه دخل وكان لابس ثوب وشماغ وطالع شكله يجنن لابس نظاره شمسيه كانت معطيته ظهرها مشى متوجه لها حط يده على كتفها
خالد ببتسامته المعتاده اللي تسحر : اخبارك
ريم  وقفت ومدت يدها وهو بادرها بنفس الشي : بخير وانت
خالد : بخير الحمدلله ماعلي
جلسو ريم تناظر الطاوله ومنزله عيونها خالد مايدري شيقول قطع عليهم صوت القرسون
القرسون : امرو حابين شي تطلبونه
خالد طلب عصير ومويه ريم طلبت قهوه بارده
ريم كانت بتتكلم بس تكلم خالد : طبعا رح تساليني ليش جايبك صح ؟!
ريم هزت راسها بالايجاب
خالد بلع ريقه مايدري كيف يتكلم او يفتح الموضوع : انتي نقلتي او سحبتي ملفك
ريم : لا سحبت ملفي
خالد : ليه وش صاير ؟! فيه احد ضايقك ؟!
ريم : لا بالعكس مافي شي
خالد : اجل وش صار ليه طلعتي مو قلتي مارح تطلعين الا لما تهداء الاوضاع ويعرف ولد عمك عن ابوه
ريم : اي وهذا اللي صار
خالد فتح فمه مصدوم : كيف وش صار
ريم  تكلمت معه عن الموضوع بالتبسيط وحكت له عن مشاري
خالد : اي مشاري ارسل لي اذا انا اعرف انك بنت او لا ولا رديت للحين لين افهم الموضوع
ريم دموعها تجمعت بعيونها ولا تدري وش تقول لخالد
خالد : تحبينه ؟!
ريم ناظرته مصدومه ونزلت دموعها : ايش
خالد ابتسم بحنيه : شوفي تقدرين تخفين عن الناس الا علي صح فتره قليله كنت معك بس بالعكس عرفتك عدل
ريم ببتسامه سخريه : ووش يفيد الحب
خالد : كلمتيه
ريم : مايبغى يكلمني وانا خلاص قررت انسى اصلا
خالد بستغراب : مو طبعك وش صاير ولا ليكون ناويه تتزوجين ولد عمك
ريم : لا من قال
خالد : ادري عنك اجل ليه تقولين ماتبين تكلمينه
ريم : خالد خلاص انا رجعت لحياتي الطبيعيه وهو مايبي يسمع وماسمع مني بالبدايه وش تبغاني اسوي اجبره يسمعني
خالد تنهد وشرب من العصير : من جايبك ؟!
ريم : حازم
خالد ابتسم : الحمدلله يعني الامور رجعت لمجاريها تقدر خويتك ترجع
ريم : هالفتره لا لانها تقريبا بدت كورس لما راحت وباقي اسبوع وترجع
خالد : اها الله يوفقها وانتي هذا اخر لقى بيننا اتمنى تكوني مبسوطه بحياتك
ريم ابتسمت : امين وانت بعد
بدو يسولفون عادي بعد ساعه ارسلت لحازم وقال لها انه رح يجي
حازم : مشاء الله هذا كان معك بالمدرسه
ريم : اي
حازم : دقيقه خل انزل اسلم احس فشله
ريم : تعال اجل
نزلو وتوجهو لداخل وكان خالد يناظرهم وهم بالسياره ولما نزلو بالبدايه توتر مايدري ليه
ريم وهي تفتح الباب : لاتفشلني
حازم بضحكه وستهبال : الله اكبر من كان يفشلني دايم
ريم انحرجت : خلاص عاد انسى
حازم : زين
تقدمو له
ريم : خالد هذا حازم ولد عمي وحازم هذا خالد
حازم : ماتعرف تعرف زي الناس
ريم : لا طالع عليك
ضحك خالد عليهم : هلابك انا خالد
حازم : تشرفت فيك ياخالد يالله مانطول بس حبيت اسلم بما اني مريت مع هالخبل
ريم كانت سرحانه : من ؟!
حازم : انت
ريم : اي انا
حازم وخالد ناظرو بعض وضحكو عليها : يالله نروح نستئذن احنا
خالد : بمان الله وانا ماشي بعد
كل واحد راح سيارته
حازم : عندي لك مفاجئه
ريم تنهدت وغمضت عيونها وسندت راسها على وراء: وش ؟!
حازم : غريبه مو متحمسه
ريم : حازم فيني نوم
حازم : طيب بعدين اقول لك
ريم : طيب
حازم غريبه هالبنت وش فيها توها مافيها شي