انجبرت اكون زياد لجل اعيش (مكتمله )

البارت الثالث

مشو للفصل وهم ساكتين
دق الباب
الاستاذ : ادخل فهد
فهد دخل اما ريم جلست برا مستحيه تدخل والفصل كله عيال
فهد بهمس للاستاذ : فيه طالب جديد معي
الاستاذ : وينه
فهد التفت وراه وين راح ذا : دقيقه استاذ
وطلع شافها واقفه
فهد يضحك : وش فيك تعال ادخل
ريم تناظره وخدهينها حمرت : منحرج
فهد سرح فيها ياربي وش هذا ولد ولا بنت : اقول امش اخلص
مسك يدها وسحبها لداخل
الاستاذ : شكل الطالب الجديد داخل صاله زواج على هالسحى
ريم رفعت راسها بعد ماسمعت الكلام وتمالكت نفسها  : لا مين قال
الاستاذ : اجل تعال تفضل ادخل اجلس مكانك وقبل عرفنا على اسمك
ريم : زياد
الاستاذ : شوف المكان هناك فاضي روح له
وكان بجنب النافذه وجلست كان الكرسي اللي بجنبها فاضي
وكملو ٣ الحصص
فهد ققطع سرحانها : اقول زياد تجي الغرفه اعرفك على الشباب
ريم ياربي وش هالورطه اللي ورطت نفسي فيها : والله مدري تعبان اليوم ناجلها شوي
فهد بحزن : اوه حررام
ريم حنت عليه وماقدرت لزعله : وش فيك خلاص بجيك بجيك
فهد بفرح : صدق اخيييرا
ريم ضحكت عليه
فهد التفت : الا صدق بعرفك على نص الشله
وجلس بجنبها وبدا يعدد
احمد فارس طلال محمد منصور وباقي خالد و وليد
ريم بفضول : اي واحد منهم اللي معي بالغرفه
فهد مستغرب سوالها : خالد
طلال : اقول زياد غريب داخل هالمدرسه ؟!
احمد : جد شكلك مايدل على انك يعني اعذرني بس غني
ريم : يعني محد يدخل هالمدرسه الا الاغنياء
منصور : فيك تقول كذا
ريم : اها لا والله انا وريث عايلة ال ****
العيال فتحو فمهم
محمد منصدم : تمزززح صح ؟!
ريم : لا والله ليه امزح
فارس : هذول مايدخلون مدارس هذولي يجونهم المعلمين بالمكان اللي هم فيه
ريم ضحكت عليهم ورن الجرس
فهد ببتسامه حنان : على العموم تشرفنا فيك
ريم بادلته ببتسامه ورجعت تناظر الغابه الموجوده اللي برا وراء السكن انتهى الدوام وتفرقو على ان يلتقون الليل
دخلت الشقه وشافت اغراض بالطاوله ومبعثره
ريم : اووف اكيد جاء اللي معاي بالغرفه
وحطت اغراضها بالطاوله وراحت للغرفه تبدل كان توه صاحي من النوم وعيونه

~ وصف~
ريم شعرها كستنائي وعيونها رصاصي وبيضاء وناعمه

خالد ملامحه حاده اسمر سمار حلو وعيونه بني فاتح وشعره اسود وجسمه معضل

~~
صحى من النوم وانتبه للصوت بالغرفه دخلت له رفع راسه ويناظرها بنظرات حاده
ريم رجعت على وراء ياربي هذا ملاك ولا وش غبيه ليه ما انتبهتي له قبل صح : انت
خالد بنظره تفحص : وش تسوي هنا ؟!
ريم بتوتر بس حاولت تتمالك نفسها : امم انا ساكن معك هنا
خالد قام ولا اهتم لها وراح للحمام ريم خذت نفس ياربي بمووت بنكشف انا ليش حطيت نفسي بها الموقف ياربي بعد دقايق طلع خالد واخذ جواله وطلع للصاله
خالد وللحين نظراته بارده : الا وش اسمك
ريم سرحانه
خالد وهو يتقدم لها :هيه انت
ريم انتبهت : هلا وش
خالد نفس التعابير : وش اسمك ؟!
خالد طبعا شخص ملامحه جاده نادر يضحك باسباب
ريم نزلت راسها : اسمي زياد
خالد : طيب يازياد انتبه لنفسك
وطلع راح للصاله
ريم وش يقصد ذا انتبه لنفسي ؟!
اخذت ثياب ودخلت للحمام وبدلت انتبهت لاذنها اخذت ضماد وحطته عليه ولبست وطلعت شافت على الطاوله اكل وورقه : بالعافيه
ريم يالله والله طلع طيب هالخالد بس مايحب يبين شكله