انجبرت اكون زياد لجل اعيش (مكتمله )

البارت ٣٠

ريم : هلا يستاذ
ا. عبد الرحمن : تبغى ااجل الاختبار لبكرا
ريم استغربت : ليش
ا. عبد الرحمن : هذا طلب من ا. صالح اني ااجل لك الامتحان
ريم ابتسمت : لا ياستاذ بمتحن اليوم مع اخوياي
ا. عبدالرحمن ابتسم وحس براحه : طيب بس ترا نموذجك غير عنهم
ريم رفعت حاجبها : كيف
مشاري : استاذ اذا تسمح لي زياد متحديني انه يجيب كامل من بين اخوياه فا اذا سمحت اتركه يمتحن مثلهم
ا. عبد الرحمن : اجل بعد امتحاني ترجع للسكن ترتاح
ريم اصلا كنت ناويه استئذن بس الحمدلله جات من الله وبتصنع : بس ياستاذ
ا. عبد الرحمن : ولايهمك فاهمك انا بكلم الاساتذه
ريم:مشكووور يستاذ والله مشكور
ضحك عليها طلعت مع مشاري وحط يده على كتفها
ريم رجفت بس حاولت تخلي الوضع طبيعي : يالله مارح تروح لدرسك ؟!
مشاري : الا بس طمني لطلعت زين
ريم : ان شاء الله
راحت الفصل تتبسم طول الوقت ماتدري ليش فرحانه وبنفس الوقت تحس بشي بصدرها يعورها تجاهلة هالشعور
مرت الحصص وجاء وقت الفسحه
ريم : اخخ اخيرا بريك من الصداع
خالد يبتسم : وش صار معك ؟!
ريم ابتسمت وسندت نفسها على الكرسي : ابد مافي شي صار الا انه كان استاذ عبد الرحمن يبي يغير الامتحان ويسهله لي
خالد رفع حاجبه وتغيرت تعابير وجهه : شالطاري
ريم هزت كتوفها : انا قلت نفسك بس طلع استاذ صالح قايل له
خالد : اها كذا الموضوع
ريم : يس وبعد شي ثاني
خالد : وش ؟!
ريم : امم لا مارح اقول الا بعد الامتحان
خالد عطاها نظره : قول اخلص علي
ريم : بطلع
خالد فتح عيونه على الاخير : وين ؟!
ريم : برجع السكن استاذن لي استاذ صالح ارجع اريح
خالد غريب هالمدرس فجاءه يعطي عقابات بدون سبب وفجائه يحن على الشخص
ريم تاشر له : اللي ماخذ عقلك
خالد انتبه : هاه لا معك
ريم : واضح معي من اليوم اكلمك ماترد
خالد : معليش مانتبهت
ريم تغيرت للجديه وصوتها اتركوه على جنب مافيني احكي لكم عنه مزكمه والحراره تروح وتجي وصوتها رايح فيها : المهم ابقول لك اني اليوم بروح مع حازم
خالد بجديه : بروحك ؟!
ريم : اي واي شي يصير بتصل عليك على طول وبختار مكان عام
خالد للحين مو مستوعب الفكره : ماتوقعها فكره كويسه
ريم : تكفى اتركني اجرب هالمره يمكن اقنعه بصفتي صاحبه او شي زي كذا انه مايتزوج البنت اللي يطاردها
خالد بتفكير : فكره ماطرت لي بس بنفس الوقت للحين خايف عليك
ريم : لاتخاف مايحتاج تخاف علي
تنهد مايدري وش يقول لها
بدا الامتحان قدمت عدل وطلعت النتايج تطلع بكرا
رجعت السكن وارسلت لمشاري انها بتنام
مشاري رد عليها : تمام تغطى عدل علشان ماتبرد
بنفس الوقت شافت حازم متصل اكلمه اقابله الحين او العصر خل اسولف واشوف وش بيقول
ريم:سلام فيس يبتسم
حازم : هلا وعليكم السلام
ريم : وينك!!
حازم : بالدوام والله وانت
ريم : اها لا عطوني اجازه اليوم
حازم : فيس قلقان فيك شي ؟!
ريم : لا امس تعبت شوي واليوم عاد عطوني اذن
حازم : اها كويس وكيفك الحين ؟!
ريم : بخير متى ودك نتقابل
حازم : انت لمتى تقدر تطلع
ريم : عادي اطلع المغرب ارجع ١١
حازم : حلو منه نتمشى ومنه نتعشاء
ريم : خلاص تمام اذا جيت المكان اتصل علي وبكون موجود
حازم : انتبه لنفسك
قفلت محادثته وانقلبت على ظهرها تناظر السقف وش رح اكتشف فيك ياحازم من اشياء جديده والله خايفه وبنفس الوقت مشتاقه لك
وبعد تفكير نامت بشكلها المبعثر انتهى الدوام وتقابل خالد ومشاري وكل واحد راح غرفته
مشاري غريبه الغرفه هاديه وين راح دخل داخل شافها نايمه وللحين الجزمه عليها وماهي متغطيه ضرب جبهته وش مسوي ذااا
عدلها وشاف ورقه بجنبه : اذا حصلتني نايم صحني ٥ عندي شغل ضروري
مشاري عقد حواجبه : شغل ضروري ؟! ياترا خالد يعرف ليه خالد لازم يعرف مو لازم
رتب الغرفه ونام صحى ٤ بدل وتروش وتعطر مايدري ليه وده يطلع اليوم ووده يطلع معها بس انها عندها شغل جات ٥ صحاها راحت تتروش ولبست بدله مرتبه طالعه تجنن فيها اول ماطلعت مشاري صفر
مشاري : ايش هالجمال
ريم وهي تلف : شرايك ؟!
مشاري : وربي لو بنت تزوجتك على هالجمال
ريم ضحكت انا بنت اصلا : شكرا مايحتاج
مشاري : اقول طير بس مصدق نفسك
ريم انتبهت : وانت بعد كاشخ على وين ؟!
مشاري ببتسامه تجنن : رايح اقابل خطيبتي
ريم بفهوه : انت خاطب ؟!
مشاري : ليه ماتدري
ريم : لا
مشاري : اقول الساعه ٦ مارح تروح
ريم راحت تركض واستوعبت رجعت مدت يدها له وهو مد يده مستغرب : مع السلامه
مشاري بصوت عالي : اذا بغيت شي اتصل
ريم اشرت له من بعيد ركبت التكسي بتروح لحازم وهي متوتره مره ماتدري ليش خايفه بنفس الوقت لا لازم اكون شجاعه واشوف اخر هالسالفه لاني طفشت من عيشتي كذا

حبيباتي مررررره انبسطت بتفاعلكم معي بالروايه واتمنى هالدعم يبقى دايم لانو هو الشي الوحيد اللي يحمسني ممكن اكتب بارتات طوال او اكتب اكثر من ٢ وبنفس الوقت رح اخذ رايكم بشغله تبغون نطول الروايه او نختصرها واسوي روايه جديده