انجبرت اكون زياد لجل اعيش (مكتمله )

البارت السادس والعشرون

خالد : شيبي فيك ؟!
ريم بعدم اهتمام : مدري يقول تعال بعد الدوام
وبعدها استوعبت انه اللي كان يناديهم بالممر وتوترت
الاستاذ : زياد تعال حل هالمساله
قامت حلتها ورجعت مكانها وقوم كم طالب وبعدها قومها
خالد : استاذ ابي اشارك انا بعد
فهد انتبه لخالد وانه مستحيل يتكلم ويجاوب عرف انه فيه شي : وانا يستاذ كله زياد ؟!
الاستاذ بصبر : قوم يافهد
ورن الجرس يعلن نهايه الحصه
الاستاذ وهو يام اشيائه : زياد لاتنسى نهايه الدوام
ريم اومئت بالايجاب
وطلع الاستاذ مرت الحصص عادي وجات الفسحه
خالد : شيبي فيك ؟!
ريم ناظرته بفهاوه وبعد فتره : وش فيه مدري اشوفه بعد الدوام
سمعت صوت جوالها
ريم : الو ..هلا الحين اي عادي تمام جايك
ريم مشت من عندهم
خالد :زياد على وين
ريم : تعال اذا ودك
خالد قام ولحقها مشى بجنبها : على وين
ريم ناظرته وابتسمت :خالد عادي اقول لك بس اتمنى ماتسوي مشاكل
خالد ناظرها بشك
ريم ناظرته نظره استغرب منها وببسمه : بنروح لمشاري واتمنى جد ماتسوي مشاكل
خالد تنهد : وش تبين فيه
ريم : بروح له يبي يقول لي شي مدري وش
خالد : طيب
وصلو للفصل
مشاري قام من عند شلته : هلا وغلا زياد
ريم : هلابك
مشاري ياشر لاخوياه: بروح شوي وارجع
العيال اشرو له بمعنى روح
مشاري ابتسم والتفت لخالد : زين انك جيت علشان ماتعب زياد بكرا اتوقع عندكم امتحان
خالد ناظر ريم مو فاهم ولاحظ مشاري
مشاري كمل : ابغى تجتمعون وانا اللي بدرسكم وقول لخوياك اللي حاب يجي لان اتوقع كلكم بنفس الفصل
ريم : صح صدق جبتها
خالد يفكر
ريم التفتت له : هاه وش قلت
خالد مشاري شاطر بكل مواده واكيد قال لريم وهي اللي طلبت يدرسها ولا مارح يتكلم من كيفه :تمام بكلم العيال ونتقابل بشقتك بس متى
مشاري : تريحون العصر وتجون المغرب
ريم تذكرت شي : مشاري صح بروح انا استاذ الرياضيات يبغاني مدري ليه بعد المدرسه
مشاري تغيرت ملامحه : اي واحد اوصف لي شكله او وش لابس اليوم
ريم : ثوب وشماغ عادي بس شعره شوي طويل من وراء
مشاري : تمام بس انتبه منه هالمدرب احيان يحط طلاب براسه ويمشكلهم
ريم حست بخوف : تمام لاتحاتي
كل ذا وخالد موجود وحس بقهر انه مشاري صار اقرب لها منه
ريم تمشي : خالد
خالد : وش
ريم : عادي اطلب منك طلب ؟!
خالد : ايش
ريم : مايصلح هنا
خالد شك بالطلب : ليه وش طلبك ؟!
ريم : بعدين تعرفه المهم خلنا نروح
لما وصلو الفصل
ريم : خالد
خالد : همم
ريم : خالد ابيك تعرف بس انك الوحيد القريب لي والوحيد اللي يعرف عن الشخصيتين
خالد ابتسم براحه دخلو الفصل انتهى الدوام
خالد : اروح معك ؟!
فهد : جد جد زياد بسالك ليه مستدعيك هالمدرس ؟!
احمد : زياد ابي اقول لك شي انا رح انقل اليوم فا خلني اسلم عليك لاني بطلع خلاص
ريم : لييش تنقل وش فيك
احمد : لا بس اهلي نقلو للخارج وبروح معهم
ريم : اها اجل لاتقطع علينا
احمد : ان شاء الله
سلم عليها وراح
ريم : خالد لا ميحتاج تروح معي روح للغرفه وارتاحو وقول للعيال على كلامنا لاتنسى
خالد : طيب بس اي شي يصير معك اتصل فيني
لما جات تروح
خالد : ولاتطولين لان الجو واضح بينزل مطر
ريم تغيرت ملامحها : طيب
راحت لغرفة الاساتذه
استاذ عبد الرحمن : هلا زياد من بغيت
استاذ صالح : جيت
استاذ عبد الرحمن عقد حواجبه : وش تبغى فيه ياصالح ترا زياد طالب من الطلاب المثاليين
ريم عرفت ان هالشخص ماوره خير : امر يستاذ
استاذ صالح : تعال معي
طلعو وصلو لغرفه فتحها
~طبعا بختصر باسماء يعني مارح اقول استاذ رح احط ا. والاسم ~
ا. صالح : ادخل
ريم دخلت بثقه : ايش فيه
ا. صالح : ابيك تنظف هالغرفه كلها وبعدها تطلع للكوخ وتنقل اللي فيه لهنا
ريم ناظرته بصدمه : استاذ مو من جدك
ا. صالح بصوت حاد :  بتسوي ولا ازيد
ريم بستسلام : لا بسويه
ا. صالح : اول ماتخلص تعال للسكن غرفه رقم ١٦
ريم : ان شاء الله
طلع وخلاها محتاره فتحت جوالها الا فصل الشحن ماتدري وش تسوي وخايفه من المكان اللي هي فيه والكوخ اللي من يومين كانت فيه وتمنت ماترجع له
رتبت الاشياء بعدها بدت ترتب الاشياء باماكنها وكملت تنظيف
نروح للغرف
محمد : اقول خالد
خالد يفكر ومو معه
محمد : ياهوو اللي ماخذ عقلك
خالد ببدون وعي : زياد
محمد بحزن : وانت صادق تتوقع هالاستاذ وش بيسوي فيه
خالد : مدري والله وخايف عليه
محمد : لاتخاف زياد رجال وقدها
خالد بحزن لانك ماتعرف : اي اكيد
بغرفه ريم
مشاري حس بشي بس مايدري يروح او لا
كان ماشي بالممر لانه تعود يتمشى بعد المدرسه بدون هدف بس استغرب انه جاي هالمكان
ريم جايه وبيدها صندوق وباين عليها التعب ووجهها وانتبهت له
ريم ابتسمت بتعب : سالم
سالم تفاجئ ماتوقع يشوف احد او بالاصح ريم : هلا زياد وش عندك
وانتبه للصندوق اللي معها ثقيل راح اخذه منها : ليش تشيل اشياء ثقيله
ريم سندت نفسها على الجدار بتعب وتتنفس بالقوه : عقاب
سالم منصدم : من اللي معاقبك قوم معي
ريم ناظرته نظره بارده ارتبك منها وبعدها ابتسمت : لا بكمل الشغل لايزيد علي
سالم : طيب قوم بساعدك
ريم : اذا تبي تساعدني جيب لي اكل لي يومين ماكلت
سالم : بعد انت لا مو صاحي اكيد
ريم : اقول اخلص علي
قاطعها : اول نخلص الشغل واطلب لك اللي تبي
ريم حركت راسها بالايجاب بداء صوت الرعد وخافت
خلصو نقل الاشياء بعدها اتصل سالم بمطعم واتصل بخالد بدون ماتدري بس مايرد اخذها معه لغرفته لان اخوياه كلهم بالسجن
ريم برجفه : بررد
سالم استغرب : لا التكييف يشتغل على الدافي
ريم : طيب عادي انام شوي على مايجي الاكل
سالم : نام بالغرفه
ريم رمت نفسها على الكنب : لا لا بنام هنا
راح لغرفته وجاب لحاف غطاها بعد ربع ساعه دق باب الغرفه اخذ الاكل وصحاها كلته
سالم بضحك : بشويش مارح يطير الاكل
ريم وبفمه الاكل : جووع
سالم كان بيتكلم بس بدت تكح : هههههه شفت قلت لك بشويش