انجبرت اكون زياد لجل اعيش (مكتمله )

البارت ٣٩

راح للنافذه حصل حبل مربوط واصل لنص المبنى
مشاري تنهد : اخخ يا زياد وش ناوي تسوي
اما عند ريم رمت نفسها من نص الحبل وطاحت تجرحت ومشت بتجاه المسبح
نزل وشاف الدم مشاري ياررب يارب يارب هالدم مو منه يارب جلس يتبع الدم سمع صوت بكي دخل للمسبح
تنهد ودخل شافها حاطه راسها بين رجلينها وترجف
قرب منها سمعت الخطوات خافت ورفعت راسه مشاري فهى في شكلها وش هذا ولد ولا بنت لا لا شقاعد اقول انا مد يده : تعال معي زياد
ريم رفعت راسها : انا مو زياد
مشاري شكل رجعت له حالته : طيب تعال معي
ريم بخوف : لا بتوديني لمازن
مشاري : لا لا مازن قفلت عليه الغرفه
ريم بشك : اي غرفه
مشاري : القبو
ريم مدت يدها : بس لاتفتح له الباب
مشاري : ان شاء الله
ريم : انت مين انت اللي كانت امي تقول عنه
مشاري ماسكها وانتبه انها متجرحه ودم بجسمها وتراب : وش قالت لك امك
ريم ابتسمت وهي غايبه عن الوعي لان اللي اعطاها العصير اعطاها فيه نسبه مخدرات : قالت بيتزوجك وياخذك من عمك
مشاري انصدم من كلامها وش يقول ذا اتزوجه ومن عمه ؟! : اي اي انا
اخذها للغرفه دخلها الحمام مد يدها وجلس ينظفها ورجلها من التراب وطلعها : ارتاح الحين برجع لك ولاتتحرك يويلك
دق جوالها راح يشوفه  فيصل من هذا ؟! ماقد تكلم عنه ابد
ترك الجوال وراح للمطبخ جاب مسكن ومنوم عطاها وراحت بنومه
صحت ماسكه راسها شافت الساعه ٥ العصر
ريم : اووف صدداع
مشاري داخل الغرفه: صحيت صح النوم
ريم رفعت راسها وكانت نظراتها بارده وحاده : وش صاير ومن متى انا نايم ؟!
مشاري : يومين ونص
شهقت : يومين ونص صاحي انت
مشاري : لا والله
ريم : كيف ومتى
مشاري : مدري كنت تعبان وجاي من برا ونمت
ريم : طيب وين العيال غريبه ماحد جاء
مشاري سكت وماجاوبها
ريم : وش فيه صاير شي ؟!
مشاري : خالد نقل ويبلغك سلامه
ريم امتلت عيونها دموع : راح بدون مايقول لي
مشاري مسك كتفها : هذا احسن لك وله يا زياد
ريم بعدت يده : بروح اخذ دش
دخلت للحمام وطول الوقت تفكر انا لازم اروح لبيت عمي واخليه يتركني ولا مارح يتركني بحالي ورح يضل يرسل لي كل فتره شخص يسوي لي شي ولازم مشاري يعرف الحقيقه لمتى بخبي عليه
طلعت ولبست وخذت شنطه فيها عبايه قررت تروح لعمها وتواجهه بكل شي واذا لزمها الامر تجيب شخص من الشرطه معها
راحت للصاله حصلته جالس : مشاري ابي اكلمك بموضوع
مشاري : شفيك زياد قول
ريم بنكسار : انا ماني زياد
مشاري مستغرب : انت بكل قواك العقليه
ريم : اي وابي اقول لك اني بنت ماني زياد
مشاري عقد حواجبه وبكره : بنت ؟! وهنا
ريم : اي
مشاري قام بيطلع
ريم ودموعهاا مليانه بعيونها : اسمعني طيب وش اسبابي
مشاري : اسمع بنت رخيصه باعت نفسها وجات هنا
ريم ماتقدر تقول شي وتكسر كرامتها بس ماتقدر مشاري صار شخص من حياتها : مو انت قلت لي رح تساعدني مو انت وعدتني توقف معي
مشاري بحتقار : قلت بس لما ظنيتك زياد مو بنت وباعت نفسها علشان تتلزق بالشباب هنا
طلعت قبل لاتنهان كرامتها متوجهه لبيت عمها
دقت الباب
الخادم : حاضر  ~فتح الباب ~ مين انتي مدام
ريم بثقه : بابا فهد موجود
الخادم : ايوه مين انتي
ريم :  قول له ريم
الخادم : حاضر
دخل للبيت
فهد جالس وحاط رجل على رجل : من ؟!
الخادم : هذي ريم يابابا في يقول ابغى كلم بابا
فهد واقف منصدم : ريم ؟!
وابتسم بشر طلب من الخادم يجيبها له
دخلت بثقه
فهدببتسامه سخريه وشر : والله وجيتي للموت برجليك يا ريم
ريم : والله اذا فيه موت فا اتوقع انت السبب بكل شي
فهد : ايوه وش جابك خلصتي من الشارع وبيع نفسك
ريم منصدمه من كلامه تفلت عليه : هذا انت واشكالك ماهو انا ياحسافه ان ولدك غيرك ولا يعرف عن بلاوي ابوه
فهد صار يتقدم لها وغضب : من اللي تتكلمين عنه كذا  لو بزر عندك كلميني كذا انا عمك
ريم ضحكت : عم اي عم تتكلم عنه انت
فهد مسك شعرها : لا وقاصته بعد يابنت ال **
ريم بكره : لاتسب ابوي ابوي اشرف منك
فهد عطاها كف ومسك فكها بقوه : اذا تكلمو الكبار تحترمينهم فاهمه
ريم تفلت عليه وحاولت تفك نفسها بدا يضربها بقسوه
ريم : انت ليش كذا ليش ماتعاملني كا بنت اخوك تبغاني مثل بنات الليل اللي تجيبهم ياخساره بس انك من هالعايله
فهد زاد ضرب فيها : اي وش فرقك عنهم انتي
ريم : وش تبغى مني ذبحت ابوي وامي وباقي روحي خذها وريحني من كل شي ليش تنتظر
كان يسمع ومصدوم من كل شي
فهد بضحك : اوه عاد احلى جريمه سويتها وبالنسبه لك لا لان مازن ينتظرك بفارغ الصبر ومشتاق لك وبالنسبه لحازم سافر ومايدري عن شي وانتي بين يديني وجيتي للموت برجليك ماجبتك
ريم مصدومه حازم : وين وديته بعد ناقص احد ودك تسوي فيه شي
فهد بضحك : وديته يشتغل برا وينسساك ولا رح يرجع
حازم بصدمه بدا يتقدم : يبه وش كل اللي تقوله
ريم وجهة نظرها له بما انو ضرب عبدالله يعور جسمها كله وبعيون مليانه دموع : حازم
حازم يناظرها وعلى حالتها وبصرخه : يبه الكلام اللي تقوله صدق ؟!
فهد ارتبك من دخول ولده ومايدري وش يقول : لا تكذب هي جايه تتهمني وتتهمك
ريم تكح دم : اكذب ؟!
حازم باسف : والله ياخساره انك ابوي
فهد بترجي : حازم اسمعني انت فاهم غلط
حازم : لا مافي شي غلط كل شي قدامي وواضح
سمع صوت الشرطه
فهد : مبلغ علي ؟!
حازم : اي مكانك بالسجن مو هنا يبه
جاو الشرطه اخذو فهد حازم راح يركض لريم شالها لغرفته واتصل على فيصل
فيصل دخل للغرفه بسرعه مع حازم : ريم انتي بخير
ريم بصعوبه  تكلمت والتفتت لحازم : بخير بخير  حازم انا اسفه ماكنت ابي توصل لكذا
حازم مسح على شعرها : لاتهتمي اهم شي انتي بخير
ابتسمت وغمضت عينها من الالم واغمي عليها
فيصل بعد ماخلص : حازم انت كنت تعرف ؟!
حازم ابتسم : فيصل اطلب منك طلب
فيصل بستغراب : ايش
حازم : جيب جدتي وتعالو
فيصل بسعاده : ابشر ابشر
بالليل كانو جالسين ببيت حازم وتوها صحت ونزلت لهم اول ماشافت جدتها ركضت لها ورمت نفسها بحضنها
الجده : خلاص يابنتي خلاص انا هنا من اليوم ورايح
ريم تبكي : اشتقت لك