انجبرت اكون زياد لجل اعيش (مكتمله )

البارت التاسع عشر

ريم خافت من تغير تعابيره : شفيك ؟!
خالد وقف وفتح دولابه وانتشر عطره بالغرفه ريم تحب ريحة عطوره طلع الاسعافات الاوليه وفتح الدولاب وطلع شاش كل هذا وريم واقفه مستغربه منه
خالد يفتح العلبه : اجلسي ~جلست ~ شيلي بلوزتك
ريم انصدمت : وش ؟!
خالد : عليك فلينه !!
ريم : اي بس
خالد : برجع لك شيلي التيشيرت
ريم شفيه ذا مجنون وشالت التيشيرت وريحة اللوشن بالفروله بجسمها ودموعها بعيونها
دخل للغرفه معه سكين فتحت عيونها على الاخر : وش بتسسسسوي انت ؟!
خالد : ارفعي الفنيله على الجرح
رفعته وبانت عظامها كانت نحيفه مره شاف الجرح  عميق تحسسه وهي تعض شفايفها ماتبيه يلمسها اخذ السكين وقطعت قماش
خالد وهو يكورها : عضي على هذي بطلع الزجاج من الجرح
ريم بس من وين جاني عضت على القماش بقوه وهو يطلع القطع من الجرح دموعها تنزل تتوجع كل مامسكت يده بعد يدها وناظرها ببتسامه تطمنها باقي اخر قطعه شالها هنا ماقدرت تسكت وصرخت بقوه
خالد بجديه : الحين بعقم الجرح واحط فيه نوع من المخدر بحيث مايعورك المعقم
ريم هزت راسها بالايجاب
لف الشاش وراح يغسل يده ومعاه قماش فيه مويه ومسح جلدها من الدم
خالد يرتب الاسعافات ويرتب الطاوله والعفسه : الحين بدلي ولا تتروشين لما يلتئم الجرح لانه اذا تروشتي مارح يطيب
ريم للحين دموعها تنزل من الالم قامت متوجهه للدولاب فتحته طلعت لها بدله وكبوس لان الجو برا بارد وهم بيطلعون بلوزه صوف ولقنز اسود وسيع شوي وجاكيت معها والكبوس دخلت لغرفة التبديل لما طلعت ماحصلت خالد وين راح ذا وقته
راحت للمطبخ اخذت شبس وكولا وبعدها تابعت فلم وخالد للحين ماجاء دق الباب
ريم قامت : مين ؟!
فهد : انا فهد
فتحت الباب وعلى طول دخلو
ريم ضحكت : شفيكم ؟!
فهد يناظرها ويقرب شوي شوي منها هي خافت واستغربت من حركاته وصار وجهه قريب من وجهها : اقول زياد
ريم بتوتر : وش ؟!
محمد مسك ثوب فهد من وراء وسحبه
فهد ببتسامه وهو يبعد : ياحظ خالد فيك
ريم استوعبتت كلامه و : هههههههههه وش تقول انت
فهد يجلس ورجل على رجل : اقول ياحظه فيك لو عندي واحد مثلك حلو ماخليتك ولا دقيقه
ريم ابتسمت وتوجهة للمطبخ : اخباركم يا محمد ومنصور وفارس
الكل : بخييير
ريم : وش تشربون قهوه ولا مشروبات واجيب شبسات
محمد : ابي كودرد
منصور : ابي كولا
فارس وهو يتوجه للمطبخ : انا بساعدك
ريم طلعت المشروبات وحطتها بالصحن والشبسات وكم نوع شكلاته : مشكور
فارس : خالديتصل عليك وماترد ليه
ريم استغربت : جوالي خرب بعد المطر اللي امس  معاك جوالك ؟!
فارس اتصل على خالد وعطاها الجوال وطلع
ريم : الو اسف نسيت اقول لك انو جوالي خرب
خالد : حيوانه ليش ماقلتي لي ~اخذ نفس برتياح ~ طيب خلاص اسمعي البسي والبسي شي دافي لان مره برد برا وتعالي مع العيال اذا جاو وانتبهي لجرحك
ريم : طيب انت شفيك ؟!
خالد بستغراب : شفيني ؟!
ريم : توك تتنهد كانه صاير مصيبه وراحت
خالد انحرج هو كان خايف صار لها شي او سوت بنفسها شي بس لما تطمن ارتاح : ولاشي باي
ريم حست بانحراجه وضحكت دخلت الصاله ومدت الجوال : مشكور فارس
فارس : العفو
فهد : ايوه يا زياد ماودك تروح معنا
ريم : الا بروح
فهد بنظرات حقد : كذب علي والله ما اعديها
ريم : وش فيه
محمد وهو ياكل ويشرب وبصوت متقطع لانه كان ياكل : خالد قال لفهد انك مارح تجي و وقف شوي ياكل و قال له فهد انه بيجي ياخذك معنا غصب
ريم تسمع وتضحك : افا انا ما اخلي فهود يروح بروحه
فهد عيونه تلمع ومسك يدينها : عادي تصير حبيبي
مسكه محمد من الثوبه وسحبه : لاتلوث الولد بافكارك المنحرفه
فهد بنظرات حقد : ماني منحرف بس احب يكون الشخص يهتم فيني ويداري خاطري وبعدين عندي سنا ليش ادور لي حبيب
ريم بستغراب : من سنا
منصور : اوووه يا زياد ماتعرفها هذي الحب تبع الاستاذ فهد