انجبرت اكون زياد لجل اعيش (مكتمله )

البارت ٢٩

فتح الباب وانصدم باللي يشوفه
نروح عند العيال 🤷🏼‍♀️احب اقهركم
محمد ومشاري
محمد : اقول مشاري كيف امورك وامور اهلك
مشاري : بخير والله بس الوالد هالايام تعبان شوي
محمد : الله يقومه بالسلامه
مشاري : امين وانت ؟!
محمد : لا ماعلي كل اموري تمام
مشاري : الحمدلله
عند فهد كان يفكر ليش ما انتبهت لخالد وزياد احس السالفه فيها شي بس وش مدري وطلال كان معاه نايم
عند منصور وفارس
منصور : اقول فارس ماتحس انه زياد اليوم تعبان وواضح عليه
فارس : الا والله صدقت شكله مره تعبان
منصور : حرام والله وليد يسوي هالمقالب فيه
فارس تذكر شكله وضحك : ماعليك يوم يومين يتعود
منصور : ياخوفي يهج من خويك
فارس رفع يدينه : تصير ليش لا
نرجع لخالد
ا. صالح : زياد موجود ؟!
خالد يناظره بحقد
ا. صالح بصوت حاد : زياد موجود
خالد : تفضل شوفه
دخل خالد وهو وراه وشافها بالسرير انصدم توه عنده مافيها شي كيف الحين كذا : شصاير له
خالد : كان تعبان ويتحسن بس اظن الشغل اثر عليه زياده وزاد المرض
ا. صالح طلع بدون ولا حرف يكلم نفسه انا سويت فيه كذا لو يدري المدير بيطردني اكيد ومارح يعطيني مجال اتكلم بحاجه وش اسوي الحين رجع لخالد
خالد كان رايح للغرفه مبدل المويه لبارده ياربي من بيجي بعد وش هالازعاج
فتح الباب ورفع حاجبه : امر ياستاذ
ا. صالح : اذا صحى زياد اعتذر له مني وقول له اني ابغاه بكرا اذا داوم
خالد : ان شاء الله
رجع له غير المناشف تنهد ان حرارتها انخفضت حط راسه بسرير وجسمه بالارض اتوقع عرفتو كيف مرت الساعات وصارت ٣الفجر صحت وتحس بصداع وانتبهت لخالد حرام يارب مايكون طول الليل نايم كذا شالت المناشف قامت لجهة خالد
ريم : خالد خالد
خالد : همم
ريم : خالد قوم على السرير يالله
خالد قام شافها : الحين كيفك ؟!
ريم ابتسمت : بسببك احسن الحين
ساعدته يروح سريره
خالد انتبه لها وهي طالعه من الغرفه : وين ؟!
ريم : بروح اذاكر انا ماذاكرت شي
خالد : لاتطولين وتعالي ارتاحي قبل الدوام
ريم : ان شاء الله
وسمعت صوت انفاسه المتواصله اللي تدل انه نام
بعد دقايق ارسلت لمشاري تشوف اذا صاحي او لا
مشاري : هلا زياد ؟! وش صحاك هالوقت
ريم : صحيت مدري وبنفس الوقت ابي اذاكر
مشاري : خالد وينه ؟!
ريم : نايم
مشاري : يالله جايك
ريم جابت الكتاب ومعاه اقلام ودفتر للشرح
جاء مشاري
ريم بصوت واطي واصبعها على فمها : اشش خالد نايم
مشاري ابتسم : طيب
جلسو بداء يشرح لها ولما صارت تركز وتساله عن كم شي وقف استراحه
مشاري : تبي كوفي ؟!
ريم : اي اي
مشاري : اوه صح لا خلاص شوي وننام اذا صحيت بسوي لك
ريم هزت راسها بالايجاب وكمل شرح الساعه ٥ وقفو سندت نفسها على الكنبه ومشاري نفس الشي
نامو الساعه ٦ صحى خالد راح يدورها شافها نايمه والتيشيرت مرفوع ونص بطنها طالع ورجل طايحه بالارض ومشاري نايم وحالته حاله راح لها بالبدايه عدل بالتيشيرت وانتبه لها مشاء الله جمالها اخخ ليتني اقدر اسعدك واتزوجك واريحك من هالعالم وظلمه
بدت تفتح عيونها وانتبهت له
ريم للحين فيها نوم وبثقل : شتسوي ؟!
خالد : ابقومك قومي يالله الساعه ٦
ريم جلست وهي تتثاوب : صح مشاري
خالد التفت لها : الا صدق متى جاء مشاري ؟!
ريم : لما صحيت شفته صاحي قلت له يجي يدرسني وجاء
خالد ناظرها بحزن ريم لاحظت نظراته قامت وقربت منه استغرب كانت بتضمه بس استوعبت نفسها مدت يدها ومسكت يده حس بشعور غريب ابتسمت له وراحت تبدل صحى مشاري وصلح لهم فطور وطلع لان لبسه كله عند محمد بدل رجع لهم اغرفه مع محمد
خالد اقول لها ولا لا ياربي ماودي تروح بس اكيد بيشوفها ويسوي لها عقاب ثاني : اقول زياد
ريم السندويشه بفمها : همم
خالد : ا . صالح يبكي تمره يقول
ريم تغير وجهها : وش يبغى مني ذا بعد بقى شي ماسواه
خالد : هالمره بروح معك انا لاتخاف
ريم : خالد لاتروح بروح انا واذا صار شي ابتصل روح انت للصف
خالد كان بيتكلم بس قاطعه مشاري مسك يده وسكت
راحت
مشاري : زياد صادق روح ليسوون لك سالفه انا بروح وراه وانتبه له
خالد : تمام
مشاري راح وراها بدون ماتنتبه بس هي كانت حاسه فيه احد وراها التفتت : انا مو قلت لاحد يلحقني ؟!
مشاري يحك راسه : انا اصلا رايح اكلم واحد من المدرسين
ريم ضحكت : مو لايق التصريف والله
راحت هي وياه ودقو الباب ماحصلوه
ا. عبد الرحمن : زياد تعال ابغاك

حابه اخذ رايكم بمتى انزل البارتات يعني تبغون كل يوم ولا يوم بالاسبوع ؟!