انجبرت اكون زياد لجل اعيش (مكتمله )

البارت السادس عشر

رجع بشويش علشان ماتحس فيه وتخاف دخل للمطبخ وبعد ١٠ دقايق طلعت من الغرفه لابسه بدله عاديه تصلح للنوم
ريم وهي تتثاوب : متى جيت ؟!
خالد ابتسم وهو يسوي له فطيره : توني جاي وقلت اسوي لي اكل
ريم جلست على الكرسي وشعرها مبعثر وللحين رطب : احسب لي معك
خالد التفت عليها حط يده على شعرها ولعب فيه : قوم طيب نشف شعرك علشان ماتجيك حمى من جديد على ما اخلص
ريم عيونها تلمع مثل الاطفال  : لا تكفىى والله تعبان اقوم
خالد شكلها يجنن مره  : طيب قوم للصاله
ريم : طيب
شافها رايحه للغرفه شفيها زعلت دقايق وشافها جايه وحاطه سماعاتها والجوال بيدها ضحك عليها
ريم : ترا مايضحك حرام الواحد يسمع ؟!
خالد : لا اسمع اسمع ماقلت شي
ريم وهي ترجع وتناظره : خالد بسالك سوال
خالد بستغراب : اسال
ريم : صار شي لما اخذتني
خالد : المفروض انا اسالك هالسوال مو انت صار لك شي !!
ريم وهي تحرك شعرها اللي يالحين مبلول : لا ماصار شي
خالد : طيب اسمع ترا بكرا مافي دوام بنطلع نغير جو للمول زين
ريم مول اخاف اروح واقابل حازم او احد من اهلي ويعرفني : لا ياخالد اعذروني روحو انتو
خالد : لا مارح اروح بدونك باخذك وغصب عنك
ريم فتحت عينها وتاشر على نفسها  : تغصبني ؟!
خالد استغرب من ردت فعلها : مو اغصبك بس روح معي انت من جيت تغيرت انا وحتى بالطلعات ودي بك معي يعني بتجلس هنا طول اليوم بدون احد على الاقل روح معي وعليك الامان ماحد يقربك واذا صار شي او خايف من شي قول لي وانا ابد اضبطك
ريم رجعت شغلت الاغاني وراحت للصاله اما هو كمل الاكل غريبه هالبنت للحين مو فاهمه بس مارح افهمها الا لما تعترف لي بنفسها بكل شي
اتصل على الحارس يجيب له مشروبات لانه ماحسب حسابه وطلع من المطبخ وحط الاكل بالطاوله
خالد : بنزل انا اجيب الاكل ودك في شي ؟!
ريم انتبهت له قفلت الصوت : لا لا بس لاتطول
خالد ابتسم راح عند الحارس وقف ينتظره
الحار : استاذ خالد ابغى اقول لك شي بس متردد
خالد : وش فيه ؟!
الحارس : فيه بنت وشاب كذا بال ٣٠ او ٣٥ يسالون عن خويك زياد
خالد عقد حاجبينه : يسالون عنه ؟!
الحارس : اي وقلت لهم انه نقل لان واضح من شكل الولد انه يجبر البنت انها تجي لهنا
خالد : خلاص ولايهمك انا بتصرف
اخذ المشروبات يمشي ويفكر من ممكن يجي لها دخل شافها ماسكه جوالها ومصدومه من شي وصلها انتبهت لخالد مسحت دموعها عدلت جلستها بس عيونها واضح اللي تصيح : وش فيك زياد ؟!
ريم ابتسمت : لا ولاشي بس ابوي يتطمن عني
خالد ماعاد اقدر اصبر اكثر اذا هالشي رح يالمها وتتالم رح اوقف بجنبها واطيب جروحها  نزل راسها : زياد الحارس يقول جاء واحد ومعاه بنت يسالون عنك
ريم رعشه بجسمها كله : ايش بنت وولد متى جاو ؟!
خالد : امس الليل
ريم بصوت مرتبك ومتوتر : وش بعد ماقالو شي ؟!
خالد : لا بس قال انه الولد يجبر البنت انها تشوفك
ريم هذا اكيد حازم واروى بس ليش هي شذنبها اذا انا هربت لازم ارجع لهم علشان يتركونها بحالها