انجبرت اكون زياد لجل اعيش (مكتمله )

البارت السابع عشر

ريم خطرت ببالها فكره : خلاص بكرا بروح معكم ولايهمك
خالد انبسط بس ليش غيرت رايها اكيد فيها شي : خلاص بس وش اللي غير رايك ؟!
ريم وش اقول له الحين : كذا طيب بطلع اغير جو ولا ممنوع
خالد ابتسم وهو يدري انه فيه شي بس تخش عنه : اي كذا بس طيب
وراح جاب الاستشوار طبعا بالغرفه ريم جابته معاها لانه شعرها صح قصرته مره بس فيه شي ينزل لنص الرقبه من وراء
ريم بستغراب : وش بتسوي
خالد مبتسم بس نظراته بارده : بنشف شعرك
ريم مسكت راسها : لا مايحتاج عادي تعودت
خالد بعد يدها وبدا يعدل شعرها
ريم هنا تذكرت امها وابوها لما كانو يهاوشونها ويسوون شعرها دمعت ومسحت دموعها
خالد بحنيه : تصيح ؟!
ريم تضحك :لا ماصيح
خالد : زياد عادي اقول لك شي
ريم : قول
خالد : احس انك متالم من شي بس ماتقدر تتكلم لاي شخص
ريم كيف تحس فيني انت دايم والوحيد اللي تحس فيني : امم ولاشي ذكريات من الماضي
خالد : طيب
واخذ جواله وشغل اغنيه وحط السماعات باذنها وسمعتها هاديه وحلوه وتوصل للقلب بدت دموعها تننزل خلص تعديل شعرها ورجع الاستشوار لمحله وجلس
خالد : زياد
ريم فكت السماعه : همم
خالد : يمكن يبدلوني مع واحد من المبنى
ريم خافت : كيف ينقلونك
خالد يبي يجرب انه يصيد منها الكلام : يعني يبدلوني مع احد او انت يبدلونك باحد
ريم مسكت يده وهو ناظرها مستغرب من الحركه : خالد تكفى لاتتركني
خالد حط يده على شعرها :مارح اتركك لاتخاف وانت لاتتركني
بعد فتره
خالد: يالله قم ننام
ريم : روح انت انا مافيني نوم بسهر شوي وانام
خالد : طيب لاتتاخر لاني بصحيك الصباح
ريم : ابشر
دخل للغرفه ينام وبدل لبس شورت لنص الفخذ وتذكر انها بتجي تنام ويمكن تنحرج بدل ولبس برمودا
جلست تفكر بطريقه تروح وتطلع خويتها بدون مايمسكها حازم بس ماتقدر قامت متوجهه للغرفه
خالد ماجاه نوم بس مغمض عيونه
ريم دخلت للغرفه بس ماحسسها انه صاحي قربت منه وجلست على سريرها تناظره : سامحني ياخالد بس لازم اروح واطلع صديقتي من مشاكلي واستسلم صح وعدتك بس هالوعد فوق طاقتي بيوم من الايام رح تفهم ليش سويت كذا ورح تسامحني
قربت يدها من وجهه مسك يدها بقوه
ريم خافت : صاحي انت ؟!
خالد عقد حواجبه وجلس : زياد وش صاير وش فيه ؟!
ريم ارتبكت وتوترت : هاه لا ولاشي مافي شي
خالداخذ نفس : زياد اسمع انا مابغى اعصب بتقول وش فيك ولا لا
ريم بقول له واللي بيصير يصير : خالد ابي اكلمك بموضوع
خالد بعد الحاف عنه ومسك يدها وراح لاخر الممر وفتح الباب اول مره تدخل هالغرفه صح انها ساكنه لنفس الغرفه بس الغرفه فيها اكثر من غرفه تقريبا مثل الشقه بس مصغره
جلسو بالارض بالجلسه كانت الغرفه حلوه ومرتبه وواضح اللي مرتبها ذوقه عالي
خالد : اسمعك قول
ريم بتوتر : بقول بس لاتقاطعني الا لما اخلص تمام
خالد : طيب
ريم : وبعد اذا ماتقبلت هالشي ولا تبي تساعدني انت حر وفيك تقول لي اطلع
خالد : قول اسمعك
ريم نزلت راسها : بالبدايه انا مو زياد انا اسمي ريم عبدالله من عايلة **** اتوقع مشهوره عمي غصبني اتزوج ولده بالبدايه سبب مشكله بين امي وابوي امي بريطانيه وكانت بترجع بس ذبحها قدامي لما كان عمري ١٠ سنوات كبرت وانا وحيدة ابوي ومن يومها هددني عمي اذا قلت لابوي يقتله ويقتل جدتي ولما وصلت لعمر ١٧ كنت بالبيت ورايحه للمجلس وعمي يقول لابوي انه يبغى يزوجني لولده بس ابوي رفض ودخلت انا ابي اتكلم طلع المسدس وذبح ابوي حاولت اهرب بس اخذني وحبسني وجاب جدتي تجلس عندي وقلت لجدتي كل شي ووعدتني ماتخليني اتزوج ولد عمي
* دموعها بدت تنزل وترجف وهي تتذكر هذا كله *
وبعدها رحت عند دكتور العايله اللي تقريبا ينقذني دايم من كل شي وجلست عنده وجيت هنا
خالد يناظرها تبكي ؟! بس اخيرا قالت لي : طيب بسالك سوال
ريم للحين بنفس وضعها : وش ؟!
خالد : انا سمعتك تقولين انه عمك خذاك قبل ياخذ امك وابوك والحين يبي يزوجك ولده
ريم رفعت راسها مصدومه :كيف عرفت ؟!
خالد : عرفت بس قول لي وش صاير
ريم نزلت راسها وماتكلمت سكتت فتره : كان يتحرش فيني
خالد كان شخص عطاه كف من الصدمه يتحرش فيها ؟!
ريم : كنت اقول لامي وكانت تحاول تهربني بس يحصلني ويهددني طبعا كنت صغيره ولا اعرف في هالسوالف شي
خالد قبض يده بقوه : وبعدين
ريم : بس فيه شخص لليوم انتظره يرجع او يجي واتمنى ما يكون ظني صح
خالد بستغراب : شخص ؟! من هو
ريم رفعت راسها وابتسمت : عمي
خالد : عمك !!
ريم : اي عمي هو اصغر واحد وكان دايم يهتم فيني وطلع لما ماتت امي وسافر ولاعاد سمعت عنه شي ومن يومها لليوم وانا انتظر رجعته
خالد: يعني عندك عم ؟! وحاليا ماتدري وينه
ريم : اي
خالد : طيب
ريم : وعندي صديقه دايم تجيني واروح لها وتعرف عن وضعي ولما قلت لها اني رح اسجل هنا اتوقع جات بس اللي جابها للحين ماعرف من اذا كان حازم او لا وحازم هو ولد عمي اللي يبغاني اتزوجه
خالد : طيب خلي هالموضوع عندي تمام
ريم : وش بتسوي
خالد : خليك هنا لاتتحركين تمام برجع
طلع من الغرفه وتوجه لغرفة الحارس ريم تفكر وش رح يسوي وهل رح يساعدها او يبلغ عليها لازم اطلع يمكن راح يجيب احد ويعلمهم علي بس خالد مو كذا بعد دقايق سمعت الباب
خالد : وينك ؟!
ريم وقفت وتوجهت له : خالد رح تبلغ علي ؟!
خالد التفت : ابلغ عليك ليش ؟!
ريم : اني بنت
خالد قرب منها وهي ترجع مسك يدها : شوفي ياريم انتي الحين بامانتي لما نحصل عمك او تطلعين من هنا تحت حمايتي ومارح يوصل لك عمك