اعشقها و لكن....

الفصل الخامس عشر

فى عربيه فهد ...
مليكه : احنا رايحين فين تانى
فهد : قدامنا بالظبط ١٠ دقايق و تعرفى
مليكه : طب ما تقولى
فهد : و تبقى مفاجأة  ازاى
وصلوا عند قصر فهد
مليكه باستغراب : ايه ده القصر ده بتاع مين
فهد : بتاعنا مستقبلا ده القصر بتاعنا اللى عايش فيه انا و محمد و سليم و عدى
مليكه : طب احنا جايين هنا ليه
فهد بخبث : هخطفك
مليكه بتوتر : بجد
فهد : طب ما تنزلى و تعرفى بنفسك
مليكه : لا ..خلينا هنا
فهد بمكر: مينفعش ادخل من غيرك امال احنا جايين ليه هتنزلى و لا انزلك بالعافيه
مليكه : لا خلاص هنزل
نزلوا و لقوا كارما و سليم كمان و صلوا و نزلوا هما كمان من العربيه
مليكه بهمس : كارما انتِ سليم قالك احنا جايين ليه
كارما: لا و انتِ
مليكه : لا
فهد : يلا يا ملكتى
و مسك ايدها و دخلوا و كارما و سليم مشيين وراهم
دخلوا جنينه القصر لقوها متزينه و متجهزه و شكلها تحفه لاستقبال العرسان و اهل مليكه موجودين و اهل كارما و محمد و عدى و صحابهم و الصحافه و رجال اعمال كتير
مليكه : ايه كل ده
فهد : انتِ نسيتى ان النهارده خطوبتنا و لازم كله يعرف و الصحافه و العالم كله و الا مش هيصدقونا
مليكه بحزن : اه يعنى انت عامل كل ده علشان التمثليه تتصدق معلش اصلى نسيت
فهد حس انه زعلها و هو مكنش قصده: مليكه هو...
مليكه قاطعته : خلاص يا فهد و يلا علشان محدش يحس بحاجه
دخلوا و الصحافه صوروهم و بعد كده قعدوا فى المكان المخصص لهم
____________________________________
كارما و سليم.....
كارما بفرحه : واو بجد الحفله تحفه فهد عليه افكار فظيعه اكيد دلوقتى مليكه مبسوطه اوى
سليم : عجبتك
كارما : جدااا
سليم : اوعدك اعملك خطوبه تحفه
كارما بفرحه : بجد يا سولى
سليم : بجد يا روح قلب سولى ، تعالى اقولك على حاجه
و خد كارما و فجأة لقت باباها و مامتها
كارما بفرحه : ماما بابا انتوا مين قالوكوا
سالم : حبيبتى عز كلمنى و عزمنى و بعدين حد تانى كلمنى و قالى
و بصت لسليم
كارما : انتوا اتعرفتوا على بعض
سليم : اه انا قولتله علشان عارف انك هتتبسطى لما يجوا
كارما : حبيبى يا سولى
سالم : احممم احنا هنا
سليم بابتسامه : اسف يا عمو
سالم : هعديها المره دي هههه
جه عدى ...
سليم : بابا تعالى اعرفك على اهل كارما
عدى : اهلا و سهلا اتشرفت بحضرتك
سالم : الشرف ليا انا
عدى : صح كنت عايز اجى اطلب ايد الانسه العسل دي لابنى سليم
سالم : تشرفونا فى اى وقت
عدى : اعتبر دي موافقه مبدئيه
سالم : و الله انا عن نفسى موافق بس برده الرأى رأيهم
سليم : كارما ايه رايك
كارما بكسوف : مدام بابا موافق ابقى انا كمان موافقه
عدى : علشان بابا موافق برده
كارما بفرحه: يا انكل ..
عدى : خلاص متتكسفيش ، استاذن عمك و خدها و ارقصوا
سليم : تسمحلى يا عمى
سالم : اتفضل
سليم : دكتورتى تسمحلى بالرقصه دي
كارما بفرحه : اه
و راحوا علىشان يرقصوا
____________________________________
عند نور....
كلمت مروان ...
نور : انت فين
مروان : دقيقه و اكون عندك
نور : طب يلا انت اتاخرت اوى
مروان : ادينى وصلت ...وحشتينى
نور لفت لقته وراها
نور بفرحه : مروان
مروان : اسف انى اتاخرت عليكى
نور : ولا يهمك
مروان : فين باباكى و مامتك عاوز اتعرف عليهم
نور بفرحه : تعالى اعرفك عليهم
راحت و عرفته عليهم و هو قالهم انه عايز يتقدملها و عز قاله يجى بعد فرح مليكه و بعد كده خدته نور علشان يسلم على مليكه …..
____________________________________
عند مليكه و فهد....
فهد : مالك قلبتى كده ليه
مليكه بضيق : مقلبتش
فهد : لا واضح
مليكه : اسكت بقى علشان اليوم يعدى
فهد قرب منها : طب افردى وشك ده
مليكه : فهد ابعد الناس بتبص علينا
فهد: ميهمنيش حد على فكره
مليكه بسخريه: و الصحافه
فهد فهم هى مضايقه من ايه : اهم حاجه انتِ متضايقيش و الباقى يولع
مليكه : هو حد قبل كده قالك انك مجنون انت شويه هادى و رومانسى و كيوت و فجأه بتقلب على ابو لهب
فهد: ههههه و الله انتِ اللى فى ايدك انك متخليش ابو لهب يطلع
مليكه : ازاى
فهد : يعنى لو بطلتى عند و سمعتى الكلام هفضل هادى لكن لو مسمعتيش الكلام و عندتى و فضلتى تتحدينى هقلب ابو لهب
مليكه : ما انت اللى بتعصبنى و كمان انا مبحبش حد يفرض رايه عليا
فهد : انا مش هفرضه انا هقنعك
مليكه : ازاى بقى انا مش بقتنع باى حاجه انت بتقولها
فهد بخبث : لا ما انا هقنعك بطريقى
مليكه : مش هتعرف ... و ابعد شويه كله عمال يصور و يبص علينا عيب كده
فهد : ماشى مسير هيبقى لينا بيت يلمنا
جه مروان و نور
نور : مليكه اعرفك مروان اللى حكتلك عنه
مروان مد ايده و سلم عليها : ازيك يا مليكه مبروك بجد انتِ زى القمر
مليكه : الله يبارك فيك و ميرسى بجد كلك زوق
فهد بعصبيه من مروان شد ايده من ايد مليكه و مسك ايده جامد : الله يبارك فيك نورتنا انا و حبيبتى
مروان فهم قصده : اه مش انا كلمت عمى فى موضوعى انا و نور و هتقدملها بعد فرحك
مليكه بفرحه: بجد مبروك فرحتنى
مروان :  الله يبارك فيكى بعد اذنكوا اروح ارقص انا و حبيبتى شويه
مليكه : ماشى يا عم
و خد مروان نور و راحوا يرقصوا
مليكه : ايه الطريقه اللى اتكلمت بيها معاه دي
فهد : ازاى ما انا اتكلمت عادى
مليكه لا مش عادى ده انت كنت هتاكله
فهد بعصبيه : اه ما هو اللى فضل ماسك فى ايدك  و مش عايز يسيبها
مليكه بضيق : هو كان بيسلم عادى على فكره و لا انت هتمنعنى اسلم على الناس كمان
فهد حس انها زعلت بس هو مستحملش ان مروان حتى يسلم عليها
فهد : خلاص متزعليش انى اتعصبت عليكى
مليكه مش بترد عليه
فهد : خلاص بقى ..طب تعالى اصالحك و نرقص
مليكه : لا مش عايزه
فهد : و الله ابدا لازم نرقص و لازم اصالحك
مليكه : اوف ماشى
خدها علشان يرقصوا
مليكه : ارتحت
فهد : اه و مرتحش ازاى و انتِ بين ايدى
مليكه : اتلم
فهد : هو انا لسه قولت حاجه علشان تقوليلى اتلم ده لسه الكلام كتير
مليكه اتكسفت من كلامه : طب بس
فهد : هو انتِ مش مكفيكى الحلاوه اللى انتِ فيها و كمان تروح خدودك تحمر تحليكى زياده اعمل فيكى ايه
سليم جه جنبه و هو بيرقص هو كارما : العرسان هيروحوا فين بعد الحفله
مليكه : هنروح
سليم : تروحوا ايه لازم يكون فيه افتر بارتى سيبوها عليا انا هظبتلكوا حفله تجنن
مليكه : غير دي
سليم : لا ده التانيه ده هتبقى حوار يا او نخليها بكرا و نخرج علشان تلحقوا ترتاحوا
كارما : اه نخليها بكرا انا مش قادره
مليكه : و ده راى انا كمان
فهد : خلاص خليها بكرا
سليم : ماشى
رقصوا و قعدوا حبه و بعد شويه الحفله خلصت و اتفقوا ان فهد هيوصل مليكه و سليم هيوصل كارما و مروان هيوصل نور
____________________________________
فى عربيه مروان ....
مروان : حبيبتى ما تيجى اتصل بطنط و نخرج
نور : طب ما تخليها بكرا لانى مش قادره
مروان : ماشى يا حبيبتى
نور : مروان
مروان : عيون مروان
نور : انت حبتنى امتى
مروان : حبيتك لما دخلتى اول يوم الجامعه و كنتى متوتره ههههه
فلاش باك ....
نور داخله الجامعه اول يوم ليها و متوتره و مش عارفه تروح فين ..
نور : يلاهوى انا مش عارفه اروح فين طب اجيب جدول المحاضرات منين
و فجأه خبتط فى حد ..
نور : اه مش  تحاسب
مروان : اسف مخدتش بالى
نور : خلاص حصل خير
مروان : انتِ فى سنه كام
نور: اوله
مروان : زيي يعنى بس انتِ ليه تايها كده
نور : مش عارفه حاجه و لا عارفه اجيب جدول محاضراتى منين
مروان: انا مروان ، اتفضلى ده جدول المحاضرات
نور : ميرسى بجد
مروان : ممكن اتعرف بيكي
نور : انا نور
مروان: اسمك حلو زيك
نور اتكسفت : ميرسى بعد ازنك
باك....
نور : وقتها انا الصراحه استلطفتك جداا بس
مروان : بس ..
نور : كنت فكراك بتاع بنات و كده
مروان : دايما ظلمانى هههههه
نور بغيره : ظلماك و كل البنات اللى بتكلمهم دول ايه و كله كوم و ست ميرا دي كوم تانى
مروان : بس انا قلبى معاكى انتِ يا حبيبتى و اوعدك مكلمش ولا واحده تانى
نور : مارو حبيبى
____________________________________
فى عربيه كارما و سليم ....
سليم : دكتورتى بكرا هعدى عليكى اخدك علشان نخرج
كارما: انا بقالى يومين مش بروح المستشفى و مقضياها خروج طب يتقال عليا ايه دلوقتى
سليم : محدش يقدر يقول نص كلمه يعنى انتِ قاعده مع صاحب المستشفى و حبيبك و خايفه يقولوا حاجه انتِ براحتك يا قلبى
كارما : لا انا كده ممكن اتغر بقى
سليم : براحتك مدام سليم الجارحى المستقبليه تعمل اللى هى عايزاه
كارما : بحبك اوى يا سولى
سليم : و انا بعشقك يا روح قلب سولى
____________________________________
فى عربيه فهد و مليكه....
فهد : مالك مضايقه ليه ...
مليكه بعصبيه : مش مضايقه ولا حاجه
فهد : واضح انك مش مضايقه
مليكه : ممكن نقفل الموضوع ده
فهد : هو اتفتح لسه علشان نقفله …انتِ لحد قبل الحفله كنتى مبسوطه
مليكه بتلقائيه :اه كنت مبسوطه لما كنت فاكره انك بتعمل كل ده علشانى ...بتغنى علشانى بتخرجنى علشانى ..عملت كل ده علشانى انا
فهد : طب ما ده اللى حصل ما انا فعلاً عملت كل ده علشانك
مليكه : انت هتجننى ما انت لسه قايل علشان الصحافه
ابتسم فهد على تلقائيتها : يعنى كل الزعل ده علشان قولتلك علشان الصحافه
مليكه : اه طبعا تخيل ان انا عملت حاجه حلوه اوى و فراحتك و بعد ما اتبسط قولتلك ده مش علشانك هتضايق ولا لا
فهد اضايق انه زعلها مسك ايدها  و باسها : انا اسف متزعليش مكنتش قاصدى كده انا كنت بعرفك ان فى صحافه و انهم لازم يصدقوا و كنت فاكر انك مش مبسوطه بالخطوبه علشان كده قولت كده
مليكه : انا كنت مبسوطه جدا بس انت نكدت عليا زى كل مره
فهد : خلاص اوعدك انى مش هزعلك تانى
مليكه : لما نشوف
____________________________________
روحوا كلهم على البيت و ناموا....
و تانى يوم فعلا خرجوا فى مكان شيك
و بعد كام يوم جه اليوم اللى هيتقدم فيه سليم لكارما ....
مليكه صحيت من النوم كلمت كارما ....
مليكه : مبرووووووووووك
كارما بفرحه : الله يبارك فيكى ...هتيجى امتى
مليكه : هروح الشركه اخلص شويه حاجات و اجى على طول
كارما : بس متتاخريش
مليكه : قولى يارب فهد يفرج عنى بدرى
كارما: لا مفيش الكلام ده خلصى بسرعه و تعالى
مليكه : حاضر مش هتاخر يلا هقفل علشان فهد على الويتنج
كارما : تمام يلا باى
مليكه : باى
قفلت مع كارما و ردت على فهد ….
فهد : كنتي بتكلمى مين
مليكه  : الناس بتقول صباح الخير مش بتكلمى مين
فهد بعصبيه : برده بتكلمى مين
مليكه بعصبيه : كنت بكلم كارما و اقفل بقى
فهد هدى : صباح الخير
مليكه بنرفزه : و الله انت تزعق و بعد كده تقولى صباح الخير اقفل علشان انا مش طايقه نفسى سلام
فهد بعصبيه : سلام
قفل فهد معاها
مليكه بعصبيه: مستفز و بارد و حيوان
نور دخلت عليها  : مين ده اللى عماله تقطعى فى فروته
مليكه بعصبيه : مفيش انا هلبس و انزل
نور بخبث : متقلقيش فهد هيغيرلك مودك
مليكه بعصبيه : طبعا انتِ هتقوليلى
دخلت مليكه تاخد شاور و لبست و سلمت على اهلها و نزلت لقت فهد ساند على العربيه و مبتسم
فهد : اتاخرتى كده ليه
مليكه : انت ايه اللى موقفك هنا
فهد : مستنى خطيبتى
مليكه : يبقى خليك مستنيها بقى
فهد : اركبى يلا
مليكه: لا انا هروح لوحدى انا لو فضلت معاك مش بعيد اقتلك
فهد غمزلها : و انا موافق دي تبقى احلى موته
مليكه : انت بجد بارد
فهد : خلاص بقى يا قطتى متزعليش
و طلع بوكيه ورد احمر من ورا ضهره
مليكه : الله حلو اوى
فهد : يعنى خلاص مش زعلانه
مليكه بابتسامه  : ايه ده صح انا كنت زعلانه بس خلاص سامحتك
فهد بابتسامة : يعنى خلاص هتيجى معايا
مليكه : اه هاجى
فهد : طب يلا علشان نلحق نخلص بدرى علشان تلحقى تروحي لكارما بدرى
مليكه بفرحه: اه انا مبسوطة اوى علشان هيتخطبوا
فهد : و انا مبسوط علشان انتِ مبسوطه
مليكه: طب يلا بقى
فهد : يلا
و ركبت معاه العربيه و راحوا الشركه….
____________________________________
عند كارما .....
سليم كلم كارما على الموبايل....
سليم : صباح الخير يا احلى دكتوره فى حياتى
كارما: حبيبى صباح النور
سليم : وحشتينى اوى
كارما: ده انا كنت لسه معاك امبارح فى المستشفى
سليم : انتِ بتوحشينى اول ما بتسيبينى
كارما : حبيبى يا سولى
سليم : حياة سولى ....مليكه هتجيلك امتى
كارما : راحت الشركه و شويه و جايه
سليم : تمام يا قلبى
كارما: انا هقفل علشان اروح اشوف ماما
سليم : ماشى يا روحى باى
كارما: باى
____________________________________
عند نور .....
مروان : صباح الخير
نور : صباح النور
مروان : حبيبتى هتنزلى امتى
نور : خلاص بلم الحاجه و نازله
مروان : طب يلا انا تحت مستنيكى
نور : بجد
مروان : و الله يلا
نور : نازله بسرعه اهو
نزلت بسرعه لمروان
مروان : حبيبتى وحشتينى بقالى كام يوم مشوفتكيش من ساعه الحفله
نور : معلش يا حبيبى غصب عنى متزعلش
مروان مقدرش ازعل منك يا قلبى
نور : حبيبى ربنا يخليك ليا
مروان : و يخليك ليا يا قلبى
نور : يلا علشان منتاخرش
مروان: يلا يا حياتى
____________________________________
فى الشركه عند فهد ....
فهد : مليكه هاتيلى الملف و تعالى على المكتب
مليكه : حاضر
دخل فهد مكتبه و جت منى...
منى بسخريه : مبروك
مليكه : الله يبارك فيكى
منى : بس برافوا عليكى
مليكه : علي ايه و اخلصى يا منى علشان انا مش فاضيالك
منى : انك قدرتى توقعيه
مليكه : احترمى نفسك و اعرفى انتِ بتكلمى مين كويس
منى : صح انتِ لعبتيها وقعتى صاحب الشركه ده انا معرفتش اعملها
مليكه : انتِ حيوانه و مش محترمه انتِ ازاى تقولى كده
منى : بس هو اكيد مش بيحبك ده تلاقيه بيتسلى
فهد و هو حاطط ايده فى جيبه : غلطتى غلط عمرى ما هغفرهوليك انك كلمتى حبيبتى بالطريقه القذره اللى انتِ متعوده عليها ده انت واحده زباله يبقى تدورى على الزباله اللى زيك و تتكلمى معاهم مش تتكلمى مع الاكبر منك و مستواهم ميسمحلهمش انهم يردوا على واحده زيك
منى : مستر فهد انا ....
فهد : انت مخصوم منك ٥ شهور و كلمه كمان هتبقى بره و هيتبعت فيكى تقرير لكل الشركات و مش هتعرفى تشتغلى فى حته تانى ماشى و ده علشان تبقى تفكرى تانى تزعليها و انتِ مين علشان تقولى انى مش بحبها ..اطلعى بره لان وجودك زاعج حبيبتى و لو هى مضايقه من حد انا ممكن انسفه من على وش الارض
خرجت منى و مليكه عينها دمعت ....
فهد : انتِ ازاى مردتيش عليها
مليكه : لان كلامها صح انت مش بتحبنى و اى حد هيشوفنا هيقول كده
فهد : بطلى هبل و بعدين انا ميهمنيش راى حد
مليكه : فهد لوسمحت سيبنى لوحدى
فهد : ازاى يعنى
مليكه : لوسمحت
فهد : ماشى بس  متعيطيش
مليكه : حاضر
خرج فهد و مليكه قعدت تعيط و قررت انها هتتعامل مع فهد ببرود و تجاهل لحد ما التمثليه دي تخلص و علشان متعلقش نفسها بيه اكتر من كده لانه فى الاخر هيسيبها  و بعد شويه خدت الملف و راحت مكتب فهد
مليكه : مستر فهد الملف اللى حضرتك طلبته
فهد : هو مش انا قولتلك بلاش كلمت مستر ده تانى
مليكه ببرود: احنا هنا فى شغل فحضرتك المدير و انا بشتغل هنا
فهد : و خطيبتى
مليكه : ده بره الشغل مش هنا
فهد : ماشى خليكى فكره كلامك كويس
مليكه : ماشى بعد ازنك
فهد : انت رايحه فين انا مقولتش امشى اقعدى هنراجع الورق مع بعض
مليكه : بس انا عندى شغل
فهد : و ده كمان شغل احنا مش بنلعب و بعدين انا المدير و انتِ المفروض تسمعى الكلام من اول مره
مليكه : حاضر
قعدت مليكه و اقعدوا يشتغلوا وهى بتحاول تتجنب انها تتكلم معاه .
بعد فتره من الشغل ...
مليكه : مستر فهد احنا كده خلاص فاضل بس ملف واحد و ده حضرتك راجعته قبل كده ، كده حضرتك مش هتحتاج حاجه تانى منى
فهد : انتِ مش هتحضرى الميتنج
مليكه بارتباك : ايه ...لا ما حضرتك مش هتحتاج حاجه
فهد : لا خليكى ممكن اكون ناسى حاجه
الباب خبط و دخلت بنت جميله و من لبسها شكلها مش مصريه
ليليان : مستر فهد شو اخبارك
راحت سلمت عليه و حضنته و فهد سلم عليها
مليكه بضيق و بصوت واطى : طلعتلى من انهى داهيه دي و هو كل واحده تيجى تسلم عليه تقعد تحضن و تبوس ايه ياربى الهم اللى انا فيه ده المه ازاى ده
فهد سمعها و ابتسم و فرح على غيرتها
فهد : ليليان ازيك عامله ايه
ليليان : امنيحه و انت
فهد بابتسامه: الحمد الله
ليليان : لك متل ما انت لساتك حلو و مهضوم
مليكه : احم احم
فهد باستعباط : مليكه مالك
مليكه بغيظ : مفيش بس قولت افكركوا انى موجوده
ليليان : فهد مين هى
فهد بابتسامة : ده مليكه السكرتيره بتعتى
مليكه : بس
فهد بخبث: هو فى حاجه تانيه
و همس لها : مش انتِ اللى قولتى ان احنا هنا فى شغل ولا رجعتى فى كلامك
ليليان : شو فهد فى شى
مليكه بغيره : لا ما فى شى بس فهد (و مسكت دراع فهد)
نسى يقولك انى خطيبته ، صح يا حبيبى مين دي
فهد بابتسامة نصر انه حقق اللى فى دماغه : دي ليليان اتعرفت عليها فى إيطاليا و بقينا صحاب و كمان الشريكه اللبنانيه اللى هتبقى معانا فى المشروع الجديد
ليليان بضيق : مبروك فهد بس مقولتليش قبل هال مره
فهد : كل حاجه جت بسرعة
مليكه بابتسامه استفزاز : فعلاً
فهد استغل الموقف حاوطها بذراعه: حبيبتى هتمشى امتى
مليكه بغيظ : لا يا حبيبى مش همشى ، على قلبك ، هحضر معاك الميتنج
فهد بابتسامة خبث: مش انتِ كنتى...
قاطعته فى الكلام : لا ما انا قولت بقى لحسن تحتاج حاجه منى او كده و انا عارفه أنك مش هتعرف تقعد من غيرى
و وجهت كلامها لليليان : اصله بيبقى هيتجنن و انا بعيد عنه
ليليان بغضب : عن جد الله يخليلك اياه
مليكه : يارب ، مش يلا يا فهدى
فهد بابتسامة مكر: فهدك امممم ، اسبقينا انتِ يا ليليان على بره و هما هيقولولك فين الميتنج و احنا جايين وراكى
ليليان بغيظ : حاضر بس لا تطول عليا
مليكه فى سرها : طالتك عقربه يا بعيده
اول ما خرجت مليكه جت تبعد عن فهد شدها لحضنه تانى
فهد بخبث: اممممم بقى انا فهدك
مليكه بارتباك: ايه .. انا ... انا قولت كده علشان منتكشفش
فهد بمكر : ما انا عارف
مليكه : طب اوعى بقى
فهد : مش انتِ اللى من شويه كنتى مسكه فيا برده
مليكه بتوتر  : انا...لا انا بس
فهد بابتسامة : اهدى انتِ اتوترتى ليه
مليكه : متوترتش بس ابعد
فهد : هو قربى مضايقك فى ايه ولا انتِ خايفه تضعفى و تحبينى اذا مكنتيش ميته فى حبي اساسا
مليكه بثقه مزيفه : انا ... لا طبعا
فهد : كدابه و تحبى اثبتلك
مليكه : تثبتلى ازاى
قرب منها فهد ببطء و كان عمال يقرب و مليكه كانت حاسه انها فى عالم تانى عالم مفيش غيرهم و مكنتش حاسه بنفسها و هو كان مبسوط اوى و كان كانه مغيب بسبب سحرها اللى بيعشقه  و فجأه الباب خبط اتنفضت مليكه و زقته وبعدت و هى متوتره و هو فاق من اللى هو كان فيه
فهد : ادخل
احمد : مستر فهد ليليان هانم بتستعجل حضرتك
فهد : روحلها و احنا جايين
احمد : حاضر  يا فندم
خرج و هو لف لقى مليكه بتفرك ايدها من كتر التوتر و خدودها حمراااا
مليكه بتحزير : بص بقى اللى كان هيحصل ده ميتكررش تانى
فهد : هو انتِ حلوه كده على طول
مليكه : انا بقول ايه و انت بتقول ايه
فهد : و لو اتكرر هتعملى ايه
مليكه : هقتلك
فهد بغمزه : بقيتى شرسه اوى يا قطتى
مليكه : مستفز
فهد : طب يلا لحسن ليليان تزعل
مليكه : ما تتفلق ست زفته
فهد بخبث : خلاص نلغيه و نفضل انا و انتِ قاعدين و اهو برده نكمل اللى كنا بنعمله من شويه
مليكه : لاااا يلا نروح
فهد : ليه ما تخلينا انا معنديش مانع
مليكه : لا انا عندى يلا علشان ست زفته قصدى ليليان
فهد ضحك عليها و مشيوا راحوا الميتنج و كان طول الوقت مليكه و ليليان بيبصوا لبعض بصات قاتله و فهد قاعد مستمتع من غيره مليكه عليه و بعد ما خلصوا فهد وصل مليكه عند بيت كارما ..
____________________________________
طلعت مليكه عند كارما ...
مليكه بفرحه  : مبروك يا احلى عروسه
كارما : حبيبتى الله يبارك فيكى يلا تعالى اتاخرتى
مليكه: معلش كان فى ميتنج مع ست زفته
كارما: مين دي
مليكه : هحكيلك....
و حكت لها اللى حصل...
كارما : احسن حاجه عملتيها
مليكه : و البيه مبسوط اوى و هى بتحضنه
كارما : بس خدتى حقك فى الاخر
مليكه بابتسامه  : اه ...سيبك  انتِ و يلا علشان تجهزى حبيب القلب زمانه على وصول
كارما: يلا انتِ جبتى لبسك
مليكه : اه حطاه بره
كارما : يلا
____________________________________
فى القصر ..
دخل فهد على سليم
فهد : يا سلام على الشياكه
(سليم كان لابس بنطالون ابيض و قميص ازرق و عليه بليزر كحلى)
سليم : طول عمرى على فكره
فهد : يخربيت التواضع
سليم : هههههه ما انت كمان يا عم مظبط نفسك شكلك هتاخد الجو منى
)فهد كان لابس بنطالون اسود و قميص ابيض )
فهد : دي قدرات يابنى
سليم : طب حاسب لحسن مليكه تغير بقى
فهد بابتسامة افتكر اللى حصل
سليم بغمزه: ايه يا عم روحت فين و لا بتفكر فيها
فهد بفرحه : اصلك مشوفتش اللى حصل النهارده ، عارف مين كان فى الشركه
سليم :  كان الشريك البنانى اللى هيبقى معانا فى المشروع
فهد بابتسامة: اه عارف بقى مين الشريك ده
سليم: مين
فهد : ليليان
سليم : ليليان اللى عرفتها فى ايطاليا
فهد : ايوه هيا
سليم : مش دي كانت بتحبك و انت مكنتش معبرها
فهد بابتسامة  : هى بالظبط
سليم : ثوانى و مليكه كانت موجوده
فهد :  كانت واقفه و هى بتسلم عليا و بتحضنى
سليم : يا جبروتك و عملت ايه
فهد : كانت هتولع مكنتش عايزه تقول ان احنا مخطوبين بس خليتها هى اللى تقولها ده خطيبى
سليم: قادر دي زمانها عايزه تقتلك و تقتلها
فهد : انت مشوفتهاش ده كانت بتبصلها بطريقه كانت هتقتلها فعلاً
سليم: و طبعا حضرتك قاعد مبسوط
فهد: فوق ما تتخيل لان ده اكدلى انها بتحبنى بس بتكابر و انا هخليها تعترف بده
سليم بابتسامة  : طب يلا نروح و نشوف هتعمل ايه لما تشوفك
فهد :هههههه كل خير يلا
نزلوا لقوا عدى و محمد مستنين و خرجوا و كل واحد خد عربيته و راحوا على بيت كارما
____________________________________
عند كارما..
مليكه : قمر يا حبيبتى مبرووووك
كارما: حبيبتى ربنا يخليكى ليا
شيرى اخت كارما دخلت
مليكه : شيرى حبيبتى وحشتينى
شيرى : و انت كمان و الله ،  العريس جه برا
كارما بلهفه و فرحه: بجد
مليكه بضحك: يا بنتى اتقلى شويه
كارما: بس يا رخمه ، هو جه لواحده
شيرى : لا معاه واحد كده شكلهم قد بعض و اتنين كبار و بنوته صغيره
مليكه اتوترت لما عرفت ان فهد جه
كارما : اه مش لواحدى ، فهدك بره
شيرى : هو ده خطيبك يا مليكه
مليكه : اه هو
شيرى : شكله حلو اوى
مليكه : هو فى غير شكله ده اللى جايبلى المشاكل
كارما: هههههه يا بنتى حرام عليكى هو عملك ايه دلوقتى
مليكه : ده انا عايزه اولع فيه هو و هى
كارما: طب يلا بقى نخرج نشوفهم
مليكه : يلا يا ست المستعجله
____________________________________
بره ..
سالم : ده اسر اخو كارما
سليم بابتسامة  : اهلا و سهلا
اسر بابتسامه : اهلا بيك ده من ساعة ما رجعت و هى ملهاش سيره غيرك
سليم بهيام : كارما دي حبيبتى و روحى
اسر بضحك : ايه يا عم لاحظ ان اخوها و ابوها واقفين يعنى
فهد بضحك: عندك حق و الله انا لو منك مجوزهوش اختى
اسر : انا بقول كده برده
سليم : ايه يا عم انت و هو هتتفقوا عليا و لا ايه
فهد : علشان تحترم نفسك
سليم : يا محمد ما تلم ابنك
محمد : ههههه فهد مترخمش عليه
فهد : يلا احترم ابويا
سليم : انت بتقول لابويا ايه
فهد : عدى
سليم : يعنى هى جت على قرمط
اسر  : خلاص صعبت عليا
سليم : اه و الله ده انا غلبان
فى الوقت ده
دخلت كارما هو و مليكه
(كارما كانت لابسه فستان بيج طويل و بكم و اوف شولدير و ضيق و واسع من تحت شويه و هيلز اسود و ميكب خفيف و لما شعرها من ادام و فرداه من ورا و كانت جميله جداا )
(مليكه كانت لابسه فستان رمادى طويل و نازل ضيق على تحت و بحزام ابيض صغير و طرحه بيضه و ميك اب خفيف و هيلز ابيض و كانت جميله جدااا)
فهد و سليم اول ما شافوهم كل واحد سرح فى حبيبته و فاقوا على صوت محمد
محمد بابتسامة  : الجميل بتاعنا عامله ايه
مليكه بابتسامة : الحمد الله يا انكل ازاى حضرتك
محمد : الحمد الله كده متساليش عليا
مليكه : معلش و الله غصب عنى الشغل كان كتير اوى
محمد بضحك : اول لما تبقى عايزه تخلعى من الشغل قوليلى و انا هتصرف
مليكه بضحك : ههههه ماشى يا انكل
عدى : عروستنا القمر عامله ايه
كارما: الحمد الله يا انكل حضرتك عامل ايه
عدى : الحمد الله مبروك يا حبيبتى
كارما: الله يبارك فيك يا انكل
محمد : مبروك يا قمر
كارما: الله يبارك في حضرتك يا انكل
سليم لفهد بهمس : هو انا اللى جى اتجوز و لا ابويا
فهد بهمس :معرفش فى ايه كل واحد واخد واحده و احنا اكياس جوافه واقفه
سليم بهمس : طب ايه يا كينج ما تتصرف
فهد: احم ايه يا جماعه مش يلا نقعد
سالم : اتفضولوا
و هما دخلين الصالون
فهد شد مليكه ....
فهد : ايه القمر مش واخد بالو منى ليه
مليكه بابتسامه حاولت تداريها : عادى كنت واقفه مع عمو
فهد : ماشى ابويا برده هقول ايه
مليكه : طب سيب ايدى بقى عايزه ادخل
فهد بغمزه: لا يمكن اسيب الحلاوه دي تمشى لوحدها ده يبقى حتى عيب فى حقى
و مسك ايدها جامد و دخلوا مع بعض
مليكه : والله مجنون
سليم راح قعد جنب كارما ….
سليم بهمس : ايه الحلاوه ده
كارما بهمس : بجد  حلو
سليم : زى القمر
سيلا جريت عليها
سيلا : انطى كالما و حشتينى
كارما: سيلا حبيبتى عامله ايه
سيلا : الحمد الله بس انا زعلانه منك
كارما: ليه كده
سيلا بحزن : علشان انتِ مش بتثالى على ثيلا
كارما : متزعليش كان فرح انكل فهد و مليكه صحبتى و مكنتش فاديه
سيلا : انطى مليكه دي
كارما: اه
سيلا : دي جميله اوى بس يا حرام بقى
مليكه و هو بتبوسها : و الله انتِ اللى جميله بس حرام ليه
سيلا : اصلك هتتجوزى انكل فهد و هو بيزعق بث و مش بيلعب معايا و هيخليكى انتِ كمان متلعبيش معايا
فهد : انا بزعق بس
سيلا : اه زى ما بتعمل دلوقتى يا انكل
فهد : بت انتِ عندك كام سنه
سيلا : خمس ثنين ليه
فهد : لا اولى خمسين اه اكيد مش خمسه
مليكه : فهد متزعلهاش و يا روح قلبى انا هاجى العب معاكى و انتِ كمان لازم تبقى تجيلى
سيلا : طبعا مش احنا بقينا ثحاب زى انا و انطى كالما
مليكه : طبعا يا قلبى
سيلا راحت عند فهد و شدته من البنطلون
سيلا : انزل يا انكل
فهد نزل لمستواها و هى همست فى ودنه
سيلا بهمس : انكل انت شكلك مزعل انطى مليكه
فهد : و انتِ عرفتى منين
سيلا : اصلها و قفا بعيد و عماله تبثلك و هى مش طايقاك
فهد : يا بت لمى لسانك ، بس اه زعلانه
سيلا : شوفت طب ثالحها بقى علشان انا مش بحب ثحابى حد يزعلهم
فهد : اصالحها ازاى
سيلا : هاتلها ورده و قولها بحبك و هى هتصالحك
فهد بصدمه : انتِ عرفتى كل ده ازاى
سيلا ببراءه : من التى ڤى يا انكل بس يلا علشان هى زعلانه موت
فهد : ماشى لما نجرب شغل العيال
سليم : انتوا بتتكلموا فى ايه بصوت واطى
سيلا : ده ثر يا انكل و حرام نقول الثر لحد
كارما: شاطره يا سيلا
فهد راح يتكلم فى التليفون
عدى : احنا يا جماعه جايين نطلب ايد كارما لسليم ابنى
سالم : انا يشرفنى طبعا بس ناخد راى العروسه
سليم بسرعه : و هى موافقه
عدى : ههههه يبنى اهدى سيبها ترد
كارما بكسوف : موافقه يا بابا
سالم : يبقى الف مبروك
سليم طلع خاتم و لبسهولها و باس ايدها
سليم : مبروك يا حبيبتى
اسر  : يا عم احنا واقفين
سليم : خطيبتى يا عم ، عمى بما ان احنا معملناش خطوبه انا هاخد كارما اخرجها
سالم : ماشى يابنى بس متتاخروش
سليم : حاضر
فهد لمليكه : يلا احنا كمان هنخرج
مليكه : مقولتش لبابا
فهد : كنت لسه بكلمه دلوقتى و خدت اذنه
مليكه : من غير ما تقولى
فهد : يا حبيبتى ما انا متاكد انك هتوافقى ، يلا
نزلوا الاربعه علشان يخرجوا....
____________________________________
فى عربيه فهد ...
فهد : هتفضلى زعلانه كده كتير
مليكه : مين قالك انى زعلانه
فهد : وشك الجميل ده
مليكه : لا مش زعلانه
فهد: يعنى مش مضايقه من ليليان خلاص
مليكه بغيظ: ليليان قول كده لا و بعدين مين دي اللى اضايق منها و على ايه
فهد باستفزاز مصطنع: لا هى جميله و اى واحده تغير منها
مليكه بضيق : كلهم الا انا و بعدين جميله فين ديه ديه وحشه جدا
فهد : هى مش وحشه بس اكيد ان انتِ احلا
مليكه : بلاش الكلمتين دول علشان محفوظين
فهد مد ايده و جاب بوكيه ورد من الكنبه اللى ورا و قدمه لمليكه
فهد بابتسامه : عمر ما كان الكلام اللى بقولهولك كلام و خلاص
مليكه بابتسامه  : جميل اوى البوكيه ميرسى
فهد مش بيرد و باصص فى المرايه
مليكه باستغراب: فهد انت باصص على ايه
فهد بزعيق : مليكه وطى دماغك بسرعه
مليكه بخضه : فى ايه
و فجأه

ياتري ايه اللي حصل ؟
و هل كارما فرحتها هتكمل ولا في حاجه ممكن توقف فرحتها دي ؟
و ياتري مليكه هتعمل ايه مع ليليان ؟