اعشقها و لكن....

الفصل الحادي عشر

فهد : النهارده جالى ظرف قبل ما افتحه اتخانقت انا و هى و بعد ما خرجت فتحت الظرف لقيت ادهم بعتلى صور ليا انا و مليكه من الحفله و باعت رساله بيقول انه هياخد الصفقه و هياخد مليكه و انه هيبقى فى مصر قريب معني كده انه ممكن يكون عرف ان احنا هنا بما انه بيراقبنا هى دخلت لعبه ملهاش ذنب فيها انا اقدر احميها بس هى متعرفش حاجه عن شغلنا
سليم : طب ما هو ممكن يكون بيتصنت علينا دلوقتى
فهد: و هو انا عيل صغير لا طبعا المستشفى متامنه و المكان اللى في الاوضه بتاعت مليكه متامن جدا و محدش يقدر يخشه غيرنا و الدكتور و الممرضه بتاعتها
سليم : الحل الوحيد ان لازم الكل يصدق انها خطيبتك مراتك المهم تبقى تخصك علشان تعرف تحميها منهم لان ادهم مش هيسكت
فهد: معاك حق ده اللى كنت بفكر اعمله بس قولت افكر فى حل تانى ميعرضهاش للخطر
سليم : ده انسب حل انت بكده هتفهمه انك مش خايف منه و انك قادر تحميها لدرجه انك تقول للكل انها تخصك و كمان انا متاكد ان الموضوع ده هيوصل لللورد و هو هيفتكر انك بقى ليك نقطه ضعف فبكده مش هيدينا الصفقه لانه هيبقى عارف ان واحد فينا ليه نقطه ضعف ممكن حد يستغلها و معنى انك تقول انها ليك قدام الناس كلها  معنى كده انك بتعترف انها زى ما هى نقطه ضعف هى كمان نقطه قوه  بس هى هتوافق 
فهد : ده اللى انا فكرت فيه بس كنت مأجله و حكايه انها توافق بقى ده سيبها عليا
سليم : ماشى يا كينج لما نشوف
فهد : صح كارما كانت بتعمل ايه معاك
سليم بهيام : كارما اههه بص يا عم.....
و حكى له اللى حصل
فهد: يعنى انت اتاكدت من حبك ليها و حبها ليك و اعترفتلها فى يوم واحد
سليم : طبعا احنا في عصر السرعه
فهد: مبروك يا قناص
سليم : عقبالك ما تعقل و تحصلنى
فهد: قريب
سليم بغمزه : بجد اعترفت انها وقعتك يا كينج
فهد بابتسامة : تقدر تقول اه  ،يلا بقى علشان عاوز اشوفها
سليم: احنا لحقنا ماشى ياعم يلا
فهد : بس ده انت طلعت رومانسى و انا معرفش
سليم: يابنى انا مفيش منى اصلا
فهد: طب بس بدل ما اديك بوكس يضيع بريستيجك
سليم : خلاص يا عم اسفين يلا عاوز اشوف دكتورتى
____________________________________
عند مليكه و كارما ......
مليكه: ....بس و صحيت لقيت نفسى هنا و هو قاعد جنبى و ماسك ايدى
كارما: بس بعيدا عن انه متخلف و همجى بس كان شكله خايف عليكى بجد
مليكه: لا هو مش خايف هو حاسس بالذنب و ده مش خوف عليا
كارما: لا يا مليكه كان فى عينه نظره خوف جامده
مليكه: سيبك انتِ منه قوليلى كنتى مع سليم بتعملى ايه فى الوقت ده يا هانم
كارما بفرحه : بصى
و ورتها الخاتم
كارما: سليم اعترفلى انه بيحبنى
مليكه بفرحه : بجد ازاى احكيلى
حكت لها اللى حصل
مليكه : و الله طلع رومانسى اوى مبروك يا قلبى بجد فرحتلكوا بس علشان تعرفى قولتلك هيحبك و اهو
كارما: انا فرحانه اوى و اول مره اعرف انى بحبه اوى كده لا انا بعشقه
دخل سليم فى اللحظه ده : و انا كمان بعشقك
كارما بكسوف : انت ازاى تدخل كده مش المفروض تخبط
سليم : هو فى حد غريب خطيبتى و حبيبه قلبى و مليكه مننا و علينا
كارما: طب اسكت
سليم : بحبك و انتِ مكسوفه كده
كارما : سليم الله
سليم : قلبه
فهد : مخلاص يا عم الحبيب ما تسكت لاحظ اننا موجودين
سليم : خليك فى حالك انا اصلا هاخد حبيبتى و هنمشى
كارما: لا انا هفضل مع مليكه
فهد: لا طبعا محدش هيقعد معاها غيرى
كارما: بصفتك ايه انشاء الله
فهد : سليم خدها و امشوا يلا
كارما : مش همشى ها بقى
فهد : عاوزه تعرفى بصفتى ايه... بصفتى خاطبها
كارما : خطيب مين انت صدقت نفسك ولا ايه
فهد : اه صدقت و هتاخدها يا سليم و تمشوا و محدش هيبات مع مليكه غيرى
مليكه : انت بتكلمها كده ليه لو هى مش اللى تقعد معايا يبقى مش عاوزه حد
فهد: ممكن تسكتى علشان الكلام الكتير غلط عليكى
مليكه : انت متخلف و لا مبتفهمش الكلام
فهد: مليكه متعصبينيش
مليكه : ولو عصبتك هتعمل ايه المره ده هتموتنى بجد
حزن فهد من كلامها
سليم : اهدوا يا جماعه و بعدين يا كارما فهد معاه حق انتِ مش معاكى هدوم و مش هينفع تقعدى باللبس ده فى المستشفى و فهد هو اللى هيقدر يحميها لو حاجه حصلت و متنسيش ان ياسين لسه بيراقبها
كارما اقتنعت بكلام سليم
كارما : ماشى خلاص همشى و هجيلك بكرا بدرى
مليكه : ماشى بس انا مش عاوزه حد معايا
فهد: انتِ ممكن تنامى علشان انتِ تعبانه
مليكه : لا بجد انت مبتفهمش
سليم : يلا يا كارما ، باى يا مليكه عاوزه حاجه
مليكه : اه خد الكائن ده معاك
سليم : هههههه معلش خليه بس النهارده لحد ما نطمن عليكى
مليكه : يبقى هتيجوا بكرا تلاقونى مقتوله
فهد: ما خلاص خلصنا
مليكه: انت كمان بتزعقلى
سليم : بااااااسسسس حلوا مشاكلكوا لما  نمشى يلا احنا
و كلم فهد بصوت واطى محدش سمعه غير فهد : اى خدمه اقنعتها و خدت كارما و خليتك معاها ياريت بقى تصالحها و متبقاش دبش
فهد: طب يلا امشوا انتوا بس
سليم: مفيش حتى شكراا
فهد: هتمشى ولا اخليك راقد فى الاوضه اللى جنبى
سليم : غور بقى يا رزل ، يلا يا دكتورتى
و خرج سليم و كارما
مليكه: اخرج بره
فهد: نعم يا ختى
مليكه: ايه اطرشيت
فهد: يا بت لمى لسانك اللى عاوز قطعه ده
مليكه: ما انت اللى غبى اعملك ايه
فهد : انا اسف
مليكه : نعم
فهد بندم : اسف و الله مكنتش اعرف انك بجد تعبانه انا كنت فكرك بتضايقينى بعد موضوع احمد الزفت ده و اصلا هو يكلمك بتاع ايه و انتِ واقفه بتضحكى معاه
مليكه : يعنى يكلمنى و انا مردش عليه يبقى عيب
فهد : يا حنينه يا حبيبتى لا اكسفيه و هو انا مش قولت متضحكيش مع حد غريب
مليكه : يعنى انت لو فى واحده جت كلمتك مش هترد عليها
فهد : علشان خاطرك مردش و اطنشهم كلهم
مليكه : احم ماشى خلاص
فهد: يعنى مش زعلانه
مليكه : لا خلاص بس متعملش كده تانى أنا كان قلبى وجعنى اوى و مش قادره اخد نفسي
فهد باحساس بالالم: اسف والله اسف مكنش قصدى و الله
مسك ايدها : اوعدك ان ده مش هيحصل تانى
مليكه : ماشى خلاص
فهد : يعنى خلاص هترجعى تانى حبيبتى
مليكه: يعنى مش عارفه هفكر
فهد بابتسامة : فكرى براحتك و انا هعرف ازاى اقنعك يلا نامى
مليكه : و انت
فهد : انا هنام على الكنبه
مليكه : ماشى تصبح على خير
فهد : و انتِ من اهلى
مليكه : ايه
فهد : و لا حاجه نامى
ناموا الاتنين بعد تعب اليوم و التوتر
و سليم وصل كارما و قالها انه الصبح هياخدها و يروحوا عند مليكه
____________________________________
الصبح عند مليكه ...
صحيت لقت فى اتنين ممرضات عمالين يتكلموا و يبصوا على الكنبه مليكه بصت علشان تشوف هما بيبصوا على ايه لقتهم بيبصوا على فهد وهو كان شكله حلو اوى و هو نايم ..
الممرضه ١ : ده حلو اوى
الممرضه ٢ : و لا جسمه يبخت حبيبته بيه
الممرضه ١: انا سمعت ان الانسه مليكه هى حبيبته
الممرضه ٢ : يا بختها ده قمر
مليكه كان فى نار بتغلى جواها و كانت عاوزه تقتلهم هما الاتنين علشان بيتكلموا عليه كده
مليكه بصوت عالى : اه اه فهد حبيبى
فهد قام بسرعه : ايه انتِ كويسه فى حاجه بتوجعك اندهلك الدكتور
مليكه ببصه خبث للمرضات : لا يا حبيبى انا خلاص بقيت كويسه
فهد فهم هى قصدها ايه لانه كمان كان سامع كلام الممرضات
فهد بمكر خدها فى حضنه : حبيبتى قلقتينى عليكى
و بص للممرضات : تقدروا تتفضلوا انا هخلى بالى منها
الممرضه : لا يا فندم متتعبش نفسك حضرتك منمتش كويس
فهد: لا عادى انا هقعد معاها
الممرضه: ماشى يا فندم
و خرجوا الاتنين و بص فهد لمليكه لقاها هتقتله و وشها احمر من كتر الغضب
مليكه : و هى انشاء الله الهانم عرفت منين انك منمتش كويس
فهد بيحاول يمسك نفسه عن الضحك : ها هى جت بليل و اديتك الحقنه و انتِ نايمه و لاقتنى صاحى
مليكه : و انت عمال تضحكلها ليه انشاء الله
فهد : يعنى بيساعدوكى مبتسملهمش حتى
مليكه: فهد متجننيش
فهد: وحشنى اسمى منك
مليكه: متغيرش الموضوع
فهد : بتغيرى
مليكه بتوتر : لا ...لا و هغير من ايه
فهد بخبث : يعنى علشان بيقولو عليا حلو و قمور و كده يعنى
حبيب بغيظ : انت كنت سامعهم
فهد : اه
مليكه : و عامل نفسك نايم اه ما انت عاجبك انهم عمالين يعاكسوا فيك
فهد : هههههههه مكنتش اعرف انك بتغيرى عليا كده و بعدين انا ميهمنيش رايهم فيا انا يهمنى راى حد واحد بس و هو قطتى
مليكه : يا سلام علشان كده سبتهم يتكلموا
فهد : يعنى ناس بتقول عليا حلو امنعهم و بعدين انا متعود على كده
مليكه : متعود على ايه انشاء الله يا فهد بيه
فهد بغرور : ان كل البنات بيكونوا هيموتوا عليا و نفسهم انى ابصلهم بس
مليكه : و الله طب اسكت بقى علشان متعصبش اكتر من كده
فهد: اعترفى انك بتغيرى
مليكه : لا
فهد : كده طب انا خارج اشوف الممرضه اللى كانت هنا اصل بصراحه كانت حلوه اوى
مليكه : فهد احترم نفسك و بطل قله ادب
فهد : يعنى عاوزانى اقعد معاكى
مليكه : بص على الله اشوفك بتتكلم معاهم يا فهد
فهد: و انا مقدرش على زعل و غيره قطتى الشرسه
مليكه : طب اسكت بقى
فهد: ليه ما احنا كنا كويسين
الباب خبط و دخل عز و مامت مليكه و نور و هنا
عز : ازيك يا فهد
فهد : الحمد الله حضرتك عامل ايه
عز : الحمد الله يابنى
مامت مليكه بعياط و هى بتحضنها : بنتى حبيبتى انتِ كويسه
مليكه : انا كويسه الحمد الله احسن متعياطيش
عز : حمدالله على سلمتك يا حبيبتى
مليكه : الله يسلمك يا بابا
نور و هنا بعياط: مليكه احنا كنا خايفين اوى
مليكه: حبايبى متخافوش انا كويسه ، بس كده تمشوا إمبارح من غير ما تستنونى اصحى
عز: يا حبيبتى و الله يا حبيبتى ما رضيوا ييدخلونا ليكى
مليكه بعياط : ليه انا كنت محتجاكوا اوى 
فهد: مليكه اهدى علشان كده غلط عليكى
عز : كمان ربنا يخلى فهد خلى باله منك بس مكنش ينفع تقعد معاها لوحدكوا 
فهد : و انا كنت عاوز اطمن عليها مقصدش ان انا اعمل حاجه من وراك 
عز : متخلينيش فى يوم اندم انى وثقت فيك ، انا وثقت فيك لانى حسيتك راجل وقد كلامك
فهد: انشاء الله اكون قد ثقتك و بعدين متخافش بنتك جدعه و بميت راجل و ميتخافش عليها ، انا هروح انده الدكتوره تيجى تكشف عليها
و بعد ما خرج
مليكه : صح يا بابا انتوا برده ازاى تسيبونى معاه لوحدى
عز : مليكه فهد حكالى اللى حصل مع ياسين و على التمثليه اللى انتوا عملينها  و كمان هو عرف انه بيراقبك و طول ما هو معاكى هو مش هيقدر يجى جنبك ، انتِ ليه خبيتى عليه
مليكه: و الله يا بابا انا بس مرديتش اقلقك و انا مكنتش اعرف ان الموضوع هيبقى بجد و انه هيمشى ناس تراقبنى
عز : بعد كده متخبيش عليا حاجه انا مكنش بالساهل اسيبك امبارح بس خوفى عليكى هو اللى اجبرنى على كده لو فهد مكنش معاكى كان ممكن ياسين يعملك حاجه لحد بس ما نشوف هنتصرف معاه ازاى و هو مقاليش انه هيقعد معاكى و اديكى شوفتى الكلام و بعدين اللى عرفته من بره انه كان مخلى ممرضه تدخلك كل شويه يعنى مكنتوش لوحدوكوا فهد راجل بجد
مليكه حضنت عز : بابا انا اسفه متزعلش
عز : مش زعلان يا حبيبتى بس فهد باين عليه بيحبك لانه كان خايف عليكى جامد إمبارح
مليكه بكسوف : لا يا بابا مفيش الكلام ده
عز : الحب مش عيب هو شكله قاسى شويه بس الحب مبيخليش قسوه فى القلب و انتِ ممكن تغيريه
مليكه : معتقدش با بابا
عز : هتفتكرى كلامى كويس
دخل فهد مع الدكتورة ( داليا )
داليا : معلش ممكن تتفضلوا بره بس لحد مكشف عليها
مليكه : هو الدكتور اللى كان متابع حالتى امبارح فين
فهد: مشى و دكتوره داليا هى اللى هتابع حالتك و يلا يا جماعه نطلع علشان تعرف تكشف عليها
خرجوا و الدكتوره كشفت على مليكه
____________________________________
كارما صحيت  و لبست و سليم كلمها قالها انه مستنيها تحت
مامتها: انتِ رايحه فين
كارما: عند مليكه يا ماما و سليم هو اللى هيوصلنى
مامتها:ماشى يا حبيبتى ربنا يسعدك و سلميلى على مليكه لحد ما اروحلها
كارما: يارب انا هنزل بقى لحسن هو تحت
ماتها : خلى بالك من نفسك
كارما :حاضر يا حبيبتي
و نزلت كارما لسليم
سليم : حبيبتى وحشتينى
كارما: وحشتك ايه هنكدب من اولها انا كنت معاك امبارح
سليم :وحشتينى من امبارح ..صح انتِ قولتى لمامتك و لباباكى
كارما: قولت لماما بس لسه بابا هقوله النهارده لانى بصراحه امبارح كنت خايفه على مليكه مكلمتش غير ماما
سليم: متقلقيش يا حبيبتى انشاء الله خير
كارما: أنشاء الله
سليم : بقولك ايه
كارما: ايه
سليم : هو انتِ حلوه كده على طول
كارما: سليم
سليم : حيات سليم كلها
كارما: يلاعلشان نروح عند مليكه
سليم : مليكه اساسا لو انتِ كلمتيها دلوقتي هتقولك خليكى مع سليم حبيبك
كارما: يا سلام
سليم : طبعا
كارما: بحبك
سليم : و انا بعشقك يا روح قلبى 
كارما: يلا بقى هنتاخر
سليم : يلايا دكتورتى
____________________________________
خرجت الدكتورة من عند مليكه ....
فهد: طمنينى يا دكتوره هى عامله ايه
داليا : هى احسن و تقدر تخرج بس لازم ترتاح متعملش مجهود جامد و لا تكون فى مكان فى دخان
فهد: حاضر
داليا : عن ازنكوا
عز : انا هخلص اذن الخروج
فهد : و انا جى مع حضرتك 
عز : يلا
مامت مليكه : انا هجبلها اكل او عصير
عز : ماشى
____________________________________
عند مليكه ...
نور : بس ولعا معاكى يعنى الراجل سايب شغله و قاعد معاكى و حاجه حلويات
مليكه : اهدى يا رخمه مفيش حاجه من اللى فى دماغك
نور : لا واضح
فجاة دخلت كارما
كارما: البنات الحلوه بتعمل ايه
مليكه : تعالى الحقينى من لسانها
كارما : هههههه ليه
نور : يا ستى ما الى بيقول الحقيقه فى البيت ده بيتسأف بالشبشب على وشه
كارما : هههههههه متزعليش و احكيلى
نور : بقولها الواد الحليوه اللى بره ده عينه منها كانت هتضربنى
كارما : بصى هو انا مش بطيقه اه بس هو يعنى ساب شغله و قعد معاكى
مليكه : انتِ كمان معاها
كارما: ما ده اللى واضح الصراحه
نور : جبتش حاجه من عندى ، بس بصراحه الواد حلو و عضلات و حاجه كده يعنى فظيعه يا بختك
مليكه: هو حلو... يعنى .. بس ده ميمنعش انه عاوز يتضرب
فهد : مين ده اللى عاوز يتضرب
مليكه بفزع : ايههه انت هنا من امته و ازاى متخبطتش
فهد: انا هنا من ساعه انه حلو بس عاوز يتضرب و مخبطش لان الباب كان مفتوح
مليكه  بكسوف : ا..انت كنت جي ليه
فهد بابتسامة جذابه: جى اقولك انك خلاص هتخرجى و عمو بيجهز الورق
مليكه: ماشى
رن تليفون مليكه بصت فى التليفون و بعد كده بصت لفهد و بعد كده ردت
مليكه : الو
معاذ : ازيك يا مليكه
مليكه : الحمد الله و انت عامل ايه
معاذ : الحمد الله الف سلامه عليكى
مليكه: الله يسلمك
معاذ : كنت عاوز اجى اطمن عليكى و ازورك
مليكه: لا يا معاذ ربنا يخليك متتعبش نفسك
معاذ : تعبك راحه
مليكه: لا انا اساسا خلاص هخرج النهارده
نور لكارما: هو فهد قلب على ابو لهب كده ليه
كارما: و اول حد هيقتله هيكون معاذ اترحمى عليه كان طيب
فهد بغضب و غيره سحب الموبايل من مليكه : قالتلك متتعبش نفسك خلاص يبقى تسكت و بعدين هى تعبانه مش هتقدر تكلم حد
و قفل فى وشه السكه
مليكه: انت ازاى تعمل كده انت مجنون
كارما  لنور : كده الدنيا ولعت
فهد: اه مجنون و مش هتكلميه تانى
مليكه: و انت مالك و انت مين اصلا علشان تقولى كده
فهد : خطيبك و كلمه كمان عن الواد ده هتسمعى خبر وفاته ماشى
مليكه : هو انا قاعده مع قتال قتله
فهد: اه و متعصبينيش اكتر من كده
مليكه: لا مش هسكت و انت ملكش حق عليا انت فاهم
فهد : لا ليا و لو مش فاكره افكرك ان فى بينا اتفاق
مليكه بحزن: اه الاتفاق
فهد : قصدك ايه
مليكه : اطلع بره
فهد : انتِ كل شويه اطلع بره ما تتهدى بقى
دخل سليم ...
سليم : ايه فى ايه ..ايه الي حصل صوتكوا جايب اخر الشارع
كارما : فهد عمال يزعق لمليكه علشان معاذ بيكلمها
سليم : حبيبتى متعصبيش نفسك انتِ بس
فهد : طب اطلع بره بدل ما اتغابه عليك
سليم : خلاص خلاص ايه بس الى عصبك
فهد: الهانم بتكلم البيه فى التلفيون و عماله ترغى معاه
مليكه : و انت مالك اكلم اللى انا عاوزاه
فهد : بت هضربك
مليكه : تضرب مين انت متخلف
فهد: بت لمى لسانك هتغابى عليكى
مليكه بتعب : تتغابى على مين يا حيوان
مليكه حست بدوخه جامده و كانت مش شايفه حاجه
فهد : بصى هى كلمه واحده الواد ده متكلميهوش تانى و لو شوفتك بتكلميه متلويش غير نفسك
مليكه مش بترد عليه
فهد: ما تردى و لا اتخرصتى
كارما : مليكه مالك انتِ كويسه
مليكه : انا....
كارما : سليم الحقنى مليكه اغمى عليها
جرى فهد عليها و شالها نيمها على السرير
سليم : روح هات الدكتور بسرعه
فهد كان خايف عليها جدااا   ، و راح جاب الدكتوره تكشف عليها
داليا : هو ايه اللى حصل
كارما: اتعصبت شويه
داليا : اظن ان من التعليمات انها تفضل هاديه بسبب العصبيه الهوا مكنش واصل للمخ
فهد: طب و الحل
داليا : لازم ترتاح و تبعد عن اى توتر الفتره ده بالذات
فهد: حاضر
كارما: هى هتفوق امتى
داليا : انشاء الله هتفوق دلوقتى
فهد : شكرا يا دكتور
خرجت الدكتورة
سليم : عاجبك اللى حصل انت مش هتهدى غير لما تموتها
فهد: خلاص يا سليم بقى
سليم : لا مش خلاص و انت هتمشى دلوقتى هى لو صحيت و شافتك هتضايق تانى
فهد: نعم انت بتهزر لا يمكن امشى انا هفضل معاها لحد ما تروح
دخل عز : فى ايه ايه اللى بيحصل هنا و مليكه مالها انا كنت سايبها كويسه
فهد: هى تعبت شويه بس الدكتوره بتقول الحمد الله مفيش حاجه و هى هتصحى دلوقتى
دخلت مامت مليكه : فى ايه
عز : مفيش حاولى تصحي مليكه و لبسيها و يلا علشان نمشى
مامت مليكه : ماشى بس اخرجوا انتوا بره
مليكه بتعب : اه ....مش قادره
الكل : مليكه انتِ كويسه
فهد: حاسه بايه
مليكه بتعب : دماغى..... الصداع
فهد: طب اهدى بس علشان متتعبيش اكتر
عز: يلا يا حبيبتى علشان نمشى و تروحى البيت تريحى هناك احسن من هنا يلا يا شباب
خرجوا بره و فضل مع مليكه مامتها و نور و كارما
____________________________________
بره ..
سليم : انا مجاش فرصه اتعرف على حضرتك انا سليم الجارحى شريك فهد و مع مليكه و كمان خطيب كارما المستقبلى
عز : ربنا يتمملكوا على خير يا حبيبى اوعى تزعل كارما دي زى مليكه بالظبط
سليم : مقدرش يا عمى
فهد : عمى و انا  ممكن اوصل انا مليكه لحد البيت
عز : لا ما هى هتيجى معايا فى العربيه
سليم : يا عمى ما لو حد من رجاله ياسين شافوها ممكن يشكوا
و غمز لفهد  ، فهد ابتسم ان صاحبه فاهمه
فهد: اه ما علشان كده بقول اوصلها و بعدين هى مش هتبقى مرتاحه لان كلكوا فى العربيه هى لازم تبقى قاعده فى مكان واسع و حضرتك هيبقى معاك اخوتها و مامتها
عز : ماشى بس ياريت موضوع ياسين ده يخلص انا كده هبقى قلقان عليها على طول
سليم : متقلقش فهد معاها على طول حتى فى الشغل
فهد: و مفيش داعى هى تيجى الشغل بعربيتها انا هاجى اخدها
عز : ربنا يسهل
خرجت كارما
كارما: هى خلصت بس مش قادره تمشى حاسه انها دايخه
عز : خلاص انا هشيلها
فهد: خليك انت يا عمى علشان متتعبش
عز : لا خليك و كمان مليكه مش هتوافق
فهد: لا انا هقنعها بس انت خليك علشان متتعبش
و دخل فهد و عز
سليم : دكتورتى طبعا انتِ معايا النهارده
كارما: و الشغل
سليم : يولع احنا محتفلناش نحتفل
كارما: احتفال اكتر من اللى انت عملته ده 
سليم : طبعا  لسه فى افتر بارتى
كارما : ماشى بس اكلم ماما اقولها الاول
سليم : ماشى يا دكتورتى
عند مليكه ..
مليكه : لا يا  بابا مستحيل يشيلنى
عز : خلاص اشيلك انا
مليكه : لا يا بابا انا مش عاوزه اتعبك
عز : طب نعمل ايه
فهد : بعد اذن حضرتك اقولها حاجه
فهد قرب من مليكه و قالها بصوت واطى محدش سمعه غيرها
فهد: هتخلينى اشيلك و لا اقول لعمو انك انتِ اللى وافقتى انى انام هنا امبارح
مليكه بصوت واطى : تصدق انا غلطانه
فهد بصوت واطى: مش وقت ندم يا قطتى ها
مليكه بصوت واطى : بنى ادم قليل الادب
فهد: خلاص يا عمو هتخلينى اشيلها
مليكه : اووووفففف
مامت مليكه : خلاص يا بنتى معلش
مليكه بتعب : يلا
ابتسم فهد بانتصار : يلا
و شالها و خرجوا و ركبها العربيه و كارما و سليم ركبوا عربيه سليم و عز خد الباقى معاه و مشى الثلاث عربيات ورا بعض
مليكه لفهد: و الله لوريك
فهد بابتسامة : مستنى يا قطتى
مليكه : بطل تقول كده انت شايفنى حيوان
فهد: مش كده بس انتِ بتفكرينى بالقطه المتمرده اللى مبيعجبهاش حاجه و اللى يضايقها تخربشه
مليكه ابتسمت: تعرف ان برغم ان الاسم رخم بس وصفك للحاجه حلو
فهد : اول مره تقولى حاجه حلوه فى حقى
مليكه : انت رخم و انا غلطانه انى بتكلم مع بنى ادم رزل زيك
سليم جه بالعرابيه بتاعته جنب عربيه فهد
سليم : انا همشى انا
فهد : رايح فين
سليم : هخطف حبيبتى شويه ما تيجى
فهد: تصدق فكره
____________________________________
و بصوا الاتنين لبعض بصت خبث
و بعد كده فهد بص لمليكه
مليكه باستغراب : ايه
فهد بابتسامه خبث :عمرك اتخطفطى
مليكه: قصدك ايه اوعى تتجنن
فهد بابتسامه : هو فى احلى من الجنان
مليكه: اوعى 
فهد بصلها بمكر : يعجبنى انك عارفه انا هعمل ايه
و طلع تليفونه و كلم باباها  و قاله انه هيخرج هو و مليكه علشان تغير جو و بعد محاولات اقناع بباها وافق
مليكه: و الله مجنون هنروح فين بقى
فهد: هو فى حد بيتخطف و يعرف هيروح فين ، حاولى تستمتعى معايا مره 
مليكه : يلا خلينى اجرب
____________________________________
عند سليم
كارما بضحك : يعنى دلوقتي مليكه و فهد هيخرجوا مع بعض
سليم : تخيلى مليكه و فهد لوحدهم يا نهار جنان
كارما: طب ما كنت تخليهم يجوا معانا على الاقل حجم الكارسه يكون اقل
سليم: لا انا عايزك لواحدك
كارما: طب يا حبيبى  هنروح فين
سليم: مفاجأة 
كارما: و انا بعشق مفاجأتك
سليم : و انا بعشقك
____________________________________
عند فهد ….
فهد خد مليكه لمكان حلو اوى مطعم على جبل و بيبص على منظر طبيعى
مليكه بانبهار : واو المكان حلو جدااا
فهد: كويس انه عجبك
مليكه : جداااا
و جت تنزل
فهد: بتعملى ايه
مليكه: نازله
فهد: انتِ لسه تعبانه و مش هتقدرى تمشى
مليكه: طب هنفضل قاعدين هنا
فهد : لا
و نزل و لف ليها و فتح الباب و شالها
مليكه: فهد انت مجنون الناس كلها بتبص علينا
فهد: ميهمنيش انتِ النهارده اميرتى و اميرتى مينفعش تتعب
مليكه : يا فهد بجد كده مينفعش
فهد: لا انا معايا كل حاجه تنفع اسكتى بقى علشان نخش
دخلوا و هو شايلها و مليكه اول لما دخلوا الناس كلها بصت عليهم راحت مخبيه وشها فى حضنه و مسكت فيه جامد ابتسم هو من حركتها
فهد: عجبك حضنى منزلكيش انا على اتم الاستعداد
مليكه بكسوف : لا نزلنى
فهد : هههه ماشى يا ستى
مليكه : عاجبك كده الناس بتبص علينا
فهد: خليهم يبصوا و خليكى انتِ معايا
و مسك ايدها
مليكه : احم هو احنا بعد ما هنمشى من هنا هنروح
فهد : انتِ نفسك تروحى فى حته
مليكه : بصراحه انا زهقانه تعالى نروح السنيما
فهد : بس انتِ لسه تعبانه
مليكه: بس انا زهقانه و مخنوقه
فهد بابتسامه : ماشى نروح السينيما
مليكه : بجد
فهد : اه و كل اللى انتِ عاوزاه هيتنفذ النهارده
مليكه : مش مصدقه انت فهد بجد
فهد: ههههه انتِ النهارده هتشوفى فهد تانى خالص
مليكه : يا خوفى لا يكون انيل
فهد: ههههه لا متخافيش
فهد نده الجارسون ، و خد طلابتهم و مشى
فهد : مالك فى ايه
مليكه : زهقانه الموسيقى ممله اوى
فهد بابتسامة جذابه: طب استنى
قام و مشى
مليكه : انت رايح فين ....فهد
و فجاة النور اطفا

ياتري ايه الي حصل خلي النور يقطع؟
و هل ده ليه علاقه بياسين علشان ياخد حقه من فهد و مليكه ؟
و ايه التغير المفاجي الي حصل لفهد ده هل فعلاً ندمان علي الي عمله ولا دي لعبه علشان يثبتلها انه يقدر يخلها تحبه فعلاً زي مقال ..؟
و هل قصه كارما و سليم هتستمر ؟
ولا ممكن تكتشف حاجه تخلي حبها ليه يضيع ؟

عايزه اعرف رايكم و توقعتكم للي جاي
و عايزين انزلها كل يوم ولا يوم و يوم