اعشقها و لكن....

الفصل الثالث عشر

المتصل بالخبث: اهلا بالكينج معقول نسيتنى ده انت اخر واحد تسال انا مين و عايز منها ايه
فهد بنرفزه و عرف مين اللى بيتصل: ادهم مليكه ملهاش دعوه انت حسابك معايا انا
ادهم : اسمها فى موسيقى توقع القلب
فهد: ادهم احترم نفسك و ملكش دعوه بيها
ادهم بخبث : دي البدايه يا كينج قصدى يا فهد سلام يا ....قطتى مش برده ده الاسم اللى بتناديها بيه اصله بصراحه عجبنى جدا زيها كده بس مش حرام عليك تخليها تتعب و توديها المستشفى فى حد يضايق الملاك ده بس خلاص كلها شويه صغيرين و تبقى معايا و انا اخد بالى منها
فهد: جرب تقربلها و ابقى اترحم على نفسك و ابقى قول الكينج قال
ادهم : لا ما انا هجرب و بعدين يا كينج ده لسه بدرى على العصبيه ده امال هتعمل ايه لما تبقى معايا بقى و فى حضنى
فهد بعصبيه مليكه عمرها مشافتها : ادهممممممم ابعد عن مليكه ابعد عن مراتى دي مرات الكينج
ادهم : واو ده كده احلوت يبقى خبيها كويس لانى هوصلها ده انت كده خليت عندى اصرار اكبر ...سلام يا كينج ،.....سلام يا جميل
و قفل التليفون و فهد مسك الموبايل حدفه على الارض
مليكه واقفه مش عارفه تتكلم من الصدمه و فى دماغها مليون حاجه
فهد: مليكه متخافيش من هيقدر يقربلك
مليكه بصدمه : مين ده و مين الكينج و يعرفك منين و عايز منك ايه و مراتك مين
فهد: هفهمك كل حاجه بس اهم حاجه احنا لازم نتجوز لازم
مليكه : انت اتجننت انا مش فاهمه حاجه و انت تقولى نتجوز...واحد بيهددنى و تقولى نتجوز انت مجنون
فهد: مليكه اهدى انا خلقه متعصب متعصبينيش اكتر اسمعى الكلام
مليكه : لا انت مريض انت ايه هو انا لعبه فى ايدك انت متخيل هتقولى نتجوز اقولك ماشى يلا ....، انا ماشيه
فهد مسك مليكه من ايدها جامد و بصلها بصه تخوف مليكه حست انها متعرفوش فى الوقت ده
فهد بزعيق : قولت ميت مره لما ابقى بكلمك متسيبينيش و تمشى ماشى و هنتجوز يعنى هنتجوز برضاكى او غصب عنك
مليكه : لا و مش هتقدر تغصبنى على حاجه و سيبنى بقى
فهد ضحك ضحكه استهزاء : لا اقدر و متخلينيش اوريكى انا لحد دلوقتي بحاول افهمك ان ده الافضل ليكى بس بعد كده مضمنش انى اتكلم بهدوء
مليكه خافت منه : ابعد عنى سيبنى
فى اللحظه ده دخل سليم
سليم : فهد سيبها
فهد ساب مليكه و مليكه جريت على كارما حضنتها و فهد حس بخنجر بيطعن قلبه لانه خوفها منه
كارما بخوف : فى ايه يا مليكه اهدى ايه اللى حصل صوتكوا واصل لاخر الشركه
مليكه: كارما يلا نمشى و النبى انا مش عايزه اقعد هنا مع البنى ادم ده ده مريض لا يمكن يكون بنى ادم
سليم : اهدى يا مليكه فهد فهمنى
بص فهد لسليم بصه فهمها سليم : ادهم
سليم بصوت واطى : و هى عرفت
فهد: لا بس عرفت اسمى
سليم: هتعمل ايه
فهد: لازم نتجوز لازم
مليكه: مستحيل اتجوزك مستحيل
فهد : لا هتتجوزينى
سليم : فهد براحه
فهد : مش انت عاوزه تفهمى تعالى معايا ..
و مسك ايد مليكه و شدها لبره بس سليم مسكه من ايده
سليم : فهد انت متاكد
فهد: مفيش حل تانى
سليم : طب براحه عليها و لاحظ انها متعرفش حاجه
فهد: ماشى
كارما : انت واخدها على فين سيبها
مليكه برجاء و خوف : كارمااااا
كارما : بقولك سيبها
سليم: متخافيش مش هيأذيها
كارما: انت مش شايفه ده عامل زى الثور الهايج ، انا لازم افهم ايه اللى حصل
سليم : لما يرجعوا هيعرفونا
كارما: و انت متعرفش
سليم بتوتر : لا
كارما: سليم
سليم : خلاص يا كارما هما هيرجعوا يحكولنا اللى حصل بالظبط
كارما قلقانه و حسه ان سليم بيكدب عليها
____________________________________
عند نور و مروان .....
نور دخلت الجامعه لقت مروان مستنيها فى الكافيه
مروان بابتسامة: تعالى يا نور اقعدى
نور : مروان انت عايز ايه
مروان : نور انا و مايا مش اكتر من صحاب يعنى لا هى حبيبتى و لا نيله
نور بفرحه حاولت تداريها : و انا مالى بتقولى كده ليه
مروان : لانى بتنيل بحبك و حضرتك مش حاسه و فكرانى بحب مايا
نور بفرحه: انت بتتكلم بجد
مروان : والله بحبك بس
نور : بس ايه
مروان : انا اللى كان مخلينى مقولكيش انى كنت فاكرك بتحبى يوسف
نور : و انا قولتلك انى مبحبوش
مروان : اه بس انا مش عارف انتِ ايه شعورك نحيتى
نور: انا ....
مروان بحزن : واضح انك مش بتفكرى فيا
و قام علشان يمشى
نور : بحبك
مروان بفرحه : ايه بتقولى ايه انتِ بتتكلمى بجد
نور بفرحه: ايوه انا كمان بحبك من زمان
مروان : و انا قد ايه كنت حمار انى مكنتش شايف... بحبك بحبك اوى
نور : و انا  كمان
____________________________________
عند فهد و مليكه ....
فهد خد مليكه على مكان كان فاضى
مليكه بخوف : انت جايبنى هنا ليه
فهد: مش انتِ إللى عايزه تعرفى كل حاجه
مليكه: ايه علاقه ده باننا نيجى مكان مقطوع زى ده
فهد ببرود: مبدأيا كده الكلام اللى هقولهولك اللى هيعرفه هيتقتل لان مينفعش حد يعرفه غير اللى انا عايز اعرفه ، انا زعيم عصابه مافيا كبيره اوى فى ايطاليا و اسمى معروف هناك بالكينج واحد من اعدائى اسموا ادهم اللى كلمك النهارده و ده عايز ينتقم منى لان حبيبته حبتنى و سابته علشانى او بمعنى اصح خانته معايا و دلوقتي انا فى صفقه سلاح مهمه انا لازم اخدها و هو عايز ينتقم منى بسبب اللى حصل و كمان عايز صفقه السلاح لان دي هى اللى هتخليه يرجع قوى تانى و هو لما عرف انك خطيبتى عايز ينتقم منى فيكى لانه فاكر انك خطيبتى بجد و الموضوع ده وصل للورد اللى هاخد منه الصفقه فهو افتكر ان كده انا بقى ليا نقطه ضعف و كده ممكن الصفقه مخدهاش فلازم يوصله انك مراتى لان بكده هيتاكدوا انك مش نقطة ضعفى و بعد اللى ادهم عمله لازم الموضوع ده يخلص بسرعه علشان لازم اروح اتصرف مع اللى اسمه ادهم ده و احاسبه على اللى عمله
مليكه مصدومه و مبتردش
فهد: عرفتى بقى كل اللى عايزه تعرفيه
مليكه بزعيق : انا مش عايزه اشوف وشك تانى بدل مبلغ عنك
فهد بسخريه : تبلغى عنى كان غيرك اشطر و بعدين اظن انك دلوقتي عرفتى اقدر اعمل ايه انا ممكن ادفنك هنا و محدش هيعرف يوصلك
مليكه بدموع و زعيق  : انا بكرهك انا مش هتجوز واحد مجرم زيك و لا حتى هشارك فى الجريمه دي
فهد: لا ما احنا هنتجوز و هتبقى معايا
مليكه: مش هتقدر تجبرنى على حاجه
فهد : لا ما اللى انتِ متعرفيهوش انك لو موفقتيش انا هقتل عيلتك كلها
مليكه: مستحيل انت بتهزر صح لا اكيد لا
فهد : لا بجد و ده اللى هيحصل قدامك حل من الاتنين يا توافقى يا امه تمشى و ساعتها انا هتصل برجالتى اللى واقفين مستنين اشاره علشان ينفزوا
مليكه بعياط : لا حرام عليك انا معملتش حاجه لا
فهد: فى ايدك تنقذيهم
مليكه : لا انا لا يمكن اقبل اتجوزك
فهد : براحتك
و طلع تليفونه و اتصل
فهد بحده : الو نفذ اللى قولتلك عليه و مش عايز اى اثر للموضوع
مليكه خافت و حست انه فعلا ممكن يعمل كده
مليكه بخوف : لا خلاص خلاص و النبى موافقه موافقه
فهد: استنى
و سمع صوت ضرب نار فى التليفون
مليكه صوتتت
مليكه : لاااااااااا مستحيل
فهد: متخافيش المرادى جت جنب دماغ اختك باتنين سنتى يعنى لو فكرتى ترجعى فى كلامك مش هتردد ثوانى
مليكه بخوف: لا خلاص موافقه
فهد على قد القسوه اللى مبينها لكن من جوا هو بيتقطع مش مستحمل خوفها منه مش مستحمل كرهها ليه هو عمل كده علشان يحميها مش علشان الصفقه هو مستحيل ياذيها
فهد فى نفسه : متخافيش يا حبيبتى انا عمرى ما هاذيكى هعوضك عن كل اللى بيحصل ده بس الاول اطمن انك بقيتى فى امان و انتِ هتبقى فى امان طول ما انتِ معايا بحبك يا قطتى ايوه بحبك و نفسى اقولك انى بحبك و اخدك فى حضنى
فهد : اه و لو اى مخلوق عرف هتبقى بتعرضى حياتك  للخطر و بالذات كارما مينفعش تعرف حاجه
مليكه بتوتر : هو سليم عارف
فهد: سليم ده اللى مقدرش اعمل حاجه من غيره ولا اقدر استغنى عنه ده القناص سليم امهر قناص على مستوى عالمى و معايا فى المافيا
مليكه: انا حاسه انى فى حلم لا انا  فى كابوس و كارما لا اوعى تاذيها خليه يبعد عنها
فهد: سليم بيحبها بجد
مليكه : انت كداب و انا مش بصدقك و انا بكره الكدابين انا بجد مش طايقاك
فهد : متقلقيش انا هعرف اخليكى تطيقينى ازاى
مليكه : بنى ادم حقير
فهد : لمى لسانك الجميل ده لحسن يوحشك ، احنا دلوقتى هنروح لباباكى نقوله اننا بنحب بعض و ان انا عايز اتجوزك و لازم كل حاجه تمشى طبيعيه لانه لو شك بنسبه واحد فى الميه انا مش مسؤل عن اللى هيحصل و بعد كده هتصل ببابا يجى علشان اتقدملك و كل حاجه تخلص
مليكه مش بترد
فهد: مش بتردى ليه
مليكه : هو ردى هيغير حاجه مثلا
فهد : ماشى يا مليكه اوعدك انى اخليكى تحبينى
مليكه : انت بتحلم مستحيل ده انت لو اخر راجل فى العالم لا يمكن احبك
فهد: انا قولتك قبل كده انا مش بحلم انا بنفذ على طول
مليكه : بكرهك
فهد : كدابه ، يلا علشان نروح لباباكى
و مشيوا الاتنين
____________________________________
عند كارما و سليم ....
فى مكتب سليم ....
كارما: سليم كلم فهد لان مليكه موبايلها مقفول
سليم : يا كارما اهدى متخافيش
كارما: طب كلمهم بس انا عايزه اطمن عليها
سليم : حاضر
و مسك الموبايل و كلم فهد ...
سليم : فهد انتوا فين كل ده
فهد : احنا جايين خلاص
سليم : جايين على الشركه
فهد: لا هنروح على بيت مليكه علشان اكلم باباها فى موضوع الجواز
سليم بفرحه: مبرووك يا فهد
و بعد كده افتكر اللى حصل
سليم : طب هى مليكه مش بترد على موبايلها ليه و هى وافقت كده عادى
فهد : ده موضوع مينفعش على التليفون بس هى وافقت و الموبايل بتاعها انا كسرته فهابقى اجيبلها واحد تانى
سليم : ماشى طب كارما عايزه تكلمها
فهد : ماشى
خدى و ادا مليكه الموبايل
مليكه بخوف منه : الو
كارما بخوف : الو مليكه انتِ كويسه
مليكه بدموع بس حاولت تخلى صوتها يبان طبيعى : ايوه كويسه يا حبيبتى متخافيش
كارما: ايه اللى حصل و موبايلك فين
مليكه بحزن انها بتكدب على اقرب حد ليها بس هى خايفه عليها لا يأذيها: مفيش فهد اتعصب بس و كسره بسبب اللى حصل
كارما: ايوه ايه اللى حصل
مليكه بتوتر : كان فى واحد بيعاكس ففهد اضايق منه
كارما: مليكه انتِ بتكدبى
مليكه بارتباك : لا و هكدب ليه
كارما  : لا الكلام على الموبايل مش نافع انتِ فين
مليكه : احنا هنكلم بابا نقولوا يجى من الشغل بدرى علشان فهد عايز يكلمه فى موضوع جوازنا
كارما: يعنى انتِ موافقه
مليكه بدموع : اه
كارما: طب انا جيالك ماشى
مليكه : لا خليكى
كارما: لا مينفعش انا جايه باى
قفلت مليكه مع كارما و قعدت تعيط
فهد بنبره خوف عليها عكس اللى كان بيكلمها بيها من شويه : مالك ايه اللى حصل
مليكه بزعيق: اسكت انا مش عايزه اسمع صوتك
فهد بعصبيه : اتكلمى عدل
مليكه : انا مش طيقاك انت خلتنى بكدب و هكدب على اقرب  الناس ليا اللى عمرى متوقعت اعمل معاهم كده انا بكره الكدب و بكرهك
فهد: متتعوديش على الكلمه دي علشان ممكن تغلطى قدام حد و تقوليها
مليكه : بنى ادم بارد
فهد :قولت لمى لسانك ده و اسكتى  بدل ما اسكتك انا بمعرفتى
مليكه فهمت هو قصده ايه : اوعى.... اوعى ماشى
فهد ابتسم ابتسامه جانبيه : يبقى تلمى لسانك مع ان لمصلحتى انك متسكتيش
مليكه : رخم
فهد: برده
و حاول يقرب منها
مليكه حطت ايدها على بؤاها
مليكه : خلاص ابعد و ركز فى السواقه لحسن نعمل حادثه
فهد بابتسامة: ماشى يا قطتى
و كمل طريقه و كلم باباها وقاله انه عايز يقابله و باباها قاله انه هسبقوا على البيت
________________________________
عند سليم و كارما …..
سليم : اطمنتى
كارما: لا فى حاجة مليكه مخبياها عليا مليكه مش بتعرف تكدب
سليم: و هى هتكدب ليه و انتِ عارفه مليكه مش بتحب الكدب
كارما: ما ده اللى شاغل بالى كده يبقى فى حاجه كبيره اوى
سليم : خلاص بقى بطلى تفكرى كتير لازم تبقى مبسوطه و يلا احنا كمان نمشى
كارما: يلا يا حبيبى
و مشيوا علشان سليم يوصل كارما عند مليكه
___________________________________
عند نور و مروان....
مروان بخضه : نور انتِ كويسه
نور بزهول مش مصدقه اللى حصل : هى ...هى  الطلقه ده كان ممكن تبقى فى دماغى
مروان : الحمد الله  انك كويسه 
نور بعياط : انا كنت هموت ده كانت جنبى
مروان : متخافيش الحمد الله اهدى انتِ و انا هحاول اعرف مين عمل كده
نور هزت راسها بمعنى ماشى
____________________________________
عند مليكه و فهد ….
وصلوا عند بيت مليكه ...
فهد: اكيد مش محتاج افكرك ان لازم كل حاجه تمشى طبيعى و الا هنفذ اللى قولت عليه
مليكه بضيق و خوف على اهلها : اكيد مش مستغنيه عنهم و اكيد برده ده اللى خلانى اقبل اتجوز واحد زايك
فهد : زاى ازاى
مليكه : مش عارف..واحد زايك مجرم و بيقتل الناس بس علشان مناصب او انه يبقى اقوى واحد فاكر اننا عايشين فى غابه مش فى دنيا و ان ده مينفعش حتى لو هو مقتلش فهو بيساعد فى قتل ناس كتير ملهاش ذنب و بتأذى غيرك و كل ده ليه علشان الفلوس و السلطه انت كائن اقل ما يتقال عليك انك مريض و مش بنى ادم
فهد بيسمع كلامها و لاول مره يحس انه فعلا مش بنى ادم و ان كل اللى بيعمله غلط بس مبينش ده
فهد : خلصتى وصله شكرك فيا بس فى حاجه مين قالك انى عايز اعرف رايك فيه
مليكه: بارد و معندكش دم
فهد : هحاسبك على كل كلمه قولتيها بس مش دلوقتى ، و يلا علشان نطلع نكلم عمو
نزلت مليكه و هى نفسها يطلع كل ده كابوس و تصحى منه
طلعوا عند مليكه و فتحت لهم مامتها ، مليكه اول لما شافتها اترمت فى حضنها و حضنتها جامد
مليكه : ماما ....
مامتها : مالك يا حبيبتى انتِ كويسه مالها يا فهد
فهد بصوت خلى مليكه تفتكر كلامه كويس : هى كويسه بس تلاقيها مخدتش العلاج مش كده يا مليكه
مليكه بخوف : ايه ...اه اه يا ماما نسيته فتعبت شويه
مامتها : كده يا مليكه يلا خشى خدى و انت يا فهد خش اقعد لحد ما اقول لعز انك جيت
فهد بابتسامة : ماشى
دخلت مامتها علشان تنده باباها
مليكه : انت ازاى بتقدر تمثل كده
فهد : زايك كده دلوقتى
مليكه بحزن : ده اول مره اكدب عليهم
عز : تكدبى علينا فى ايه
مليكه بصدمه : بابا ...انا ... بابا  قصدى
فهد : اه كدبت لما قالت لحضرتك انها مش بتحبنى
عز بابتسامه : طب ما انا كنت عارف
مليكه : ايه ...اه معلش يا بابا كدبت عليك
عز : لا يا حبيبتى متتاسفيش محصلش حاجه ، و يلا اقعدوا
فهد : عمى انا جى اطلب ايد مليكه من حضرتك
مليكه قاعده بتتمني باباها يرفض بس للاسف هو ميعرفوش كويس
عز : و الله يا بنى انا مش هلاقى عريس لبنتى احسن منك بس ناخد رايها الاول انتِ رايك ايه يا مليكه
مليكه بتوتر  : مش عارفه يا بابا اللى تشوفه
عز : يبقى الف مبروك
فهد : آلله يبارك فيك يا عمى ، انشاء الله هجيب بابا بكرا و نتقدم رسمى
عز : تنوروا يا بنى
قام فهد
فهد : طب همشى انا بقى دلوقتي
عز : اقعد يابنى اتغدى معانا
فهد : معلش مره تانيه
فى الوقت ده رن الجرس و فتحت مامت مليكه
نور دخلت و هى مفزوعه و خايفه
مامتها : مالك يا بنتى فى ايه ..ايه اللى حصل
نور بعياط : كنت هموت يا ماما الرصاصه كانت جنبى
عز : اهدى يا بنتى و احكيلى ايه اللى حصل
نور بعياط : كنت واقفه مع مروان اللى معايا فى الجامعه و بعد كده  لقيت رصاصه اتضربت جنبى بحبه صغيرين صرخت جامد و مكنتش قادره اتلم على اعصابى انا كان زمانى ميته يا بابا
مليكه بعياط و خوف على اختها بصت لفهد بكره كبير اوى بصتله بصه مكنش يتمنى تبصهاله و راحت خدت نور فى حضنها
مليكه بدموع و هى بصه لفهد : متخافيش محدش هيقدر يعملك حاجه طول ما انا موجوده متخافيش مش هسمح بده يحصل تانى
عز : مليكه اهدى انتِ كمان و متقلقيش انا هعرف ايه اصل الموضوع
مامتها : يا حبيبتى يا بنتى 
هنا : انا خايفه اوى
مليكه : متخافيش يا قلبى متخافيش انشاء الله مش هيحصل حاجه يلا خشى اتوضى و صلى و ادعى ربنا يسترها معانا يلا
هنا حضنت مليكه : حاضر داخله اهو
كل ده و فهد متابع اللى حصل و حس بحب العيله دي و خوفهم على بعضها نفس الحب و الخوف اللى هو اتحرم منه
مليكه: متخافش يا بابا مش هيحصل حاجه انشاء الله
عز : ربنا يستر يا حبيبتى
فهد : همشى انا
عز : ماشى يابنى وصليه يا مليكه
مشيت مليكه مع فهد لحد الباب
مليكه بغضب : ده لو حصل تانى ابقى افتكر انك انت اللى خلفت الوعد
فهد : اولا مش هتقدرى تعملى حاجه ثانيا طول ما انتِ بتسمعى الكلام مفيش حاجه وحشه هتحصل
مليكه : لا اقدر
فهد : يبقى انتِ لسه مش قادره تستوعبى انا ابقى مين
و سابها و مشى
مليكه لنفسها  : اوعى يا فهد ساعتها و الله عمرى ما هسامحك
نزل فهد من بيت مليكه و ركب عربيته و طلع موبايله و كلم باباه ….
فهد : بابا ازيك عامل ايه
محمد : اخيرا افتكرت ان ليك اب انت مكلمتنيش تطمن عليا و لا مره
فهد: معلش يا بابا غصب عنى
محمد : ماشى يا فهد
فهد: بابا انا عايزك تبقى هنا بكرا
محمد: ليه فى حاجه يابنى
فهد: عايز اخطب يا بابا
محمد: الف مبروك يابنى اخيرا و الله فرحتنى بس مين سعيده الحظ
فهد : الله يبارك فيك يا بابا هى واحده انت متعرفهاش هعرفك عليها اول ما تيجى
محمد: ماشى يا حبيبى هخليهم يجهزوا الطياره حالا  و هاجى انا و عدى لان كمان سليم لسه قافل مع عدى و قاله انه برده عايز يخطب الظاهر انكوا عقلتوا والحمد لله
فهد: اه الحمد الله متتاخرش بقى
محمد: ده انت  الظاهر بتحبها اوى على كده
فهد : جداا يا بابا
محمد : ربنا يسعدك يا حبيبى يلا بقى سلام علشان الحق اقولهم
فهد: ماشى سلام
قفل مع باباه و رجع على القصر
____________________________________
عند سليم و كارما....
وصلوا عند بيت مليكه ...
كارما: انا لازم اعرف هى مالها انا خايفه عليها
سليم بتوتر : بس متضغطيش عليها
كارما : سليم هو انت عارف حاجه و مش قايلى عليها
سليم : حاجه ايه ما كل حاجه حصلت قدامك و انا كنت معاكى
كارما : مش عارفه بس مش مطمنه
سليم : لا يا حبيبتى انتِ بس اللى قلقك زياده شويه مفيش حاجه و هتطلعى تلاقيها كويسه
كارما: ماشى يا حبيبى هطلع
سليم : انت هتباتى عندها و لا هتروحى
كارما: لسه مش عارفه
سليم : طب لو هتروحى قوليلى علشان اجى اروحك علشان مينفعش تروحى فى الوقت ده
كارما بابتسامه: حاضر يا حبيبى
نزلت و طلعت عند مليكه ..
سليم طلع الموبايل و اتصل ..
سليم : انت فين
فهد: فى القصر
سليم : ماشى جايلك
و ذهب سليم لفهد فى القصر....
____________________________________
طلعت كارما و خبتط و فتحت لها هنا ....
دخلت و لقت مليكه قاعده خايفه ....
مليكه اول لما شافتها راحت و حضنتها : كارما
كارما : فى ايه مالك
مليكه بدموع : مش قادره
كارما بخوف : ايه اللى حصل
حكت لها مليكه اللى حصل مع نور ....
كارما بخضه : يالهوى طب هى فين
مليكه: جوه دخلت ترتاح
كارما : طب معرفتوش مين عمل كده
مليكه بتوتر : هى قالت انها مشفتهوش
كارما : طب طنط و عمو عملوا ايه
مليكه : هما قاعدين ماما خايفه و بابا عمال يفكر
كارما : ربنا يستر و انشاء الله ميكنش فى حاجه خطيره
مليكه : يارب
كارما : انا هخش اسلم عليهم
مليكه : تعالى يلا نخش
دخلوا و سلمت كارما عليهم وكلمت مامت مليكه مامت كارما علشان تبات وفقت مامت كارما بالذات بعد ما عرفت اللى حصل و انها لازم تفضل جنب مليكه و خدتها مليكه علشان يقعدوا فى الوضه .....
كارما : انتِ عملتى ايه مع فهد انا مش فاهمه حاجه
حكت لها مليكه اللى حصل بس محكتش على موضوع الاتفاق بسبب خوفها عليها بس قالتلها انه هيتقدملها
كارما : و انت بتحبيه يا مليكه
مليكه بتوتر : ايه ....مش عارفه
كارما : يعنى ايه
مليكه بتفكير : اه بحبه
(مليكه فكرت فى احساسها قبل ما تعرف الحقيقه لان هى كانت فعلا حبيته بس اللى عرفته خلاها تكتم احساسها جواها و تحاول تنساه )
كارما بابتسامه: و لو انى مش مستريحه بس مبروك يا قلبى
مليكه : كارما هو انتِ ممكن تزعلى منى
كارما : انت هبله لا طبعا انتِ مش صحبتى انت اكتر من اختى ازاى ازعل منك بس ليه بتقولى كده
مليكه بابتسامة حزن : حبيبتى ولا حاجه  بس انا عايزاكى تفضلى فكره على طول انى ممكن اعمل اى حاجه علشانك و لازم تبقى عارفه انى بحبك جدا
كارما: عارفه يا حبيبتى من غير ما تقولى
كارما محاوله تغير الجو: بس ايه سر الرومانسيه دي عايزه ايه هاتى من الاخر
مليكه بضحك: عايزين نقوم نعمل كبايتين نسكافيه و ننقى فيلم نتفرج عليه
كارما: قولى بقى انك جايبانى تستغلينى
مليكه : طبعا يا قلبى و اعملى حسابك ان مفيش مستشفي بكرا هتفضلى معايا طول اليوم لحد ما ابو لهب يمشى
كارما بضحك : يا بنتى لمى لسانك ده هيبقى جوزك
مليكه بخوف لمجرد انها افتكرت اللى حصل بس عزمت على انها لازم تبقى قويه علشان تعرف تقف قصاده لان طول ما هى ضعيفه هيستغلها
كارما: ايه فهد واخد عقلك كده اه يا كلبه بقى بتحبيه كل الحب ده و مش قيلالى
مليكه : هو انا اقدر ما انا حكتلك على كل حاجه
كارما: بعد ايه
مليكه: ميبقاش قلبك اسود بقى
كارما: خلاص  ما هو قلبى الطيب ده هو اللى موديني فى داهيه
مليكه : انتِ قلبك طيب
كارما: طبعا يا ماما
مليكه بضحك: طب يلا يا كدابه نعمل النسكافيه
كارما: يلا يا رخمه
و راحوا يعملوا النسكافيه و يختاروا فيلم و مليكه حاولت متفكرش فى اللى حصل كتير
____________________________________
وصل سليم القصر ....
دخل سال الخدامه على فهد قالتله انه فى المكتب ، دخله ..
سليم : ايه بقى اللى حصل بالتفاصيل
فهد : خد نفسك طيب
سليم : احكى بس
فهد حكى له اللى حصل كله من اول المكالمة لحد ما نزل من عند مليكه
سليم: مليكه مش هتنسى ده و ممكن متسامحكش
فهد: دي سيبها عليا انا هخليها تسامحنى متنساش انى ابقى الكينج
سليم : و هى مش زى اى واحده انت عرفتها يا كينج
فهد : هحاول بس ....
سليم : بس ايه
فهد : لما كنت عندهم و نور دخلت و قالت على موضوع ضرب النار مليكه بصتلى بصه عمرى متخيلت ان بنت تبصهالي هى اه تبان قويه بس متخيلتش انها بالقوه دي بصتها كانها بتقولى كله الا عيلتى عينها كانت بطلع نار و فى نفس الوقت كانت بتواسى اختها بحنان فظيع تحس ان مليكه ده تركيبه غريبه حاجه كده مشوفتهاش قبل كده و دي حاجه خلتنى معجب بيها اكتر انها حنينه اوى بس فى نفس الوقت قويه و  قاسيه مع اللى يأذى حد هى بتحبه و ده ظهر فى رده فعلها لما هددتها بحياتها فضلت على موقفها و رفضت و مكنتش خايفه بس قبلت لما هددتها بحيات عيلتها و صاحبتها و مخافتش على نفسها و لا انى اموتها او اذيها
سليم باعجاب بكلام فهد: واضح انك حبيتها جدا
فهد: لا انا عشقتها هى اللى علمتنى يعنى ايه حب
سليم : بس ده هتتعبك قوى على ما تسامحك لان اللى عرفته من كارما انها تسامح فى اى حاجه الا الكدب و الخيانه
فهد بابتسامه : عارف انها هتتعبنى بس انا مستعد اتعب مقابل انها تبقى معايا
سليم: يا سلام على الحب ، و انا اقول برده فهد هيتجوزها ليه ما كان ممكن يخليها معاه من غير حوار الجواز ده و بحجه الشغل بس اتاريك وخده حجه
فهد : انا اول مره اخاف على حد كده مليكه لو بعدت عنى انا ممكن اموت
سليم بابتسامه : للدرجة ده بتعشقها
فهد بابتسامة : و اكتر بحبها و بحب عنادها و وقوفها قصادى ، عدم استسلمها ، كبرياءها ، غرورها ، قلبها ، شخصيتها ، عينها ، ابتسامتها ، شفايفها ، بصتها ليا انا بحب كل حاجه فيها مكنتش اتوقع انى احب ابدا بس بعد ما شوفتها عرفت انها هتشقلب حياتى
سليم : طب ما انت طلعت رومانسى اهو اومال بتتريق عليا ليه
فهد : منكم نستفيد
سليم : بس انت متأكد انها مش هتقول لكارما
فهد: انا هددتها انى ممكن اقتلها لو هى عرفت
سليم : نعم
فهد: بقول هددتها شوفتنى موتها
سليم :ولا حتى تفكر
فهد: يا سلام خلاص خلى مليكه تقولها
سليم : لا خلاص انا عايز انا اللى اعرفها
فهد: يبقى اتعدل
سليم : ماشى يا رخم
فهد: صح محمد و عدى جين فى الطريق و انت بكرا معايا علشان رايحين نخطب مليكه
سليم : ماشى هقوم اكلم انا بقى دكتورتى
فهد: صح ما فى ناس ليها تحب في الموبايل طول الليل و ناس يتدعى عليها طول الليل
سليم: آلله و أكبر يخرب بيت العين اللى فلقت الحجر
فهد : امشى بدل ما اكلمها و اقولها انا و مش هستنى مليكه تقولها حتى انك قناص
سليم : انا طلعت اصلا انا نايم فوق باى هههههه
فهد : هههههههه
فهد قعد يفكر و هو مبتسم و بيفكر فى مليكه: ياترى هتعملى معايا ايه يا قطتى الجميله
____________________________________
كلم سليم كارما و اطمن انها هتفضل عند مليكه و بعدها قعدت مليكه و كارما يتكلموا يضحكوا لحد الصبح و نور نامت من التعب و وصل محمد و عدى و فهد نام و هو بيفكر فى مليكه و ازاى ينسيها اللى حصل
____________________________________
الصبح عند مليكه و كارما.....
كارما صحت مليكه و راحوا خبطوا على نور علشان يطمنوا عليها فتحت لهم نور و دخلوا ليها ....
كارما : نور عامله ايه
نور : الحمد الله احسن انتِ كنتى بايته هنا
كارما : اه ياختى و كنتى نايمه فصعبتى عليا مردتش اصحيكى
نور : انا كنت تعبانه اوى بس كنتى صحينى قعدت معاكوا
مليكه : كان لازم تريحى و عايزاكى تصحصحى كده علشان هننزل
نور : فين
كارما بفرحه : هو انتِ معرفتيش ان اختك جالها عريس و جى النهارده
نور : بجد مين
كارما: فهد بيه الكيلانى
نور : واوو مش قولتلك دول وراهم قصه حب كبيره
كارما بمكر: ايوه و كانت مخبيه هههه
مليكه لنفسها : و الله انتوا متعرفوش حاجه
مليكه بابتسامة : واضح ان الحفله عليا يلا يا ماما انتِ و هيا
نور : كنت عارفه انك مش هتقولى على فكره هههههه
مليكه: يلا عايزين نعمل شوبينج
)مليكه قررت انها مش هتبين له انها ضعيفه و لازم تبين له انها قويه و تكسر كل توقعاته)
كارما بحماس: ايوه يلااا
نور : ايوه يييسسسس
كارما : صح نور عملتى ايه مع مروان
نور بفرحه: اااههه صح مش طلع هو كمان بيحبنى
مليكه بفرحه : بجد عرفتى ازاى
حكت نور ليهم اللى حصل
كارما بفرحه : الله يعنى طلعتوا انتوا الاتنين بتحبوا بعض و مخبيين
نور: كل واحد كان فاكر ان التانى بيحب حد غيره
كارما بخبث: علشان كده احلى حاجه الاعتراف و لا ايه يا مليكه
مليكه: بس يا بارده
كارما بضحك : بجد قوليلى فهد اعترفلك ازاى انه بيحبك اكيد عمل حاجه خيال
مليكه و هى بتفتكر اتفاقه معاها حست انها نفسها تعيط و تقول وقفوا كل اللى بيحصل
كارما : سرحتى فى ايه ده الظاهر كان اعتراف تحفه
مليكه بابتسامه : لا قالى لما ركبنا العربيه
نور : بتهزرى ايه ده اكيد هيعمل اعتراف احلا
كارما: ايه الاحباط ده فى العربيه ده انا قولت هيعترف بطريقه بقى كده محدش عملها قبل كده
مليكه : شوفتى بقى هههههه
كارما : هقوم بقى اكلم بقى انا سولى لحد ما نور تلبس
مليكه بمكر: اه قولتيلى سولى و انا اقول البت قاعده مش على بعضها ليه و عايزه تقوم اتارى الحوار فيه سولى
كارما: اكيد مش هتطلعى اللى عملته فيكى فيه دلوقتى
مليكه : و هو انا هعتقك ديه فيها رخامه للصبح هههه
كارما : ليكى يوم يا ظلمه
مليكه: ازاى
كارما : ما انتِ اكيد هتكلمى فهد و ساعتها انا بقى مش هسيبك
مليكه بابتسامه  : لا مش هنتكلم
كارما: يا سلام اكيد هيكلمك
مليكه: مش هيعرف لان موبايلى اتكسر ههههه
كارما بغيظ : برده ليكى يوم
مليكه بغرور مصطنع: معتقدش هههههه
خرجوا من عند نور يستنوها بره علشان تلبس
و كارما كلمت سليم ....
كارما : الو...صباح الخير
سليم: يلاهوى على الصباح الحلو صباح الجمال
كارما : ههههه بتعمل ايه
سليم : قربت اخلص لبس علشان انزل اروح الشركه النهارده مع فهد علشان نخلص الشغل بدرى
كارما : انت اكيد جى معاه
سليم : طبعا و انتِ هتبقى هناك
كارما : اه... صح انا نازله مع مليكه نعمل شوبينج
سليم : لا..ملوش لزوم
كارما: ليه كده لا طبعا لازم نروح
سليم : طب افتحى باب الشقه كده
كارما: ليه
سليم : مفاجأة
راحت كارما فتحت الباب لقت فى حد على الباب بيقول الفساتين ده مستر سليم بعتها للانسه كارما
كارما بفرحه:  شكراا
خدت منه الفساتين و دخلت و رجعت لسليم اللى كان مستنى على الموبايل
كارما بفرحه : حبيبى ليه تعبت نفسك
سليم : لو التعب كله كده مكنش هيبقى فى تعب اصلا
كارما: بحبك ، بس انت باعت اتنين لمين التانى
سليم: لنور اخت مليكه لان كنت عارف انها كانت هتكون نازله معاكوا فعلشان متنزلش لوحدها كل واحده مكتوب إسمها على الفستان بتاعها
كارما : طب و مليكه
سليم بابتسامه: انتِ متوقعه ان فهد هيسمح بكده
كارما : يعنى ايه هتنزل لوحدها
سليم : انتِ لسه معرفتيش فهد استنى و هتشوفى
كارما: ماشى يا حبيبى اروح بقى علشان اقولهم خلاص مننزلش
سليم: ماشى يا روحى باى
كارما: باى
قفلت كارما مع سليم و دخلت تجرى
كارما بفرحه  : بصووواااااا
مامت مليكه : مين يا حبيبتى اللى كان على الباب
كارما : ده سليم يا طنط بعت ليا انا و نور  فساتين
نور : بجد الله
مامت مليكه بابتسامه : ليه تعب نفسه يا حبيبتى
كارما بابتسامة  : هو كان عارف اننا هننزل فبعتهم علشان منتعبش و ننزل
مامت مليكه : ربنا يخليكوا لبعض
كارما بفرحه: يارب
نور : ايه ده ..ده اسمى اهو بس مين دكتورتى دي
مليكه بابتسامه: الهانم كارما سليم الجارحى
كارما بكسوف : يا رخمه حبيبى و بيدلعنى
نور و هى بتغمزلها : بس ولعا معاكى شكله بيحبك اوى
كارما: اه و انا بحبه اوى
مليكه بابتسامه: يلاهوى على الحب اللى ولع فى الضره
كارما : لما نشوف هتعملى انتِ ايه
مليكه :بس كده حرام هنزل لواحدى يعنى
نور : انتِ بقى اللى خطيبك مش معبرك نعمل ايه
مليكه : ماشى يا رخمه برده هتنزلوا معايا مليش دعوه
كارما : بس يا حبيبتى مفيش الكلام ده
مليكه : اه على النداله
كارما: ما تستنى كل تاخيره و فيها خيره
مليكه : كلى بعقلى حلاوه علشان متنزليش
نور : تعالوا بس نشوف الفساتين
مليكه : اه يلا عايزه اشوفها
فتحوا فستان نور كان فستان نبيتى طويل سك و عليه حزام من النص , و كارما كان الفستان برده نبيتى برده و كان قصير من قدام و طويل لحد بعد الركبه بحبه من ورا و كان كت عريض اوف شولدر و كان نازل منفوش
مليكه : واو الفساتين تحفه
نور : اه جداا
كارما: زوق سولى حبيبى
مليكه : يا سلام صح مين يشهد للعروسه
كارما: انكرى ان الفساتين حلوه
مليكه : بصراحه مقدرش انكر انها تحفه
كارما بغرور مصطنع : هااا عشان تعرفى
مليكه : انزلى على الارض يا حبيبتى هههههه، ماما انا هنزل انا بقى علشان الحق اجى بدرى
مامت مليكه : ماشى يا حبيبتى
مليكه : يلا باى يا اندال
كارما و نور بابتسامه : باى يا حبيبتى هههه
مليكه بضحك : صح مفيش دم
مشيت و راحت و فتحت الباب لقت فى علبه صغيره قدام الباب
خدتها و فتحتها لقت فيها موبايل
استغربت مليكه و فجاة لقته بيرن ردت ...
مليكه : مين معايا

ياتري مين بعت العلبه دي و مين اللي اتصل بمليكه ؟
و هل فعلاً فهد هيقدر يخليها تحبه تاني ولا هي اصلا مكرهتهوش ؟
و لحد امتي هيفضلوا مخبين علي كارما و هتعمل ايه لما تعرف ان الكل بيضحك عليها حتي اقرب حد ليها؟
و ياتري مليكه ممكن تقول لكارما ولا هتفضل مخبيه عليها علشان فهد ميقتلهاش ؟
و هل مروان هيوصل للي عمل كده مع نور ؟