اعشقها و لكن....

الفصل الحادي و العشرون

فهد و مليكه و صلوا القصر و دخلوا لقوا سليم قاعد فى الصالون سرحان ...
فهد : سليم ..سليم مالك
سليم اتنهد : مش عايزه تسامحنى يا فهد
فهد : اصبر يا سليم متستسلمش كده
مليكه : سليم خلى عندك ثقه فى ربنا و فى حبك و فى نفسك انك تقدر ترجعها
سليم : واثق والله بس هى زعلانه جامد دي بتقولى نتعامل مع بعض فى حدود
فهد : وافق احسن ما تبعد عنك خالص
سليم : مقدرش احنا كنا بنجهز لفرحنا فاجاه كده تتعامل معايا على انى غريب
مليكه : معلش يا سليم اصبر الصبر نهايته حلوه
فهد حط ايده على كتف مليكه : اه و الله الصبر حلو عندك انا مثلا صبرت لحد ما نولت
سليم ضحك : ربنا يخليكوا لبعض
مليكه بعدت ايده : بس يا فهد مش شايفنى بتكلم مع سليم بجد
فهد ضحك : طب ما انا كمان بتكلم بجد
سليم : صح يا ابن اللعيبه فظيعه الحركه اللى عملتها مع ادهم دي
و بعد كده افتكر ان مليكه واقفه بس كان فهد عمال يبرقله علشان يسكت بس هو لاحظ متاخر
مليكه : فهد انت عملت ايه انت مش قولتلى هتبعد عن الناس دي
فهد : يا حبيبتى اهدى لازم تعرفى ان ده حساب قديم و لازم يخلص
مليكه بعصبيه : لا يا فهد مفيش حاجه اسمها كده انت وعدتنى انك هتبعد عنهم و لكن خلفت بوعدك او اصلا انت كنت بتقولى كده وخلاص
فهد اتنرفز جامد و زعق : صوتك ميعلاش فاهمه اول و اخر مره صوتك يعلى لا علشان كنت بتكلم معاكى كويس هتسوقى فيها
مليكه بصدمه من طريقه كلامه و بعصبيه : لا مش هسوق فيها بس كويس انك كل شويه تفكرنى انت مين مجرد بنى ادم معندوش قلب ولا هتتغير هتفضل زى ما انت
و جت تطلع
سليم : مليكه فهد مكنش يقصد
مليكه : لا يا سليم هو اللى عمله هي دي حقيقته
و طلعت
سليم : انت ايه يا بنى ادم فى حد يعمل اللى انت عملته  بعدين مقولتليش ليه انك مش قايلها
فهد حط ايده على وشه و حاول يهدا : انا مش عارف انا قولتلها كده ازاى اصلا و بعدين انت متعرفش تمسك لسانك
سليم : معلش بقى بس برده حوار ان شريكاته و المخازن بتاعته تولع مره واحده هيضطر يصرف كتير و ده ممكن يفتح عين الصحافه عليه و هيسالوا هو جاب الفلوس دي كلها منين و يقع فى شر اعماله لانه كده هيتفضح
فهد : يا اخويا مش هلحق افرح بسبب لسانك اللى متبرى منك ده
سليم : و انا اعرف منين بس مبروك تعالى اقعد جنبى
فهد بغيظ : امشى يا سليم من وشى بدل ما اولع فيك
سليم : هههه طب اوضه اخوك موجوده بدل ما تنام على الكنبه
فهد : انا قولت انت مستغنى عن روحك مصدقتش
سليم :ههههه انا هروح انام يا عم فى اوضتى و على سريرى و احلم بحبيبتى و انت قوم صالحها بعد الدبش اللى رماته
فهد : ربنا معايا بقى
و طلع كل واحد على اوضته
____________________________________
فهد دخل لقى مليكه خارجه من اوضة اللبس و كانت غيرت هدومها لبجامه لونها ابيض و فردت شعرها
فهد ابتسم و قرب منها : حبيبتى متزعليش لانى اتعصبت عليكى تحت
و مليكه كانها مش شايفاه و راحت تنام و كانت تعبيرات وشها بارده و لا كانه موجود
فهد اضايق من تجاهلها ليه بس راح و قعد على طرف السرير جنبها  : حبيبتى انا عارف انك زعلانه منى بس و الله كان غصب عنى متزعليش
مليكه طفت النور و لفت الناحيه التانيه و نامت
و هو اضايق جدا لانها مش بترد بس قرر يسيبها لحد ما تهدا لحد بكرا ..
و لف و نام جنبها بس هى كنت مدياه ضهرها
مليكه فى سرها : نشوف بقى انا ولا انت يا فهد
____________________________________
فى الصباح ...
صحيت مليكه قبل فهد و خدت شاور و صلت و دخلت الفرانده اللى فى الاوضه و اتصلت على كارما
كارما : الو
مليكه : ايه عامله ايه دلوقتي
كارما: تمام و انتِ
مليكه : مخنوقه و هولع فى فهد باذن الله
كارما : ليه كده
مليكه : مش وقته بس دلوقتى انتِ قولتى لطنط على اللى حصل معاكى انتِ و سليم
كارما اتنهدت بحزن : لا مش عارفه اقولها ايه اقولها طلع بيشتغل قناص
مليكه : لا متقوليش حاجه دلوقتي و انتِ هتعملى ايه هتقولى لطنط انك هتيجى تقعدى معايا يومين و لو موفقتش قوليلها مليكه عامله حفله و لازم ابقى معاها
كارما : بس ليه كده
مليكه : اسمعى كلامى بس اولا لانى محتاجه مساعدتك فى حوار كده هفهمك عليه لما تيجى و تانى حاجه هاخد حقى من فهد و فى نفس الوقت تعرفى سليم قد ايه بيحبك
كارما : ده اللى هو ازاى يا ام العريف
مليكه : لما تيجى هفهمك على كل حاجه بس يلا دلوقتى تعالى بسرعه لانى عايزاكى معايا على الفطار
كارما : ماشى بس انا هاجى علشان اساعدك مش علشان سليم و كده
مليكه بخبث : ما انا عارفه ههههه يلا باى و بسرعه
كارما : هههه باى
و خرجت كارما و قالت لماماتها و بعد محاولات وفقت و خدت هدومها و راحت عند مليكه ...
____________________________________
عند مليكه ...
قفلت مع كارما و بصت على فهد لقته لسه نايم نزلت من غير ما تعمل صوت ...
بعد فتره صحى فهد بص جنبه ملقاش مليكه افتكر انها لسه زعلانه منه من امبارح اتنهد و قام دخل خد شاور و لبس و نزل لقاهم كلهم على السفره الا مليكه
فهد: صباح الخير
الكل : صباح النور
فهد بتساؤل : حد شاف مليكه
سليم بهمس و ضحك : هى طرقعتلك ولا ايه
فهد بغيظ : اسكت انا اصلا مش طايقك كله بسببك
سليم : هههه تعيش و تاخد غيرها
محمد : مليكه فى المطبخ بتحضر الفطار
فهد باستغراب : المطبخ !!..امال الخدم فين
عدى : هى اصرت انها تعمل الفطار بنفسها بس ربنا يباركلك فيها بجد يابنى و الله ده بتعامل اللى شغالين هنا كانها عرفاهم من زمان و بكل تواضع
ابتسم فهد على جمال روح حبيبته و قطع كلامهم دخول مليكه مع الخدم ....
مليكه بابتسامه : معلش اتأخرنا عليكوا
فتحيه كبيرت الخدم : ربنا يباركلك فيها يا فهد بيه الهانم زى العسل
مليكه و هى بتحضنها : و الله انتِ اللى عسل
حطوا الاكل
سليم : ايه انتِ مش هتقعدى تاكلى معانا
مليكه بابتسامه: مستنيه حد ده بعد اذن عمو محمد و عمو عدى
محمد : براحتك يا بنتى ده بقى بيتك
عدى و هو بياكل : بصراحه بعد الاكل ده انتِ تعملى اللى انتِ عايزاه
مليكه بابتسامه: شكرا
فهد بغيظ لانها متجاهلاه خالص : و مين بقى انشاء الله اللى جاي
الجرس رن فى الوقت ده
مليكه : هروح افتح يا عمو
و راحت علشان تفتح
فهد بغيظ : هو انا مش موجود هي مش بترد ليه
محمد : واضح انك مزعلها اوى علشان كده مش بتتكلم معاك
عدى : صالحها دي بنت جدعه لما ابوك سالها قالت انها بس منمتش و مقالتش حاجه بس الظاهر انها زعلانه جامد
محمد : احنا هنمشى هنروح الشركه و خليك انت هنا
سليم : يلا يا محمد يلا يا بابا
قاموا علشان يمشوا
مليكه دخلت مع كارما
عدى : حبيبتى عامله ايه
كارما : الحمد الله يا انكل ازاى حضرتك
عدى : الحمد الله انا لو اعرف انك اللى جايه كنت خدت اجازه من الشغل
كارما : ربنا يخليك يا انكل
مليكه : انا قولتلها تبات معانا يومين كده
محمد : كويس يا بنتى اهو تبقى معاكى لحد ما تخدى على الجو و هى  كمان تاخد  على الجو ما هى هتبقى فى وسطينا كمان كام شهر
و بص لسليم و هو على وشه ابتسامه بشوشه
عدى بص لسليم : طبعا حضرتك هتبقى اجازه النهارده ههههه
سليم : و الله كلك ذوق يا عدى
عدى : يابنى احترامنى انا ابوك
سليم : حبيبى
محمد : هههه خلاص يا عدى سيبوا ياخد اجازه النهارده
سليم : حبيبى يا حماده
محمد : هههه ماشى يلا بينا
و خرجوا راحوا على الشركه ...
____________________________________
فهد وقف جنب مليكه : مش هتفطرى
مليكه : كارما يلا نفطر مستنياكى ....كلت يا سليم
سليم : مش اوى ولا فهد كال
فهد بنرفزه : هو انا مش بتكلم معاكى ولا اخرسيتى
مليكه ببرود : اه اخرسيت ممكن تسيبنى بقى فى حالى
فهد : لا مش هسيبك فى حالك غير لما تقوليلى هتسامحينى امتى
مليكه : و مين قالك انى هسامحك انا اصلا مش عايزه اكلمك
و جت تمشى فهد شدها و شالها
مليكه بعصبيه : فهد نزلنى و بطل استهبال
فهد : لا ما انتِ مش بتفهمى بالكلام عن اذنكوا يا جماعه و خدها و طلعوا الاوضه
مليكه بتزعق و بتضرب برجليها فى الهوا : نزلنى يا كارما الحقينى انتِ واقفه ساكته ليه انتِ يا زفتهههههه
كارما جت تطلع وراها علشان تلحقها سليم مسك ايدها : سيبيهم هيحلوا مشاكلهم مع بعض و خليكى معايا
كارما بصت لايدها و بعد كده بصتله : سيب ايدى
سليم : ليه كده يا شرس ده حتى القرب حلو
كارما : سليم الزم حدودك
سليم بابتسامه: ليه كده بس يا دكتورتى
كارما: متقوليش يا زفته
سليم : ليه ده حتى انا حبيبك و كام يوم هبقى جوزك و انتِ مراتى و كده بقى
كارما بسخريه : ههههه تصدق ضحكتنى ابقى مرات مين بس لا ما هو شكل كده الموضوع فى لبس عندك انا مش هتجوزك ماشى
سليم  هو بيشدها  : يا دادا دخلى شنطت الهانم فى الاوضه اللى جنب اوضتى
و بصلها بخبث و شدها للجنينه ...
كارما : انت ازاى تعمل كده
سليم و هو بيقرب منها : عملت ايه
كارما بعدت و بتوتر : انت بتقرب ليه
سليم بخبث : مش قولتلك القرب حلو و انا بحب القرب 
كارما بارتباك و هى بترجع و بنبره محزره : سليم ابعد بقولك
سليم : ليه كده يا حبيبتى ده انا سولى حبيبك مش ناويه تحنى بقى عليا
كارما : لا
سليم : اهون عليكى
كارما بتوتر من قربه : ها .... لا ...اه
سليم قرب منها جامد و حاوطها بايده : يعنى انتِ مبقتيش تحبينى و لا ايه
كارما اتوترت جامد و تاهت فى كلامه : لا
سليم بخبث : يعنى ايه .... بتحبينى
كارما: اه
سليم : طب ما تسامحينى و انا اوعدك مش هغلط تانى
فاقت كارما و بعدت عنه : سليم لو سمحت متعملش كده تانى
و دخلت بسرعه على جوه ...
سليم : هتسامحينى امتى يا كارما هتسامحينى امتى يا حبيبتى ...
____________________________________
عند مليكه و فهد فوق....
مليكه و هى بتضرب فهد على صدره : نزلنى يا فهد نزلنى
فهد : لا الا لما تسمعينى
مليكه : لا مش هسمعك لانك كداب و انا بكره الكدب و انت على طول بتكدب
فهد نزلها : لا يا مليكه مش كداب انا فعلا خلاص مش هشتغل معاهم تانى بس لو انا مخلصتش على ادهم هو ممكن ياذيكى بسببي و ده انا مش هسمح بيه ابدا
مليكه: كان ممكن تقولى مش تخبى عليا
فهد : لو كنت قولتلك كنتى هتخافى و كنتى هتقفى فى طريقى
مليكه : انت ليه بتفترض رد فعلى يعنى انت بتقرر اذا كنت هضايق ولا لا و كمان هقول ايه و هعمل ايه ممكن افهم انا بقى لزمتى ايه
فهد حاول يهدا : يا حبيبتى مقصدش انا خايف عليكى
مليكه : فهد سيبنى لوحدى
فهد : لا مش هسيبك الا لما تنسى اللى حصل
مليكه بحزن : خلاص يا فهد انا اضايقت لما حسيت انى مليش وجود فى حياتك و انى معرفش اى حاجه عنها زي زي الغريب
فهد : مليكه انا...
قاطعته مليكه : يلا يا فهد ننزل انا جبت كارما علشان اساعد سليم انهم يرجعوا لانى متاكده انه بيحبها
و نزلت و نزل فهد بعديها لقت كارما داخله من الجنينه و سليم وراها..
مليكه : كارما عايزاكى لحظه
و خدت كارما و طلعوا الاوضه ...
كارما: احكيلى بقى ايه اللى حصل و ليه زعلانه كده
حكت لها مليكه اللى فهد عمله
مليكه بدموع : هو انا ليه كل ما حد يقولى حاجه فى الاخر يطلع بيكدب عليا او بيخدعنى اول بيقولى كلام و خلاص هو للدرجادى انا محدش بيحس بيه للدرجادى انا مليش قيمه عند حد
كارما : يا حبيبتى اهدى هو ممكن بس يكون عمل كده علشان خايف عليكى زى ما قالك
مليكه : لا مطلعيش ليه مبرر و خلاص يبقى مكنش يقولى من الاول مكنش يقول و بعد كده يرجع يضحك عليا انتِ عايزه تقنعينى ان ادهم ده هيسكت لا طبعا يبقى هو عمل ايه ..
كارما : يا مليكه اكيد فهد مش قاصده يكدب عليكى
مليكه : امال قاصده ايه طب لو مش عايز يكدب عليا مقليش ليه و اضايق لما سليم قال قدامى
كارما : علشان  لو كان قالك مكنتيش هترضى و تزعلى لانه هينفذ اللى فى دماغه
مليكه : انتِ معاه و لا معايا
كارما : انا معاكى طبعا بس لازم اقول الحق و التمسله العذر
مليكه: طب ما تلتمسى العذر لسليم و الله بيحبك انتِ مش بتشوفى هو بيبقا عامل ازاى
كارما: يا مليكه خلينا فى موضوعك
مليكه : لا موضوعى انا و انا عارفه انه ده نهايته لكن انتِ لسه فى فرصه
كارما جت تتكلم سمعوا صوت بره الاوضه
مليكه بهمس : هوشششش تعالى ورايا براحه
كارما بهمس : فى ايه
مليكه : تعالى نشوف
و اتسحبوا و فاجاه فتحت مليكه الباب لقت سليم لازق ودنه عند الباب و فهد واقف النحيه التانيه ...
مليكه : بتعملوا ايه
سليم بتمثيل : مرات اخويا حبيبتى احنا كنا ماشيين من هنا سمعنا صوت قولنا نتاكده بس انكوا كويسين
مليكه ببصه خبث : والله
سليم : عيب والله لازم يبقى فى ثقه شويه
سليم باحراج لفهد : نمشى احنا صح
فهد : اه يلا
و نزلوا الاتنين
مليكه و كارما انفجروا من الضحك ....
كارما بضحك : تعالى ننزل يلا
مليكه : هههه يلا
فهد و سليم نزلوا ...
فهد : يخربيت افكارك شكلنا بقى زباله
فلاش باك ...
بعد ما مليكه و كارما طلعوا ....
سليم بص لفهد بخبث
فهد : مستحيل
سليم بتوسل : يا عم يلا لحسن الفضول هيقتلنى و اعرف هيقولوا ايه
فهد : شكلهم عايزين يتكلموا سيبهم
سليم : خلاص خليك انا هطلع و اشوف مش يمكن يكونوا مضايقين مننا فى حاجه اهو نعرف علشان نصالحهم
فهد : امرى لله يلا
سليم : ايوه كده يا كينج ..
طلعوا و قفوا بره و سمعوا كلامهم كله و فهد اضايق على مليكه و انه زعلها اوى كده ...
باك..
سليم : هنعمل ايه انا لازم اصالح كارما بقى
فهد : اه تعالى معايا ..
سليم : فين
فهد : امشى وانت ساكت يلا
سليم : يلا
فهد لقى مليكه و كارما نزلوا ...
فهد : احنا رايحين مشوار و جاين على طول
مليكه بيرود : مسالتكش على فكر......  ، سليم و انت جى ابقى هات شوكولاته لان انا و كارما بنحبها
كارما : لا انا مش عايزه
سليم بحب : ده انا اجيب مصنع شوكلاته علشان خاطر عيون دكتورتى
فهد بغيظ : و هو حضرتك  مش شايفه ان جوزك واقف تطلبى منه و لا انا رجل كرسى واقف
مليكه باستفزاز : انا مش عايزه منك حاجه انا طلبت من سليم
فهد : طب خشى جوه بدل ما ارتكب جنايه دلوقتى
مليكه ببرود : برحتى اقعد فى المكان اللى يعجبنى
كارما : خلاص يا فهد معلش خليها عليك
فهد: ماشى علشان خاطرك
و بص لمليكه : حسابك معايا بعدين
و غمزلها و مشى
كارما: هههه و الله حلوين اوى مع بعض
مليكه : يا شيخه اتلهى ده احنا عاملين زى توم و جيرى
كارما : هههه برده حلوين
مليكه : طب يلا يا حلوه نعمل حاجه ناكلها لانى هموت من الجوع
كارما: اه و انا
و راحوا على المطبخ ...
__________________________________
فى مكان مجهول ...
ادهم بحقد : بقى انا فهد الكيلانى يعمل معايا كده والله لندمه على اللى عمله هموتك يا فهد هموتك انت و سليم
شخص : متقلقش هننتقم منهم
ادهم : بس انت ليه بتكره فهد كده  و عايز تنتقم منه ليه
شخص : خد منى حاجه كنت عايزها و زلنى انا هحرق قلبه عليها بقى انا يعملوا معايا كده
ادهم : خلاص يبقى لازم نعجل بالخطه و التانى اللى هيوقع سليم ده اخباره ايه
شخص : خلاص قرب يحرق قلبه هو كمان
ادهم بضحكه شريره : هانت و هبقى انا الكينج و محدش يقدر يرفع راسه قدامى هانت يا .... يا كينج
____________________________________
عند نور و مروان
مروان اتفق مع عز انه هيتقدم لنور رسمى اخر الاسبوع و هيجى هو و مامته و باباه
____________________________________
فهد و سليم و صلوا القصر و كانت الساعه سته المغرب .
فهد : هو القصر فاضى كده ليه
سليم : مش عارف هما فين
فهد نده على حد من الخدم ..
فهد : هى مليكه فين
الخادمه : الهانم هى و الهانم التانيه فى المطبخ
فهد : ماشى امشى انتِ دلوقتي
قربوا من المطبخ سمعوا صوت ضحك عالى ...
دخلوا اتصدموا من المشهد ...
لقوا مليكه و كارما متغرقين دقيق و المطبخ متبهدل و الاتنين واقعين فى الارض و عمالين يضحكوا ...
فهد بابتسامة: ايه ده
سليم : دي حفلة دقيق هههه
مليكه بين ضحكتها : كنا بنحاول نعمل بيتزا
كارما بضحك : بس الفلحه دلقت الدقيق علينا
مليكه : و حضرتها وقعت البيض و اتزحلقنا
سليم : هههه طب قوموا يلا
و ساعدوهم يقوموا
مليكه خطرت فى بالها فكره و بصت لكارما بخبث و بصت على الكاتشب و المسترده كارما ضحكت
مليكه بجديه مصطنه : ايه اللى ورا ده
فهد و سليم لفوا : ايه
و اول لما لفوا تانى مليكه  كارما رشوا فى و شهم الكاتشب و المسترده
مليكه : ههههههه شكلوكوا مسخرههههه ههههه
كارما : ههههه مش قادره شكلكوا يموت من الضحك
فهد بغضب مصطنع : ايه اللى انتِ عملتيه ده
مليكه و هى بترجع لورا : اهدى بس هفهمك
وجريت  و فهد وراها ...
كارما قعدت تضحك و بعد كده بصت لقت سليم باصصلها بغضب : انت باصصلى كده ليه اقولك فى مثل بيقول الجرى نص الجدعنه هههههههه جريت و هو جرى وراها
مليكه و هى بتجرى : هههه اهدى يا فهد اهدى مش كده
فهد : بقى تبهدلينى بالكاتشب كده
مليكه: ههههه اهدى بس هههه شكلك كده احلى
فهد وقف : خلاص تعالى
مليكه : عبيطه انا علشان اجي
لقت كارما بتجرى عليها و بقى فهد و سليم فى نحيه و الناحيه التانيه مليكه و كارما و اللى بيفصل بنهم طربيزه بكراسى ….
كارما : اهدى يا سليم بهزر يا رمضان مبتهزرش
سليم بص لفهد و ضحكوا الاتنين ضحكه شريره
مليكه بخوف : كارما انا مش متفائله
كارما: و الله ولا انا
و فجاه كان فهد و سليم ماسكين خراطيم الميه اللى كانت فى الجنينه و غرقوهم
مليكه : عاااااا بااسس
كارما : لااااا بس يا سليمممم
فهد : ههههه احسن علشان تحرموا
سليم : بقا انتوا بتغرقونا احنا عيب
جريوا مليكه و كارما على جوه
و فهد وسليم ضحكوا عليهم و سابوا الميه و دخلوا
مليكه : و الله ما هسيبكوا
كارما : مليكه احنا اتعلم علينا
مليكه : الشاطر اللى يضحك فى الاخر
و طلعوا الاتنين اخدوا شاور و فهد و سليم طلعوا اخدوا شاور بس فهد دخل اوضه تانيه علشان مليكه فى الحمام اللى فى الاوضه بتاعتهم ولبسوا كلهم و نزلوا  ..
و مليكه و كارما مكنوش طايقنهم ...قعدوا اتغدوا و خلصوا ...
سليم بيقدم علبه لكارما : اتفضلى يا دكتورتى الشوكولاته
كارما فرحت انه فاكر : ميرسى مش عايزه
سليم : ما انتِ هتاخديها هتاخديها ، تاكليها لوحدك ولا اكلهالك انا
كارما خدتها :لا شكرا هاكلها انا
مليكه بغمزه : ولعا هههه
كارما بكسوف : مليكه
مليكه : هههه بس بلا مليكه بلا مش مليكه انا قايمه اعمل شاى مين يشرب معايا
فهد : خليكى انتِ و الخدم يعملوه
مليكه : لا انا بحب اعمله لو مش عايز برحتك
فهد: انا عايز قهوه
سليم : و انا هشرب قهوه لو سمحتى
كارما: و انا شاى بس استنى هاجى معاكى
مليكه بمكر : لا انتِ روحى انتِ و سليم شوفوا حاجه نتفرج عليها على التليفزيون
سليم بفرحه : حبيبتى و الله يا مليكه يالى فهمانى
فهد بغيره : متحترم نفسك يلا ايه حبيبتى دي هى مش حبيبت حد غيرى ما تلميه يا كارما
كارما: ههههه و انا مالى هو اللى لسانه عايز القص يستاهل
سليم : و اهون عليكى
كارما : اه
مليكه : هههه بس و يلا روحوا
و دخلت هى المطبخ و سليم و كارما راحوا يشوفوا فيلم يتفرجوا عليه
فهد دخل ورا حبييه المطبخ و شاور للخدم يخرجوا و حضنها من ورا ..
فهد بحنيه : ملكتى مش هتسامحنى بقى و الله حرام
مليكه : و الله و انت بتزعل ملكتك ليه من الاول
فهد : غبى ...خلاص بقى يا روحى متزعليش ده حتى احنا فى شهر العسل و كده
مليكه : خلاص بس اوعدنى يا فهد انك متخبيش عنى حاجه تانى
فهد لفها ليه : و الله ما هخبى عليكى حاجه تانى ...مليكه انا بحبك و مقدرش على بعدك
مليكه بحزن : انا زعلت اوى لان كل ما احاول اثق فيك تخلينى افقد الثقه دي لا و كمان بتزعقلى
فهد باس ايدها : خلاص متزعليش منى بقى انا مقدرش على زعلك و اسف انى عليت صوتى عليكى بس انتِ عصبتينى
مليكه : يا سلام و هو انا كل ما هنرفزك هتتعصب كده
فهد ضحك : بتتحولى فى ثانيه هههه بس انا اوعدك احاول اتحكم فى عصبيتى ماشى
مليكه بابتسامه: ماشى
فهد طلع علبه من جيبه و فتحها كان فيها خاتم الماس حلو جدا و رقيق
مليكه : الله ده حلو اوى
فهد بحب : مش احلى منك
و لبسهولها و باس ايدها : ربنا مايحرمنى منك يا ملكتى و كمان فى مفاجاه
مليكه بفرحه : ايه
فهد : لا اول لما تدخلى هقولهالك يلا
مليكه بوجه برئ لاستعطافه : علشان خاطرى يا فهد قولى ايه هي
فهد اتنهد و بغيظ : طب بلاش الشكل ده لحسن والله انا ما ضامن ممكن اعمل ايه فابعدى عنى انا على اخرى اصلا
مليكه : هههه يعنى برده مش هتقولى
فهد باسها من خدها : لا يا قلبى مش هقولك و بطلى بقى لانى بدات انهار و هتبقى انتِ المسؤله يلا
مليكه : ههههه خلاص
و عملوا الشاى و القهوه و خدوها و راحوا عند سليم و كارما ..
___________________________________
عند كارما و سليم ...
كارما : هو الريموت فين
سليم بمكر : مش عارف
كارما : طب دور معايا كده
قعدوا يدوروا و كل ما تروح فى حته هو يروح وراها
كارما باستغراب : انت بتعمل ايه
سليم : بدور على الريموت
كارما : طب دور انت هناك و انا هدور هنا
سليم : تؤتؤ انا حابب ادور هنا
كارما : طب انا هروح ادور هناك
جت تمشى مسكها سليم و بدا يرقص  معاها
كارما: سليم انت بتعمل ايه سيبنى
سليم : لا مش هسيبك انا واحشنى ملامحك سيبينى اشبع منها
كارما بتوتر من قربه فهى لسه بتحبه بس مش عايزه تضعف : ابعد ...ابعد يا سليم و بعدين احنا بنرقص و مفيش موسيقى و لو حد شافنا يقول ايه ..
سليم بحب : شششششش انسى حاولى تنسى احنا بقينا ايه و افتكرى كنا ايه غمضى عينك و افتكرى يوم ما قولتلك بحبك و انت كمان اعترفتيلى سيبى نفسك و افتكرى و احنا بنرقص على الاغنيه و مكناش قدرين نبعد غمضى عينك يا روحى ...
غمضوا الاتنين عينهم و افتكروا اللحظه دي و الاتنين كانهم سمعين الاغنيه بجد و بيرقصوا تايهين فى دنيا تانيه و كارما استسلمت للحظه و نسيت ان سليم كذب عليها كل اللى فكراه مليكها سليم ...
اترمت فى حضنه و هو حضنها جامد كل واحد كان بيحاول يشبع من التانى مكنوش حاسين بحاجه غير نبضات قلبهم اللى بتنطق باساميهم ...
مليكه و فهد دخلوا لقوهم كده اتاكدوا قد ايه الاتنين بيحبوا بعض فهد كان هيتكلم منعته مليكه و حطت الصنيه براحه و همست فى ودنه : سيبهم نسين كل حاجه و مش حسين بحاجه غير ببعضهم هما محتاجين اللحظه دي
فهد بصلها بحب و همسلها : بحبك
و فهد مسك ايد مليكه و هما كمان بدأوا يرقصوا على نغمت قلوبهم العاشقه و على صوت همساتهم اللى كانت احلى من الموسيقى ...
و بعد شويه مليكه بعدت عن حضن فهد و بصتله بحب و همستله بجانب ودنه : بحبك
فهد مش مستوعب هل حبيبته اعترفت بحبها ليه دلوقتى ولا هو بتخيل و لا بيتوهم بصلها و علامات الصدمه مقصره ...
فهد بصدمه : انت قولتى ايه
مليكه بحب : بحبك ...بحبك يا فهد...بعشقك يا فهدى
فهد شالها و لف بيها و كان مبسوط جدا و فرحان ان ملكت قلبه بتحبه لا بتعشقه زى ما هو بيعشقها ...
فهد بفرحه : بموت فيكى يا ملكت قلبى ...بحبك ...بحبككككك
كارما و سليم فاقوا علي صوت فهد و ضحك مليكه ...
بعدت كارما عن سليم و قعدت تفكر هو ده حصل ازاى الوقت ده عدى ازاى و هى مش حاسه كان الوقت وقف عندهم ....
و سليم كان مبسوط لانه اتاكد انها لسه بتحبه زى الاول و يمكن اكتر و ساعتها عزم على انه هيرجعها ليه و يصالحها يصالح دكتورته ...
سليم بابتسامه : ايه فرحونه معاكوا
فهد بفرحه : مفيش ملكتى قلتلى اجمل كلمه كلمه ممكن اسمعها و اللى كنت مستنيها
كارما فرحت ان صحبتها واختها اعترفت بحبها و مضيعتش وقت ولا ضيعت حبها من ايدها
سليم بضحك : عقبالنا يارب ما تحن عليا كده بدل ما انا سنه و هحب على نفسى والله
مليكه بفرحه : هههه متقلقش قريب هتحن
و غمزت لكارما
مليكه : صح يا فهد ايه المفاجأة
فهد : انا جبتلك الفيلم الجديد لتوم كروز 
مليكه بفرحه : بجد ازاى ده لسه نازل
فهد : يا حبيبتى انتِ تؤمرى و انا انفذ حتى لو طلبتى القمر و كمان لما كنا فى السينما مشينا فى نصه فقولت نتفرج عليه سوا
مليكه : حبيبى رينا يخليك ليا
فهد : ويخليكى ليا
سليم : يا جماعه حسوا بيه شويه ده انا حتى غلبان و مطرقعلى على قفايا حرام مش كده
كارما : اسكت بقى و سيبهم يفرحوا
سليم بهيام : طب انا مش ناوى افرح ولا ايه حرام والله بحبك
كارما بتحاول تخفى ابتسامتها
سليم بضحك : ضحكت يعنى قلبها مال و خلاص الفرق ما بنا اتشال
فهد: ههههه يا ابنى براحه على البنت دي مش عارفه تفلفس من ايدك
سليم : ولا هتعرف وحياتك
كارما : طب ممكن بقى نتفرج على الفيلم
مليكه : اه يلا
كارما : بس احنا مش لاقين الريموت
فهد شد الريموت من جيب سليم من غير ما حد ما يحس
فهد : الريموت اهو
سليم: ايه ده ازاى
فهد بغمزه : عيب عليك انا الكينج هههه
و قعدوا يتفرجوا على الفيلم وسط مشاكسه سليم لكارما و غيره فهد على مليكه لما بتتكلم على توم كروز و نظرات الحب بينهم ….
خلص الفيلم و قاموا علشان يطلعوا يناموا مليكه همست لكارما بحاجه
فهد : يلا ننام بقى
مليكه : اه بس معلش يا حبيبى ممكن تشوفلى بس الموبيل بتاعى فى الاوضه الصغيره لحد ما اوصل كارما اوضتها
فهد : حاضر يا روحى
مليكه : و انت  يا سليم اصل بصراحه  موبايل كارما كمان ضايع و هى مكسوفه تطلب منك
سليم : عيونى ليها
و راح سليم و فهد الاوضه الصغيره و كان فيها سرير واحد وسط و كرسى و حمام
راحوا كارما و حبيببه وراهم و خدوا المفتاح من جوه وقفلوا الباب بسرعه من بره بالمفتاح
فهد اول لما قفلوا الباب جرى على الباب  : افتحوا الباب
مليكه : هههههه خليكوا نيمين هنا بقى علشان تحرموا تروشوا علينا ميه
سليم بغيظ : افتحوا هنام ازاى هنا احنا الاتنين
كارما: ههههه تستاهلوا
فهد بغيظ : افتحوا و الله هطلع اطين عيشتكوا بس افتحوا
مليكه : ههههه خلاص يا حبيبى بقى روح نام
كارما: هههههه يلا تصبحوا على خير
و الاتنين قعدوا يضحكوا و بعد كده كل واحده راحت الاوضه بتاعتها و غيروا هدومهم و ناموا.....
و فهد و سليم متغاظين من اللى عملوه و اتوعدلهم بالانتقام
___________________________________
فى الصباح...
مليكه صحيت و دخلت خدت شاور و لبست وصلت و نزلت عند كارما ….
خبطت و كارما فتحتلها ...
مليكه بابتسامه : صباح الخير
كارما بابتسامه: صباح النور كنت لسه هجيلك اصحيكى اصل انا عارفه نومك زباله هههه
مليكه : هههههه ده كان زمان يلا نفطر زمان فهد و سليم و انكل محمد و انكل عدى تحت على السفره ...
كارما : اه يلا …..بس ثانيه هو فهد و سليم ....
بعد كده بصت لمليكه بصدمه
مليكه بخضه : يا نهار شاى بلبن ده احنا هنتعمل بوفتيك
كارما بخوف : هنعمل ايه انا خايفه
مليكه بخوف : مين سمعك ...انا عندى فكره احنا نفتح الباب و نطلع نجرى على تحت و انكل محمد و انكل عدى يحشوهم عننا
كارما: متاكده
مليكه : مفيش غير كده ...
راحوا اتسحبوا لحد الاوضه اللى فيها فهد و سليم ..
كارما بخوف : افتحى انتِ
مليكه بلعت ريقها : الله يرحمنا كنا طيبين والله
و فتحت الباب براحه لقت فهد و سليم نايمين على السرير و مش عارفين يناموا كان سليم حاطط رجله على فهد و فهد مش عارف ينام و عمال يزق فيه كان شكلهم يموت من الضحك ...
فهد بنعاس : اوووف اوعى بقى زهقتنى
سليم بنوم : ارحمنى بقى عايز انام مش كفايه النومه الكلابى دي
فهد لسه هيتكلم سمع صوت ضحك على الباب بص لقى مليكه و كارما بيضحكوا ..
فهد خبط سليم علشان يفوق ...
فهد : جيتوا لقضاكوا
سليم : امسكهم
و طلعوا يجروا عليهم ...مليكه و كارما شافوهم صوتوا و جريوا ....
مليكه : يا عمو الحقنى
فهد بزعيق : مليكه تعالى مش هفضل اجرى وراكى
مليكه : لااالاا هبله انا صح ...الحقنى يا عموووو
و استخبت ورا محمد
فهد بعصبيه : بابا اوعى بعد اذنك
محمد : فهمنى بس ايه اللى حصل
فهد بغضب : طب حاسب بس و هقولك بعدين
عدى : اهدى يا ابنى بس و قول ايه اللى حصل
كارما : عاااااا الحقونى ...يا سليم خلاص ....يا انكل
و استخبت فى حضن عدى
سليم : و الله ما انا سايبك بقى انتوا تعملوا معانا كده
مليكه طلعت دماغها من ورا محمد و هى لسه ماسكه فيه : ايه انتوا
فهد بعصبيه : انتِ تخرسى خالص اكيد الفكره دي بتعتك
محمد : بسسسس ممكن بقى حد يفهمني ايه اللى حصل
فهد : الهوانم الاتنين قفلوا علينا فى الاوضه الصغيره و معرفناش نخرج غير لما الاساتذه اتكرمه علينا و فتحوا بالمفتاح
عدى بيحاول يكتم الضحك : طب انتوا ليه عملتوا كده
مليكه: و الله يا انكل هما اللى بدأو و امبارح رشوا علينا ميه
سليم : تستاهلوا مش انتوا اللى رشتونا بالكتشب و المسترده الاول
كارما باحراج : اه ..... بس برده احنا كنا بنردلكوا اللى عملتوه
محمد بضحك على اللى عملوه : خلاص طيب معلش المره دي
فهد بعصبيه : يا محمد انت بتضحك انت و عدى
عدى : ههههه اصل بصراحه القرود دول عملوا اللى محدش قدر يعمله ههههه و عملوا حس للبيت
مليكه : ههههه ربنا يخليك يا انكل يا حبيبى
محمد : خلاص يا فهد معلش اقعد افطر بقى هههه
فهد : خلاص يا بابا علشان خاطرك
سليم : انت هتسيبهم كده ...
فهد بصله بصه ذات معنه : خلاص يا سليم بابا قال خلاص
محمد : حبيبى يا ابنى
مليكه : لا و النبى يا انكل و الله بص عينه بطلع شرار
محمد : هههه متخافيش انا جنبك
مليكه : طب و النبى خليك هنا متمشيش
فهد شد مليكه بغيره: تعالى هنا انتِ استحليتيها لزقه فيه كده ليه
محمد : بقى بتغير منى هههه طب تعالى يا مليكه
و فتح ذراعه مليكه جريت عليه و حضنته
مليكه : حبيبى يا انكل
محمد : روح قلب انكل
سليم لفهد بهمس و بغيره : هو فى ايه كل واحد ماسك واحده و مش سايبها
فهد بغيره : طب بس بدل ما اهد البيت على اللى فيه انا اصلا على اخرى و الاستاذه رايحه تجرى على حضنه و الله لعلقها ...
سليم بغيره : فى ايه يا بابا انت استحليتها ما تبعد شويه
عدى : ههههه كده متخلينيش اخدها منك خالص
سليم : كده يا بابا ماشى و انتِ يا ماما ابعدى حبه
كارما ببرود : لا انا مرتاحه كده انكل عدى حبيبى صح يا انكل
عدى : طبعا يا روح قلب انكل
سليم بعصبيه : لا بقى هى روح قلبى انا بس
و سابهم و طلع
عدى : ههههه جننتى الواد
كارما : و الله انا مستلماه كده هههه
كل ده بيحصل و فهد بيبص لمليكه بغضب و هى بتحاول تبان مش هاممها بس هى هتموت من الرعب...
سليم نزل بعد ما غير هدومه بس كان متجاهل كارما و بعد كده قعدوا يكلوا ...
محمد : اعملوا حسابكوا النهارده اخر يوم للاجازه من بكرا هتنزلوا الشغل
عدى : اه كفايه عليكوا كده هههه
فهد : حبيبتى تعالى معايا طلعيلى هدوم
مليكه بخوف : لازم يعنى
فهد بخبث : طبعا يا قلبى ...عن اذنكوا
و خد مليكه و طلع  …
محمد : يلا احنا يا عدى
عدى : يلا ...
و مشيوا ….
__________________________________
سليم قام و جه يمشى ..
كارما : انا اسفه متزعلش
سليم ببرود : مش مهم
كارما : فى ايه مالك
سليم : مفيش و مش انتِ كنتى عايزانى ابعد انا هبعد
و سابها و مشى ....هى سمعت كده نزلت دمعه من عينه
كارما بتمسح دموعها : ايوه صح مش انتِ عايزه كده احسن زعلتي ليه بقى
و راحت على الجنينه …
سليم كان متابعها : اسف يا قلبى بس لازم اعمل كده يمكن تحسى بحبى ليكى بس اوعدك انى هرجعك ليا ...
___________________________________
عند فهد و مليكه....
دخلت مليكه و فهد وراها و قفل الباب بالمفتاح ...
فهد بغيظ : بقى تقفلى الباب عليه و تسيبينى نايم نومه الكلاب دي بقى تعملى معايا كده و الله ما انا سايبك
مليكه جريت بعيد : اهدى يا فهد اهدى يا حبيبى اهدى كده
فهد : اهدى ده انا هعلقك
و طلع جرى وراها و هى تجرى
مليكه : لااا يا فهد اهدى براحه كده ....كانت حركه طايشه متخدش فى بالك
فهد : طايشه انا هوريكى الطيش كله تعالى هنا...
مليكه وقفت و تعبت من كتر الجرى و بصتله بخبث : فهدى ...حبيبى ....
فهد رفع حاجبه باستغراب : مليكه انتِ عايزه ايه لانى مش مستريحلك
مليكه بمكر و هى بتقرب منه : كده يا روحى هو حرام ادلع جوزى حبيبى
فهد : اممم جوزك حبيبك انتِ كده بتثبتينى يعنى
مليكه بضحك : بصراحه اه هههه
فهد بابتسامه و حضنها : و بصراحه انا اتثبت
مليكه حضنته : ههههه يعنى نجحت
فهد بصلها و بمكر : بس لازم تاخدى عقابك على اللى عملتيه
مليكه : مش انت قولت خلاص
فهد : لا مقولتش
مليكه بغيظ طفولى : اووففف ماشى
فهد : ههههه والله متجوز طفله
مليكه : انا مش طفله
فهد بحب : لا طفله و احلى طفله
مليكه بابتسامه: يعنى لسه برده عايز تعاقبنى
فهد بابتسامة : طبعا
و قرب منها و باسها بكل حبه و عشقه ليها و مليكه كانت بتذوب معاه فى بحور عشقه ، فهد شد الطرحه من على شعرها
فهد سند جبينه على جبينها و بعشق متيم : بحبك ...بعشقك يا ملكتى ... بعشقك يا احلى ما فى حياتى ....بعشقك يا ملكت الفهد .
مليكه كانت سرحانه فى كلامه و حبه ليها ...
حضنته مليكه : و انا كمان بحبك اوى معرفش ازاى بس اللى اعرفه انى وقعت فى غرامك و بس و مقدرش اعيش من غيرك بحبك يا فهدى بحبك
فهد باسها تانى و دخلوا الاتنين فى عالمهم الخاص عالم ليس فيه الا هما وحبهم و عشقهم و اصبحت مليكه ملكت الفهد قولها و فعلا ....
___________________________________
عند كارما ....
تليفونها رن ...
كارما : الو
فرحه: ايه يا بنتى فينك
كارما : موجوده انتِ عامله ايه
فرحه: الحمد الله هتيجى معانا النهارده عند مليكه
كارما : انا عندها اصلا بيتها عندها من امبارح انتوا جايين النهارده
فرحه: اه ..خلاص لو كده قوليلها بقى انتِ اننا جاين ماشى
كارما : ماشى
فرحه: يلا باى
كارما: باى
سيلا و هى بتجرى عليها  : انطي كالما انطى كالما
كارما بفرحه حضنتها : حبيبة قلبى انا و حشتينى
سيلا : يا ثلام واضح امال مش بتثألى عليا ليه
كارما : معلش يا روحى غصب عنى والله بس انتِ قوليلي انتِ مين جابك
سيلا : انكل ثليم هو مقلكيش ولا ايه
كارما بتوتر : ايه ...لا قالى
سيلا بحزن : هو انا ممكن اطلب طلب ثغنن
كارما : طبعا انتِ طلباتك كلها مجابه يا قلبى نفسك فى ايه
سيلا بدموع: عندي بارتى فى الاثكول  بتاعتى بث لازم يجى مامى و بابى و انا مش عندى ممكن تيجى معايا انتِ و انكل ثليم
كارما حضنتها جامد : يا روحى هو احنا مش اتفقنا ان انا ابقى مامى صح ولا ايه و بعدين طبعا اجى اصلاً انتِ لو مكنتيش طلبتى و حكيتيلى ان فى حفله كنت هقولك يا سيلا خدينى معاكى
و مسحتلها دموعها : مش عيزاكى تعيطى تانى ماشى و من النهارده تقوليلى مامى ماشى يا روحى
سيلا باستها فى خدها و بعد كده حضنتها جامد و سقفت بايدها و بفرحه : بجد يعنى انا بقى عندى مامى زى كل ثحابى انا بحبك اوى يا مامى
كارما بابتسامه : يا روح قلبى
سيلا : خلاص البارتى الاثبوع اللى جى هثتناكى يا مامى يلا انا همشى
كارما: ليه كده خليكى شويه
سيلا : مش هينفع اصلى عندى هوم ورك كتير اوى و لازم يخلث انا جيت علشان اقولك على البارتى
كارما: ماشى يا روحى خلينى اشوفك و تعالى بقى اوصلك
خرجت هي و سيلا ....
سيلا : بابى
سليم بصلها بسعاده لانه كان نفسه يسمع منها الكلمه دي اوى و انها تعتبره زى باباها
سليم : حبيبت بابى اخيرا قولتيهالى
سيلا: ما مامى كالما بقت مامى فاكيد انت  بابى مش انت هتتجوزها
سليم بتوتر : طبعا يا روحى
سيلا : هثتناك علشان البارتى يا بابى
سليم: طبعا يا روح بابى
سيلا : يلا باى
سليم : باى
و مشيت علشان تركب مع السواق
و كارما جت تطلع لمليكه لقت سليم طالع هو كمان ...
سليم : ممكن افهم رايحه فين
كارما : ده يخصك  فى حاجه
سليم : اه طبعا و بعدين انتِ اوضتك تحت
كارما : و الله ملكش فيه
و طلعوا لحد ما وصلوا الدور اللى فيه اوضه سليم و جت تطلع الدور التانى لقت سليم طالع
كارما: و انا كمان اعتقد ان اوضتك تحت
سليم : و مين قالك انى طالع اوضتى انا رايح لفهد ممكن بقى تقولى انتِ رايحه فين
كارما : طالعه لمليكه
سليم : ماشى اتفضلى
و طلعوا الإتنين ....
___________________________________
عند مليكه و فهد ...
فهد قام خد شاور و بعد كده مليكه قامت  خدت شاور و لبست و واقفه قدام المرايه بتنشف شعرها و فهد باصص عليها ...
مليكه باستغراب : بتبصلى كده ليه
فهد قام و حضنها من ورا : مش مصدق
مليكه ابتسمت : مش مصدق ايه
فهد بابتسامة: مش مصدق ان البنت اللى اتخانقت معاها اول يوم فى الشركه تبقى حبيبتى و البنت اللى بسببى دخلت المستشفى ابقى بموت عليها من مجرد التفكير ان حد يقربلها و ان اللى وقفت وعندت قدامى و كنت بكرها زمان ، دلوقتي مقدرش اعيش من غيرها ، انتِ اصبتينى بعشقك
مليكه ضحكت جامد
فهد ضحك على ضحكها : بتضحكى ليه
مليكه بين ضحكاتها : اصل بصراحه اول مره شوفتك فيها كنت رخم اوى  و مغرور و متكبر و كنت عايزه اضربك بالقلم على وشك ههههه
فهد: هههه بقى كده يعنى انا كنت رخم ده انتِ كنتى عنديه و شايفه نفسك
مليكه بغرور مصطنع : طبعا ده انا مليكه عز هههه
فهد: يا سلام على ثقه ههههه
مليكه : ضحكتك حلوه اوى
فهد بثقه : عارف انا كلى اجنن اصلا
مليكه : و رخم اوى .....، ابعد بقى علشان اخلص لبس
و لبست الطرحه و الباب خبط ....فهد فتح و كان سليم و كارما وقفين ....
سليم بضحك : ايه يا عم كل ده بتغير هدومك ايه
فهد بغيظ : و انت مالك يا رزل عايز ايه
سليم بغمزه : ماشى يا عم الله يسهله
فهد : يخربيت عينك
مليكه جت من ورا فهد و بضحك : ايه ده كارما و سليم مره واحده ايه ده ده احنا نتحسد
كارما : هههه يلا يا حلوه بطلى تريقه علشان البنات جاين النهارده
مليكه بفرحه : بجد الله
كارما بفرحه : و الله
سليم : و كمان الشباب جايين يباركولك لسه كريم مكلمنى  تحت قولت لطلع اقولكوا
فهد : طب يلا ننزل نستناهم
حبييه : اه يلا ..
و نزلوا استنوهم تحت و طول الوقت سليم متجاهل كارما بس بيسرق نظرات ليها و هى متلخبطه مش عارفه تعمل ايه و فهد و مليكه قعدين بيبصوا لبعض بحب ....
بعد فتره الجرس رن قتحت الخدامه و كانوا عمر و مصطفى و كريم ...
فهد بابتسامة : اهلا بالشباب عاملين ايه
مصطفى بابتسامه  : الحمد الله و انت يا عريس
فهد : الحمد الله
عمر بابتسامه  : اهلا بعروستنا الجميله
سليم بضحك : الله يحرقك يا عمر هتروح فى دهيه
مليكه : الحمد الله و انت
فهد بغيره : ما خلاص يا حلو منك ليها و انت لم نفسك يلا بدل و الله اعمل وشك خرايط
عمر بخوف مصطنع  : ايه يا عم انت هتتحول ولا ايه خلاص ده انا حتى على وش جواز
سليم : مين تعيسه الحظ
كريم بضحك : فرحه صاحبه مليكه و كارما
كارما : بجد الجزمه مقالتليش
مليكه : ولا انا بس لما تيجى
كريم بتوتر : هي جيه لوحدها
سليم بمكر : احتمال
كريم بهمس : يادى النيله
عمر : بتقول حاجه يا كريم
كريم بغيظ: لا يا حبيبى مفيش
قعدوا يتكلموا و يضحكوا و بعد فتره الباب خبط و لما الخدامه فتحت كانوا البنات ..
مليكه بفرحه: حبايبى
و سلموا عليها هى و كارما و بعد كده اتفاجوا من اللى قعدين ….
عمر راح لفرحه و سلم عليها و بعد كده سلم على الباقى و خدها علشان تقعد جنبه ....و الباقى قعدوا .....
عمر : ايه رايكوا نلعب 
البنات فرحت ووافقت و الشباب اعترضوا فى الاول بس بعد كده وافقوا
فهد : طب ايه رايكوا نخرج الجنينه
الكل : اه ماشى
مليكه : و انا هروح اقول للخدم يجهزوا ايه و جايه
فهد : استنى هاجى معاكى
كارما : و انا هجيب حاجه من اوضتى و جايه وراكوا
سليم : و انا هعمل مكالمه و جى
الباقى : تمام
و خرج الباقى للجنينه ....و كان واقف فرحه و عمر لوحدهم ...ولينا و رنا لوحدهم .....و كريم و مصطفى لوحدهم ...
كارما طلعت جابت الموبايل بتاعها من الاوضه  و هى رايحه للجنينه سمعت سليم و هو بيتكلم فى الموبايل ....
و كانت صدمه بنسبلها

تفتكروا سليم كان بيكلم مين خلا كارما تتصدم ؟
و ياتري سليم هيفصل متجهلها لحد امتي ؟
و هل كارما عقبال ما تجي تسامح سليم هيكون بقا لحد غيرها ولا هيفضل متسحمل كده كتير ؟
و ياتري مين اللي انضم لادهم و هيحرق قلبهم ازاي ؟