اعشقها و لكن....

الاخير

فهد جه لمليكه و خدها بعيد شويه ....
فهد ضمها : حبيبتى نسيانى ليه
مليكه بابتسامه: حبيبى مش نسياك طبعا بس لازم ابقى جنب كارما مينفعش اسيبها لوحدها
فهد بابتسامه: بس انتِ وحشتينى بقى و انا عايز اخطفك
مليكه بصدمه : فهد اوعى تتجنن احنا مش لازم نسيبهم فى يوم زى ده
فهد بثقه : بس يا روحى هما كمان مش هيقعدوا
مليكه باستغراب : يعنى ايه
فهد : بصى كده عليهم
مليكه بصت لقت سليم بيشاور للدى جى يوقف الموسيقى و مسك المايك و كل المعازيم بصوا بحب لان كلهم افتكروا انه هبحكى قصه حبه هو و كارما
سليم بابتسامه : انا مبسوط جدا و شكرا لكل الناس اللى حضرت بس انا عايز اقوللكم استمتعوا بالحفله و انا و عروستى بنقولكم باى باى
و ساب المايك و شال كارما و مشى بيها على بره و الكل مش مصدق اللى عمله و فى اللى عمال يضحك
كارما بعدم تصديق : سليم انت بتعمل بطل هبل و نزلنى الناس تقول علينا ايه
سليم و هو ماشى بيها : والله ما يحصل و بعدين احنا هنكمل الاحتفال بره
كارما : سليم الناس كلها تبتص علينا
سليم : روح قلب سليم و حياتك سيبى سليم فحاله لحسن انا اساسا كنت بحلم باليوم ده فيلا بقى يا عروستى
لف وشه لفهد و بابتسامه  : يلا يا كينج
و خد كارما و ركبها العربيه و مشيوا
فهد ضحك و بص لمليكه : شوفتى يلا يا ملكتى
مليكه مزهوله : و الله مش طبعيين مش معقول
فهد خدها و ركبوا العربيه و مشيوا و كلوا واقف بيضحك
مصطفى خد لينا و مشيوا و كريم خد رنا و مشيوا و عمر و فرحه راحوا الفندق علشان يجهزوا نفسهم علشان يسافرا ....
____________________________________
عند نور ….
مروان كلمها ...
مروان : حبيبتى عامله ايه فى الفرح
نور بضحك : مشوفتش انت يا حبيبى سليم شال كارما و مشيى بيها و سابوا الفرح
مروان بصدمه و ضحك : ايه
نور : و الله مسك المايك و كلوا افتكر انه هيحب فى كارما بس اتفجأنا انه اعتزر للناس و شالها و مشيوا
مروان بضحك : طب و الله حقه انا يوم فرحى يا روحى هنكتب الكتاب و هنمشى
نور : يا سلام و الفرح
مروان : يولع يا قلبى
نور : و الله مجانين كلكوا
مروان : حيات قلب المجنون ...قوليلى هتروحى ازاى
نور : بتاكسى لان بابا و ماما مشيوا من شويه
مروان : لا انا ربع ساعه و هكون عندك اروحك علشان مش هتمشى لوحدك
نور : يا مرون و الله
مروان بمقاطعه : مفيش مروان اعمليلى شير لوكاشن من عندك و انا هاجى اخدك و مفيش كلام تانى
نور بابتسامه : حاضر يا حبيبى
و بعتت له اللوكشن و هو جه و وصلها لحد البيت
____________________________________
في عربيه مصطفى ...
مصطفى : لينا يا روحى عايز اكلم باباكى بقى فى موضوعنا
لينا : حاضر يا حبيبى هكلمه النهارده و احددلك معاه معاد
مصطفى : ايوه يا قلبى عايزك بقى تبقى معايا على طول و متبعديش عنى
لينا : انا بحبك اوى يا مصطفي
مصطفى باس ايدها : و انا بموت فيكى يا حيات مصطفى
____________________________________
فى عربيه كارما و سليم …
كارما : احنا هنروح فين
سليم : و الله و انتِ عسل كده انا عايز نسافر بس فهد عامل حفله لينا احنا الاربعه على اليخت بتاع مليكه
كارما : الله بجد انا مبسوطه اوى
سليم : انا اكتر يا قلبى اخيرا بقيتى مراتى
كارما : اه يا حبيبى احنا عدى علينا وقت كتير صعب و الحمد الله
سليم بحب : ممكن تيجى فحضنى نفسى احضنك
كارما بسعاده اترمت فى حضنه و هو حضنها بايد واحده و ساق بالتانيه و باس دماغها
سليم : بحب يا دكتورت قلبى
و راحوا على اليخت
____________________________________
فى عربيه فهد و مليكه ...
مليكه : يعنى كده هما فى الطريق
فهد : اه يا ملكتى
مليكه بسعاده : طب يلا بسرعه عايزين نروح قبلهم علشان نستقبلهم يلا يا فهد سرع العربيه
فهد ضحك جامد : و الله متجوز طفله
مليكه بعبوس طفولى : كده ماشى يا فهد سوق و انت ساكت لانى مش هكلمك تانى ها بقى
فهد ضحك و اتكلم بحب : طب ما انتِ بنتي يا ملكتى انتِ احلى طفله فى حياتى
مليكه : برده طفله على فكره بقى انا كبيره
فهد : هههههه برده هفضل اعتبرك بنتى حبيبتى
مليكه : ههههه المصيبه انى مش بعرف ازعل منك يا فهدى
فهد : روح قلب فهدك و علشان خاطر عيون بنتى هروح بسرعه علشان تستقبليهم
مليكه باسته من خده و بسعاده : بعشقك يا روح قلبى
فهد ضحك بحب : و انا بحبك يا ملكت قلبى
و سرع فعلا و وصلوا قبل كارما و سليم و استنوهم واستقبلوهم طلعوا انبهروا بشكل اليخت ...
____________________________________
عند كريم و رنا خدها و قعدوا فى مطعم على النيل ...
كريم : ممكن بقى تقوليلى قرارك ايه
رنا : لسه مقررتش
كريم : يعنى ايه رنا انا بحبك بجد
رنا بعصبيه : كريم انت حبتنى ليه
كريم باستغراب : يعنى ايه
رنا بعصبيه اكبر : انا حبيت فيك رجولتك... شخصيتك جديتك فى شغلك و شغفك انك تكبره ...غيرتك رغم انك كل مره كنا بنتقابل فيها كنت بتهينى و بتقول انى مش محترمه فانت حبتنى ليه
كريم بابتسامه : يعنى اعترفتى انك بتحبينى
رنا ادركت اللى قالته و اتكسفت و قامت علشان تمشى بس كريم جرى وارها و هى بصت فى الارض من كسوفها من اللى هى قالته
كريم بابتسامه جذابه رفع وشها و باس دماغها : انا حبيت عندك عشقت شخصيتك ادمنت ضحكتك انتِ اللى حليتى حياتى اللى كانت ممله و روتينيه بس انتِ خلتينى اضحك من قلبى انا ولا مره بنت وحشتنى بس انا كنت بنام بليل افكر فيكى و افكر امتى هشوفك  و كل مره كنت بتعصب عليكى مكنش كره ده كانت غيره رنا انا بحبك و عايزك تبقى معايا على طول رنا تقبلى تتجوزينى
رنا كانت سعيده بكلامه جدا : موافقه
كريم حضنها جامد : بحبك
رنا بابتسامه : و انا كمان بحبك
و خدها و ركبوا العربيه علشان يوصلها....
كريم بغيره : رنا اخر مره تلبسى حاجه قصيره ماشى
رنا بابتسامه:  و دي غيره ولا تحكم
كريم : غيره فى اعتراض
رنا بضحك : يوه محدش يعرف يهزر معاك ابدا ماشى  مش هلبس قصير تانى
كريم ابتسم لها و كانوا الاتنين فى قمه السعاده
____________________________________
فى الفندق عند عمر و فرحه جهزوا الشنط  و راحوا على المطار و سافروا ...
____________________________________
على اليخت ...
كان فعلا متزين بشكل جميل و شيك وصل سليم و كارما و كان فهد و مليكه فى انتظارهم ....
طلعوا قعدوا على سطح اليخت ...
سليم : ايه يا كينج مش هتغنيلنا بمناسبه جوازى ولا ايه
فهد : لا هو حلو اوى الموسيقى اللى شغاله
كارما : يا فهد علشان خاطرى ده اول طلب اطلبه منك
مليكه : اه يا فهد غنى بقى علشان خاطرى انا كمان
سليم : هههههه قابل جمهورك يا عم
فهد : ما بسببك يا رخم ....ماشى تسمعوا ايه
مليكه : حاجه على ذوقك بس استنى
و قامت جابت الجيتار و اديته لفهد ...
فهد : هههههه و كمان حطاه فى اليخت
مليكه : اه هههههه
فهد بدأ....
🎵 دة لو اتساب .. لا دة انا يجيلي تعب اعصاب !!