فى عربيه سليم ...
كارما : مالك يا سولى
سليم بغيظ و غيره : اسكتى بدل ما ارجع اولع فى الفرح ده
كارما : هههههه ليه ده حتى كان حلو
سليم : عاجبك اوى ...انا كنت واقف فاضلى تكه و كنت هقوم اقتل كل واحد بيبصلك
كارما : هههههه حبيبى يا ناس بيغير
سليم بغيظ : اسكتى احسنلك
كارما بابتسامه : خلاص يا روحى متزعلش و ملكش دعوه بيهم خلاص
سليم : حبيبتى انا قررت يوم فرحنا احنا مش هنعمل فرح
كارما بصدمه : ليه
سليم : كده يا روحى علشان مش عايز حد يشوف الجمال ده غيرى
كارما : لا يا سليم انا عايزه فرح
سليم بغيظ : لازم يعنى
كارما : اه
سليم : صبرنى يارب
كارما بضحك : حبيبى يا سولى
و صلها سليم للبيت و بعد كده رجع القصر نام
____________________________________
فى القاعه ....خلص الفرح و عمر و فرحه راحوا الاوتيل يريحوا شويه علشان يسافروا الصبح و مصطفى وصل لينا و كريم وصل رنا رغم اعتراضها فى الاول
____________________________________
فى الصباح ....
عند فهد و مليكه ...
صحى فهد لقى مليكه لسه نايمه باسها من خدها و قام خد شاور و خرج لقاها لسه نايمه ابتسم و قرب ليها و حاول يصحيها
مليكه بنوم : حبيبى سيبنى انام
فهد : يلا يا روحى بطلى كسل
مليكه بنعاس : علشان خاطرى نفسى انام مش قادره
فهد بقلق : مالك يا حبيبتى
مليكه بدأت تفتح عيونها و بابتسامه : متخافش يا روحى ده تلاقى بس شويه ارهاق
فهد : لانك المفروض الاسبوع اللى فات كنتى تريحى لكن انتِ تعبتى نفسك زياده بسبب الفرح و انتِ كنتى لسه فايقه من غيبوبه
مليكه حطت ايدها على خده بحنان : حبيبى متخافش انا كويسه الحمد الله هو بس ارهاق من الفرح
فهد : برده النهارده نروح المستشفى علشان نطمن و تعملى اتشيك اب
مليكه : حبيبى و الله انا كويسه
فهد : برده نتأكد مش هنخسر حاجه
مليكه : ماشى يا روحى
و جت تقوم
فهد : انتِ رايحه فين
مليكه : داخله اخد شاور علشان انزل معاك الشغل
فهد : لا ارتاحى انتِ النهارده
مليكه : لا انا بقالى كتير قاعده هنزل معاك و متخافش هاخد بالى من نفسى
فهد : ماشى يا روحى
و دخلت خدت شاور و لبست و فهد لبس و نزلوا ....
____________________________________
سليم صحى و لبس و كلم كارما ....
سليم : صباح الورد
كارما : حبيبى صباح الخير
سليم : هتروحى النهارده المستشفى
كارما : اه بقالى فتره مش بروح
سليم : خلاص يا قلبى و انا هروح الشركه اخلص حاجات و هجيلك على المستشفى
كارما : بجد يا روحى
سليم : اه يا قلبى و كمان محضرلك مفاجاه بس مش هقولك عليها دلوقتى
كارما : كده يا سولى
سليم : هههههه اه مش هتأثر
كارما بغيظ : ماشى يا سليم لما اشوفك باى
سليم : ههههه باى يا دكتورتى
و قفل معاها ونزل علشان يفطر و هى لبست و نزلت راحت المستشفى .....
على السفره .....
سليم : صباح الخبر
الكل : صباح النور
فهد و هو بيحاول ميبصش لمايا : انا اتصلت بالدكتور و هيجيلك النهارده لانك شكلك بقاله كام يوم تعبان اوى
محمد بابتسامه على ابنه : احسن حاجه عملتها يابنى و الله انا كنت لسه هاخدها و نروح للدكتور
مايا بحب : شكرا يا حبيبى
فهد بثبات مزيف فهو اكثر من اشتاق لامه و لحضنها : العفو
مايا بدموع : لسه يا فهد مش هتقولى يا ماما وحشتنى منك اوى يا حبيبى
فهد بيحاول يفضل على موقفه
مليكه مسكت ايده و بابتسامه همستله فى ودنه : سامحها يا فهد متفتكرش ان ده ضعف بالعكس انك تسامح حد بتحبه ده قمه القوه حرام عليك يا فهد سامحها
سليم بصله و كانه بيقوله خلاص سامحها كفايه عذاب ليها
مايا بدموع : سامحنى يا حبيبى و الله كان غصب عنى
فهد بصلها و مستحملش دموعها قام و حضنها جامد و كانه بيعوض سنين حرمان من حضنها فضل ماسك فيها و كأنه رجع طفل عنده ست سنين تانى : خلاص يا ماما متعيطيش خلاص علشان خاطرى و متتأسفيش تانى ماشى و متعيطيش تانى طول ما انا عايش ماشى
مايا بفرحه : يعنى خلاص سامحتنى يا حبيبى خلاص
فهد بابتسامه و هو بيمسح دموعها : خلاص يا ماما خلاص
مايا حضنته تانى و هى مش مصدقه و كلهم قاعدين مبتسمين على المشهد الجميل ده
مليكه حبت تفك الجو و بتمثيل :طب و الله عيب يعنى يا انكل لو حضرتك هترضى ان مراتك تفضل تقول لجوزى يا حبيبى و تحضنه فأنا سورى مش هوافق
محمد ضحك : و الله عندك حق انا برده ميرضنيش البيحصل ده خالص
فهد و مايا واقفين بيضحكوا و هو واخد مايا فى خضنه
مليكه راحت و شدت فهد و محمد شد مايا
مليكه بتمثيل : سورى يا طنط بس انا بغير بقى
و راحت حضنه فهد جامد
محمد : ولا انا يا استاذ فهد هقبل بده تانى ماشى خليك انت فى مراتك و انا سيبلى مراتى
الكل قعد يضحك
و فهد و مليكه و سليم راحوا على الشركه
____________________________________
فى الشركه ....
مليكه و هى رايحه على مكتبها فهد شدها : حبيبتى رايحه فين
مليكه باستغراب : راحيه مكتبى
فهد بمكر : بس ده مش مكتبك
مليكه : اه انت هترجعنى تانى اقعد فى المكتب اللى فى مكتبك
فهد بمكر : تؤتؤتؤ
مليكه : امال ايه
و بصدمه : فهد انت رفدتنى
فهد بابتسامه : اه اصل الصراحه مش محتاج سكرتيره خاصه
مليكه بعصبيه : ازاى يا فهد و طلامه انت رفدتنى سبتنى اجى ليه و ليه مقولتش من بدرى
فهد شدها من ايدها بهدوء و دخلها مكتب جنب مكتبه و لكن المكتب ده كان مقفول لفتره طويله و مكنش سامح لحد بدخوله حتى مليكه
مليكه و هى ماشيه معاه : يا فهد انت واخدنى على فين
و بعد ما دخلوا فهد فتح النور مليكه لقت مكتب جميل اوى و محطوك عليه اسمها المهندسه مليكه
مليكه بصدمه و انبهار: فهد ايه ده
فهد قفل الباب و بابتسامه حضنها من ظهرها : انا يا روحى زى ما قولتلك رفدتك لانى مش محتاج سكرتيره شخصيه و لكن محتاج مهندسه شاطره و ده مكتبك بعد ما تم تثبيتك فى الشركه يا حضرت المهندسه
مليكه بفرحه حضنته : انا مش مصدقه .... بجد يا فهد يعنى انا كده خلاص بقيت مهندسه فى الشركه
فهد : اه و كمان مهندسه مميزه و هتبقى مسؤله عن كل المشاريع اللى هتم و المهندسين اللى هنا هيبقوا تحت ايدك و ده مش لانك مراتى لانك فعلا ممتازه و تستحقى اكتر من كده
مليكه بفرحه كبيره : انا مبسوطه اوى
فهد : فى حاجه كمان
مليكه : ايه تانى
فهد مسك ملف فى ورق و ادهولها
مليكه مسكت الملف باستغراب و فتحته وكانت الصدمه حليفتها
مليكه بصدمه : فهد انا مش فاهمه
فهد : ببساطه انا فتحتلك الشركه اللى كنتى بتحلمى بيها و ده بأسمك و كمان دخلتها ضمن سلسله الشركات بتاعتنا و كده انتِ بقيتى شريكه و ليكى اسهم فى الشريكات بس لو نفسك شركتك تبقى مستقله لوحدها انا معنديش مانع و بكرا اخلصلك الورق
مليكه حضنته جامد و بفرحه و سعاده : انا مش مصدقه انا اكيد بحلم يا فهد مش مصدقه انا مبسوطه اوى مبسوطه و حسه ان الدنيا مش سيعانى ربنا يخليك ليا يا احلا حاجه حصلتلى فى حياتى
فهد ضمها ليه جامد بحب و سعاده لانه قدر يفرحها : و يخليكى ليا يا حياتى انا بس كان نفسى اشوف الفرحه دي على وشك
مليكه باسته فى خده : بحبك يا فهد بموت فيك
فهد بحب : و انا بحبك يا احلى ما شافت عنيه...قوليلى بقى هتفصلى الشركه ولا لا
مليكه : انت بتسأل يا حبيبى انت شوف ايه المناسب واعمله بس انا عندى طلب
فهد : ايه هو يا ملكتى
مليكه بابتسامه : عايزاك تكتب الشركه باسمى و اسمك مش بإسمى انا بس
فهد : ليه
مليكه : كده انا نفسى نبقى متشاركين فى كل حاجه
فهد بابتسامه: ماشى يا احلى مهندسه .... يلا اتفضلى على مكتبك الجديد يا بشمهندسه انا مش بتهاون فى الشغل
مليكه بضحك بعدت عنه : امرك يا مستر فهد
فهد شدها ليه : لا خليكى شويه الشغل مش هيطير
مليكه : ههههههه لا يلا علشان الشغل
فهد باسها من دماغها و بابتسامه : ماشى يا ملكتى
سابها و راح لاخر الاوضه
مليكه باستغراب : انت رايح فين
فهد بصله بثقه : هروح من الباب السرى الى موجود
وزق الحيطه جزء منها اتفتح و الناحيه التانيه كان مكتب فهد
غمزلها : لازم تفضلى معايا سلام يا قطتى
و دخل مكتبه و فقل الباب وراه
مليكه ضحكت : مجنون بس بموت فيك يا فهدى
____________________________________
و عدى الوقت و مليكه كلمت كارما…..
مليكه : عامله ايه معرفناش نتكلم النهارده خالص
كارما : الحمد الله يا روحى ... اه النهارده عندى شغل كتير و لسه مخلصاه قوليلى انتِ عامله ايه
مليكه بفرحه : الحمد الله .... بس فى حاجات كتير عايزه احكيلك عليها
كارما بابتسامه : فرحينى
مليكه : لا بصى انا كده كده هلم حاجتى و جيالك على المستشفى
كارما بقلق : ليه انتِ تعبانه
مليكه : لا يا حبيبتي هو بس شويه ارهاق و فهد صمم انى اروح المستشفى اكشف و اعمل اتشيك اب علشان نطمن
كارما براحه : الحمد الله افتكرتك تعبانه خلاص مستنياكى
مليكه : لا يا روحى متخافيش ...يلا مسافت السكه و اكون عندك
كارما : ماشى باى
مليكه : باى
مليكه لمت حاجتها و خبطت على الباب اللى بيودى لمكتب فهد و دخلت ...
____________________________________
كارما قفلت مع مليكه و كلمت سليم ....
سليم : دكتورتى
كارما بغضب مصطنع : يا سلام ده انت حتى مفكرتش تكلمينى و كمان قولتلى هتيجى و مجيتش
سليم بابتسامه : اسف يا حبيبتى والله بس الشغل كتير و بحاول اخلص بسرعه علشان اجيلك و بعدين انتِ تقدرى تزعلي من سليم حبيبك
كارما : اممممم بتاكل عقلى بكلمتين زى كل مره هههههه
سليم بضحك : انا ده انتِ ظلمانى دايما ده انا حتى طيب
كارما بضحك : لا ما هو واضح ههههه
سليم : ههههه بس بجد والله قربت اخلص و هجيلك و بعدين فى مشوار لازم نروحه
كارما بابتسامه : مش ناوى تقولى برده
سليم بمشاكسه : تؤتؤ لما نبقى نروح هتعرفى
كارما : ماشى يا سولى ادينى مستنيه
سليم : هههه و انا مش هتأخر يا روحى باى
كارما : ههههههه باى
____________________________________
فى الجامعه عند مروان و نور ....
بعد ما خلصوا الامتحان و هما مروحين …..
مروان : بقولك يا حبيبتى ايه رأيك نقدم الفرح
نور : طب و الدراسه يا مروان
مروان : عادى تخلصيها و انتِ فى بيتك و هنبقى مع بعض و نذاكر و بعدين انتِ ناسيه انى كده كده بشتغل من دلوقتى مع بابا فى المستشفى يعنى كل حاجه تمام
نور : خلاص يا روحى بس ادينى فرصه اقول لبابا انا عن نفسى نفسى ابقى معاك على طول
مروان : خلاص يا روحى قوليلوا و لو كده فرحنا يبقى فى الاجازه
نور : ماشى يا حبيبى
__________________________________
فى مكتب فهد....
مليكه : حبيبى انا خلصت
فهد : ماشى يا روحى انتِ هتروحى المستشفى دلوقتي
مليكه : اه كلمت كارما و قلتلها انى رايحالها
فهد : ماشى يا روحى استنى بس شويه هخلص الورق اللى معايا و هاجى معاكى
مليكه : لا يا حبيبى متتعبش نفسك انا ممكن اروح لوحدى و انت خلص الورق براحتك و لو كده ابقى تعالى خدنى و نروح مع بعض ايه رأيك
فهد : بس مش هبقى متطمن و انتِ لوحدك
مليكه باطمأنينه : متخفش يا روحى و كمان انت مخلى الحرس مش بيسيبونى متخفش
فهد : ماشى و انا هقول لجاسر يوصلك و انا هخلص و هجيبك
مليكه : ماشى يلا باى
خرجت و فهد كلم جاسر وقاله يوصلها و كمان ياخد معاه عربيتين حرس حمايه ليها …..
فهد و هو قاعد فادى كلمه .....
____________________________________
فى المستشفى ...
وصلت مليكه و طلعت لكارما ....
مليكه بابتسامه : اهلا يا دكتور
كارما بابتسامه : تعالى تعالى
مليكه دخلت و قعدت
مليكه : ايه خلصتى شغل ولا لسه
كارما : اه و مستنياكى بس يلا احكيلى ايه اللى حصل
مليكه حكتلها على اللى حصل و مفاجأة فهد ليها ...
كارما بفرحه : الله بجد مبروك يا روحى الف مبروك
مليكه بفرحه : الله يبارك فيكى يا حبيبتى
كارما بفخر : اهو دلوقتى حققتى اللى نفسك فيه و كمان بقيتى بيزنيس ومن قد الدنيا
مليكه بفرحه و شرود فى فهد : كل ده فهد اللى عمله هو السبب فى انى ابقى كده ربنا يخلهولى
كارما بفرحه : ايه يا دراما فوقى و افرحى كده
مليكه : ههههه حاضر يا ستى يلا بقى نخلص موضوع الكشف ده لحسن فهد لو جه و لقانى مكشفتش هيعلقنى انا و انتِ يا قطه
كارما : هههههه لا و ليه الطيب احسن اتفضلى قدامى
مليكه : يلاهوى على الجبانه هههههه يلا
فعلا مليكه كشفت و عملت تحاليل و كانوا قعدين مستنين نتيجه التحاليل تطلع ....
____________________________________
فى الشركه ...
دخل سليم مكتب فهد ....
سليم بابتسامه : ايه يا كينج خلصت شغل ولا
فهد : قربت و انت خلصت بدرى ليه
سليم : هو مش خلصت قوى يعنى بس فاضل حاجات بسيطه هخلصها بعدين
فهد بابتسامه : بيقى اكيد جى علشان تقولى انك هتمشى و تروح لخطيبتك
سليم بضحك : فاهمنى دايما يا كينج
ابتسم فهد و قام ياخد الجاكيت بتاعه : مش الكينج يابنى ههههههه يلا
سليم بعدم فهد : انت رايح فين
فهد بابتسامه : هروح لمراتى ما هى عند كارما فى المستشفى بتعمل اتشيك اب
سليم بابتسامه : جه اليوم اللى اشوف فيه فهد الكيلانى سايب الشغل
فهد بابتسامه ثقه : كله بفضلها
سليم : ههههههههه عقبالى يارب لما اهرب من الشغل علشان اشوف مراتى
فهد : ههههههه قريب يخويا
سليم : صح قولتلها على موضوع الشركه اللى عملتها
فهد بابتسامه و هو بيفتكر فرحتها : اه قولتلها و فرحت اوى
سليم بفرحه : ربنا يسعدكوا يارب
فهد بابتسامه : حبيبى يا قناص يارب .... و انت قولت لكارما على اللى انت محضره ليها ولا لسه
سليم بفرحه : هروح اخدها و اقولها
فهد بغمزه : ربنا يسهلك يا عم
سليم : هههههههه يسمع منك ربنا
و خرجوا يروحوا على المستشفى
____________________________________
فى المستشفى .....
مليكه و كارما قاعدين فى مكتب كارما مستنين التحاليل و هما قاعدين الباب خبط و دخل حد من الممرضين ...
الممرضه : دكتوره كارما التحاليل اللى هحضرتك كنتى عايزه نتيجتها
كارما : ماشى شكرا تقدرى تتفضلى
خرجت الممرضه ....
كارما : و اهى التحاليل علشان فهد بيه ميعلقناش
مليكه : ههههههه اه و مين سمعك بس انشاء الله مفيش حاجه انا قولتله انا كويسه
كارما فتحت التحاليل و بدأت تقراها و فجأه بصت لمليكه
مليكه باستغراب و خوف : فى ايه يا كارما هو انا عندى حاجه
كارما : للاسف يا مليكه مش هقدر اخبى عليكى لانك كده كده لازم تعرفى
مليكه بخوف : ايه عندى ايه متخوفينيش اكتر
كارما :انتِ.........
ياتري مليكه طلع عندها ايه ؟
و هل ياتري فهد لما يعرف اللي عند مليكه هيعمل ايه ؟
و ايه المفاجاه اللي سليم محضرها لكارما بس ممكن خبر مليكه ياثر علي المفاجاه ؟
و هل عز فعلا هيوافق علي جواز نور و مروان بدري كده ؟
أنت تقرأ
اعشقها و لكن....
Hành độngماذا يحدث عندما يكون للقدر رأى عكس رغباتنا ؟ و هل الحب و العشق سيفوزان ام الكراهيه و الحقد ؟ من هو الاقوى العقل و العند و الكبرياء ام القلب و الحب ؟ ماذا يحدث عندما يتواجه العقل و القلب ... الكبرياء و العشق ..الخوف و الحب ...التخطيط و القدر ؟ من...
