اعشقها و لكن....

الفصل العاشر

و فجاة لقوا ايد صغيره بتخبط على الازاز اللى نحيه كارما و اللى بيخبط مش باين
فتحت كارما الباب لقت طفله صغيره سنها ميزيدش عن خمس سنين بيضه و شعرها بنى و عنيها خضره و خدودها حمرا و شفايفها حمرا و عندها غمازات  و لابسه بنطالون اسود و بدى ابيض كت و كان شكلها كيوت اوى
كارما بحنيه : انتِ مين يا جميله
سيلا : انا ثيلا
كارما بصدمه : سيلا
سيلا : ايوه انتِ بقى انطى كارما
كارما : اه
كارما بصت لسليم لقيته بيضحك و بيهز راسه بمعنى اه
كارما فهمت ان سليم ضحك عليها و ان سيلا بنت صغيره مش حبيبته
كارما: و انتِ بقى يا سيلا عرفانى منين
سيلا : يوووه ده انتِ انكل ثليم مش بيبطل كلام عنك كل ما اكلمه و اقوله انكل انت فين يقولى مع انطى كارما
كارما بابتسامه: بس انا زعلانه من سليم علشان مخلانيش اشوفك قبل كده
سيلا : ثح انتِ المفروض تعاقبيه و تخليه يكتب الهوم ورك بتاعه خمس مرات زى التيتشر بتاعتى ما بتعمل
كارما : صح احنا نعمل كده سيلا ممكن نبقى صحاب
سيلا : طبعا انا حبيتك اوى فبقى انتِ كده بقيتى ثحبتى
شدت سيلا كارما و نزلتها لمستواها و حضنتها و باسيتها
سيلا: انكل هنمشى ولا لا
سليم : تحت امر اميرتى الحلوه يلا
سيلا : انطى كارما هتيجى معانا
كارما: انتِ عاوزه ايه
سيلا : عاوزاكى تيجى
كارما: خلاص و أنا هسمع الكلام يلا نروح
سيلا: هااااااااا يلا
و ركبت سيلا ورا و كارما جنب سليم و كارما كانت مبسوطه ان سليم مطلعش عنده حبيبه و انها اتعرفت على سيلا بس كانت عاوزه تعرف هى مين
____________________________________
عند مليكه ...
خدت الملف و خبتط على فهد و دخلت لقته بيشرب سجاير بشراسه و الدخان جامد ...
مليكه و هى بتكح جامد جداا : ممكن.. تطفى ....السيجاره دي
فهد باستهزاء : مش بمزاجك على فكره
مليكه مش قادره تاخد نفسها : انا ها ...هاموت
فهد باستهزاء : ليه مش قادره تتحملى دخان السجاره يا قطه
مليكه خلاص مش قادره تتنفس ولا تتكلم لفت علشان تخرج و هى مش قادره تمشى من كتر الكحه و حسه انها دايخه بسبب انها مفيش هوا داخل و لكن فهد وقف قدامها و قفل الباب و منعها تخرج هى قعدت تدرب بايدها على صدره و تزقه مسك ايدها و نفخ دخان السجاره فى وشها قعدت تكح جامد و الرؤيه بدات تنعدم بالنسبالها و هو مش عايز يسيبها و عمال يقرب السجاره منها... فجاة مقاومتها اتعدمت و مبقتش تتحرك و قعت بين ايد فهد و كان وشها ازرق و مفيش نفس .....
فهد بخضه : مليكه اصحى ...مليكه ردى عليا ...لاااا مليكه خلاص هطفيها اهو .. مليكههههه
فتح الباب و شالها و جرى بيها على المستشفى وسط زهول الموظفين من منظر مليكه ...
وصل المستشفى
فهد بزعيق : يا بهايم يالى هنا الحقوها 
الدكتور: دخلوها بسرعه غرفه العمليات ده مفيش نفس خالص بسرعه
فهد بزعيق للدكتور : اعمل اى حاجه لازم تعيش
الدكتور : هنعمل اللى علينا ادعيلها
و سابه الدكتور و دخل غرفه العمليات علشان يلحق مليكه و يشوف فيها ايه
فهد: لا مستحيل تسيبنى لا مستحيل لا يارب ...
___________________________________
عند سليم و كارما  فى العربيه....
سيلا : انكل ثليم احنا هنوثل امتى
سليم: خلاص وصلنا اهو
وصلوا عند مطعم على النيل بس ضلما
سيلا : هاىىىىىى
كارما: وصلنا فين
سليم : انزلوا بس
نزلوا من العربيه
سليم : خليكوا انتو الاتنين هنا متتحركوش جايلكوا
و دخل سليم المطعم و فضل كارما و سيلا بره
سيلا شدت كارما من دراعها و نزلتها لمستواها
سيلا: انطى كارما هو انتِ مرات انكل ثليم
كارما: لا يا سيلا انا معاه فى الشغل بس
سيلا: طب ليه انتِ مش عايشه مع انكل ثليم
كارما: لان انا مش مراته
سيلا: طب عيشى معاه حرام انكل ثليم قاعد لوحده
كارما: هو انتِ عارفه كل حاجه عن سليم
سيلا: اه احنا صحاب و هو بيحكيلى على كل حاجه
كارما: طب هو فى واحده بيحبها او عرفك عليها قبل كده
سيلا : لا انكل ثليم على طول مثافر و مش بيجى كتير بث انا كنت بكلموا فيديو كول و انتِ اول واحده يعرفنى عليها
كارما: انتِ كلامك كبير اوى على سنك
سيلا : كلوااااا بيقول كده بس انكل ثليم قالى فى مره انه بيحب دكتوره معاه فى الشغل و بيقولها يا دكتورتى
كارما بصدمه : بجد
سيلا : اه بس بيقول هو مش عارف اذا هى بتحبه ولا لا
كارما : قالك اسمها ايه
سيلا: لا بس قالى انه بقى بيقولها يا دكتورتى و ده اول مره انكل ثليم يقول لاى دكتوره كده بس اوعى تقوليلوا انى قولتلك انا قولت علشان بحبك
كارما بفرحه: متخافيش مش هقول
سيلا : طب يلا باى
و جريت سيلا داخل المطعم الضلمه
كارما: سيلا استنى انتى روحتى فين يا سيلا
و دخلت كارما وراها جري بس كارما اول محطت رجليها في الممر بدا ينور و كل ما تمشى خطوه ينور اكتر فضلت ماشيه لحد ما الممر نور كله لقت نفسها ماشيه على ورد احمر و لقت المكان كله ورد و مكتوب بالورد كارما و دكتورتى و كان فى صورها فى كل مكان و فى صوره ليها هى و سليم لما كانوا بيرقصوا فى الحفله  و كان فى نوتس على الجنب مكتوب عليها امشى يا دكتورتى فضلت ماشيه لحد ما لقت نوت مكتوب عليها سقفى ، سقفت لقت المكان كله نور و لقت نفسها قدام ترابيزة قدام النيل بس فى صور علي الترابيزه دي وعليها ورد و شمع  و فجاة سمعت صوت سليم بس مش عارفه منين بيقولها الاغنيه ده بتوصفنى يا دكتورتى  و اشتغلت اغنيه ادهم النابلسى هو الحب
🎵   لما بتغيب عن وعيك و تعمل اشياء مش طلعك لما فجأة تتغير يعنى بتحب 🎵
لفت لقت سليم واقف و مد ايده ليها
سليم : تسمحيلى بالرقصه دي
كارما بفرحه جامده هزت راسها بمعنى اه
سليم فضل يغنى مع الاغنيه و هو باصص ليها
🎵 لما ما فيك تفرق بين الوهم و المنطق ، لما ما تقدر تفهم يعنى بتحب .
لما بتغيب عن وعيك و تعمل اشياء مش طبعك لما فجأه بتتغير يعنى بتحب
لما ما فيك تفرق بين الوهم و المنطق ، لما ما تقدر تفهم يعنى بتحب .
هو الحب منو عشره لا بيخلق بعد فتره لما ما فيك تسيطر لحتى تعد للعشرهههههههه.🎵
سليم : بحبكككككككككككك بحبكك بحبك
كارما بدموع الفرحه : سليم
سليم : قلب سليم و عقله و كل حاجه فيه بحبك يا كارما بموت فيكى يا دكتورتى
و حضنها جامد و شالها و لف بيها
كارما بفرحه : و انا كمان بحبك
سليم : حياتى
و ركع على رجله و طلع علبه قطيفه حمرا: تقبلى تكونى على ذمه عاشق
كارما بدموع فرحه جامده : اقبل
لبسها الخاتم و حضنها جامد
كارما بضحكه فرحه : بحبك
سليم : و انا بعشقك
____________________________________
عند فهد ....
خرج الدكتور من عند مليكه
فهد جرى عليه : طمنى يا دكتور هى عامله ايه
الدكتور : فهد بيه هو حضرتك تقربلها ايه
فهد: ليه يا دكتور
الدكتور : هى جت لينا و هى حالتها صعبه و قلبها وقف و احنا انعشناه بالصدمات الكهربائيه و لازم حد من عائلتها  هو اللى يمضى على اقرار علشان نتدخل لان الحاله صعبه
فهد بقلق : انا همضى بس هى مالها طمنى
الدكتور : مخبيش عليك بس سؤال هى كانت قاعده فى مكان فى دخان
فهد بتوتر : ا..ااه
الدكتور : علشان كده ، هى عندها مشاكل فى جيوب الانفيه و فى التنفس فمتستحملش تقعد فى مكان فى دخان كتير فنتيجه ده الدخان قفل مجرى الهوا فالقلب و قف
فهد بندم على اللى هو عمله : يا دكتور الحقها و لو محتاجه نسفرها بره انا معنديش مانع
الدكتور : احنا هنعمل اللى علينا و الباقى على ربنا بس حضرتك امضى على الاقرار
فهد : حاضر
دخل الدكتور و فهد اتصل باهلها و قالهم و بعد فتره خرج الدكتور من عند مليكه ....
فهد: خير يا دكتور
الدكتور: الحمد الله لحقناها بس لو ٢٤ ساعه دول عدوا على خير انشاء الله خير
فهد : انشاء الله خير  اقدر اشوفها
الدكتور : هى دلوقتى فى العنايه المركزه مينفعش حد يخشلها
فهد: بس انا لازم اخش اطمن عليها
فى الوقت ده جه مامت مليكه و باباها و اخواتها
عز : بنتى فين و عامله ايه دلوقتي
نور بعياط : اختى انا عاوزه اشوف مليكه
الدكتور: اهدى هى فى العنايه و انشاء الله خير
مامت مليكه بهستريه عياط : بنتى انا عاوزه اشوفها
فهد: اهدى هى انشاء الله هتبقى كويسه بس مينفعش تدخللها دلوقتى
عز: انت مين
فهد: انا فهد الكيلانى مدير مليكه فى الشغل و اللى مسؤل عن تدريبها
عز : اهلا بس هو ايه اللى حصل
فهد بتوتر : هى كانت قعده فى المكتب و كان فى حد بيشرب سجاير اتخنقت و اغمى عليها شيلتها و جبتها هنا على طول
عز : ربنا يباركلك يابنى
الدكتور : الحمد لله الانسه مليكه فاقت و دخلناها اوضه عاديه بس أحنا اديناها منوم لان المجهود غلط عليها
فهد: يعنى ممكن اخش اشوفها ……، قصدى يعنى نخش نشوفها
الدكتور: ممكن تشوفوها و تخرجوا
مامت مليكه: لا انا هفضل معاها
الدكتور: ملوش لزوم هى مش هتصحى غير بليل خالص و هتاخد برده منوم و تنام تانى
عز: ازاى يعنى مشوفش بنتى
الدكتور: حضرتك تقدر تروح و تيجى الصبح تكون فاقت
فهد: لوسمحت يا عمى انا عاوز حضرتك فى حاجه مهمه
عز: اتفضل يابنى
راحوا بعيد و اتكلموا و بعد شويه رجعوا
عز : خلاص احنا هنمشى و هنيجى بكرا الصبح
مامت مليكه: ازاى يعنى
عز : ده احسن لها
و بعد محاولات كتير لاقناع مامت مليكه انها تمشى و فعلا مشيوا كلهم ماعدا فهد بعد ما مشيوا دخل فهد الاوضه اللى فيها مليكه …..
____________________________________
عند سليم و كارما....
كارما: انا مبسوطه اوى
سليم : ده اللى يهمنى
كارما: انت اللى عملت كل ده
سليم : لا فى حد ساعدنى
كارما : مين
سيلا : انا يا انطى
كارما: يا روحى انتِ
سيلا: انا جيه اثلم عليكى علشان ماشيه
كارما:رايحه فين
سيلا : مروحه
كارما: بس هشوفك تانى
سيلا : اكيد  باى
كارما و سليم : باى
كارما: عسل اوى بس هى تقربلك ايه
سليم : ده بنت واحد صاحبى عمل حادثه هو و مراته و ساب سيلا لوحدها مبقاش ليها حد غيرى هى قاعده فى شقه معاها خدمين و بيبى سيتر و كل اللى هى تحتاجه و انا باجى اشوفها كل شويه
كارما : حبيبتى طب ليه مش عايشه معاك
سليم : لانى كنت مسافر و لسه راجع من فتره قريبه و هى المدرسه بتاعتها هنا فمعرفتش اخدها
كارما: يا روحى حرام
سليم : و الله انتِ اللى روحى
كارما: سليم
سليم: اقسم بالله انا حبيت اسمى منك
كارما: بس انت رخم لما خلتنى افتكر ان انت عندك حبيبه
سليم : كان لازم اتاكد انك بتحبينى
كارما: انا بحبك اوى يا سليم
سليم : و انا بعشقك ، بس بقى من هنا و رايح لو شفتك بتتكلمى مع الواد اللي اسمه مازن ده تانى هضربه بالنار
كارما: هههه انت بتغير من مازن
سليم : متقوليش اسمه قدامى علشان مقومش اموته دلوقتى
كارما : ههه خلاص اهدى يا حبيبى مش هقول اسمه
سليم : يخربيتك
كارما: فى ايه تانى
سليم: هو انتِ حلوه كده على طول ولا ده موسم ولا ايه
كارما : هههههه والله انت شايف ايه
سليم : انا شايف ان انا اقوم اطلبك من ابوكى دلوقتى
كارما: اقعد يا مجنون استنى اقولهم انا الاول
سليم : طب قولى يا حبيبى تانى
كارما : يا حبيبى و يا حياتى و يا كل حاجه حلوه
سليم : يخربيت حلاوه امك
كارما : احترم نفسك
سليم : و هو انا اقدر تغلط فى حماتى دي هى اللى جبتلى العسل ده
كارما: تعرف على قد ما ان كلامك حلو اوى بس ساعات ببقى عاوزه اقطعلك لسانك
سليم : و الله ما احلى منك ما تيجى نرقص
كارما: ما احنا كنا لسه بنرقص
سليم : نرقص تانى انا نفسى امشى فى الشارع و اقول للناس كلها انى بحبك ، بحبكككككككك
كارما : و انا كمان بحبكككككككك ، بحبك يا سليممممممم
وحضنها جامد
كارما: سليم اوعى تسيبنى
سليم : انتِ روحى و لو بعدت عنك اموت
كارما : بحبك
سليم : و انا كمان بموت فيكى
____________________________________
فى غرفه مليكه ....
دخل فهد و قعد على الكرسي الي جنب سرير مليكه ….
مليكه كانت نايمه و محطوط لها جهاز التنفس الصناعى و كان شعرها مفرود على المخده كان عامل زى سلاسل الليل من كتر سواده كانت عامله زى الملاك
فهد اعجب بجمالها فهو اول مره يشوفها من غير حجاب ، نده على الممرضه
فهد: لبسيها الطرحه
الممرضه : مينفعش مينفعش حاجه تضغط على رقبتها
فهد : خلاص امشى
الممرضه: حاضر يا فندم
فهد بيكلمها و هى نايمه : انا اسف و الله اسف انا اول مره اكون خايف كده حسيت ان روحى بتتسحب منى انا كنت بقول انى معنديش قلب بس انتِ اثبتيلى عكس كده لما تعبتى حسيت بوجع فى قلبى لاول مره احس بيه حسيت ان فى سككين بتضرب فيا لمجرد التخيل ان ممكن يكون حصلك حاجه انا اسف سمحينى انا مكنتش اعرف انك تعبانه بجد بس كان غصب عنى قومى اتخنقى معايا زعقى بس متبعديش كده انا مش عارف ده ايه بس اللى عارفه ان انا اول مره احس الاحساس ده بس حبه ، حبيته يا حبيبتى
كان كل كلمه بيقولها بيضغط على ايد مليكه خايف لا تسيبه كانها هتمشى ...
مليكه بتعب و صوتها يتسمع بالعافيه  : ااه ....ا..انا ...في...فين
فهد بسرعه : انتِ فى المستشفى يا حبيبتى متخافيش انا جنبك متخافيش أنتِ كويسه
مليكه بتحاول تسحب ايدها من ايده بس هى تعبانه جداا
فهد : لا متبعديش ايدك و متعمليش مجهود علشان هتتعبى
و مسك ايدها تانى و نده على الممرضه علشان تشوفها
الممرضه شالت جهاز التنفس الصناعى و شافت ضربات القلب : انا هنده الدكتور
و بعد شويه دخل الدكتور و كشف عليها
الدكتور: حمد االله على سلمتك ده انتِ كنتى بتموتى و قلبك وقف
فهد بعصبيه : بعد الشر الملافظ سعد
الدكتور : اسف مستر فهد بس انا بعرفها ان هى بقت احسن ، و كمان الجميل لازم ميعصبش نفسه ولا يتنرفز لان المجهود غلط
فهد بغيره و بغضب : انا حاسس ان أنت مستغنى عن نفسك هتلم لسانك و لا اقطعهولك
الدكتور: اسف يا مستر و الله مش هتتكرر، بس يا انسه مليكه هو انتِ متجوزه او مخطوبه
فهد بعصبيه و هو بيحاول يتحكم  فى اخر ذره هدوء عنده : ايه البقف اللى جنبها مش عجبك و لا انت جى تخطب
مليكه بتعب : بس خلاص اسكتوا
فهد: خلاص يا حبيبتى هدى انتِ نفسك بس
الدكتور: انا كنت بسال بس لان كنت عاوز اتكلم معاه فيما بعد لو هو حضرتك فاتفضل معايا
فهد: هتفضل حاضر
بص لمليكه : مش هتاخر و راجعلك
مليكه: لا مترجعش
فهد بحده : هخلص و اجى
مليكه بتعب  : اوفففففف
فهد: اتفضل يا دكتور لما نشوف اخرتها معاك ايه
خرج فهد مع الدكتور
الدكتور: مستر فهد حضرتك لازم تخلى بالك منها لازم تفضل بعيد عن اى توتر و عصبيه و نرفزه يعنى متضايقهاش بالزات الفتره دي
فهد: انت هتعلمنى اتعامل مع خطيبتى ازاى
الدكتور: العفو يا فندم  مقصدش بس ده تعليمات لازم اقولها، و كمان لازم تبعد عن اى دخان لان لو حصلها اللى حصل ده تانى ممكن تدخل فى غيبوبه
فهد: الله يحرقك يا شيخ و الله هقتلك من ساعه ما شوفتها و انت بتقر عليها  ،  فى حاجه تانيه
الدكتور : لا يا فندم
فهد : صح مش عاوز اشوفك عند مليكه تانى بس استنى انا مش هشوفك فى المستشفى اصلا لانك مطرود
و قرب على ودنه : لانك قربت من حاجه متخصكش و حظك الاسود انها لفهد الكيلانى او الاصح الكينج
و ضحك ضحكت نصر و سابه و مشى دخل لمليكه
____________________________________
عند سليم و كارما
كارما : مش يلا بقا علشان احنا كده اتاخرنا
سليم:ما تخلينا شويه
كارما : كفايه كده احنا بقالنا كتير و نبقى نعوضها مره تانيه
سليم : ماشى يلا يا روحى
و مشيوا و ركبوا العربيه
سليم : غريبه فهد مكلمنيش النهارده خالص يارب ميكنش شد هو و مليكه
كارما: ده بنى ادم رخم
سليم : يبقى اتخانقوا ، بس فهد طيب هو بس اللى حصله زمان هو اللى خلاه كده و يبقى قاسى بس فى مواقف بيظهر فيها انه مش وحس للدرجه دي
كارما: ايه اللى حصله
سليم : هتصل بيه و احكيلك
سليم: هو مش بيرد
كارما : خليك وراه
____________________________________
دخل فهد عند مليكه ...
فهد للممرضه : اطلعى بره و انا قاعد معاها
الممرضه : حاضر
مليكه بتعب : لوسمحتى انا عاوزه الطرحه بتاعتى
الممرضة: مش هينفع انتِ بتاخدى نفسك بصعوبه فهى هتخنقك
مليكه و هى بتاخد نفسها بصعوبه : بس انا مش هينفع اقعد قدام اى حد كده بشعرى
فهد: اطلعى انتِ بره و انا هتكلم معاها
مليكه : و انا مش عاوزه اتكلم معاك
فهد : متخافيش مفيش حد هيخش هنا غير الممرضات مفيش حد تانى هيتجرأ يخش
مليكه : و حضرتك بتعمل ايه هنا يا مستر
فهد: ايه حوار مستر ده مش كنا قولنا هتقولى يا فهد
مليكه بتعب : انا لا هقول كده و لا كده
فهد: ازاى بقى هو مش احنا مع بعض فى الشغل
مليكه بالم : لا ما انا هقدم طلب ان انا ابقى مع سليم
فهد بعصبيه : سليم مين بس كده انشاء الله
مليكه : سليم الجارحى هو انا اعرف ميت سليم
فهد: يعنى هو سليم من غير مستر لكن انا مستر فهد صح
مليكه : صح و اه انا مش عاوزه يكون بينا اى تعامل نهائيا
فهد : يا سلام بالسهوله ده و الاتفاق اللى بينا
مليكه : اعتبره انتهى انا اعرف ازاى احمى نفسى ده انا حتى دلوقتى لازم احمى نفسى منه و منك صح ولا ايه 
فهد اضايق اوى من مجرد انها بتشبهه بياسين
فهد: و انا مش موافق لا على ده و لا على ده
مليكه: مش بمزاجك على فكره وبره علشان عاوزه انام
فهد: لا بمزاجى و كل حاجه هتفضل زى ما هى و نامى برحتك انا مش هتحرك من هنا
مليكه: لا انا مش هعرف انام و انت قاعد هناك و انا اساسا مش طايقاك
فهد بخبث : خلاص بما انك مش عارفه تنامى و انا هنا اجى انام جنبك و اهو خطيبتى و حبيبتى تنام فى حضنى و قام بسرعه بقى جنبها قرب منها و هى رجعت لورا
مليكه بعصبيه و تعب : انت بتعمل ايه ابعد
فهد : هنام جنبك يا قطتى مش انتِ اللى عاوزه كده
مليكه : لا طبعا انا قصدى انك تطلع بره مش تقرب
فهد : لا ما انا هقرب و هصالحك
مليكه: انا لا عاوزاك تصالحنى و لا نيله انا عاوزاك تبعد عنى
فهد: نجوم السما اقربلك
فهد قعد على طرف السرير قدامها
فهد: ...انا مكنتش اعرف انك هتتعبى متزعليش
مليكه بسخريه : بالبساطه دي انا كنت هموت و انت جى تقولى متزعليش صح و كمان قبلها كنت عايز تضربنى
فهد مسك وشها بين ايده : هششششششش انتِ كده هتتعبى و الله اسف اوعدك مش هتتكرر بس متعمليش كده انا كنت خايف اوى و ده اول مره اخاف متعمليش فيا كده و انا عمرى ما امد ايدى عليكى انا بس اتعصبت متزعليش اسمعى منى اخر مره سامحينى
مليكه: و هو انت كنت سمعت كلامى انت السبب فى اللى انا فيه و غرورك ده هيخسرك كل حاجه
فهد: موافق بس الا انتِ
سرحت مليكه فى كلامه و فى عنيه و نسيت زعلها و هو سرح فيها و قرب منها اكتر
و لكن فى هذه اللحظه رن موبايله ، مليكه اتخضدت و بعدت عنه و هى مكسوفه و خايفه من الموقف ده
فهد بص فى الموبايل و هو بيقول : مين الحيوان اللى بيتصل دلوقتى ليله امه سوده ده وقته ، لقاه سليم رد عليه
سليم : ايه يا عم فينك انت عارف دي المره الكام اللى اتصل فيها بيك
فهد : معلش اصل ....و حكى له اللى حصل مع مليكه
سليم : ايه .. انا جايلك الله يخرب بيتك يا فهد غبى
فهد: لا متجيش
سليم : هاجى و اقفل بقى
قفل سليم مع فهد
كارما : ايه اللى حصل
حكى لها سليم اللى حصل
كارما بخضه : يالاهوى و الله لو صحبتى حصلها حاجه مهيكفينى فى صحبك ده رقبته
سليم : اهدى هى بقت كويسه ، هروحك و اروح لهم
كارما: انا جايه معاك
سليم : بس
كارما : جايه يا سليم انا لازم ابقى مع مليكه ، انا مليش غيرها يا سليم
سليم : طب خلاص اهدى بس ادينا رايحين
____________________________________
عند فهد بعد ما قفل مع سليم بص لمليكه ...
فهد: ها بقى كنا بنقول ايه
مليكه: قوم من هنا
فهد: رجعنا تانى
مليكه: قوم يا فهد
فهد: يخربيت حلاوه اسمى منك يا شيخه هقوم بس علشان قولتى يا فهد
مليكه: لا قوم اخرج بره خالص انا مش عاوزه اشوفك اصلا
فهد: يعنى يرضيكى يقولوا خطبتوا طردتوا من الاوضه
مليكه: انت صدقت انا مش خطبتك و لا زفت
فهد: خلاص حبيبتى
مليكه: فهد متعصبتيش و اخرج
فهد: خلاص يا قطتى هقعد ساكت
مليكه: متقوليش الاسم ده
مليكه كحت و قلبها وجعها و حست انها دايخه و دماغها لفت و كانت دماغها هتخط فى الحيطه بس فهد لحقها و خدها فى حضنه
فهد بخضه : مليكه انتِ كويسه
مليكه بتعب : اه ..انا بس قلبى و جعنى
فهد بحب : سلامت قلبك يا قلبى
مليكه : ايه .. بتقول ايه
فهد ادرك هو قال ايه : بقولك سلامتك اهو قلبك مش مطاوعك انك تخرجينى بره
مليكه : بس يا رخم
فهد: حاضر يا قطتى حسه بايه
مليكه: دايخه
فهد: اندهلك الدكتور
مليكه : لا لا شويه و هبقى كويسه انشاء الله بس انت أبعد
فهد: هو انت طالع عليكى عفريت اسمه ابعد ما تهدى لحد ما تبقى احسن
مليكه: اسندلى دماغى لورا
فهد : حاضر
و عدل المخده و سند دماغها عليها و هو قعد على الكرسى
و خبط الباب و دخل سليم و كارما
كارما جريت على مليكه و حضنتها: مليكه حبيبتى الف سلامه عليكى و الله معرف انا لسه عارفه الحيوان ده عملك حاجه تانى
فهد بعصبيه : مين ده اللى حيوان
كارما: انت .. انا متاكده ان مليكه قالتلك اطفيها لان مليكه مش هتستحمل لكن انت مطفتهاش قصدا انت متستهلش حتى انها تسمحك
فهد حس ان كلام كارما صح هو فعلا مطفاهاش قصدا بس هو ندم
سليم : مليكه عامله ايه دلوقتي
مليكه بتعب : انا كويسه يا سليم متقلقش
فهد: هو مش انا قولت تقوليلوا يا مستر سليم
مليكه: و انا مش مجبره اسمع كلامك
كارما: مليكه اهدى علشان متتعبيش
مليكه : كارما خرجيه بره
فهد: مش هطلع بقى
كارما: سليم  لو سمحت خرجه بره
سليم : فهد انا عاوزك بره تعالا
فهد بعصبيه : مش طالع
مليكه اتضايقت جت تقوم : خلاص انا اللى هقوم
كارما لحقتها : مليكه اهدى انتِ لسه تعبانه
سليم : يا فهد لو سمحت تعالى بس عايزك فى موضوع مهم بره
فهد : ماشى يا سليم تعالى
و بص لمليكه : بس هرجعلك و مش هسيبك
و خرجوا الاتنين
سليم : عجبك اللى حصل ده انا لسه كنت بقولك خف عليها مش موتها و مستغرب انها مش عاوزه تشوفك
فهد: خلاص يا سليم و الله مكنت اعرف انا افتكرتها عاوزه تضايقنى و بعدين اللى شفته عصبنى خلانى مش شايف
سليم : شفت ايه
فهد : النهارده جالى ظرف قبل ما افتحه اتخانقت انا و هى و بعد ما خرجت فتحت الظرف لقيت.....

كارما و سليم اعترفوا لبعض بحبهم و لكن هل الحب ده هيدوم بعد ما تعرف سليم بيشتغل ايه ؟
هل مليكه هتسامح فهد على اللى عمله ؟
و ياترى ايه اللى فى الظرف اللى جه لفهد ؟
و ياترى مليكه هتعرف فهد بيشتغل ايه ولا لا ؟