اعشقها و لكن....

الفصل الثاني

سليم : ابوك جاتله ازمه قلبيه و نقلوه المستشفى النهارده .. احنا لازم ننزل مصر ..ابوك محتاجك جنبه
فهد بخضه: ايه .....سليم خليهم يجهزلنا الطياره الخاصه و انا هخليهم يحضرولنا الشنط
سليم: حاضر أهدى بس انت
فهد : انا مش هستحمل يبعد عنى زى ما امى عملت
سليم : لا انشاء الله خير
فهد : انا هكلمهم ابلغهم فى الشركه ان احنا هننزل مصر فتره كده لحد ما الدنيا تستقر
سليم : ماشى و انا هروح اقولهم يجهزولنا الطياره
فهد : تيااااااا...حضريلى الشنط انا و مستر سليم (الحديث مع الخدامه بالايطالى)
تيا: حاضر مستر فهد…بعد ازنك
بعد بعض الوقت جهز فهد و سليم نفسهم للسفر الى مصر
فى النادى و لقد اقترب الوقت على الساعه الثامنه.....
مليكه : انا همشى بقى يا شباب علشان هصحى بكرا الصبح بدرى علشان لازم اروح الجامعه علشان فى ورق لازم اخلصه علشان الدكتوراه
كارما : اه و انا كمان لازم اروح علشان ماما لوحدها لان بابا نزل و شيرى و اسر سافروا امبارح
لينا  : خلاص يلا كلنا و نظبت مره تانيه نتقابل فيها
فرحه: يلا ..سلام هتوحشونى  يا جزممممم
مليكه : و انتوا كمان و الله
رنا: لازم نحاول نتقابل قبل ما اسافر
كارما : اكيد انشاء الله
مليكه و كارما : يلا باى .... (و هما رايحين الجراچ)
كارما : انتِ جيتى ازاى
مليكه : بعرابيه بابا
كارما : امال العربيه هتيجى امتى من التصليح
مليكه : قالولى اسبوع كده …عاوزين بكرا نروح نعمل شوبينج 
كارما : اه كنت لسه هقولك
مليكه : عشان تعرفى انى بفهمك من غير ما تتكلمى ههههههه
كارما : ماشى يا موكا  ههههههه .... يلا باى
مليكه : باى
و اتجه كل منهم إلى بيتها
وصل فهد و سليم  إلى القاهره و ذهبوا سريعا على المستشفى الخاصه بهم .....، دخلوا المستشفى و سألوا على رقم إلاوضه و ذهبوا إلى هناك و عندما فتحوا باب الغرفه.
فهد : بابا انت كويس قلقتنى عليك
محمد : انا كويس يا ابنى الحمد الله
عدى : متخافش يا بنى احنا الحمد الله لحقناه
سليم بابتسامه : الف سلامه عليك يا محمد
محمد: الله يسلمك يابنى
فهد : الدكتور قال ايه
عدى : قال انو المفروض يبعد عن التوتر و الضغط العصبي و يريح اعصابه و اهم حاجه يبعد عن الشغل
محمد : ازاى بس ابعد عن الشغل
عدى: ما فهد و سليم نزلوا اهو يمسكوا الشغل و احنا ناخد دي فرصه و ناخد اجازه انا و انت
محمد : لا مينفعش هما اكيد وراهم شغل هناك
فهد و سليم بصوا لبعض و لقد فهم كل منهم الاخر
فهد: لا يا بابا صحتك اهم من الشغل
سليم بيحاول يفك الجو : اه يا محمد احنا هننزل مقر الشركه هنا و هنضمها مع الشريكات بتاعتنا.
عدى : و الله احسن حاجه فكرتوا فيها
محمد : ربنا يبارك لنا فيكم يا حبايبي
فهد : تمام يا بابا انا هروح اشوف لو فى حاجه ناقصه فى المستشفى
سليم: خدنى معاك
بعد ما خرجوا
فهد : احلى حاجه فيك انك بتفهمنى من نظراتى
سليم  : ايه يا عم هو احنا متعرفين على بعض امبارح ده احنا عشرت عمر ، و بعدين انا فهمت لما بصتلى و سكت انك عاوز تستقر هنا علشان ادهم يفتكر ان احنا بعدنا عن هناك و ان هو كده  هيقدر ياخد الصفقه بس ميعرفش ان دماغ الكينج سم
فهد بابتسامة : الكينج ميبقاش كينج من غير القناص
سليم بغرور: عارف عارف انا اصلا خساره فيكوا
فهد: ماشى يلا قدامى بدل ما انفخك
سليم بضحك : مش هرد عليك انا اكبر من كده بكتير
فهد : بضحك طب يلا يا اخويا قدامى نروح نشوف ايه إللى ناقص المستشفى
سليم : يلا
بعد أن علموا ما هو الناقص فى المستشفى امر فهد الرجاله لكى يقوموا باللازم بعد ذلك توجهوا إلى غرفه الطبيب لكى يطمأنوا على حال محمد ...
فهد : يا دكتور لو سمحت متخبيش عليا حاجه انا عاوز اعرف حاله أبويه الصحيه
الدكتور : اهدى يا مستر فهد هو الحمد الله عدى مرحله الخطر و هو دلوقتى لازم يقعد النهاردة فى المستشفى تحت الملاحظه لمده ٢٤ ساعه و اهم حاجه يبعد عن اى توتر و ياريت يبعد عن الشغل و الضغط العصبى لان مخبيش عليك عضله القلب عنده ضعيفه
سليم فى سره : كل ده و ميقلقش اومال لو هتقلقوا هتقوله ايه ...
فهد :حاضر يا دكتور هنفذ كل التعليمات ، سلام
الدكتور : سلام
سليم بصوت منخفض: القيامه هتقوم ، الكينج بيقول حاضر ربنا يستر
فهد : سمعتك يا مهزء على فكره
سليم : حبيبى يا كينج ، أصلها مش عوايدك يعنى
فهد : خايف عليه اوى يا سليم
سليم و هو يربط على كتفه: متخافش انشاء الله هيقوم بالسلامة ، يلا احنا بس علشان نلحق ننام حبه علشان ورانه يوم طويل بكرا فى الشركه.
فهد بابتسامه : بجد مش عارف من غيرك كنت عملت ايه يا قناص
سليم : لا لا متبوسش ايدى يا عم انا متواضع هههههههههه
فهد :ههههههههه طب يلا قدامى علشان مطلعهمش عليك
سليم متصنع الخوف: لا يا عم انا عاوز افضل أمور علشان البنات إللى فى الشركه يعجبوا بيا
سليم بضحك: ماشى يا عم الدنجوان ، يلا
فهد : يلا
و ذهبوا الاثنين متوجهين الي القصر و تركوا عدى مع محمد
فى منزل مليكه.....
مليكه: يا أهل البيت فينكوا
نور: احنا هنا اهو
مامتها : عامله ايه يا حبيبتى
مليكه : الحمد الله
نور: انا زهقت الدراسه هتبدا بعد ٣ أيام
مليكه : اه صح انا و كارما رايحين بكرا نعمل شوبينج تيجوا معانا
مامتها : لا انا هروح انا و هنا بكرا عند خالتو و نور مش عاوزه تنزل
نور: مين قال كده
مامتها: انتى
نور: كانت لحظه تهور هههههههههه
مامتها : يا سلام دلوقتى
نور: اه يا ماما و النبى اروح معاهم اهو اتفسح و اجيب هدوم علشان الجامعه
مامتها : ماشى روحوا مع بعض
مليكه : تمام يا ماما ،... صح امال بابا فين
مامتها : لسه داخل ينام علشان نازل الشغل بكرا بدرى
هنا : مليكه فين إللى انت قولتيلى عليه
مليكه : طب مفيش ازيك يا اختى يا حبيبتى
هنا : ازيك يا اختى يا حبيبتى
مليكه: رخمه ، خدى
مامتها: ايه ده
هنا بفرحه : دي يا ماما السلسله اللى عجبتنى مليكه جابتهالى
مامتها : ربنا يخليكوا لبعض
مليكه : انا هروح اغير هدومى و اجى نقعد مع بعض شويه
كلهم : ماشي
عند كارما                  
كارما : ماما... بابا فينكوا
مامتها : احنا اهو يا حبيبتى تعالى
كارما : أهلا بحبايب قلبى
سالم الاسيوطى : أهلا يا حبيبتى اتبسطى النهارده
كارما : جدا جدا
مامتها : الحمد الله يا حبيبتى
كارما: صح نازلين انا ومليكه بكرا نعمل شوبينج علشان الجامعه
مامتها : احسن حاجه و الله
سالم : شيرى و اسر  بيسلموا عليكى
كارما : كنت لسه هسأل عليهم هما عملين ايه ؟
سالم : الحمد الله يا حبيبتى
كارما : الحمد الله،  انا هروح اغير هدومى و انام لحسن انا نفسى انامممممم
مامتها و باباها : ماشى يا حبيبتى تصبحى على خير
كارما : و انتوا من اهله
فى قصر فهد و سليم .....(عدى بعد ما مراته ماتت راح قعد مع محمد لان محمد كمان مراته سبته لأسباب مجهوله)
دخلوا فهد و سليم القصر .....
فهد بجمود : كل مكان فى القصر ده بيفكرنى بيها
سليم : فهد انت متعرفش هى ايه إللى اجبرها على كده
فهد بغضب : اجبرها على ايه مفيش حاجه فى الدنيا تجبر ام انها تسيب ابنها الصغير لوحده و تمشى غير انها تبقى انانيه و مبتفكرش غير فى نفسها...
فلاش باك.......
فهد بعياط : ماما انت هتسيبينى لوحدى متسيبنيش لوسمحتى .. ماما و الله هعمل كل إللى انت عاوزاه و هسمع الكلام و هعمل كل واجباتى والله العظيم بس متسيبنيش يا مامااااااا
مايا بدموع : حبيبى انا لازم امشى و اكيد تيجى يوم من الأيام هتعرف انا عملت كده ليه بس لازم تعرف انى بحبك
فهد بعياط و غضب: لا انتِ مش بتحبيني انا بكرهك بكرهككككك
مايا بالم: اسفه يا حبيبى لازم امشى
فهد: خلاص يا ماما انا اسف والله
مايا : سلام يا حبيبى خلى بالك من نفسك
فهد : مامااااا لا يا ماما متسيبنيش مامااااا
و لكن كان الوقت قد فات فهى ذهبت
باك ...
فهد بجمود و قسوه : من ساعه اليوم ده و انا بقيت بكرهه هى و كل الستات ، الستات كلها انانيه
سليم : حاول تنسى يا فهد اكيد هيجى يوم و تعرف سبب انها مشيت ليه
فهد : خلاص انسى يا عم
سليم : ماشى يلا بقى علشان انا هموت و انام ، تصبح على خير
فهد : و انت من اهله
و ذهب كل منهم إلى غرفته
فى الصباح فى غرفه مليكه...
نور بهمس و ضحكه ماكره : هنا جاهزه
هنا بصوت منخفض  : جاهزه
نورو هنا : واحد اتنين تلاته ..... مليكههههههههههههههههه
وراموا عليها شفشق مياه
مليكه بفزع : لااااااااااا بغرققققققققققق الحقونىىىىىىى
نورو هنا هيموتوا من الضحك فكان منظر مليكه مضحك جدااا
مليكه و هى بتجرى وراهم : اه يا كلاببب و الله لا انا مورياكوا
نورو هنا : بابا ماما الحقونا مليكه هتاكلنا
مليكه و الله ما انا سيباكوا
عز : فى ايه بس ايه إللى حصل
مليكه : يا بابا صحونى مخضوضه  ودلقوا عليه مياه
نور بضحك : بصراحه شكلك كان مسخره و انت عامله زى الكتكوت المبلول هههههههه
عز : احسن ده انت علشان تصحى بتبقى عاوزه بدبابه تصحيكى هههههههههه
مامتها : مالكوا و مالها مضايقنها ليه
مليكه: شوفتى يا ماما عاملين يترقوا عليا
مامتها : معلش يا روحى انا بعد كده مش هخلى حد من الجزمتين دول يصحوكى هصحيكى انا
مليكه و هى بطلعلهم لسانها: حبيبتى يا ماما
عز : و مفيش حبيبى يا بابا
مليكه : مع انك كنت معاهم بس ده ميمنعش انك الحب الحب حبيبى يا بابا
مامتها: يلا روحى خدى شور و صلى و البسى علشان تلحقى تفطرى و تروحى الجامعه علشان الورق إللى هتعمليه
مليكه : حاضر يا ماما ، و انتِ يا نور و انا راجعه من الجامعه هتصل بيكى تكونى جاهزه تنزلى اشطا
نور: اشطا
عز : خدى العربيه علشان متتبهدليش فى المواصلات
مليكه : حبيب قلبى انت
و ذهب مليكه إلى غرفتها ومسكت الموبايل علشان تتصل بكارما
مليكه : الو
كارما بصوت نعسان : الو
مليكه : لسه نايمه يا هانم
كارما: عاوزه ايه يا رخمه
مليكه: قومى يلا فوقى كده و افطرى و أجهزى لحد ما انزل الجامعه اودى الورق و اجيب نور و نتقابل فى المول
كارما : اشطا قايمه اهو
مليكه : اشطا باى
كارما: باى
و قاموا الاتنين علشان يجهزوا
فى القصر .....فى غرفه فهد كان مازال نائم، و خبطت الخدامه لكى توقظه
الخدامة: مستر فهد ...
فهد : مين ..
الخدامه : مستر فهد الفطار جاهز يا فندم تحت على السفره و مستر سليم مستنى حضرتك تحت
فهد : خلاص جى
و قام و دخل ياخد شاور و لبس بدله سوداء كلاسيك مما زادت فوق جماله جمال و قميص ابيض و وضع البرفيوم الخاص  به بفهد الكيلاني و بس و سرح شعره الأسود الكثيف و هندم نفسه ثم نزل للأسفل حيث كان سليم جالس كان يرتدى بدله كحلى مما جعلته ملك للوسامه و قميص ابيض و رائحه عطره التى يعشقها كل من يشمها و شعره البنى الذى كان مرتب للغاية.
سليم: ايه يا عم النوم ده كله
فهد : لا انت إللى بتصحى بدرى اوى
سليم بابتسامة:  طب يلا انا متحمس اروح الشركه
فهد: انت بتفكرنى بالأطفال لما بيجوا يروحوا اول يوم مدارس
سليم : فعلا صدق إللى قال عليك رخم
فهد : طب يلا ياخويا
فطروا و ذهبوا إلى الشركه ....