الممرضه : دكتوره كارما التحاليل اللى هحضرتك كنتى عايزه نتيجتها
كارما : ماشى شكرا تقدرى تتفضلى
خرجت الممرضه ....
كارما : و اهى التحاليل علشان فهد بيه ميعلقناش
مليكه : ههههههه اه و مين سمعك بس انشاء الله مفيش حاجه انا قولتله انا كويسه
كارما فتحت التحاليل و بدأت تقراها و فجأه بصت لمليكه
مليكه باستغراب و خوف : فى ايه يا كارما هو انا عندى حاجه
كارما : للاسف يا مليكه مش هقدر اخبى عليكى لانك كده كده لازم تعرفى
مليكه بخوف : ايه عندى ايه متخوفينيش اكتر
كارما بفرحه و هى بتجرى عليها تحضنها : انتِ حامل يا موكا و هتبقى احلى ام
مليكه بفرحه : بجد انا مش مصدقه انا مبسوطه
كارما : مبروك يا قلبى
مليكه و هى بتحضنها جامد : الله يبارك فيكى
فى الوقت ده دخل فهد و سليم و سليم كعادته دخل من غير ما يخبط ....
سليم بابتسامه : احنا جينا
مليكه جريت على فهد و بفرحه : فهد انا حامل
فهد مش مصدق من كتر الفرحه شالها و لف بيها : ده احلى خبر يا روحى مبروك اخيرا هتجبيلى بنوته حلوه زيك
فهد نزلها ..
مليكه بفرحه : لا انا عايزه ولد شبهك
فهد بابتسامه : لا انا عايزهم كلهم شبهك
سليم بمرح : هههههه خلاص انا عندى الحل انتِ هاتى توأم و ريحى نفسك
و بفخر : و طبعا الولد هتسميه سليم ده مفيش فيها كلام
كارما : و البنت كارما طبعا
فهد بمزاح : احنا قادرين على كارما و سليم واحدين لما نجيب نسخه تانيه
سليم : يا عم انت تطول هههههههه بس مبروك يا مليكه الف مبروك
مليكه بسعاده : الله يبارك فيك
راح عند فهد و حضنه و بفرحه : مبروك يا كينج
فهد و هو بيحضنه : الله يبارك فيك يا قناص
كارما بفرح : احنا نحتفل بالمناسبه دي كلنا مع بعض
فهد و سليم مره واحده : لا
مليكه و كارما استغربوا
كارما : ليه
سليم همس فى ودنها : اولا لانى محضرلك مفاجاه و لازم اديهالك و كمان سيبيهم يحتفلوا مع بعض على انفراد
كارما : ماشى بس هنبقى نحتفل بعدين
سليم بابتسامه : زى ما دكتورتى عايزه
فهد لمليكه : يلا يا مليكتى نمشى
مليكه : ماشى يلا
كارما : مليكه بصى انتِ دلوقتى فى الشهر الاول و قربتى تدخلى فى التانى لازم تخلى بالك من صحتك و باكلك و لازم تاخدى بانتظام الفيتامينات اللى هكتبهالك و تبعدى عن اى تعب او توتر او ضغط ماشى
فهد بحب و هو بيبوس ايد مليكه : اكيد هترتاح ده انا بنفسى هشرف على راحتها و علاجها
مليكه بحب : بحبك
فهد : و انا بموت فيكى يا مليكتى
سليم : ههههه واضح اننا ملناش مكان هنا يلا يا كرامله و نسيبهم مع بعض
كارما : ههههههه يلا يا سولى
سليم : يا طيور الحب احنا هنمشى
فهد : و احنا كمان يلا
مليكه : يلا
و فجاه فهد شال مليكه
مليكه بخضه : فهد نزلنى احنا فى المستشفى و بعدين انا قادره امشى
فهد : اولا انا ميهمنيش غير راحتك ميهمنيش احنا فين و غير كده من هنا ورايح انا هشيلك على طول علشان متتعبيش يا قلبى
و خدها و خرجوا و ركبها العربيه و مشى على القصر
و كارما و سليم ركبوا العربيه علشان سليم ياخد كارما للمفاجاه بتاعتها ...
____________________________________
سليم وقف العربيه ...
كارما : احنا وصلنا
سليم : اه خلاص قربنا هننزل و نمشى حبه صغيرين و بعد كده خلاص بس الاول هغميلك عينك
كارما : ليه
سليم : علشان المفاجأة
و فعلا ربط شريطه على عينها و نزلها سندها علشان متتكعبلش و بعد ما مشيوا شويه وقف وراها و فكلها الشريط و حضنها ....
كارما فتحت لقت نفسها قدام مستشفى ....
كارما باستغراب : احنا جينا هنا ليه
سليم بابتسامه : عادى طبيعى ان صاحبت المستشفى تيجى المستشفى بتاعتها
كارما بعدم تصديق لفتله : سليم انت قصدك ايه اوعى يكون .....
سليم بابتسامه : ايوه يا دكتورتى المستشفى ده بتاعتك و بأسمك هديه منى ليكى بمناسبت جوازنا
كارما حضنته بفرحه و سعاده : انا مش مصدقه يا سليم مش مصدقه انا مبسوطه شكرا جداااا بس ده كتير اوى
سليم حط ايده على وشها بحنان : مفيش حاجه تغلى عليكى يا حبيبتى و بعدين انا عملتها علشان مراتى
كارما : و مراتك محظوظه انها عندها راجل زيك يا حبيبى
سليم باس دماغها : مبرووك يا حبيبتى .....تعالى بقى و قوليلى ايه رأيك فى الديكور
كارما : هو انت اللى عامل الديكور
سليم بابتسامه : اه تصميم فهد و الديكور بتاعى
و دخلوا فعلا كان تصميمها مميز و رقيق و الديكور كان بسيط و مريح للعين بالوانه الهاديه
كارما بسعاده : المستشفى تحفه بجد يا سولى
سليم : حيات سولى عينك هي اللى حلوه ... انشاء الله هتشتغل بعد ما نرجع من شهر العسل و انتِ ممكن تبقى تيجى لو عايزه لحد ما تخلصى تدريب
كارما بابتسامه : ماشى يا روحى بس طبعا هتبقى معايا و مش هتسيبنى لوحدى
سليم : طبعا يا قلبى هبقى معاكى
و خادها و روحها .....
____________________________________
عند نور فى البيت ...
نور : بابا مروان كلمنى و عايزنا نقدم الفرح شويه
عز : طيب يا حبيبتى هتعرفوا تواظبوا بين حياتكوا و الدراسه يعنى هو هيوفق بين الدراسه و الشغل و انتِ بين البيت و الدراسه و كمان لو هتشتغلى
نور: انشاء الله يا بابا احنا نزاكر مع بعض و مروان اصلا بيروح المستشفى مع باباه يعنى متعود و انا انشاء الله هوفق بينهم
مامتها : بصى يا حبيبتى احنا مش معترضين احنا بس خايفين عليكى
نور : متخافيش والله يا ماما ربنا هيكرمنا
عز : ماشى يا حبيبتى انا اهم حاجه عندى سعادتكوا انشاء الله تبقى فى الاجازه الكبيره ايه رأيك
نور بفرحه قامت حضنت باباها : مبسوطه يا احلى اب فى الدنيا هروح اكلم مروان و اقوله
عز : ههههههه روحى يا ستى فرحيه
كلمت مروان و قالتله و هو فرح جداا
____________________________________
عند فهد و مليكه دخلوا القصر و فهد شال مليكه رغم اصرارها انه ينزلها.....
مايا بخضه : مليكه مالها يا فهد
فهد بابتسامه : متخافيش يا حبيبتى هى بس تعبانه شويه و كمان
محمد : كمان ايه متخوفناش يا حبيبى
فهد : و كمان هتجيبلى ولى العهد قريب اوى
مايا بفرحه : بجد مبروك يا حبايبى
محمد بسعاده : مبروك يا فهد مبروك يا مليكه
عدى بفرحه فهو دايما بيعتبر فهد ابنه : مبروك يا ولاد
فهد و مليكه بفرحه : الله يبارك فيكوا كلوكوا
مايا : يلا يا فهد طلعها تستريح فوق و انا هخلى الخدامه تطلعلوكوا الاكل فوق
فهد : ماشى يا حبيبتى
محمد : و اه بكرا تخليك مع مراتك هنزل انا و عدى بكرا الشركه و كمان خلى سليم ياخد اجازه علشان يجهز للفرح و انتِ يا مليكه مفيش شغل لحد ما تقومى بالسلامه لو على التصاميم اعمليها فى البيت ماشى ...
فهد بابتسامه : علم و ينفذ يا محمد بيه
مليكه : حاضر يا انكل
وطلعوا فوق و الخدامه جابتلهم الاكل و كلوا و فهد كان بيعمل كل حاجه لمليكه و مكنش بيخليها تقوم خالص
و سليم رجع البيت بعد ما وصل كارما....
____________________________________
عدى اسبوع و نص كان باقى على فرح كارما و سليم يومين ....جهزوا كل حاجه و كان سليم دايما بيروح لكارما المستشفى و يروحها و كان بيجهز المستشفى بتاعت كارما اللى كارما صممت انه يدخل معاها شريك فيها و تكون ضمن المجموعه بتاعت العيله و تانى يوم المفاجاه كارما كلمت مليكه و قالتلها على مفاجاه سليم و مليكه فرحتلها جدا و كارما كانت طول الوقت مع مليكه علشان تخلى بالها منها ..... اما فهد و مليكه كانوا فرحانين جدا بخبر حمل مليكه و كلوا عرف بخبر حملها و فهد مكنش بيخلى مليكه تقوم من مكانها ولا تعمل حاجه خالص و كان دايما اهم حاجه عنده راحتها و انه يعملها كل اللى هى عايزه و كمان منعها تروح الشغل الفتره دي خالص و كانت بتعمل التصاميم فى البيت و كان بيساعدها فى المذاكره للدكتوراه ....نور و مروان علاقتهم قويت اوى و حبهم زاد و كمان بدأوا يجهزوا الفيلا اللى هيقعدوا فيها ....مصطفى و لينا كمان حبهم زاد اوى و مصطفى بيحاول على قد ما يقدر يتغير و لكن وسامته كانت مصدر ازعاج للينا لان كل ما يروحوا مكان كانت البنات تفضل تبص عليه و يحاولوا يكلموه و لينا كانت بتتعصب و مره ضربت بنت لانها حاولت تكلمه .... عمر و فرحه بعد ما سفروا حياتهم كانت مستقره و مبسوطين جدا و قرروا انهم ينزلوا قبل الفرح بيوم بسبب ان عمر مشغول جدا و كمان شغل فرحه هناك اللى بدأت تشتغله ....كريم و رنا زى ما هما كل ما يتقابلوا يتخانقوا و رنا كانت بتحاول تدارى حبها لكريم بالخناقات و هو لسه مش فاهم ايه سبب الخناق ....
____________________________________
فى الصباح عند مليكه و فهد ....
صحيت مليكه لقت فهد بيظبط الكرافته بتاعته ....
مليكه بابتسامه : صباح الخير يا حبيبى
فهد راح ليها و باسها من خدها بابتسامة : صباح الورد ايه اللى صحاكى بدرى كده
مليكه : قلقت و لقيتك بتلبس .....استنه هلبس على طول و هجيلك
فهد : يا حبيبتى انتِ هترتاحى و كمان مش النهارده انتوا عاملين احتفال هنا خليكى علشان متتعبيش
مليكه عيطت زى الاطفال
فهد بخضه : مالك يا حبيبتى تعبانه
مليكه بعياط : لا مش تعبانه
فهد : طب بتعيطى ليه
مليكه بعياط : بعيط علشان انت مش عايز تاخدنى معاك الشغل
ضحك فهد جامد ....
مليكه عيطت اكتر : انت بتضحك عليا يا فهد خلاص مش هكلمك تانى
فهد بيحاول يسيطر على ضحكه : خلاص يا روحى متزعليش مش هضحك بس انتِ عارفه انى مش عايز اخدك معايا علشان ترتاحى
مليكه بشراسه ولا كأنها لسه كانت بتعيط : لا انت مش عايزنى علشان تفضل تعاكس فى البنات اللى فى الشركه براحتك
فهد بصدمه : انا
مليكه بحزن : اه انا عارفه انك بتخونى اصلا انا عارفه
فهد بيحاول يهديها لانها بقالها كام يوم مزاجها متقلب...
فهد بهدوء : يا حبيبتى معقول انا ابص لواحده تانيه ده انا بموت فيكى
مليكه : يعنى بجد بتحبنى
فهد : و دي محتاجه سؤال طبعا بحبك
مليكه بحب حضنته : حبيبى يا فهدى
فهد باس دماغها : حبيبتى ربنا يهديكى
مليكه : خلاص لو عايز تصالحنى اقعد معايا النهارده و متروحش الشركه
فهد : بس يا حبيبتى فى اجتماع مهم فى الشركه
مليكه بعصبيه : اهم منى يعنى
فهد بيحاول يهدا : لا طبعا يا حبيبتى ولا تزعلى نفسك
مليكه ضحكت بسعاده و هو كلم الشركه علشان و يلغى كل مواعيده
فهد بابتسامه : كل الفرحه دي علشان مش هروح الشركه
مليكه بسعاده : اه علشان هتفضل معايا
فهد بابتسامه: طب يلا ننزل علشان نشوف سليم هيعمل ايه
مليكه باسته فى خده و قامت على الحمام و هو ابتسم على مجنونته و غير هو كمان هدومه و مليكه خدت شاور و لبست و نزلوا ....
____________________________________
تحت كان موجود سليم و محمد و مايا و عدى ....
فهد و مليكه : صباح الخير
الكل : صباح النور
سليم : فهد منظيمين الحفله جم و بدأوا يجهزوا في الملحق بتاع القصر و بعد كده هيجوا على الجنانه
فهد : كويس علشان يخلصوا بدرى
مليكه : انت لسه مصمم تعمل الحفله هنا
فهد : اه علشان تبقوا انتوا فى الملحق براحتكوا و معانا و مش هبقى قلقان و كمان احنا هنبقى موجودين فى الجنانه علشان لو احتاجتوا حاجه احنا جنبوكوا و كمان ....
ضحك فهد و غمز لسليم : لو حبيتوا تقفشونا متطروش تخرجوا لوحدكوا
سليم ضحك جامد : اه احنا موجودين هنا
مليكه افتكرت اللى عملوه و بكبرياء مزيف : اه طبعا نقفشكوا انتوا اساسا متضمنوش
فهد : احنا .... و الله انتوا اللى مش مضمونين
سليم : مجانين و الله فى حد يعمل اللى هما عملوه
مايا بضحك : هما عملوا ايه
فهد بص لمليكه و بضحك : اقول ولا تقولى انتِ يا روحى
مليكه : و الله رخم لا هقول انا
و حكت اللى حصل ساعه حفله توديع العزوبيه بتاعت فهد ولما راحوا ليهم
مايا بضحك جامد : و الله مجانين انتوا عملتوا كده
مليكه بتزمر طفولى : اه و كمان مش مثلا لما نروح نلاقى حفله و خلاص كلامهم خلانا نشك اكتر
محمد : هههههه هما قالوا حاجه دول كانوا بيتكلموا عن البدله
مليكه بتزمر : حتى انت يا انكل
عدى : هههههههههه بس والله جادعين خليكوا كده مربين ليهم الرعب
مليكه بفخر : طبعا يا انكل احنا مش سهلين برده
فهد : و الله بقى كده
مليكه بتحدى : اه فى اعتراض
فى الوقت ده جت كارما لان سليم كلمها و قالها تيجى
كارما : صباح الخير عليكوا كلكوا
مليكه راحت وقفت جنب كارما : كارما كويس انك جيتى تعالى شوفى خطيبك بيقول علينا مجانين
كارما بصت لسليم : احنا مجانين يا سليم
سليم : كده يا مليكه بتبعينى ماشى
كارما : ليه بيقول كده بقى انشاء
مايا : علشان انتوا طبيتوا عليهم ساعه حفله توديع العزوبيه
كارما : و حضرتك بقى مضايق ليه هو انت كنت ناوى تعمل حاجه كده ولا كده
سليم متصنع البراءه : انا ده انا مظلوم
كارما : واضح
فهد بخبث : لا انتوا بس اللى مش واثقين فى نفسكوا
كارما و مليكه : نعمممممم
مليكه بغيظ : على فكره احنا واثقين فى نفسنا جدا
فهد بمكر : واضح و الدليل انى اراهنك انكوا هتيجوا الحفله و مش هتقدروا
مليكه بثبات مزيف : لا طبعا مش هنيجى ده انتوا اللى مش هتقدروا تقعدوا من غيرنا فهتعملوا اى حاجه علشان تشوفونا
كارما : و الله عندك حق هما اللى هيجوا
سليم : مين ده احنا لا طبعا احنا هنحتفل و مش هنيجى
عدى : خلاص الحفله بليل و نشوف مين اللى هيخسر و يروح للتانى
فهد بثقه : اكيد هما
مليكه بتحدى : لا انتوا اللى هتيجوا
سليم : يبقى صح نستنه و نشوف
كارما بغيظ : ماشى يلا يا مليكه
مليكه : يلا
فهد : على فين
مليكه بثقه قربت و وقفت قدامه : هنروح مكان الحفله زمانهم خلصوا الترتيبات و الرهان يبدأ من دلوقتى و نشوف مين اللى هيكسب يا كينج
فهد بابتسامه ثقه : هنشوف يا قطتى
و فجاة فهد شال مليكه
مليكه : انت بتعمل ايه
فهد و هو خارج من القصر رايح للملحق : ورايا يا سليم ......(بص لمليكه بابتسامه) اظن ان بعيد عن الرهان انا قولتلك انك مش هتتعبى نفسك علشان تروحى فى حته و انى هشيلك اوديكى لاى مكان انتِ عايزاه يا مليكتى صح ولا لا
مليكه بحب حضنته و هو شايلها : بحب يا فهدى
عند كارما و سليم ....
سليم بابتسامه : يلا يا دكتورتى اوصلك و اودعك قبل الرهان
كارما بابتسامه : يلا يا سولى
و راحوا الاتنين ورا فهد و مليكه
مايا بابتسامه : ربنا يخليهم لبعض شكلهم الاربعه جمال اوى
محمد بضحك : نسيوا كل حاجه فى ثانيه المجانين
عدى بفرحه : حبهم اقوى من اى حاجه و الاربعه مش هيقدروا يستحملوا و هيدورا على حجه علشان يشوفوا بعض
محمد : عندك حق
____________________________________
عند لينا ...
مصطفى اتصل بيها ...
مصطفى : حبيبتى جهزتى ولا لسه
لينا : اه يا حبيبى خلاص هنزل اهو
مصطفى : استنى انا جى اخدك انا كده كده رايح ليهم
لينا : ماشى يا حبيبى انت فين
مصطفى : خلاص دقيقتين و هتلاقينى عندك
لينا : خلاص انا هجهز حاجتى لحد ما تيجى و انت تحت رن عليا
مصطفى : ماشى
جهزت حاجتها و مصطفى كلمها و قالها انزلى ...
لينا : حبيبى صح انت رايح ليه
مصطفى : انتِ ناسيه ان حفله توديع العزوبيه بتاعت سليم النهارده
لينا : اه صح
و بتحزير : مصطفى
ضحك لانه فهم قصدها : حيات مصطفى متخافيش ثقى فيه
لينا : اثق فيك يبقا هتعمل عمله سوده انا عارفه
مصطفى : هههههه انا يا قلبى ده انا ملاك
لينا : بجد يا مصطفى هى الحفله هيبقى فيها بنات
مصطفى بمكر : و الله يا روحى انا معرفش بس تقريبا لا
لينا بشك : و الله مش مستريحالك لما نشوف
مصطفى : ههههههه اهدى يا روحى متخافيش
لينا : و الله شكه فيك
____________________________________
رنا صحيت و لبست و نزلت راحت على القصر ...
____________________________________
فى الملحق .....
فهد نزل مليكه ....
فهد : حبيبتى متتعبيش نفسك
مليكه بخبث : متقلقش يا روحى احنا مش هنعمل حاجه خالص
فهد بشك : مليكه انتِ حامل خليكى فاكره
مليكه بابتسامه مكر : متقلقش يا روحى
سليم دخل هو و كارما ...
كارما : هى فرحه طيارتها امتى
فهد : هى الطياره وصلت و بعت السواق يجيبهم على هنا
مليكه : طب يلا اتفضلوا
سليم باستغراب : على فين
كارما : على بره
فهد : بقى كده
مليكه : ايوا يا قلبى اتفضلوا من غير مطرود
فهد بثقه : ماشى يا قطتى افتكريها
مليكه : المهم انت تفتكرها
و خرج فهد و سليم
____________________________________
كارما : بتفكرى فى ايه يا موكا
مليكه بابتسامه ثقه : و حياتك يا كرامله لخليهم هما اللى يجوا
فهد و سليم راحوا يشوفوا التجهزات وصلت لحد فين و بعد فتره جه اهل كارما مامتها و اختها و بعديهم مصطفى و لينا و بعيدهم رنا و جت فرحه و عمر و كريم و البنات راحوا الملحق و الشباب فضلوا فى الجنينه ....و انقسموا فريقين بعد ما عرفوا موضوع التحدى .....
و جه وقت الاحتفال ....
____________________________________
عند البنات.....
) كانوا كلهم لبسين فساتين صفرا قصيره و كب )
اختاروا كلهم يلبسوا نفس الفستان و الاستايل
اخت كارما و مامتها قعدوا شويه بعد كده مامتها تعبت و روحت هى و اختها لان كارما هتفضل فى القصر و هتجهز للفرح فيه.....
لينا : احنا كده كلنا قفلنا موبايلاتنا الا رنا افهم بقى عايزا تعملى ايه يا موكا
مليكه بصت لكارما وضحكت
كارما : ببساطه هى هتخليهم يلفوا حوالين نفسهم
رنا : ازاى
مليكه : انا هشرحلكوا بصوا ....
ياتري ناوين علي ايه ؟
و هل اللي هيعملوا ده هيعدي زي المره اللي فاتت ولا ممكن هزارهم ده يتقلب عليهم ؟
و ياتري مين اللي هيروح للتاني الاول ؟
و هل سليم و فهد هيسيبوهم كده ولا هيعملوا ايه ؟
أنت تقرأ
اعشقها و لكن....
Hành độngماذا يحدث عندما يكون للقدر رأى عكس رغباتنا ؟ و هل الحب و العشق سيفوزان ام الكراهيه و الحقد ؟ من هو الاقوى العقل و العند و الكبرياء ام القلب و الحب ؟ ماذا يحدث عندما يتواجه العقل و القلب ... الكبرياء و العشق ..الخوف و الحب ...التخطيط و القدر ؟ من...
