حب تائه

الفصل الثامن

كانت رانيا تتصل بحازم كثيرا ولكنه لم يجبها
قال إبراهيم والدها:مردش برضه
اشارت رانيا برأسها نافيه
جائت والدتها وجلست قائله
داليا:فاطمه اختي اتصلت وقالت انهم مش هيعرفوا يجوا غير بعد اسبوع في مشكلة في الورق
إبراهيم:شادي ان شاء الله هيحل كل حاجه.. بجد شاب يعتمد عليه ربنا يبارك فيه
خفق قلب رانيا عندما سمعت اسمه وظنت انهم سيسمعوا صوت ضربات قلبها فاسئذنت وذهبت لغرفتها واستندت بظهرها علي الباب قائله :يارب لو لينا نصيب في بعض اجمعنا في الحلال وقربه مني ولو مش هو نصيبي اصرفه من قلبي وابعده عنى
في المشفي
ممدوح:عنر انت لازم تأكل حاجه بلاش عناد بقي
عمر:مش عايز حاجه يابابا سيبوني علي راحتك
فريده:نسيبك علي راحتك ازاي يعني..انت لازم تأكل حاجه قوليله حاجه ياياسمين
ياسمين بحنان:عمر انت لازم تاكل علشان تقدر تستحمل العلاج اللي بتاخده
عمر:انا هافضل قاعد هنا لامتي انا عايز امشي
هنا تدخل حازم وقال:تمشي تروح فين بس برجلك دي ياعم.. وبعدين ايه معجبتكش الخدمه عندنا ولا ايه
ابتسم له الجميع علي مزاحه وقال عمر
:بس انا عايز...
والدته:عايز ايه
نظر عمر لشيماء والتي فهمت انه يريد ساره
فقالت لياسمين:انتي مش لازم تمشي بقي ياياسمين ساره قاعده لوحدها في البيت
ياسمين:لا هي مش لوحدها انا اتصلت بيها وادهم معها
نظر لها الجميع بتعجب بينما نظر لها عمر وشيماء بصدمه
عمر :ادهم مين اللي معها في البيت الوقتي ياياسمين
ياسمين:دا جارنا من زمان ووالده ووالدته كانوا اصدقاء لعيلتنا.. حضرتك تعرفه ياعمي ادهم سليم
قال عمها بتذكر:اها عارفه ابن خالد الله يرحمه..بس ياياسمين هو ينفع يعني
حاول عمر القيام ولكنه تأوه اسندته شيماء وقالت بصوت منخفض:اهدي بس ياعمر
رن هاتف ياسمين فأجابت
ساره:ياسمين تعالي يابنتي ادهم نام حرام عليكي
ياسمين بضحك:نام.. طب خلاص انا جايه اهه
ثم اخذت حقيبتها سريعا واستئذنت وهي تتحدث مع شقيقتها علي الهاتف
نظر لها الجمبع بتعجب بينما كان عمر وحازم وشيماء اكثر الحاضرين صدمه
نظر ادهم لشيماء وقال بصوت منخفض وبغضب:وبتقوليلي اهدي دي بتقولك نام هو ايه اللي بيحصل ياشيماء
نظرت له شيماء وصمتت فلم تعرف بماذا تجيبه
اما حازم فقال في نفسه:نام.. نامت عليك حيطه يابعيد.. والتانيه دي راحه تصحيه ولا ايه مش فاهم
وصلت ياسمين المنزل ووجدت ساره تنتظرها فقالت:معلش ياساره.. استنيت لما عمر حالته اتحسنت
نظرت لها ساره وقالت:هو بقي احسن
قالت ياسمين وهي تجلس:اها الحمد لله
ثم قالت:هو ايه اللي حصل بقي
ساره بعدم فهم:هو ايه دا
ياسمين:انا عارفه ان عمر كان عامل خطه وو...
قالت ساره بغضب:انتى كنتي عارفه يا ياسمين وازاي توافقي علي كده
قالت ياسمين :انا مكنش قصدي حاجه ياساره بس.. انا فكرت ان دي فرصه ليكي تعيشي حياتك وتخرجي من الحاله دي
جلست ساره وهي تقول بقهر وقد ادمعت عينها:واديها قلبت بحزن وياعالم كان ممكن يحصله ايه اكتر
نظرت لها ياسمين وقالت:احكيلي ياساره ليه اللي حصل
نظرت لها ساره قليلا قبل ان تحكي لها جميع ماحدث
وقالت ببكاء:طلع شايفني انانيه ياياسمين
نظرت لها ياسمين وقالت بترقب
:يقول اللي يقوله وانتي مضايقه ليه طالما هو مايفرقش معاكي ورفضتيه
بكت ساره بشده وقالت:انا مكنتش عايزه اتعلق بيه علشان كده رفضت انا مش عايزه اخسر حد تاني بعد بابا
اشفقت ياسمين لحالها واحتضنتها وهي تقول
:اهدي يا ساره.. الاعمار بيد الله ياحبيبتي
ساره من بين شهقاتها:وجعني اوي لما قالي اني انانيه...هو انا انانيه ياياسمين
نظرت اليها ياسمين قائله:لا طبعا انتي اطيب قلب شوفته بس هو اكيد قال كده من عصبيته وزعله متنسيش انك جرحتيه ياساره
وبعدين الدليل علي كدا انك روحتي واتبرعتيله بالدم علي الرغم انك مش بتحبي المستشفيات.. اكيد لما يعرف هيعرف قد ايه انتي طيبه
ساره بسرعه: لا بلاش احسن.. هخليه كارهني كدا احسن
نظرت اليها ياسمين وقالت:وهو اللي بيحب حد بيكرهه عمر بيحبك ياساره
:طيب مانا كمان بحبها
نظرت ياسمين لمصدر الصوت وقالت بابتسامة:شكرا ياادهم تعبناك معانا
قال تدهم:ولايهمك ياستي.. ثم جلس بجانب ساره ومسح دموعها واخرج لها هديه
ساره:ايه دى
ادهم:كل سنه وانتي طيبه.. انا كنت عامل حسابي اني لازم الاقيكم النهارده علشان اعطيلك الهديه
نظرت له ساره بتأثر واحتضنته قائله:شكرا ياادهم ربنا يخليك ليا
قالت ياسمين بحزن:كل سنه وانتي طيبه ياساره
ادهم:ياساتر عليكي بتقوليها كأنك بتعزي وياتري جيبالها الهديه ايه كفن
ضحكوا عليه هما الاثنين وذهبت ياسمين واحضرت التورته التي كانت جلبتها وهدية ساره
احتفلوا بعيد ميلادها وهم فرحين ومع ذلك شعرت ساره ان هناك شئ ناقص
...
في مكان آخر
ياره بغضب:يعني ايه مش هنسافر ياشادي انا حضرت كل حاجه
شادي:متعليش صوتك عليا ياياره قلتلك الورق لما يخلص هنمشي
فاطمه والدته:خلاص بقي ياياره مفرقتش كمان اسبوع
نظرت شاهيناز لياره بخبث وقالت
:لا طبعا تفرق كان ضبطت كل حاجه خلاص
نظرت لها ياره وقالت:اسكتي ياشاهي ممكن
نظر لهم شادي بشك وقال:انتوا ناويين علي انا مش مرتاحلكم
اقتربت منه شاهي وقالت بدلع:ناويين علي كل خير يابيبي
قام شادي مره واحدة وقال بغضب
:شاهيناز انا قلتلك انا مبحبش التصرفات دي
نظرت له شاهي بسخريه وقالت
:ولا بتحب اي حاجه اصلا
نظر شادي لوالدته نظره استطاعت ان تفهم معناها وتركهم وخرج
بعد يومين...
في المشفي
عمر:قلتلك ياماما مش عايز حاجه سبيني لو سمحتي
فريده:ياعمر لازم تاكل انت من وقت ما فوقت ومااكلتش ولا بتنام.. انت عايز تموت نفسك ياابني
عمر:انا عايز اخرج من هنا.. عايز ارجع البيت
دخلت ياسمين وسمعته وهو يقول ذلك
ياسمين:هتخرج حاضر..بس امشي يوم واحد علي الاقل زي ماحنا عايزين التقارير بتاعت حالتك الصحيه وحشه ياعمر وانت بتعاند لازم الأكل في وقت والنوم في وقت لازم ترتاح
نظر لها عمر وقال:هاعمل كل دا في البيت بس خرجوني
ياسمين بتنهد:يومين بس وهاكتبلك بنفسي خروج
خرجت ياسمين وخرجت ورائها فريده
فريده:ياسمين
ياسمين :نعم ياخالتو
فريده:عمر مش هيرتاح غير لما يشوف ساره دا ابني وانا عارفه وحاسه بيه
علمت ياسمين انها تريد منها ان تجلب ساره فقالت:هحاول ياخالتو..حاضر
كانت ساره تجلس مع ادهم في حديقة المنزل
ادهم:ساره مش ناويه تروحي لعمر تزوريه مهما كان دا ابن عمك وابن خالتك كمان
نظرت له ساره وصمتت
قال ادهم بحزم:انا عارف انك عايزه تروحي فهاخدك ونروح نشوفه تمام
تنهدت ساره وقالت:حاضر ياادهم
ادهم:طب يلا
ساره:يلا ايه
ادهم:هنروح لمامتك..انا مشوفتهاش يابنتي
نظرت له ساره فسحبها من يدها قائلا:يلا انتي لسه هتفكري انهارده يوم المستشفيات
ابتسمت ساره وقالت:طيب براحه
في المشفي
كان حازم يجلس علي مكتبه يفكر في ذلك الادهم وياسمين ويتسأل هل تربطهم علاقه ما لم يعرف بماذا يفسر قربهم هكذا
سمع صوت طرقات علي الباب
حازم:اتفضل
دخلت ياسمين وقالت:اتفضل يادكتور حازم دا ملف الحاله اللي حضرتك بتبعها انا قرائته والحمدالله في تحسن كبير
اومأ حازم وصمت نظرت له ياسمين بتعجب ثم قالت:طيب بعد اذنك
وقف حازم قائلا:انا بحبك
تسمرت ياسمين مكانها الجمتها كلماته شعرت بدقات قلبها تتسارع واحده تلو الاخري وكأنها في سباق.. اقترب حازم ووقف امامها قائلا
:مش هاقدر استحمل اكتر من كدا..انا استحملت سنتين كفايا اوي
نظرت له ياسمين لاتفهم ماذا يقول هل يقصدها هي اما شخص اخر
حازم:انا عارف انك مستغربه بس انا كنت في نفس كليتك واول ماشفتك حبيتك ياياسمين
خجلت ياسمين منه بشده وحثت قدمها علي المضي قدما ولكنها لم تستطع
حازم:طيب بصي انا هاتقدملك موافقه
ياسمين:...
حازم:ابوس ايدك مش وقت سكوت وكسوف خالص..طيب لو موافقه حركي راسك بس
ابتسمت ياسمين بخفه علي اقتراحه وحركت راسها ثم ذهبت سريعا
كان حازم لم يعي ماحدث بعد فقال
:هي هزت راسها ولا كانت بتهش دبانه ولا عملت ايه...ايه اللي انا بقوله دا لا دي هزت راسها
ثم قال بفرح :الحمدلله يارب.. الحمدلله
"الحب يعطي طعم حلو ومرٌ معا.. هو هكذا مزيج رائع يجعلك سعيد حتي في ألمك.. تبذل كل ذره من كيانك لاجل شخص ما.. عليك ان تجرب في يوم تلك الحلاوه وذلك المزيج"