حب تائه

الفصل الخامس عشر

بعد ساعات كان الجميع في المشفي ليطمئنوا علي شادي
اخبرهم الطبيب انه تعرض لضربه قويه وقد يعاني من ارتجاج في المخ.. ولكن غير ذلك فهو بخير
كما لم يأذن لهم الطبيب بالدخول فجلسوا بالخارج ينتظروا افاقته.. لاحظت ياره وجود يوسف فقامت سريعا ووقفت امامه نظر لها يوسف بتعجب.. لتصفعه علي وجهه
قامت والدتها لتمسكها قائله:انتي اتجننتي ياياره
بينما نظر لها يوسف بدهشه يملاؤها الغضب ياره:سبيني ياماما هو كان رايح يقابل الحيوان دا اكيد هو اللي عمل فيه حاجه
قال يوسف بغضب:ياره احترمي نفسك.. انا لما وصلت المكتب كان هو واقع علي الأرض والمكتب مقلوب..
قالت والدتها:معلش يايوسف.. هي بس مضايقه علشان اخوها
قالت ياره بغضب اكثر:انتي بتعتذري لدا ياماما...ماهو عاملها قبل كدا ميعملهاش ليه
اقترب يوسف منها وقال بغضب:كويس انك فاكره.. وياتري فاكره عملت كدا ليه.. ها انطقي
صمتت ياره ليقول هو:عملت كدا علشان كان في واحد حيوان عايز يقربلك تمام.. انتي عارفه كان هيجرالك ايه لو معملتش كدا.. انتي بتنتقمي مني علي ايه.. علي اني بقيت شخص كويس ولا علي اني بعدت وسبتكم.. ايه كل الكره اللي جواكي ناحيتي دا
نظرت اليه ياره لتترك يد والدتها وتذهب
نادي يوسف عليها:ياره
نظرت اليه ليقول بتحذير:انا هاسمحك المرادي.. لو اتكرر تاني اللي انتي عملتيه هيبقالي تصرف مش هيعجبك
نظرت اليه قليلا قبل أن تذهب من امامهم
زفر يوسف لتقول فاطمه:انا اسفه يايوسف.. بس هي بتتعصب بسرعه
قال يوسف:ولا يهم حضرتك.. انا اللي اسف اني قلت كل دا قدامك
اتت داليا شقيقتها وإبراهيم ايضا
داليا بخوف:خير في ايه شادي جراله ايه
استأذن منهم يوسف ليتركهم
اخبرتها فاطمه عن حالة شادي
قال ابراهيم:ان شاء الله خير.. ربنا يقومه بالسلامه
نظر إبراهيم حوله وقال:هي رانيا فين مش كانت معنا
داليا:شافت ياره فقعدت معها
كانت رانيا وياره يجلسون معا
رانيا:ان شاء الله هيكون كويس ياياره متقلقيش
قالت ياره:ان شاء الله
ثم نظرت لها قائله:انتي بطمنيني ولا بطمني نفسك
نظرت لها رانيا بعدم فهم فقالت ياره
:انتي بتحبي شادي وانا عارفه
نظرت رانيا امامها وقالت:لا.. انتي فاهمه غلط بس مش اكتر
ياره:وهو كمان بيحبك جدا علي فكره
نظرت رانيا اليه وتنهدت قائله:هو خاطب ياياره يعني مينفعش الكلام دا..ربنا يسعده
قالت ياره:انا مش هاقدر افيدك في الموضوع دا بس كل اللي اعرفه انه اكيد مش بيحب شاهي
قالت رانيا بسخريه:اها ماهو قالي
نظرت لها ياره بتعجب وصمتت
اتصلت ساره علي رانيا وعلمت منها ماحدث
وبعد ان انهت ساره المكالمه
نظرت للجميع حولها ثم نظرت لادهم الجالس بجانبها وقالت:انت تعرف ان شادي في المستشفي
وقف ادهم سريعا وقال بقلق:في المستشفي بيعمل ايه
قالت ساره:في حد اتهجم عليه في المكتب وهو في الشركه
اخذ ادهم هاتفه ومفاتيح سيارته اوقفه عمر قائلا:استني هاجي معاك
ثم ذهبوا معا
بعد عده ايام كان حازم وياسمين يجلسون معا في احدي المطاعم
امسك حازم يدها ونظر لها
:مبسوطه ياياسمين
ابتسمت ياسمين وقالت:من وقت ماكتبنا الكتاب سألتني السؤال دا كام مره ياحازم
ابتسم لها حازم وقال:بحب اطمن
ياسمين :وانا بحبك اطمن
ابتسم لها حازم وصمت فقالت:مالك يا حازم
نظر لها حازم وقال:مش عارف ياياسمين حاسس في حاجه حاصله مع شادي والكل بيخبي عني
قالت ياسمين بتساؤل:ايه اللي خلاك تقول كدا
حازم:مش عارف بقالي فتره بتصل علي شادي مبيردش.. ولما كنت بسأل عليه حد كان بيتهرب من الكلام..ولما كلمني امبارح حسيت انه تعبان
طمانته ياسمين قائله:خير ان شاء الله متقلقش
حازم:يارب
كانت ساره وشيماء يجلسون معا في حديقة المنزل
شيماء :رانيا اخبارها ايه
ساره بحزن:مضايقه جدا والله
شيماء: وادهم برضه مضايق جدا.. وكل ماكلمه بيقفل بسرعه
ساره:معلش ياشيماء هو كان قلقان علي شادي علشان اتاخر لما فاق.. الحمد لله انه فاق امبارح
شيماء:انا مش زعلانه والله.. بس اللي بيعمله في نفسه دا كتير
قالت ساره فجأءه:هو عمر فين
شيماء:راح علي الشركه.. انتي عارفه ان بابا خلاص معتش هيشتغل بقي.. ناوي يسيب كل حاجه لعمر
ساره:ربنا معاه
كانت رانيا تجلس في غرفتها تبكي وتتذكر ماحدث قبل يومان في المشفي
كانت ستدخل الي شادي مع الجميع اوقفتها شاهي قائله:انتي راحه فين
نظرت اليها رانيا وقالت:هاكون رايحه فين يعني
شاهي:متفكريش انك تشوفيه.. ولاتحلمي انك تجيبي اسمه علي لسانك بعد كدا.. شادي خطيبي انتي مش فاهمه يعني ايه خطيبي.. يعني خلال اقصر مده هتحضري فرحنا.. فمفيش داعي بقى انك تيجي تسرقيه مني متبيقيش خطافة رجاله
ثم تركتها ودخلت واغلقت الباب في وجهها
عادت الي الواقع لتقوم وتغسل وجهها
في المشفي
كان يوسف وادهم يسندون شادي الذي تم خروجه من المشفي
قال ادهم:انت تقيل كدا ليه ياابني انت كنت بتاكل وانت نايم
ضحك يوسف بينما نظر له شادي قائلا:احترم نفسك ياادهم
ثم قال:تعبتك معايا يايوسف
يوسف معاتبا:ايه اللي بتقوله دا بس..ولاتعب ولا حاجه
ثم قال:بس انت فعلا تقيل كدا ليه ياشادي
ضحك ادهم وقال:مش دا اللي كنت بتشكره استلم
قال شادي:دا انتوا عيال رخمه والله
ثم صعدوا الي السياره ليذهبوا للمنزل حيث ينتظرهم الجميع
كان الجميع ينتظر رجوع شادي الي البيت
كانت شاهي تنظر في هاتفها وتراسل أحدهم نظرت اليها ياره وكانت ستقترب منها ولكنها لاحظت دخول شادي فجرت عليه سريعا واحتضنته قائله:بالله عليك متبعد كدا تاني ياشادي انا مليش غيرك
ترك شادي يد يوسف وادهم الذين كانوا يسندونه واحتضن شقيقته
قالت والدتهم:سبيه يرتاح ياياره هو تعبان ياحبيبتي
أبتعدت ياره عنه سريعا ثم اسندته حتي اقتربا من الاريكه وجلسوا
استأذن ادهم ليذهب لعمله وخرج
قال يوسف:طيب وانا كمان هامشي محتاج حاجه ياشادي
نظرت اليه ياره فهي لم تلاحظ وجوده بسبب لهفتها علي شقيقها
قال شادي:في حاجه اتسرقت من المكتب
قال يوسف:بعدين نبقي نتكلم متقلقش انت تمام.. بعد اذنكم
القي نظره سريعه علي ياره ثم خرج
نظر شادي حوله.. اقتربت ياره من اذنه وقالت
:مجتش متتعبش نفسك
نظر اليها شادي بحزن وصمت
في المساء
كان الجميع يتناولون العشاء معا في منزل الاسيوطي
ساره:عمي هو عمر اتأخر ليه كدا
ممدوح:عنده شغل كتير النهارده.. انا طلبت منه يجي.. شويه وهتلاقيه جه
اومأت له ساره ثم نظرت لطبقها وظلت تعبث بالطعام امسكت هاتفها واتصلت به للمره العشرين ولكنه لم يجبها ايضا
وضعت الهاتف جانبها وظلت تعبث بالطعام
قال ممدوح:ايه رائيكم نخلي فرح عمر وساره الشهر الجاي
قالت فريدة:عمر هيفرح جدا لو عرف
قالت ساميه:ربنا يقدرلهم اللي فيه الخير
نظر الجميع لساره التي كانت لاتستمع لهم
وكزتها شيماء وقالت:انتي يابنتي.. ايه رائيك
افاقت ساره من شرودها وقالت:ها... في ايه
قال ممدوح:نخلي فرحكم الشهر الجاي
قالت ساره:اللي تشفوه ياعمي
قال ممدوح:ان شاء الله مش هيبقي في اعتراض.. وفي حاجه تانيه بصراحه
نظر لها الجميع بفضول ليقول
:ادهم كان عايز يكتب الكتاب يوم فرح عمر وساره
قالت شيماء :نعم!!.. وهو مسألنيش ليه الاول يابابا بيقرر من نفسه
قال ممدوح:ماهو جه قالي ياشيماء
صمتت شيماء ولم تتحدث
فقالت والدتها:فكري ياحبيبتي ولو محتاجه وقت اطول مش هنغصبك اكيد علي حاجه
نظرت إليها شيماء وابتسمت بخفه وصمتت
ظلت ساره تنتظر عمر حتي اصبحت الساعه الواحده سمعت صوت سيارته فنظرت اليها سريعا لتجده ينزل منها قامت ساره لتقابله تفاجأ عمر من استيقاظها في ذلك الوقت
فقال:انتي لسه صاحيه ليه ياحبيبتي
قالت ساره:انت كنت فين كل دا ياعمر
عمر:كنت في الشركه ياساره
تنهدت ساره وقالت:رنيت عليك كتير مردتش ليه
اخرج عمر هاتفه من جيبه واراها اياه قائلا
:فقد شحن ومكنتش فاضي اشحنه
جلست ساره علي الاريكه فجلس عمر بجانبها وقال:مالك ياساره
قالت ساره بصوت متقطع :انت بتبعد عني ياعمر من وقت ماباباك قرر يسيبلك الشركه.. انا مقدره انك بتتعب بس علي الاقل يبقالي جزء في حياتك
امسك عمر يدها وقال:انتي كل حياتي ياساره
ثم احتضنها قائلا:انا اسف مش هعمل كدا تاني
ابتعدت ساره عنه وقالت:هاجبلك تتعشي
ابتسم عمر وقال:لو هتاكلي معايا
اومأت له ساره وذهبت سريعا
ليخرج الهاتف من جيبه ويضغط عليه ليفتح معه نظر له وقال:انا اسف ياساره.. بس لو كنتي عرفتي كنتي هتضايقي.. لا لا انا لازم اقولها وخلاص
اقتربت ساره وهي تحمل الطعام ووضعته نظرت للهاتف ثم نظرت لعمر وقالت
:انتي مش قلتلي فقد شحن
فقال:ساره انا كذبت عليكي.. بس بصراحه عايز اقولك الحقيقه
نظرت اليه ساره بعدم فهم
فقال:سلمي
انزعجت ساره من ذكر الاسم
فقال عمر:اشتغلت عندنا في الشركه باباها طلب من والدي وهو معرفش يرفض..انا خفت اقولك لتضايقي والله.. وقفلت الموبايل لما فضلت تتصل عليا وتبعت رسايل
نظرت له ساره قليلا ثم قالت:طيب ماتطردها
قال عمر:بابا مش موافق.. طالما معملتش حاجه غلط في الشغل يبقي تفضل
نظرت ساره امامها وقالت بعتاب:كنت هتكذب عليا بسببها ياعمر
قال عمر بهدوء:بس قلتلك
نظرت اليه ساره بحزن وقالت:خايفه المره الجايه متقولش.. انا اصلا خايفه من وجودها جمبك
احتضنها عمر قائلا:اوعدك مش هاخبي عليكي حاجه تاني
احتضنته ساره ايضا وكأنها تخشي فقدانه وقالت:حاول تتجنبها علي قد ماتقدر
قبل عمر راسها وقال:حاضر
في الصباح
كان يوسف يجلس في منزله نظر لمربيته التي يعتبرها والدته وقال
:ادعيلي ياماما
قالت عايده:بدعيلك دايما والله ياحبيبي
قال يوسف :مش عارف اعمل ايه في ورق المناقصه اللي اتسرق من مكتب شادي دا
قالت عايده:مش عارفه اقولك ايه بس يعني ياابني اكيد حد ليه مصلحه ولا حاجه
تنهد يوسف وقال:مش عارف..ومش عارف اقوله ازاي بس هو لازم يعرف علشان نلاقي حل
قالت:هو مبلغش ان في حد اعتدي عليه
يوسف:لا بلغ بس لما يكونوا عرفوا مين تكون المناقصه ضاعت مننا
كانت شاهي تجلس مع محمد
شاهي بغضب:انت متخلف ازاي تعمل كدا ودتنا في داهيه
قال محمد بانزعاج:انا روحت علشان اسرق الورق مكنتش اعرف انه هيبقي هناك
قالت شاهي: قلتلك من الاول بلاش.. استفدت ايه انت الوقتي
محمد بخبث:لا استفدت كتير في ناس كتير عايزه الورق دا
ثم قال:دا غير المصلحه اللي هتطلعلنا من الموضوع اللي قلتيلي عليه.. دا انتي طلعتي مش سهله
قالت شاهي بحنق:اعمل ايه يعني انا مقدرش اعيش طول عمري اطلب كل حاجه من اللي اسمه شادي دا
قال محمد:هو التنفيذ امتي خلينا ناخد الفلوس ونسافر بسرعه
شاهي:لا قريب خالص خلاص
كانت شيماء تتحدث على الهاتف مع ادهم وهي تتمشي في الحديقه
ادهم:يعني ايه المشكله يا شيماء.. انتي مش عايزه تتجوزيني ولا ايه
قالت شيماء:ادهم انا مقولتش كدا
ادهم بغضب:كلامك ميدلش غير علي كدا
شيماء:ياادهم انت كان لازم تنقاشني في الموضوع الاول
ادهم:ماشي ياستي.. انتي عايزه ايه وانا اعمله
شيماء بابتسامة:اللي تشوفوه
ادهم:ماكان من الاول لاحول ولاقوة الا بالله
وقع نظر شيماء علي شئ أمامها فقالت
:بقولك ايه يادهم اقفل الوقتي هاكلمك بعدين سلام
ثم اغلقت الخط واتجهت الي ماتنظر اليه كان عمر يضع راسه علي راس ساره ومستغرقون في النوم.. امسكت شيماء الهاتف لتلتقط لهم بعض الصور وهي تمنع نفسها من الضحك وبعد ان انتهت صرخت قائله:عممممممر
قامت ساره فزعه لتصطدم راسها براس عمر.. امسكت راسها بتوجع بينما قام عمر ليركض خلف شيماء التي دخلت سريعا
ساره:انا ايه اللي وقعني في العيله دي بس يارب
ثم قالت وهي تقوم:مانا منهم ايه الهبل دا
كانت باسمين تجلس مع حازم
ياسمين :ايه رائيك نرجع ياحازم
حازم:بتقولي ليه كدا ياحبيبتي
ياسمين:احنا لفينا البلد كلها وانت قلقان على طول فنرجع احسن
قال حازم:انا اسف ياحبيبتي بس انا فعلا حاسس فيه حاجه
قالت ياسمين بابتسامه:ولا يهمك
ثم قالت:هو احنا هنقعد مع اهلك
قال حازم:دا المفروض.. بس انا عندي بيت تاني لو دا يضايقك
قالت ياسمين:لا بالعكس انا فرحانه علشان هقعد وسط عيله زي عيلتي يعني محسش بفرق كبير
قبل حازم راسها وقال:ربنا يخليكي ليا يارب
ذهب عمر للشركه وجد سلمي تنتظره خارج مكتبه تجاهلها ودخل فدخلت وراءه
نظر لها عمر وقال وهو يجلس:نعم يااستاذه سلمي عايزه ايه
قالت سلمي بسخريه:استاذه
ثم قالت:انت مردتش عليا ليه امبارح
قام عمر وخبط علي المكتب ليقول بغضب افزعها:اسمها حضرتك... احنا هنا بنشتغل مش بنلعب.. وانا مديرك وانتي شغاله عندي
قالت سلمي بهدوء مستفز:تمام حضرتك مردتش عليا ليه
زفر عمر بغضب وقال:انا حر
قال سلمي:انا كنت عايزه اكلمك في الشغل فلازم ترد
قال عمر بسخريه:شغل الساعه ١٢ بليل دا ايه دا
ثم قال:ممكن حضرتك تروحي علي مكتبك انا مش ناقص
قامت سلمي بغضب وخرجت..
اتصل حازم بوالده واخبره بقدومهم
تعجب الجميع ولكنهم علموا انه اتي من اجل شادي
ذهب حازم لزياره شادي بينما ذهبت ياسمين الي منزل عائلتها
سلم عليها الجميع بحراره وترحاب
شيماء بسعاده:ها اخبار الجواز ايه
ياسمين:الحمدلله
قالت ساره:انتوا نزلتوا بدري ليه
قالت ياسمين :حازم كان قلقان علي شادي ابن خالته فنزلنا.. يارب يشوفه بقي ويطمن
قالت شيماء:اسكتي ياياسمين دا كان تعبان جدا
قالت ياسمين بقلق:ليه ايه اللي حصل
حكت لها شيماء مااخبرها به ادهم
ياسمين بحزن:ربنا يشفيه.. دا حازم هيزعل جدا
كان حازم يجلس مع شادي وادهم الذي كان مع شادي اغلب الوقت ولم يفارقه
حازم بعتاب:يعني كدا تخبي عليا ياشادي
شادي:معلش ياحازم مكنتش عايزك تقلق بس قديك نزلت وبوظتلك فرحتك
قال ادهم:انا لو مكانك ياحازم مكنتش نزلت بالله.. عايزني اسيب مراتي وانزل علشان دا
وكزه شادي وقال:تصدق انك عيل ناقص
قال ادهم:يعني لو انا اللي حصلي كدا في شهر عسلك.. هتسيب كل حاجه وتجيلي
قال شادي:لا طبعا
ضحك الجميع بينما قام حازم قائلا
:طيب انا هاروح بقي لمراتي اجيبها علشان اروح علي البيت
قال ادهم:ايوه كدا ياعم ارجع لوعيك
بعد ان عاد حازم الي البيت ومعه ياسمين استقبلهم الجميع بحفاوه ثم صعدوا لغرفتهم ليرتاحوا قليلا
رانيا:انا حازم كان واحشني اوي
قال والدها:واهه جالك اهه ياستي
قالت والدتها:هو انا مكنتش عايزاهم ينزلوا من الاجازه بتاعتهم بس فرحانه جدا انهم رجعوا والله
في اليوم التالي استيقظت ياسمين لتوقظ حازم
ياسمين بهدوء:حازم ياحازم
ظلت تحركه ولكنه كان يتجاهلها
سمعت ياسمين صوت طرقات علي الباب
فقامت لتفتح لتجدها رانيا
رانيا:صباح الخير ياحبيبتي
ياسمين :صباح الخير.. بصحي في اخوكي بقالي ساعه مش بيصحي بجد نومه تقيل اوي
قالت رانيا بسخريه:انتي فاكره ان حازم انسان طبيعي زينا يعني بيفوق لما حد يصحيه.. حاسبي حاسبي انا هصحيه بمعرفتي
دخلت رانيا وامسكت دورق الماء الذي كان بجانب السرير ثم سكبته دفعه واحده علي حازم ليقوم سريعا..ضحكت ياسمين علي منظره
رانيا وهي تمسك يدها لتسحبها خارجا
:انتي لسه هتضحكي اجري..
كانت ساره تجلس مع عمر علي مقربة من عائلتهم احضرت لهم شيماء كوبان وتركتهم امامهم
امسك عمر واحدا واعطاه لساره
نظرت له ساره بتعجب وقالت:انت عارف اني مش بشرب الشاي
قال عمر مبتسما:اظن دا مش شاي تقريبا
نظرت ساره بطرف عينها للكوب لتجده قهوه فاخذته منه
قال عمر:ياحبيبتي انتي زعلانه ليه.. انا مش قلتلك علي اللي عملته معها
قالت ساره:انا قلقانه جدا ياعمر مش عارفه ليه
رفع عمر حاجبه وقال:دا توتر ماقبل الزواج مثلا؟!
ابتسمت ساره وقالت:بس ياعمر
قال عمر وهو يرتشف بعضا من قهوته
:هنجيب الفستان امتي مش فاضل غير اسبوع ونص علي الفرح
قالت ساره:انا كان في فستان شوفته في اتليه عجبني جدا انا وشيماء هاروح اجيبه
عمر باستنكار:من غير مااشوفه
قالت ساره:ياسمين قالتلي بيبقي حاجه حلوه لما تشوفه يوم الفرح
قال عمر :لا ياماما وافرضي بقي كان فيه حاجه مش عجباني
قالت ساره: لامتقلقش انا متأكده انه هيعجبك
قال عمر بحب:انا اهم حاجه عندي هي انتي مش مهم اي حاجه تانيه
كانت شيماء تتحدث مع ادهم علي الهاتف
ادهم:شيماء انا عايز اخرج تعالي نخرج
قالت شيماء:مش هينفع انهارده علشان هاروح مع ساره نجيب فستان الفرح
ادهم:خلاص هاجي معاكم
شيماء:انت في اي حاجه وخلاص
ادهم:قلت هاجي يعني هاجي اقفلي بقي
ثم اغلق المكالمه.. نظرت شيماء للهاتف وقالت
:دا قفل في وشي
كانت ياره تجلس تتصفح بعد المجلات رأت شاهي وهي تخرج فقالت
:شاهي انتي رايحه فين
قالت شاهي بتوتر قليلا:هاا.. خارجه شويه البيت بقي جوه مش كويس كدا.. تيجي معايا
أشارت ياره برأسها نافيه وقالت:لا روحي انتي
نظرت ياره لها وهي تخرج ثم ضغطت بعد الازار علي هاتفها
ياره:انا عايزه منك خدمه