كانت ياسمين تقف أمام مكتب حازم تريد الدخول ولكن لاتستطيع ظلت في تردد هكذا لوقت ليس بقصير
:إيه هنفضل واقفين كدا كتير، مش هندخل ولا إيه؟
تفاجأت ياسمين عندما نظرت بجانبها لصاحب الصوت الذي كان حازم..
كان الآخر يقف متكئ بذراعه على الباب وينظر لها،نظرت له ياسمين بدهشه ثم قالت بسرعه
: أنا كنت هدخل الوقتي
اومأ لها حازم وهو يمسك ابتسامته وقال
:تعالي معايا اوريكي الغرفه الخاصه بتاعتك وأعرفك النظام هنا..
مشت معه ياسمين وهي تنظر له بطرف عينها، لترى ابتسامته التي يحاول إخفائها فابتسمت هي أيضا بهدوء وهي تسب نفسها بخجل منه
في مكان آخر أو بالأصح في بلد أخري كان هناك أشخاص يتحدثون حول موضوع ما
_أنا جهزت كل حاجه ياماما وإن شاء اللّه هنسافر من أمريكا علي مصر في يومين تلاته بالكتير
قال شاب في عقده الثاني نظرت إليه والدته قائله:بسرعه ياشادي الله يخليك بقالنا سنتين هنا، أنا عايزه أرجع مصر بدل ما أنا قاعده هنا لوحدي من بعد ما والدك اتوفي وجينا علشان الشركه اللي هنا وأنت علي طول مشغول عني و ياره أختك وأنت عارف مبشوفهاش ساعتين علي بعض، علي الأقل هناك أبقى مع داليا أختي
قبل شادي يد والدته بحنان قائلا:حاضر ياماما
كانت شيماء تجلس في المنزل تتصفح هاتفها بملل رائها عمر وجاء ليجلس بجانبها
:صباح الخير
نظرت له شيماء:صباح النور.. انت مش هتروح الجامعه؟
:لا هاروح.. بس كنت عايز أقولك حاجه..
تركت شيماء هاتفها ونظرت لشقيقها بإهتمام
:خير؟
نظر لها عمر بإرتباك:أنا.. كنت عايز.. يعني..
نظرت له شيماء بتعجب من إرتباكه
:قول ياعمر بقي في ايه؟
قال الآخر سريعاً:أنا عايزة أتقدم لسارة
اندهشت شيماء وفرغت فاهها، نظر عمر إليها عندما لاحظ صمتها
:سكتي ليه يابنتي انطقي!
أفاقت شيماء من صدمتها قائله
:أنت مش كنت لسه بتقولي إمبارح مش طايقاك؟
قال عمر بزجر:لا ما أنا مش هافضل كده بكلم نفسي أنا هاقولها وخلاص
قالت شيماء بدهشه أكبر
:هتقولها كمان؟!!
اومأ عمر برأسه قائلا:ايوه ياشيماء.. لازم أعرف ردها الأول أنا مش عايز أفاتح بابا وأحطها في موقف صعب قبل ما أعرف ردها
هزت شيماء رأسها بتفهم:بس أنتم لسه مخلصتوش كليه؟!
:ياشيماء لسه شهرين بس ونخلص وأنا الحمد لله بشتغل في شركة بابا بقالي سنتين اهه مش ناقص حاجه..!
تنهدت شيماء قائله:وهتعمل ايه، هتقولها إزاي؟
نظر لها عمر بإرتباك قد عاد إليه ثم قال:أنا فكرت في حاجه كدا
نظرت لها الأخرى بتساؤل قبل أن يشرح لها
نعود لياسمين التي كانت تمشي مع حازم وقالت:شكراً جداً لحضرتك يادكتور حازم..تعبتك معايا
نظر لها حازم بإبتسامة صادقه أحست بها ياسمين وقال:تعبك راحه
خجلت ياسمين وأشاحت بوجهها بعيداً عنه
وفجاءه لاحظوا تغير الجو في المشفى فالجميع في حاله هائجه والممرضون يمشون ذهاباً وإياباً.. أوقف حازم ممرض مر بجانبه وسأله عما يحدث
الممرض:في خمس أشخاص لازم يدخلوا العمليات وأنا كنت جاي لحضرتك علشان أقولك ان الدكتور أكرم مش موجود زي ما حضرتك عارف، وكدا في نقص في الطاقم الطبي
نظر حازم سريعا لياسمين قائلا:كان مكتوب في الcv إنك كنتي متدربه عند دكتور.. دخلتي عمليات قبل كده؟
أجابت ياسمين بسرعه قائله:ايوه..
:طب بسرعه اجهزي هتدخلي معايا
أنت تقرأ
حب تائه
Roman d'amourهل لك أن تحب شخص بكل كيانك بينما يتأكلك القلق كل يوم حول إذا كان يبادلك أم لا؟! أنت فقط تائه في المنتصف بين مايشغل عقلك وقلبك وماينتابك من مشاعر عدة في وقت واحد.. فأين الإجابة؟!
