حب تائه

الفصل السادس عشر

كان يوسف يجلس مع شادي في منزل الثاني
يوسف:انا مكنتش عايز اقولك بس انت كان لازم تعرف
قال شادي بانزعاج:نفسي اعرف بس مين الحيوان دا
ثم قال بتذكر:الكاميرات.. شوفتها
قال يوسف:شوفتها اكيد ياشادي مش هنسي حاجه مهمه زي دي.. بس الغريبه مكنش فيها حاجه.. تحس انه عارف مكان الكاميرات فين
قال شادي:والعمل كدا المناقصه هتروح علينا
يوسف:نعمل واحد جديد
قال شادي:انت بتهزر يايوسف مش هنلحق
قال يوسف:انا هاتصرف في الموضوع دا
ذهبت ساره وادهم وشيماء الي المكان الذي ستأتي منه ساره بفستان الزفاف
وقف ادهم ينظر للفستان وقال
:ايه دا
قالت ساره وشيماء في صوت واحد
:ايه وحش!!
قال ادهم:وحش ايه دا عامل زي بتاع سندريلا بالظبط بنفس الحجات اللي بتنور فيه
ضحكت ساره بينما قالت شيماء:سندريلا.. ربنا معايا والله
اخذت ساره الفستان وخرجوا قال ادهم
:طيب انا عازمكوا بقي علي الغداء وبعدين نخرج نلف شويا وبعدين نتعشي ونرجع
قالت ساره:ايه كل دا..عمر ممكن يقتلني فيها
نظرت لها شيماء بترجي
فقالت ساره:خلاص هاتصل عليه اسأله
ظلت ساره تتصل به خلال الطريق ولكنه لم يجبها..
في مكان اخر كانت رانيا تتصل علي ياره
:السلام عليكم.. ازيك ياياره
=وعليكم السلام
توقف قلب رانيا فجأه عن الخفقان لثوان لاتعلم كم عددها.. اهو شادي حقا!!
سمعت صوتت مره اخري
شادي:رانيا..
اغلقت رانيا الهاتف سريعا وجلست علي فراشها.. "اصبح حبه كالسرطان كلما تخلصت منه يعود لك من حيث لا تدري ليتخلل جميع خلاياك ويتمكن منك من جديد فتصبح اسيره"
نظر شادي للهاتف بحزن وتنهد قائلا:واخرتها يارب!!
في المساء
عادت ساره وادهم وشيماء بعد ان انتهوا من جميع الخطط التي حضرها لهم ادهم
اوصلهم ادهم ثم استأذن ليذهب فقد تأخر الوقت
دخلت شيماء وساره المنزل وهم يضحكون ويتذكرون ماحدث
:سااااره!!
نظروا الي صاحب الصوت ليجدوه عمر والذي كان يبدوا عليه الغضب الشديد
اقتربت ساره وشيماء منه
عمر بغضب:كنتوا فين
شيماء:في ايه ياعمر.. كنا بنجيب الفستان وخرجنا مع ادهم
عمر:انتي تسكتي خالص ياشيماء..حسابك مع بابا
نظرت اليه ساره وقالت:والله اتصلت بيك كتير وانت مردتش وهم كانوا عايزين يخرجوا  فا...
قاطعها عمر بغضب اكثر:مردتش يبقي كنتي تيجي مش تمشي علي مزاجك
قالت شيماء بانزعاج:عمر.. اعرف انت بتقول ايه وبعدين قالتلك انها اتصلت بيك..
قال عمر:وانا ماذنتلهاش يبقي مكنتش تخرج
تجمع الجميع علي صوتهم وكانت ساره قد اوشكت علي البكاء بسبب غضبه عليها
جاء والده وقال :هو في ايه؟
عمر:في ان الاساتذه خرجوا من غير مايقولولي
قال والده بحزم:بس هم قالولي..حد قالك اقفل موبايلك
نظر له عمر قليلا ثم نظر لساره وقال
:بس المفروض كانت ساره تكلمني يابابا اعتقد اني جوزها
نظرت له ساره وقد انسابت من وجهها بعض الدموع
فقال والده:واعتقد اني عمها يعني في مقام ابوها وكلامي يمشي عليك.. دا غير انك ملكش كلام عليها غير لما الجواز يتم بالكامل
استأذنت ساره منهم وذهبت
نظر لها عمر وهي تذهب اقتربت منه والدته وقالت:روح صالحها ياعمر.. انت اصلا كنت جاي متعصب وطلعت كل عصبيتك عليها
نظر لها عمر قليلا ثم ذهب خلف ساره التي كانت قد وصلت لمنزلهم وتبحث عن المفتاح لتفتح الباب
امسك عمر يدها التي بها المفتاح ثم جذبها اليه واحتضنها قائلا:انا اسف.. والله اسف بس انا كنت مضايق من الشغل.. ولما جيت ملقتكيش اضايقت اكتر
تعالت شهقات ساره ليشدد علي احتضانها وقال:بالله عليكي خلاص.. وحياتي عندك
ابتعدت ساره عنه ومسحت دموعها قائله
:والله اتصلت بيك كتير ومكنتش هاروح بس هم كانوا فرحانين فمحبتش اكسر فرحتهم
امسك عمر وجهها بيده وقال
:انا اسف سامحيني
نظرت له ساره ليقول:بحبك
احتضنته ساره قائله:وانا كمان
في اليوم التالي اتي ياره اتصال فأجابت سريعا قائله:الو يارامي.. ها عملت ايه
رامي:عملت زي ماقلتي ياستي وراقبت شاهي
قالت ياره بترقب:ها وبعدين
قال رامي مترددا:بصراحه.. هي راحت تقابل.. راحت تقابل محمد
قالت ياره:كنت عارفه.. وبعدين قالوا ايه ولا ايه اللي حصل
رامي:هي راحت الاول كافيه وانا قعدت جمبهم اسمعهم.. انا مفهمتش حاجه اوي من الكلام.. بس..
ياره:بس ايه؟
رامي:تقريبا محمد هو اللي سرق الملفات من مكتب شادي لاني سمعته وهو بيتكلم عن الموضوع دا
ياره بدهشه:ايه!!.. انت بتقول ايه وشاهي عارفه
رامي:ايوه الظاهر كدا.. بس في حاجه كمان
ياره:حاجه ايه يارامي قول بقي
رامي:كانوا بيتكلموا عن موضوع تاني فيه فلوس وكان بيقولها هنتحرك امتي بقي علشان نسافر بس مفهمتش حاجه..
ياره بتعجب:موضوع ايه؟.. دول عصابه بقي
قال رامي:ياره انا قلتلك كدا علشان تاخدي بالك.. متعمليش حاجه غبيه
قالت ياره متجاهلة كلامه:هما مشيوا من المكان اللي كانوا فيه
قال رامي:ايوه
ياره بتعجب:غريبه.. شاهي لسه مجتش
قال رامي بتردد:ماهو فيه حاجه تانيه..
ياره بغضب:هو ينفع تقول كل اللي عندك مره واحده
رامي:انا بعد ماخرجوا مشيت وراهم بالعربيه و.. وشوفتهم وهم طالعين الشقه بتاعت محمد
فتحت ساره عينيها بشده وقالت:انت بتقول ايه.. انت عارف دا معناه ايه
قال رامي:عارف ياياره.. الظاهر ان يوسف كان معاه حق
انهت ياره المكالمه معه وقد تلقت مايكفي من الصدمات
اما رامي فسمع صوت جرس الباب يدق.. فقام ليفتح الباب ويجده يوسف
دخل يوسف وهو يقول:ساعه علشان تفتح انت كنت بتعمل ايه
قال رامي وهو يجلس علي الاريكه ويضع هاتفه جانبا:ابدا كنت بكلم ياره
نظر له يوسف نظره فهمها هو فقال
:مش اللي في دماغك دي مصايب ومكنش ينفع اسيبها فيها لانها لجأتلي
قال يوسف بتسأول:مصايب ايه
نظر له رامي وقال:الظاهر انت كنت صح ياصاحبي... ثم حكي له كل ماحدث
قال يوسف بغضب:وانت قلت كل دا لياره
رامي:كنت عايزني اخبي عليها
قال يوسف:يابني محمد مش سهل ولو عرف ان في حد عرف حاجه عن الموضوع ممكن يعمل اي حاجه.. انا عارفه كويس
قال رامي:ربنا يستر بقى.. وبعدين انا هبقي معها متخافش
نظر له يوسف باستنكار
فقال رامي:قصدي هنبقي معها ياسيدي
ظلت ياره تنتظر شاهي واصبح الوقت متأخراً
سمعت ياره صوت ضجيج بالخارج فنظرت من الشرفه لتجد شاهي تقف وتودع محمد الذي قد اوصلها استشاطت ياره غضبا..
صعدت شاهي ودخلت غرفتها لتري ياره تنتظرها هناك
شاهي:انتي بتعملي ايه هنا
ياره:انتي اللي بتعملي ايه
نظرت لها شاهي بعدم فهم ووضعت حقيبتها علي الفراش ليتواجهان وجها لوجه
شاهي:قصدك ايه
قالت ياره وهي تنظر في عينيها:ايه علاقتك بمحمد.. عجبك السؤال كدا
ارتبكت شاهي وقالت:هيكون ايه يعني احنا  بس أصحاب
صمتت ياره قليلا وقالت:ماشي ياشاهي
ثم تركتها واغلقت الباب بقوه خلفها جعلت شاهي تهوي علي فراشها في خوف وقلق
في اليوم التالي
كانت ياسمين تشعر بتوعك شديد ففي الايام القليله الماضيه اصبحت حالتها غير مستقره ابدا
رن هاتفها فاجابت
ياسمين: السلام عليكم
=وعليكم السلام.. حضرتك الدكتوره ياسمين
اجابت ياسمين:ايوه انا
= يادكتوره التحاليل بتاعت حضرتك اللي عملتيها من يومين ظهرت
ياسمين:والنتيجه طلعت ايه
=ايجابيه حضرتك
انهت ياسمين المكالمه وهي مندهشه ولم تعلم ماذا تفعل!!!
كانت ساره تجلس في المنزل تشعر بملل.. اتصلت بعمر ولكنه لم يرد كعادته مؤخرا فقررت ان تذهب له..
ارتدت ملابسها واخبرت والدتها انها ستذهب للشركه وعندما وصلت امامها..مرت سياره بجانبها وفُتحت ليجذبها احدهم للداخل وينطلق سريعا كل هذا في غمضة عين...!
كان عمر يجلس في مكتبه سمع صوت طرقات علي الباب
عمر:ادخل
فتح الباب لتظهر سلمي وتدخل وتقف امامه قائله:اظن مش بكلمك بقالي فتره وبتجنبك علشان ترتاح
نظر لها عمر قليلا وقال:وانا بشكرك علي دا ياسلمي فعلا
قالت بابتسامة:العفو.. علي ايه
ثم قالت:ها هتعزمني علي فرحك امتي ولا غير مرغوب بيا
قال عمر:اكيد طبعا..تنورينا
قامت سلمي قائله:طيب انا هاقوم انا بقي بعد اذنك
ابتسم لها عمر ثم امسك هاتفه ليجد مكالمات كثيره فائته من ساره..فاتصل بها ولكن هاتفها مغلق
نظر عمر للهاتف بتعجب فساره لم يسبق لها ان اغلقت هاتفها ثم اتصل علي المنزل لتجيب والدتها
عمر:ايوه ياخالتو انا عمر..خلي ساره تكلمني معلش
تعجبت ساميه وقالت:ساره.. هي موصلتش لسه.. دي كانت رايحالك الشركه
قال عمر متسائلا:من امتي كدا
قالت ساميه بقلق:دي من ساعه ياعمر
قال عمر:طيب اقفلي انتي ياخالتو وانا هاحاول اوصلها
كان حازم قد وصل المنزل سلم علي والدته
حازم:امال بابا فين
داليا:نايم ياحبيبي.. منمش طول الليل كان تعبان شويه
حازم: الف سلامه.. الله طيب ورانيا وياسمين
داليا:رانيا في اوضتها.. وياسمين في اوضتها برضه
تركها حازم ليصعد لغرفته ويجد ياسمين تجلس علي الاريكه شارده
اقترب منها حازم وقال بهدوء:ياسمين حبيبتي انتي كويسه
نظرت اليه ياسمين بلهفه وقالت:حازم كويس انك جيت انا عايزه اقولك حاجه مهمه
نظر لها حازم باهتمام قائلا:ايه ياحبيبتي قولي
قالت ياسمين:انا الفتره اللي فاتت كنت تعبانه شويه زي ماانت عارف.. وبصراحه قلقت فعملت تحاليل والنتيجه طلعت النهارده
نظر لها حازم بقلق وخوف قائلا:في ايه يا ياسمين خير متقلقنيش
وقفت ياسمين امامه لتقول له:انا طلعت حامل ياحازم
مرت بعض لحظات صمت بينهم كان كلا منهم ينظر للاخر قبل ان يحملها حازم ويدور بها في انحاء الغرفه فرحا
ضحكت ياسمين وقالت:نازلني ياحازم هدوخ
انزلها حازم بسرعه ثم قال:انتي واقفه ليه
ثم جرها الي الفراش ليجعلها تستلقي وقال
:انتي اتغديتي
أشارت ياسمين براسها نافيه فقال حازم بلهفه
:دقيقه متقوميش من مكانك ماشي
ثم فتح الباب ليصرخ قائلا
:انتوا يااهل البيت.. حد يجبلنا غداء لشخصين هنا.. لا لا لتلاته.. ياسمين حااااامل
اتت والدته سريعا ورانيا علي الصوت لتقول رانيا بدهشه:حامل بجد..
ثم قالت وهي تقفز فرحا:انا هبقي عمتو هيهيهيه
احتضنته والدته بسعاده ثم دخلت لياسمين وجلست امامها وامسكت يدها قائله بامتنان
:انتي ادتيلي اكبر فرحه في حياتي النهارده ربنا يفرحك ياياسمين
ثم احتضنتها لتنظر ياسمين لحازم وتبتسم له بسعاده
كانت ساره تشعر بثقل في راسها وجفونها ايضا فتحت عينيها ببطء شديد لتنظر حولها ولكن المكان مظلم جدا كانت ستتكلم ولكن فمها عليها لاصقه ويديها مربوطه وكذلك قدميها بدأت تشعر بالخوف.. سمعت صوت اقدام تقترب ليدخل ثلاثة اشخاص ملثمين ويتحدثون
الاول:وبعدين هنعمل ايه ياباشا
ليجيب احد الاثنين الاخرين:ولاحاجه لما تجيلنا التعليمات
قال الثالث:وهنسيبها كدا مرميه
قال الثاني:وانت مالك ومالها متقربش منها انت فاهم والا هيبقي في تصرف مش هيعجبك
ثم خرج ليخرج ورائه الاثنين ويغلقوا الباب
كانت ساره تشعر بالرعب واصبحت تبكي بغزاره وهي تدعي ربها ان ينجيها من هذا المأزق..!
كانت شاهي تتحدث مع شخص ما علي الهاتف
شاهي:كل حاجه ماشيه تمام انا لسه مكلماه
=انتوا لازم تمشوا علي تعليماتي فاهمين
شاهي:اكيد..بس انا خايفة كان لازمته ايه بس الخطف ياسلمي
اجابتها سلمي بعنف:انتي غبيه قلتلك وانتي بتكلميني متنطقيش اسمي..وبعدين كنتي عايزاني اسيبه يتجوزها يعني
شاهي:طيب وهنعمل ايه الوقتي محمد مستنيني اقوله
سلمي:اوعي تكوني عرفتيه عني حاجه
شاهي:لا معرفش حاجه
سلمي:ماشي..بس مفيش حاجه هنعملها خليه بس عينه عليها ويجبلها اكل تطفحه بدل ماتموت وتلبسنا مصيبه
انهت شاهي المكالمه وهي تقول:ربنا يستر بقي انا ايه اللي دخلني في الموضوع دا بس
ثم سمعت صوت شئ ما بالخارج فخرجت لتري ولكنها لم تجد شيئا
فزفرت قائله:انا هتجنن اكيد
كان عمر مازال يبحث عن ساره ولم يكن هو فقط بل الجميع ايضا فقد مرّ وقت طويل علي اختفائها.. بحث عنها في جميع الاماكن ولم يجد لها اثر فعاد للمنزل
شيماء بلهفه:عرفت حاجه ياعمر
جلس عمر وهو يضع يده علي جبهته
:مش لاقيلها اثر
جاء ادهم سريعا وورائه حازم فنظرت شيماء  الي ادهم بتساؤل ليشير براسه نافيا وكذلك حازم الذي قال
:طيب انت شوفت الكاميرات ياعمر بتاعت الشركه اللي علي المداخل
ارجع عمر رأسه للخلف في إرهاق وقلق وقال
:انهارده الكاميرات كان فيها عطل
جاءت والدته سريعا وهي تتساءل عن اي خبر
ليخبروها انه ليس هناك أي جديد
قال ادهم:هي فين ماما ساميه
قالت فريده:مش بتبطل عياط وانا بحاول اهديها انا وياسمين مفيش فايده
ثم قالت:هو ممدوح لسه ماجاش من مركز الشرطه
اجابتها شيماء:لا ياماما
قام عمر وقد بدأ يشعر بالاختناق فخرج تاركا اياهم ليجد هاتفه يرن فأجاب
:ألو
=حضرتك الاستاذ عمر
عمر:ايوه
=انا محتاجه اقابل حضرتك ضروري بخصوص ساره
تسارعت خفقات قلبه ليذهب للسياره سريعا وهو يقول:طيب نتقابل فين
=انا في *****
ذهب عمر للمكان المحدد..
عمر:الو هو حضرتك فين انا وصلت
وجد عمر احدهم يرفع يده ليتقدم باتجاهه
ثم اغلق الخط وقال:عمر
=ياره
ليجلس عمر امامها سريعا وهو يقول حضرتك قلتي انك عارفه حاجه عن موضوع ساره
قالت ياره بهدوء:ايوه.. هو الموضوع يطول شرحه شويه
قال عمر مقاطعا:انا المهم عندي الاقي ساره
قالت ياره:انا اخت شادي بنت خالت حازم..
شوف انا كل اللي اقدر اقولهولك حاليا اني اعرف اللي هيوصلنا لساره..
عمر:انا مش فاهم حاجة
ياره:وانا هشرحلك..
في ذلك الوقت كانت رانيا تصلي وتدعي لرفيقتها ان يحفظها ويحميها من كل سوء
:يارب يارب نجيها من كل شر.. ورجعهالنا بخير يارب احفظها وانت خير الحافظين
اما ساره فقد دخل عليها احد الاشخاص الثلاثه ورمي أمامها الطعام وازاح اللاصقة من علي فمها ويدها لتستطيع الاكل وخرج دون اي كلام
فكت ساره ايضا رباط قدميها بسرعه وقامت لتجول في المكان بسرعه لعلها تجد مخرجا ولكنها لم تجد شئ
كان كلا من ياسمين وحازم وشيماء وادهم وكذلك ممدوح يجلسون في حديقة المنزل ولم تكف ياسمين عن البكاء
اقترب حازم منها بهدوء
حازم:ياسمين مينفعش كده اهدي شويه انتي حامل ياحبيبتي
غضبت ياسمين مما قاله وقالت:هو دا اللي همك واختي اللي مختفيه دي مش عايزني ازعل عليها
ثم قامت لتدخل كان سيقوم ورائها ولكن شيماء أشارت له انها ستذهب هي
قال ادهم لممدوح:وبعدين ياعمي عملت ايه مع البوليس
ممدوح:ولا حاجه لازم يمر ٢٤ ساعه علي اختفائها..بس في شخص وعدني انه هيدور في اسرع وقت
تنهد ادهم بينما مال عليه حازم وقال: عمر فين؟
نظر له ادهم ورفع كتفيه علامة علي انه لايعرف
اخرج حازم هاتفه ليتصل عليه ولكنه كان اتي
نادي عليه والده فتقدم منهم وجلس
قال ممدوح:متقلقش هنلاقيها ان شاء الله
نظر له عمر وقال:ان شاء الله.. انا هطلع اوضتي.. سلام
ثم صعد والانظار تتبعه بتعجب
صعد عمر لغرفته ليفكر في الحوار الذي دار بينه وبين ياره
فلااااش باك
ياره:وانا هشرحلك.. باختصار انا كلمت رانيا بالصدفه وهي حكتلي عن اختفاء ساره فطلبت منها تجبلي رقمك من تلفون حازم.. لاني ممكن اوصلك ليها
قال عمر:ازاي
ياره:خطيبة شادي اخويا بقالها فتره تصرفتها غريبه وانا عرفت انها بتعمل مصايب من وراه بس مش لوحدها مع شخص تاني.. والنهارده سمعتها وهي بتكلم واحده وبتقولها عن حاجه زي خطف ومستنيه اوامر منها وكلام غريب فتوقعت ان الموضوع يبقي ليه صله
نظر لها عمر بتساؤل وقال:طيب وهي مين اللي كانت بتكلمها دي ومصلحتها ايه لو افترضنا انها خطفت ساره
قالت ياره وهي تحاول التذكر
:هي قالت اسمها وهي بتكلمها بس انا مش فاكره
قال عمر برجاء:ارجوكي افتكري...ممكن اي حاجه توصلنا لساره
قالت ياره بتذكر:ايوه افتكرت.. سلمي هي قالت سلمي
صمت عمر قليلا وهو يفكر في تصرفات سلمي في الايام الماضية ثم قام فجاءه وقال
:بنت.. والله لاقتلها
وقفت ياره امامه بسرعه وقالت:ممكن حضرتك تسمعني انتي لو عملت اي حاجه ممكن تضر ساره فيها احنا لازم نوصلها بس بهدوء..
جلس عمر وقد هدأ قليلا فجلست هي ايضا وقالت:اسمعني يااستاذ عمر اللي فهمته انهم مش هيعملوا فيها حاجه..علي الاقل النهارده
نظر لها عمر فقالت:اسمعني احنا هنفضل علي تواصل ولو حصل حاجه هبلغك بيها علي طول.. انا وانت في كفه واحده..انا عايزه انتقم منهم علي كل حاجه عملوها في اخويا بس للاسف مش هاقدر اقوله حاجه حاليا لان في حد تاني في الموضوع واخاف يعمل حاجه متكونش في صالحنا
عوده للوقت الحالي
نظر عمر لسقف غرفته ليغمض عينيه بقوه وهو يدعى الله ان تعود له حبيبته
مرّ اليوم بين قلق وخوف ورجاء
كان شادي يجلس مع يوسف مرت من امامهم شاهي وتبعتها ياره.. لاحظ الاثنان ان ياره علي عجله فاوقفها شادي
نظرت اليه ياره سريعا ثم نظرت علي شاهي وقالت:في ايه ياشادي انا مستعجله معلش
احس يوسف بان هناك شئ ما
بينما قال شادي:انتي مستعجله ليه
لاحظت ياره ان شاهي تركب سيارتها فقالت بسرعه:انا لازم امشي ياشادي نتكلم بعدين
ثم ذهبت سريعا نظر لها شادي بتعجب بينما قال يوسف:معلش ياشادي انا تعبان شويه فهمشي واجيلك وقت تاني
قال له شادي:اكيد يايوسف