حب تائه

الفصل الثاني عشر

مرّ الوقت واصبحت الساعه الثانيه كانت ساره تنتظر عمها كما طلب منها رائت عمر يدخل الي حديقة المنزل فنظرت بعيدا عنه في حزن
اقترب عمر منها وقال:هتروحي
وقفت ساره امامه وقالت:ان شاء الله
نظرت اليه فوجدته صامت فقالت:ادعيلي
نظر عمر اليها وقال:دا انتي لسه مقابلتهوش هدعيلك من الوقتي
في ذلك الوقت اتي عمها لينادي عليها حتي يذهبوا.. نظرت ساره لعمر وتمنت لو يمنعها ولكنه لم يفعل
كانت ياسمين في المشفي في مكتبها الخاص
دخل حازم عليها وهو يقول:زوجتي العزيزه
تنهدت ياسمين قائله:لا بجد حرام كدا في ايه ياحازم دي رابع مره تدخل عليا انهارده
اتي حازم من وراء مقعدها واحتضنها قائلا
:مش عارف اشتغل وانتي في نفس المكان
قالت ياسمين بخجل:حازم ممكن اي حد يدخل علينا الوقتي
ابتعد حازم ونظر لها بحنق:ياسمين احنا كتبنا الكتاب هو مش انتي اللي مضيتي ولا كانت مين
ابتسمت ياسمين وقالت:عارفه بس احنا هنا في شغل وانتي مديري مش اكتر
لاحظ حازم ممرضا يذهب من امام المكتب فنادي عليه وعندما اتي
قال حازم:دلوقتي انت تعرف الاستاذه ياسمين
قال الممرض متعجبا:ايوه طبعا عارفها يادكتور..
كانت ياسمين تنظر له بتعجب مما يفعل
تابع حازم قائلا:وتعرف ايه عنها
قال الممرض:دكتوره هنا في المستشفي دا غير انها زوجة حضرتك
ابتسم له حازم وقال:تقدر تمشي انت
ثم نظر لياسمين بعد ان خرج الممرض وقال
:شوفتي قال زوجة حضرتك
ابتسمت ياسمين وقالت:انت مش معقول ياحازم
في منزل حازم كانت والدته تجلس مع شقيقتها وتجلس رانيا علي مقربة منهم
داليا والدته:اخبار شادي وخطيبته وياره ايه
قالت فاطمه:بخير الحمدلله
جذب رانيا اسمهما لتنتبه ولكنها قامت لتتركهم يتحدثوا فهي لا تريد ان تسمع اي شئ عنهم
كانت ياره تجلس باحد المقاهي بمفردها لاحظت يوسف وهو يدخل المقهي نظرت اليه تتابعه وهو يجلس كان يعطيها ظهره لهذا لم تراه..لاحظت ان هناك فتاه تقترب منه وهي ترتدي ملابس رسميه ونظاره.. رائت المراءه وهي تحاول ان تسلم عليه ولكن يبدوا انه رفض فقد انزلت يدها نظرت له ياره بسخريه قائله:ماشي ياعم الشيخ
ثم قامت ليلمحها يوسف بطرف عينه وهي تذهب فتنهد ليتابع ماكان يفعله
اما ساره فبعد ان وصلت هي وعمها ممدوح الي المطعم الذي سيتقابلان به مع ذلك الشاب
نظرت له ساره قائله:اتأخر اوي ياعمي
ممدوح:انا واثق انه هيجي
تنهدت ساره وصمتت
وفجاءة لاحظت دخول عمر السريع عليهم
كان عمر ينهج وهو واقف يقول:جه
ظلت ساره تنظر له بدهشه وهي صامته
ممدوح:لا لسه
امسك عمر كف ساره بيده وقال:طيب يلا قبل مايجي
ممدوح:يلا فين هو لعب عيال احنا هنستناه
عمر بتصميم :بابا ساره مش هتقعد هنا لحظه زياده
قام والده وسحب يده من يد ساره التي تتوالي الصدمات عليها
ممدوح:عمر متتعداش حدودك..انا قلت هنستني يبقي هنستني
انزعج عمر من كلام والده وقال
:ماشي يابابا.. استنوا.. وخليه يتجوزها.. خليه يتجوز البنت اللي ابنك حبها لو كان دا هيرضيك
نظر له والده وجلس وهو يقول:الحب مش كفايه..هتفضل تحبها لامتي
جلس عمر امام والده ليقول:انا عرضت عليها اننا نتجوز ورفضت يابابا.. كان بايدي اعمل ايه
نظرت له ساره بحزن بينما قال عمر
:اعتبرني  بطلب ايديها منك وحالا
نظر له والده ثم نظر لساره وقال:ايه رائيك ياساره
نظر عمر لساره يرجوها ان توافق فاومأت بخفوت
مما جعل عمر يطير فرحا ثم قال:طيب يلا بسرعه قبل ما عريس الغفله يجي
ابتسم والده وقال:لا ماهو جه..
عقد عمر حاجبيه وقال بعدم فهم:مش فاهم ازاي يعني.. مش حضرتك قلت مجاش من شويه
ابتسمت ساره ووالده مما جعل عمر يشك في شئ فقال:انتوا قصدكوا عليا
قال والده :غبي.. مش قلتلك ياساره هيجي
قال عمر:لا لحظه بس انتوا تحكولي من الاول كده
فلاش باك
قامت ساره لتذهب مع عمها ليريها صورة ذلك الشخص المجهول
جلست امامه علي المكتب ليعطيها صوره
اخذتها ساره منه بهدوء ونظرت اليها لتقول بحزن وهي ترجعها له:دا عمر ياعمي تقريبا الصوره اتلخبطت
قال عمها:ما انا عارف انها صورة عمر انتي كنتي عايزه عريس تاني ولا ايه
نظرت اليه ساره بعدم فهم ليتابع قائلا
:كل دي تمثليه انا عملتها علشان اخليكم تتقدموا خطوه بقي
ساره:بس ياعمي..
ممدوح مقاطعا:ولا بس ولا حاجه عمر عايز دافع شويه وانتوا علاقتكوا ببعض بتتدهور ومش هتفضلوا طبعا علي الحال دا طول حياتكم.. انا كل اللي عايزه منك تجاريني.. والموضوع دا محدش يعرف بيه نهائي ياساره
اومأت ساره بهدوء لتبدأ هي وعمها تلك الخطه المنشوده
عوده للوقت الحالي
عمر:دا انت يابابااااا طلعت حكايه والله
ابتسم والده وقال:انت بس اللي عبيط.. الموضوع كان المرادي هزار المره الجايه ممكن يبقي جد
قال عمر بسرعه:لا مره جايه ايه.. انا وساره هنخطب في اسرع وقت
ثم قال:ايه رائيكم نقرأ الفاتحه
قال والده:والله اللي تقول عليه ساره انا هاعمله.. ها ياساره
نظروا لها لتومأ برأسها فقال والده:علي بركة الله
ثم قراءوا ثلاثتهم الفاتحه.. ليعلنوا بدايه حكايه جديده لهم
بعد اسبوع كان الجميع يذهب ويأتي في منزل الاسيوطي فاليوم خطبة ساره وعمر وعقد قرانهم اخيرا
كانت ساره تجلس في غرفتها
رانيا:جميلة اوي ياساره ماشاء الله.. الفرحه خارجه من عينيكي
قالت شيماء بزهو:طبعا وهو عمر شويه
وكزتها ياسمين وقالت:اتقي ربنا ليكي يوم
امسكت رانيا يد ساره وألبستها اسوره ذهبيه لتقول:دي هديتي ليكي وياريت متقلعهاش نهائي
قالت ساره بفرح وهي تنظر لرانيا قائله
:شكلها جميل ورقيق جدا
قالت شيماء لياسمين:هو المفروض بيجيبوا هديه
ضحك الجميع بينما قالت رانيا:لا ياشيماء بس انا كنت واعده نفسي انهم اول مايرتبطوا هاجيب لساره هديه
اتت ساميه لتدخل ومعها فريده
هبطت ساره لمستوي الكرسي المتحرك الذي تجلس عليه والدتها و احتضنتها
لتقول ساميه:ربنا يبارك.. ويسعدك دايما ياحبيبتي
ثم قامت لتحتضنها خالتها وتقول:انا انهارده اسعد حد موجود والله
ابتسمت لهم ساره لتأخذها خالتها ويخرجوا جميعا
جلست ساره بجانب عمها الذي كان وكيلها وبعد ان اتم المأذون الزواج بارك لهم الجميع وهنئهم بحراره
قام عمر فجاءه وهو ممسك بايدي ساره ليقول:انا هاخد مراتي بقي ياجماعه وامشي
ضحك الجميع عليه بينما قالت ساره بخجل:ياعمر.. لسه بدري هنسيب الناس
جلس عمر مره اخري وقال بحنق
:خليكي قاعده بقي
تقدم ادهم منهم ليربت علي ظهره قائلا
:ياسيدي قدامك العمر كله اخرج فيه معها
انما هتسيب الناس كدا وتمشي
قالت شيماء والتي قد سمعته:من حقه.. هيفضل قاعد كدا زي التمثال ماتسيبوهم يخرجوا ويتفسحوا
قال عمر:قوليلهم ياشيماء
شيماء:مانا بقولهم اهه ياحبيبي
ثم ضربت ساره علي راسها لتقول:ماتقومي يابت انتي اتفسحي مع الولا بطلي كأبه
قال ادهم وهو يأتي وراء ساره ويضع يده علي راسها ويقبلها:ابعدي عن ساره.. انتي بتتحولي ولا ايه.. بت وولا.. ماتشوف اختك يااستاذ انت.. من اولها بتضربوها لا احنا فيها
قال عمر وهو يزيح يد ادهم من علي ساره:طيب ابعد انت ايدك كدا بس وبعدين نشوف الموضوع دا
كان ياسمين وحازم يتابعون الموقف وهم يضحكون قال حازم:طبعا انتي فرحانه الوقتي اخيرا
قالت ياسمين:جدا ياحازم ربنا يسعدهم
قال حازم:يارب
بس احنا ربنا هيسعدنا امتي
نظرت له ياسمين بعدم فهم وقالت:ماحنا كاتبين كتابنا انت نسيت ولا ايه
قال حازم:لا منستش بس مش كفايه كدا انا عايز نتجوز بقي
قالت ياسمين:تاني ياحازم احنا مش حددنا الشهر الجاي.. انت متسرع ليه كدا
امسك حازم يدها ليقول:انا عايزك جمبي انهارده قبل بكره دا غلط
اشارت ياسمين براسها نافيه
ليقبل حازم يدها ويقول:بحبك
ياسمين:وانا كمان بحبك
في المساء كانت ياره تجلس كالعاده مع شاهي والبقيه
محمد:هو رامي مجاش ليه
قالت شاهي:احسن والله بقيت بحسه خنقه كدا مش عارفه ليه
اتصلت ياره به فهي تفضل الجلوس معه عن محمد الجالس أمامها
ياره:انت فين يارامي
رامي:انا مش هاعرف اجي ياياره
ياره:ليه خير في ايه
رامي:خير بس.. خلينا نتقابل بكره واشرحلك تمام.. بس انا وانتي متقوليش لحد
فهمت ياره فقالت:تمام
اغلقت ياره الخط لينظر لها محمد قائلا :مجاش ليه
ياره:بيقول تعبان شويه.. انا هقوم امشي بقي
قال محمد:انتي لسه زعلانه برضه من موضوع حازم دا..يابنتي في كذا حازم في الدنيا غيره ولو مكانش في محمد عادي
نظرت له ياره باشمئزاز وقالت لشاهي:وانتي مش هتيجى برضه
شاهي:لا انا هطول برضه
قامت ياره وقد شعرت بشئ غريب تجاههم كالعاده