حب تائه

الفصل العاشر

في المساء تجهزت ياسمين وجلست في غرفتها لم تضع اي مساحيق تجميل كعادتها جلست تنتظر في غرفتها وشعرت بسعاده غامره فبعد ان استخارت ربها شعرت بانشراح قلبها له
دخلت عليها شيماء وقالت:لو بعرف ازغرط مكنتش بخلت عليكي والله
ثم قالت:فرحانه ياياسمين
ياسمين :جدا ياشيماء..مش علشان هو شخص كويس بس فرحانه انكم كلكم حواليا
ابتسمت لها شيماء ثم قالت بانزعاج
:ماعدا الشخص الرخم اللي بره دا
قالت ياسمين:مين.. ادهم
شيماء بانزعاج:ايوه زفت
قالت ياسمين بعتاب:حرام عليكي ادهم انسان جميل جدا مش عارفه انتي مش بتحبيه ليه
قالت شيماء:كفايه ساره بتحبه
نظرت لها ياسمين بتعجب وقالت:وانتي متضايقه ليه من حب ساره ليه
فكرت شيماء قليلا قبل ان تقول:واخدين علي بعض اوي ياياسمين مش شايفه بيتعاملوا مع بعض ازاي
دخلت ساره في تلك اللحظه وابتسمت لهم قائله:حازم وعيلته جم
بينما دفعتها رانيا لتدخل وتقول:حبيبة قلبي مرات اخويا
سلمت ياسمين عليها بينما قالت شيماء
:مش بسرعه كدا لسه في حجات كتير قدامهم واحتمال ياسمين متوافقش
قالت ياسمين بسرعه:لا انا موافقه
نظروا لها جميعا وضحكوا.. لاحظت ساره تغير رانيا وكأن هناك شئ يزعجها
نادي ممدوح علي ياسمين فاخذتها شيماء وخرجت بينما امسكت ساره يد رانيا قائله
:مالك
رانيا بارتباك:مفيش.. انا كويسه
ساره:رانيا انتي فيكي حاجه اقعدي كدا واحكيلي..
جلست رانيا وقالت: انهارده خالتوا رجعت وو.. وشادي.. خطب ياساره
ساره بترقب:وانتي ايه اللي مزعلك انهم رجعوا ولا انه خطب
رانيا وقد اغرورقت عينها بالدموع
:انا مكنتش متخيله انه ممكن يخطب.. انا بحبه ياساره بحبه من زمان..واني اشوف حد تاني جمبه دي حاجه صعبه عليا
احتضنتها ساره وقالت:سبيها علي ربنا ممكن ملكوش نصيب في بعض يارانيا وربنا يعوضك باللي احسن منه
نظرت إليها رانيا وقالت:المشكله اني بفكر فيه كتير.. وخايفه مقدرش اطلعه من قلبي وهو بقي ملك لواحده تانيه.. ودا ميرضيش ربنا
ساره:ياحبيبتي متشليش فوق طاقتك.. ربنا قادر يخرجه من قلبك متقلقيش
تنهدت رانيا وامسكت يد ساره وقالت
:اعطي فرصه لعمر ياساره..الحب مش بيجي للكل.. فمتبعدهوش انتي عنك..محدش بيرفض النعمه..والحب نعمه ربنا بيعطهلنا
نظرت اليها ساره بتأثر وقالت:ربنا يسعدك يارانيا
ثم قاموا ليخرجوا
كانت شيماء تقف وتنظر لياسمين وحازم بعد ان جلسوا بمفردهم كانت تبتسم وهي تراهم سمعت صوت من خلفها
:عقبالك
نظرت لصاحب الصوت وقد علمته وقالت بانزعاج:شكرا
جاء ادهم ووقف بجانبها قائلا:مفيش عقبالك ياادهم
شيماء:وهو انا لما اقولك عقبالك هتتجوز حالا يعني
قال ادهم:متقلقيش العروسه موجوده دعواتك انتي بس
نظرت له شيماء بضيق وتركته اعتقادا منه انه يتكلم عن ساره
اما ياسمين وحازم فكانوا يجلسون معا
حازم:طيب مش محتاجه تسأليني حاجه.. احنا متكلمناش من وقت ماقعدنا
ظلت ياسمين تنظر الي الارض في استحياء واشارت برأسها نافية
قال حازم:طيب بُصلي طيب يمكن اكون أحول او اي حاجه
ابتسمت ياسمين وظلت تنظر للاسفل
فقال حازم:بس معاكي حق السجاد اللي انتوا فارشينه لونه تحفه جدا
ابتسمت ياسمين اكثر وتحول وجهها لحبة طماطم بينما كانت ساره ورانيا يستمعون الي ماقاله حازم وانفجروا ضاحكين
قام حازم واهله ليغادروا علي وعد بأن يتصل بهم ممدوح في اقرب وقت
في ذلك الوقت كانت شاهيناز تجول في الغرفة ذهابا وايابا وهي تقول بغضب
:يعني بعد مااوقعه خلاص تيجي واحده تاخده بالساهل مني دا انا قتلها.. لسه متخلقتش اللي تاخد مني حاجه
سمعت صوت سياره فذهبت لتري من الشباك وجدتهم هم قد عادوا ويبدوا علي وجههم الابتسام
داليا :بس ماشاء الله اهلها ناس طيبين جدا ياحازم وهي ماشاء الله عليها ربنا يكتبلك اللي فيه الخير ياحبيبي
نظر لها حازم بغرور وقال:طبعا طبعا هو انا برضه هاتجوز اي واحده كدا والسلام
وضحكوا ودخلوا بينما كانت تتوعد لهم ياره وتنظر لهم بحقد
كان شادي ينتظرهم مع والدته وتجلس بجانبهم شاهي تتصفح احدي المجلات..
شادي بابتسامه :ها.. ايه الاخبار
حازم:ادعيلي
شادي:الله يسهلك ياعم
قالت فاطمه:ربنا يفرحك ياحبيبي ان شاء الله
وجلسوا معا بينما قالت رانيا متحججه
:طيب انا هاطلع انا انام بقي
نظر لها شادي وهي تصعد ثم صعد ورائها
شادي :رانيا دقيقه
وقفت رانيا وهي تحاول ان تبدوا متزنه وقالت:نعم ياشادي خير في حاجه
نظر لها شادي وقال:هو انتي مضايقه مني في حاجه من وقت ماجيت وانتي متكلمتيش معايا خالص
نظرت له رانيا وقالت بحده:وحضرتك عايزني اقف اتكلم معاك فى ايه.. ماعندك خطيبتك ممكن تكلمها هي
نظر لها شادي متفاجئا من كلامها وقال
:هو في ايه يا رانيا ايه اللي حصل لكل دا
لاحظت رانيا صعود شاهي علي السلم واتجاهها اليهم فقالت:طيب استئذن انا بما ان خطيبتك جت.. لتفهمنا غلط
ثم ذهبت نظرت لها شاهي وقالت لشادي
:انت كنت واقف مع البتاعه دي بتعمل ايه
شادي بانزعاج:ممكن تحسني اسلوبك شويه وبعدين بتاعة ايه هي ملهاش اسم
ثم ذهب من امامها قالت شاهيناز بحنق
:طول عمرك ذوقك زباله
اما ساره كانت تجلس مع عمر علي مقربة من الجميع
عمر:اهه الاستاذ نيله مشي.. قولي بقي تفسري كل دا بايه
نظرت اليه ساره وقالت:طيب بس متقولش نيله
عمر:ساره انا بحاول امسك اعصابي بالعافيه فلو عندك كلمه حلوه قوليها لتسكتي
ساره:ياعمر الموضوع والله مش مستاهل
عمر بانزعاج:مش مستاهل ازاي.. يحضنك ويمسك ايدك وطول النهار معاكي ومش مستاهل..
ثم جاء ليقوم فشعر بتعب في ساقيه فجلس مره اخري
اشفقت ساره لحاله فقالت
:ايوه مش مستاهل ياعمر لانه اخويا
نظر لها عمر وقال: ساره مفيش حاجه اسمها زي اخويا والكلام دا
نظرت اليه ساره وقالت بهدوء :بس انا مقولتش زي.. انا قلت اخويا
نظر لها عمر متعجبا وقال:ازاي
ساره:ادهم اخويا في الرضاعه ياعمر
سكت عمر قليلا ثم قال بفرح:والله اخوكي
ابتسمت ساره واومأت براسها
فقال عمر:انتي عارفه انا عايز ايه
ساره:عايز ايه
عمر:عايز اشيلك والف بيكي كدا واحضنك.. واحضن ادهم
ابتسمت ساره بخجل وصمتت
بعد يومين.. اتصل ممدوح علي ابراهيم ليخبره بموافقتهم علي الزواج
فرح حازم بشده لانها ستصبح ملكه قريبا وقد كان هناك من يغبطه علي تلك السعاده
اما ياره فكانت تستغل تلك الأيام القليله الي قضتها مع حازم لتتقرب منه ولكنه كان يصدها مما جعلها تكره ياسمين قبل أن تراها حتي
كان عمر في جامعته فقد فاته الكثير وصمم ان يذهب اليوم يمشي في طريقه للخروج  شعر باحدهم يضع يده علي كتفه فالتفت ليجدها سلمي فقال بغضب
:سلمي لو سمحتي انتي عارفه اني مبحبش الحركات دي
قالت سلمي متصنعة الخجل:انا ندهت عليك كتير بس انت مردتش
احس عمر بتأنيب ضمير قليلا فقال: انا اسف.. بس مسمعتش.. وانتي عارفه اني مش بحب التعامل دا.. دا غير اننا في الجامعه وممكن اي حد يفهمنا غلط
ثم نظر أمامه ليري ساره تنظر لهم وهي تمشي ثم نظرت امامها وذهبت
قال عمر سريعا :معلش يا سلمى لازم امشي
نظرت له سلمي وهو يذهب وقالت بابتسامه: لسه اللي جاي اكتر ياساره
في المشفى كانت ياسمين تسير في الطرقه لتجد حازم مقبل عليها
حازم :ياسمين انا كنت عايز اكلمك في موضوع مهم
نظرت اليه ياسمين باهتمام ليتابع قائلا
:انا مش عايزك تفهميني غلط بس انا كنت بفكر نكتب الكتاب مع الخطوبه
نظرت اليه ياسمين بدهشه وقالت
:بس دي بعد يومين
قال حازم بحزن:انا مش هاعرف اتعامل معاكي واحنا مفيش بينا حاجه شرعيه.. دا غير اني اظن انك عرفتيني كويش في الشهر اللي اشتغلتيه هنا معايا.. بس عالعموم انا مفتحتش حد في الموضوع قلت اقولك الاول
نظرت اليه ياسمين وعندما لاحظت حزنه قالت :مش كدا.. بس يعني انا كنت عايزه اصلي استخاره الاول
ابتسم حازم وقال:ان شاء الله خير
اما ساره فبعد ان وصلت للمنزل وجدت والدتها وخالتها يجلسون معا في حديقه المنزل فذهبت اليهم والقت السلام ثم جلست
فريده:انا فرحانه جدا لياسمين حازم وعيلته ناس كويسين جدا.. دا غير اني ملاحظه انه ياسمين بتحبه
انضمت اليهم شيماء ووضعت الشاي الذي احضرته امامهم وقالت:اها الحب ولع في الدره
ابتسم الجميع بينما قالت فريده لساره
:عقبالك يا ساره
جاء عمر قائلا :انا وهي في يوم واحد ان شاء الله
ثم جلس بجانب شيماء
نظرت اليه شيماء قائله بخبث:والله دا متوقف عليكم.. فشدوا حيلكم شويه
وكزها عمر لتتأوه قائله:انا قلت حاجه
نظرت له ساره وقالت بسخريه:اها والعروسة سلمي بقي ان شاء الله صح
قالت والدته بتساؤل:مين سلمي دي ياعمر
نظر عمر بعتاب لساره:وقال متاخديش في بالك ياماما ساره بتحب تهزر
قالت ساره بحنق:واهزر ليه مش بتتقابلوا وبتكلمك علي النت والموبايل وفي الكليه.. ناقص ايه غير تتجوزوا
كان الجميع يتابع الموقف بفضول
قال عمر:ساره انا شرحتلك كل حاجه ليه بتفتحي في الموضوع تاني
قالت ساره بغضب اكثر ووقفت:انتي قولتلي انك في حدود بينك وبينها بس اللي شوفته مش كده
وقف عمر بقبالتها وقال :مش شرط اللي شوفتيه يبقي صح
ساره:اها وانا هاكذب عنيا بقي.. دي كانت حاطه ايدها علي كتفك واتكسفت لما انت اتكلمت مع ان المعروف عنها انها يعني مفيش ذره خجل واحدة عندها.. فحضرتك قولتلها ايه بقي
قال عمر وقد بدأ يزداد غضبه :ساره اتكلمي باسلوب احسن من كدا.. وبعدين انا معرفتش هي عايزه ايه اصلا انا سبتها ومشيت
كانت ساره ستتكلم ولكن تدخل عمها الذي كان يتابع الموقف في هدوء وقال
:ساره تعالي ورايا انتي وعمر
ذهبوا معه تاركين الجميع في دهشه خلفهم
دخلوا غرفه المكتب الخاص بممدوح
قال ممدوح وهو يجلس:ممكن اعرف ايه اللي كان بيحصل بره دا
صمتت ساره بينما قال عمر:موضوع تافه يابابا متشغلش بالك
نظرت له ساره قائله :تافه قصدك اني تافهه
قال ممدوح بغضب :انتوا هتتخانقوا قدامي كمان
قالت ساره بهدوء:اسفه ياعمي
بينما نظر لها عمر وقال بهدوء:اسف يابابا.. بس حضرتك شايف بتفسر كل حاجه علي مزاجها
قال ممدوح بعد ان صمت قليلا:بس انتي اضايقتي ليه ياساره عمر حر.. هو شاب واكيد هيجي عليه يوم ويحب ويتجوز
نظرت ساره له بصدمة مما قال بينما كان عمر علي وشك الحديث مدافعا عن نفسه ولكن اشار والده له ان يصمت ثم قال موجهها كلامه لساره
:ها يابنتي انا بسألك
لم تعرف ساره ماذا تقول فقال ممدوح لعمر سيبنا شويه ياعمر
نظر عمر لساره وقد لاحظ ان هناك دمعه فرت من عينيها فقال:بس يابابا
قال والده بحزم:قولتلك سيبنا
خرج عمر يعرج علي قدمه فاقترب ممدوح من ساره وجلس بجانبها قائلا:انا هسألك سؤال واحد بس.. باعتبارك بنتي وانا والدك
نظرت اليه ساره فقال:انتي بتحبيه
نظرت اليه ساره وصمتت فقال:ردي ياساره
قالت ساره وهي تمسح دموعها التي نزلت علي خديها:ايوه
ابتسم عمها قائلا:طيب ليه كل دا انتي عارفه اكيد ان عمر بيحبك انتي..بس بدل بتغيري عليه اوي كده ماتخديه ليكي خليه يبقي ملكك علشان لما حد يسألك غيرانه ليه تقوليلهم انه ليكي
ابتسمت ساره لعمها بخجل فقال متابعا
:توافقي تتجوزي عمر ياساره
نظرت اليه ساره قليلا ثم احتضنته وقالت:ربنا يخليك ليا ياعمي
احتضنها ممدوح وقال:غلبتوني معاكم والله
ثم ابتعد عنها قائلا:اوعي تقوليله حاجه انا هاتصرف معاه
اومأت له ساره وخرجوا كان عمر ينتظرهم علي الباب
فقال عمر:ساره انا اسف الموضوع مش زي ماانتي فهمتي
نظرت ساره لعمها فاشار لها ان تتابع المشي وقال لعمر:نتكلم بعدين
لم يفهم عمر ماذا حدث وخرج ورائهم
كان ادهم قد اتي لاحظ ان عمر قادم عليه وهو يبتسم ومازاد اندهاشه انه سلم عليه بترحاب شديد فنظر لساره قائلا
:انتي قولتيله
اومأت ساره
فقال ادهم لعمر:يااخي كنت اسألني دا انا كنت بحس انك شويه وهتقتلني
لم تفهم شيماء الموقف فقالت لعمر بهمس
:هو ايه اللي حصل.. انتي حبيته فجاءه كدا ليه
قال عمر:بعدين ياشيماء
اما شاهي وياره كانوا يجلسوا في احدي الاماكن التي ما ان تراها تتذكر الشيطان فورا
قالت شاهي:انا مش عارفه اخوكي حاطت عينه علي البنت اللي اسمها رانيا دي ليه
قالت ياره:اصلا انا عارفه من زمان انه بيحبها واستغربت خطبك ليه
نظرت اليه شاهي بتوتر وقالت لتغير الموضوع:يعني هو انتي اللي اخدتي حازم ماهي جت واحده خدته منك
قالت ياره بتوعد:دي هتشوف ايام مايعلم بيها الا ربنا صبرك بس
مرّ يوم اخر واقترب موعد خطبة ياسمين وحازم وكذلك موعد امتحانات ساره وعمر
كانت ياسمين تجلس مع عمها ممدوح
ياسمين:هو دا كل اللي حصل ياعمي هو قال انه عايز يخلي كتب الكتاب مع الخطوبه
ممدوح:مش المفروض كان يقولي الاول
ياسمين:هو بس حب يعرف رائي الأول بس أنا قولتيله لما اصلي استخاره
ممدوح:مخبيش عليكي بابا فاتحني في الموضوع انهارده وكنت هاكلم معاكي فيه.. بس انتي ايه رائيك
قالت ياسمين بخجل :اللي حضرتك تشوفه ياعمي
ممدوح:يعني موافقه
اومأت ياسمين برأسها ليتم تحديد عقد القران والخطبه غدا
كانت ساره ورانيا قد اتوا لمنزل ساره بعد ان تبضعوا ليوم الغد
رانيا:اااااه ياساره انا مش قادره
ساره بتعب:ومين سمعك.. انا مش قادره اقف علي رجلي
رانيا:لا لا انا هتصل علي حازم يجي يأخدني
اتت ياسمين وقالت:عملتم ايه
رانيا:اهلا بالعروسه.. اتبهدلنا ياياسمين لما لقينا حاجه حلوه
قالت ياسمين:كان نفسى اجي معاكم واختار فستان ليا بس حازم اشتري الفستان والمشكله اني لسه ماشوفتوش.. وهو قاعد يقولي متخافيش نفس المقاس وهيبقي حلو
قالت رانيا:بعيدا عن انه اخويا.. بس اطمني حازم ذوقه تحفه في الهدوم
قالت ياسمين:ربنا يبشرك بالخير
قالت شيماء التي اتت منذ قليل:وحياتك ولو وحش هتلبسه برضه طالما من حازم
ابتسمت ياسمين بخجل بينما ضحك الجميع
رن هاتف ساره فاغلقته.. قالت رانيا
:نيجي للعنيده التانيه.. يابنتي ماتردي عليه بيرن عليكي من ساعة ماخرجنا
اعتقدت شيماء انه ادهم فقالت بغضب
:انتي مش ملاحظه ياساره ان علاقتك بيه زايده عن حدها ودا مينفعش
نظر لها الجميع بدهشه بينما قالت ساره بحزن
:انا معملتش حاجه والله دا عمر اللي بيرن عليا وانا قفلت ومردتش عليه خالص
تفاجأت شيماء بينما ترقرقت الدموع في عين ساره وقامت
قالت ياسمين:في ايه ياشيماء هي عملت حاجه مااخوكي اللي بيرن وبعدين انتي برضه اللي تقولي عليهم كدا
قالت شيماء:والله ابدا.. انا فكرته ادهم مكنتش اعرف انه عمر 
قالت رانيا:انا هاروحلها
اوقفتها شيماء قائله:لا خليكي انا اللي هاروحلها
ذهبت شيماء للخارج فوجدت ساره تجلس علي الارجوحه جلست بجانبها وقالت
شيماء: ساره لو سمحتي انا اسفه مكنش قصدي والله.. انا فكرته ادهم مش عمر
قالت ساره:لا ولا يهمك ياشيماء.. بس علي الاقل ادهم اخويا انما عمر لا
نظرت لها شيماء بدهشه وقالت:اخوكي
ساره:ايوه اخويا من الرضاعه.. والدته الله يرحمها كانت تعبت جدا بعد اما ولدته فماما رضعته
شعرت شيماء بفرح بداخلها ولكنها في نفس الوقت شعرت بتأنيب الضمير
قالت بأسف:انا اسفه والله ياساره مكنش قصدي.. انا مكنتش اعرف انه اخوكي دا غير اني مكنتش اعرف ان عمر اللي بيتصل
قالت ساره: لا انتي معاكي حق انا وعمر تصرفاتنا بدأت تتغير وكويس انك لفتي انتباهي لكدا علشان اخد بالي
في ذلك الوقت جاء عمر ونظر لساره قائلا:انتي مبترديش علي موبايلك ليه ياساره انا قلقت عليكي
قامت ساره وقالت:لو سمحت ياعمر احنا لازم منتعداش الحدود اللي بينا وبعدين ارد عليك بصفتك ايه بالنسبالي
ثم ذهبت نظر لها عمر متعجبا مما حدث بينما قالت شيماء:انا اسفه ياعمر انا السبب
نظر لها عمر بتساؤل وقال:قصدك ايه
حكت له شيماء كل ماحدث
فقال عمر:حرام عليكي ياشيماء انا مصدقت انها بقت بتكلمني حتي تعملي انتي كدا
قالت شيماء بحزن:والله ماكان قصدي
لاحظ عمر حزنها فاحتضنها قائلا:ولا يهمك ياحبيبتي
ثم قال:مش هي عايزه تعرف انا بصفتي ايه بكلمها.. انا هاعرفها
اما ادهم فالتقي بشادي وبعد عناق وترحاب جلسوا ليتحدثوا
ادهم:ايوه ياعم من لاقي احبابه نسي اصحابه
قال شادي:اتنيل ياادهم.. ولا احبابه ولا نيله دا انا مكلمتش معها غير مره واحده
قال ادهم:وانت مستني ايه منها وانت جاي وجايب خطيبتك في ايدك
قال شادي بانزعاج:طب بس متقولش خطيبتي دي بتضايقني
قال ادهم:بس دي الحقيقة ياشادي.. انا نفسي اعرف خطبتها ليه ياابني
قال شادي مغيرا الموضوع:سيبك مني.. انت اخبارك ايه مفيش اي واحده لفتت انتباهك من وقت ماجيت كدا
قال ادهم بابتسامه:مخبيش عليك في.. بس علاقتنا مع بعض اقذر مايكون.. يعني حاجه زي القط والفار كدا
شادي:ربنا ييسرلك الأمور ياصاحبي
ادهم:وييسرلك امورك يارب.. هو احنا مش هناكل ولا ايه انا جعان
شادي:وانت من امتي شبعت
ثم طلبوا طعام ليتناولوا الغداء معا ويستعيدوا بعض الذكريات القديمه
اما حازم فبعد ان علم بموافقة ياسمين قال
:احلف يابابا انه قالك انها موافقه
إبراهيم:والله وفقت ياابني دي تالت مره احلفلك
قالت والدته بابتسامه:ربنا يفرحك كمان وكمان ياحبيبي
قال حازم:يارب ياماما.. الحمدلله يارب الحمد لله