حب تائه

الفصل الخامس

بعد أن اقتربت ساره من ياسمين ولاحظت الإرهاق علي وجهها قالت بقلق:ياسمين أنتِ كويسه؟
ثم نظرت لحازم الذي عرّف نفسه قائلاً
:انا الدكتور حازم
نظرت ياسمين لحازم قائله:دي ساره اختي الصغيره..

ابتسم لها حازم ثم استأذن وذهب
وعندما ركب سيارته، رن هاتفه لينظر لاسم المتصل ويبتسم قائلا بعد أن أجاب
:هلا والله بالأحباب اللي بره مصر.. كيفك ياأخ شادي؟
أجاب شادي من الطرف الآخر:كيفك..وهلا والله.. هو أنا مسافر السعودية أنا في امريكا يابني!!
:أنت بتتريق عليا أنت ولا ابن خالتي ولا اعرفك، قلبى وربي غاضبنين عليك..

سمع حازم صوت ضحك الآخر
:أنا اللي غلطان إني اتصلت علشان اقولك إني كمان يومين وهتلاقيني قاعد علي نفسك
فرح حازم بما سمعه وقال بسعادة
:بجد.. تنورونا والله وأخبار خالتو فاطومه إيه؟
شادي:الحمدلله
وندعهم يتحدثون....
__________
بعد أن دخلتا ساره وياسمين إلي المنزل جلست ياسمين وأمسكت رأسها
قالت ساره وهي تنظر لها:باين إنك تعبانه، في ايه من اول يوم كدا؟
نظرت إليها ياسمين بتعب وقالت:مكنتش متوقعه أدخل عمليات من أول يوم
نظرت لها ساره بتفهم وقالت:ربنا يعينك
أنا هطلع أنام شويه، أنا جبت أكل من بره ودخلته المطبخ ابقي اتغدى كويس
نظرت لها ياسمين بتساؤل:وأنتِ مش هتتغدي؟
نفت ساره:لالا أنا عايزه أنام، علشان أقوم أذاكر علشان الإمتحانات اللي قربت دي

وصعدت لغرفته تاركة ياسمين بمفردها  سمعت ياسمين فجأه صوت باب يغلق فقفزت من مكانها قائله بتأفف
:ياشيماء حرام عليكي والله اللي بتعمليه دا..!!!
ضحكت شيماء وجلست بجانبها قائله
:أخبار الشغل إيه.. ومين اللي كان جاي معاكي دا.. شوفته وأنا نازله؟!
نظرت لها ياسمين وقالت:أنا مش عارفه أنا عملت كده إزاي مكنش ينفع أركب معاه، علي الرغم من إنه شخص كويس وطيب،وأخلاقه حلوه..
وضعت شيماء وجهها علي يدها وابتسمت قائله بحالمية:اها وايه كمان؟
ضربتها ياسمين علي ذراعها قائلة
:وإيه كمان إيه؟.. هو أنا بحكيلك حدوته؟
ابتسمت شيماء:ولا ألف ليله وليله والله
ثم قالت بجديه بعد أن تذكرت سبب قدومها:اسمعي بقي عايزه أقولك حاجة
نظرت لها ياسمين بتساؤل
فتابعت شيماء:الأستاذ عمر أخويا...
وحكت لها ماقاله لها عمر
إبتسمت ياسمين قائله:أخيراً، دا أنا زهقت منهم، بس ليه كل دا كان كلم عمي علي طول
تنهدت شيماء: هو عايز يعرف رائيها بنفسه، امال أنا بقول في إيه من ساعتها
ثم قالت بتساؤل:تفتكري ساره هيعجبها الفكره ولا هتوافق اصلا؟

فكرت ياسمين قليلا قبل أن تقول بحيرة
:مش عارفه، يعني أنا اها كنت عارفه إنها بتحب عمر قبل ما بابا يتوفى بس.. الوضع بعد كدا إتغير فمش عارفه هي حاسه بايه الوقتي؟
نظرت لها شيماء بقلق :ربنا يستر بقي
ثم قالت ياسمين:بما إن عيد ميلادها بكره أبقى فكري عمي وخالتوا بقي علشان ييجوا أنتِ عارفه إنها مبتحبش حد تاني يحضر..
نظرت لها شيماء وقالت بتهكم
:أفكر في مين يابنتي بابا وماما جابولها الهديه اصلا!!
ابتسمت ياسمين لها وقالت:كان نفسي ماما تبقي معنا..
نظرت شيماء لها وقالت:ماتخرجوها بقي..مش الدكتور قالكم آخر مرة إنها تمت علاجها بس الباقي بيعتمد علي حالتها النفسيه؟
تنهدت ياسمين بحزن:أنا كنت هاجيبها ياشيماء بس هي مصممه اللي يجبها ساره
أمسكت شيماء يدها وربتت عليها
:إن شاء الله خير.. وربنا يسهلها
:يارب