حب تائه

الفصل الثالث عشر

في اليوم التالي استيقظت ساره وفتحت الاب الخاص بها فقد علمت ان نتيجتها قد ظهرت
وبعد ان اطمئنت علي نفسها وعلي عمر حمدت الله ثم امسكت الهاتف لتتصل به
ساره:السلام عليكم
عمر بنعاس:وعليكم السلام.. مين
ساره بتعجب:انت مش عارفني
عمر:سلمي.. عايزه ايه
وقفت ساره قائله:نعم!!!.. سلمي مين ياعمر انا ساره
ثم اغلقت الهاتف لتذهب الي منزلهم سريعا وتقابل شيماء
شيماء:ازيك ياسوسو.. في ايه مالك
ساره:عمر فين
شيماء:نايم
صعدت ساره سريعا لتفتح الباب مرة واحده وتقفله بقوة ليفزع عمر من صوته
عمر:ايه ياساره حرام عليكي
نظرت ساره اليه وعقدت ذراعيها قائله:اها والأستاذه سلمي هتكلمك ليه.. وبعدين حضرتك نايم بتحلم بيها
قام عمر من علي الفراش ليقف أمامها قائلا
:وهو انا برضه اقدر افكر في حد غيرك
كان عمر قد اقترب منها فدفعته بعيد عنها لتقول:ايوه كلمتك وفكرتني سلمي
عمر:اممم.. ممكن تقولي كنت بستعبط
نظرت ساره اليه بعدم فهم وهو تتسع ابتسامته ليقول:ايه رائيك خطه حلوه خليتك تيجي علطول
نظرت اليه ساره غاضبه وقالت :علي فكره انا جيت بس علشان اقولك ان النتيحه ظهرت
.. ونجحنا الحمد الله
نظر لها عمر قليلا قبل ان يقول:نجحنا؟!
ساره:ايوه
وفجاءه حملها عمر ليدور بها وهو يبتسم بسعاده نظرت ساره اليه وهي تقول:عمر نازلني طيب
انزلها عمر امامه وهو مازال ممسك بها لينظر لها قليلا ثم يقبل جبهتها ويقول:انتي احلي حاجه حصلت في حياتي.. انا بحبك
ابتسمت ساره بخجل ثم ابتعدت عنه سريعا لتفتح الباب وتخرج وتغلقه خلفها
كان ادهم يجلس مع ممدوح
ادهم:عمي.. حضرتك عارف اني بعتبرك في مقام والدي واكتر كمان
قال ممدوح مبتسما:عارف ياادهم..وانا بعتبرك زي عمر بالظبط.. بس قولي ياابني اللي انت عايزه علي طول
زفر ادهم بقوه ثم قال:انا برضه بقول كدا بلاش لف ودوران كتير
ثم قال:انا طالب ايد شيماء من حضرتك
ابتسم ممدوح وقال: اسألها واقولك ياادهم واللي فيه الخير يقدمه ربنا
ابتسم له ادهم وهو يتمني ان يسير كل شئ بخير
كان شادي يتصل علي حازم فلم يجبه
شادي:طيب اتصل بادهم
ولكنه ايضا لم يجبه
شادي بانزعاج :ياربي بقي انا كدا هطق
اقتربت منه ياره ليجلس بجانبها ويقول
:ياره عارفه يوسف اللي كان معاكم في الشله الهباب..
نظرته اليه ياره وقالت:ماله
شادي:شوفته انهارده كان جاي علشان صفقه في الشغل.. بجد شاب ممتاز ومؤدب اتغير جدا
قالت ياره بغضب:ايوه يعني المفروض اعمل ايه انت بتقولي ليه
نظر لها شادي متعجبا وقال:هو في ايه ياياره
قالت ياره وهي تزفر بغضب وتجلس
:مفيش ياشادي. انا بس مخنوقه شويه معلش
نظر لها شادي بحنان ليقول:طيب ماتقوليلي مالك خلينا نرجع اصحاب زي زمان
نظرت اليه ياره قليلا قبل ان تقول بصوت متحشرج:معتش ينفع ياشادي.. انا بقيت في مكان وانت في مكان تاني.. مش هتفهمني
نظر لها شادي بشفقه علي حالها فادارت وجهها لتقول:شوف شاهي فين..انت مش ملاحظ انك سايبها علي راحتها اوي يعني. نظر لها شادي بتعجب وقال :ليه بتقولي كدا
ترددت ياره قليلا ثم قالت:ابدا انا بقول رائي مش اكتر مش هي خطيبتك
نظر لها شادي بشك وصمت
كانت شاهي تجلس مع شخص جديد هذه المره
شاهي:يعني ايه انا مش فاهمه
=زي ماسمعتي كدا انا لازم اعمل الخطه دي في أسرع وقت
شاهي:ممكن تتأذي الموضوع كبير اوي وانا خايفه
=متخافيش قوي قلبك.. او تبعدي بلاش تبوظي كل حاجه والموضوع دا محدش يعرف عنه حاجه غير في الوقت اللي اقولك عليه.. انتي عارفه انا عندي ايه ياشاهي وممكن اقول علي كل حاجه
شاهي بسرعه:خلاص خلاص انا موافقه
=ايوه كدا وبعدين في فلوس كويسه هتطلعلك من الموضوع بدل ماانتي بتشحتي من خطيبك كدا
شاهي:خلاص موافقه
كان يوسف يجلس في غرفته يمسك بهاتفه بتردد.. دق الباب
يوسف:ادخلي ياداده
دخلت سيده مسنه قليلا لتنظر له قائله:مش هاتتغدي ياحبيبي
يوسف:لا ياحبيبتي اهم حاجه كلي انتي علشان الدواء اللي بتاخديه.. وقلتلك مش عايزك تتعبي نفسك ماللي بيشتغلوا كتير ولا انتي مصممه تتعبي وتتعبيني معاكي ياعايده
نظرت اليه الداده عايده بابتسامه وقالت
:وهو انا بعمل ايه يايوسف غير اني بخلي بالي منك ياابني
قبل يوسف يدها قائلا:ربنا يخليكي ليا.. انتي اللي فضلتيلي وانا مش عايز اخسرك انتي كمان.. انتي عارفه انه انتي اللي رباتيني من وانا صغير.. وانا من غيرك مسواش حاجه
ابتسمت له عايده وقالت:ربنا يرضي عنك ياحبيبي ويحفظك يارب
ثم نظرت اليه وقالت:ويارب افرح بيك بقي
ابتسم لها يوسف وقال:في حياتك ان شاء الله
اما ياره كانت تجلس مع شادي ووالدتها قالت ياره بتساؤل:شادي هو انت خطبت شاهي ليه
نظر شادي لوالدته ثم نظر لياره بفضول وقال
:بتسألي ليه
ياره:اصلكم مختلفين جدا يا شادي
قال شادي بتردد:عادي ياياره النصيب..
قالت ياره:انا هاعديها
قالت فاطمه والداتها في غضب:انا مش قلتلك الموضوع دا ميتفتحش تاني ياياره
قالت ياره بتأفف:خلاص ياماما
في منزل الاسيوطي كان الجميع يجلسون معا
شيماء:ايوه يابابا يعني ايه
عمر:انتي غبيه يابت ماقالك الزفت ادهم متقدملك
نظرت اليه ساره الجالسه بجانبه بغضب وقالت:عمر.. متقلش زفت
قال عمر وهو يضرب كتفها:طيب بس ياماما ماشي.. بدل ماقول اكتر
قالت ياسمين بفرح:ها ياشيماء موافقه
قالت شيماء بابتسامه:ايوه موافقه
قال عمر:طيب اكسفي ياشيخه اعملي اي حاجه من اللي البنات بيعملوها
تظرت له والدته وقالت بعتاب:خلاص بقي ياعمر متحرجهاش
قالت شيماء:معلش ياماما سبيه ماهي لو مراته مسيطره بس نقول ايه اخص علي الستات
حضن عمر ساره التي كانت بجانبه وقال
:ملكيش دعوه بساره..هي مسيطره بس انا مبحبش ابين.. اصل نتحسد ولا حاجة
نظرت له ساره وقالت:ياسلام
قال عمر:اي والله زي مابقولك كدا
ضحك الجميع بينما قالت ساميه:ماشاء الله ياياسمين من وقت مااتجوزتي الكل بيتجوز
قال ممدوح:فعلا.. ربنا يهديكم ويسعدكم
قال الجميع:يارب
اقترب موعد زفاف ياسمين وحازم وكانت ياسمين لا تذهب للمشفي فقد كانت التحضيرات كثيره جدا
كانت رانيا تجلس في احدي المقاهي تتحدث مع ساره علي الهاتف
رانيا:ايوه ياساره انتي فين
ساره:انا في الطريق ياحبيبتي خمس دقايق واكون عندك ان شاء الله
رانيا:ماشي ياحبيبتي توصلي بالسلامه
اغلقت رانيا الخط ونظرت امامها لتجد شادي يقترب منها صدمت رانيا بشده عندما رائته
وكانت ستذهب
اوقفها شادي قائلا:رانيا استني دقيقه لو سمحتي
وقفت رانيا ونظرت له قائله:معلش ياشادي انا بستنى ساره فلو سمحت امشي
قال شادي :حاضر هامشي..بس اتكلم معاكي شويه
قالت رانيا:هنتكلم في ايه
قال شادي:رانيا.. انا عايز اقولك ان علاقتي بشاهيناز مش زي ما انتي فاهمة.. انا مش بحبها
رانيا:انا مش فاهمه حاجه وبعدين انتي بتقولي كل دا ليه
قال شادي:بقولهولك كدا وخلاص
لاحظ شادي ان ساره قادمه باتجاههم فقال
:طيب انا هامشي انا بقي
نظرت له رانيا وهو يرحل.. جائت ساره وجلست قائله:هو شادي كان بيعمل ايه هنا
نظرت رانيا إليها قائله:مش عارفه كان بيعمل ايه.. بس قالي....
وحكت لها ما قاله شادي لتنظر لها ساره بتساؤل:انا مش فاهمه حاجه..طيب هو خطبها ليه طيب
قالت رانيا بتنهد:مش عارفه.. وانا مش عايزه اعشم نفسي باي حاجه.. فاهعتبر نفسي مسمعتوش
قالت ساره موافقه:ايوه اعتقد دا احسن بكتير
قالت رانيا منهية الموضوع:هتشربي ايه.. خلينا نطلب حاجه بقالي ساعه هنا
تم تحديد خطبة شيماء وادهم سريعا حتي يتفرغ الجميع لتجهيزات زفاف ياسمين وحازم
كانت ياسمين تتحدث مع حازم علي الهاتف
ياسمين بانزعاج:يعني ايه اللي انت بتقوله دا ياحازم.. احنا اتفقنا ان احنا نخرج النهارده نجيب الفستان سوا..
حازم :خلاص ياحبيبتي ايه رائيك هاجيبهولك انا مش كان ذوقي حلو في فستان الخطوبه
قالت ياسمين بحزن:اللي تشوفوه ياحازم
واغلقت الخط نظر حازم للهاتف وقال:هي قفلت ليه
قالت والدته التي كانت تجلس بجانبه
داليا:طبعا ليها حق..يعني ايه متشتروش فستان الفرح مع بعض
قال حازم:ياماما انا مرفضتش بس قولتلها بلاش انهارده انا كنت طول الليل في المستشفي بسبب الحالات اللي جت متأخر
قالت والدته :كان لازم تفهمها كدا.. مش تقولها هاجيبهولك انا.. دي عروسه ياحازم ولازم تحس بكل لحظه
اومأ لها حازم وقال:حاضر ياماما هطلع اريح شويه واصحي اكلمها
ابتسمت والدته قائله:ربنا يهديكم ويسعدكم ياحبيبي