حب تائه

حكاية جديدة!

_ألو
=ياسمر ياسمر اصحي بسرعه كدا
فتحت عنيا ببطء
_في ايه ياخلود؟!
=عمر ياسمر..
اول ماسمعت الاسم قمت بسرعة وصحيت خلاص
_ماله عمر ياخلود؟
=عملك ريأكت علي اسكريبت من بتوعك..
قلبي دق بسرعة مش عارفة ليه اصلا، دا مجرد ريأكت!!
=انتي فين يابنتي
_انا هنا اهه هروح فين يعني
=انا خلاص هجيب الفستان السواريه بتاع فرحكم بقي
ضحكت
_انتي غبيه ياخلود دا ريأكت ياماما،.. وبعدين هو ازاي يعمل ريأكت كدا انا مش بضيف شباب هيشبهني!
سمعت صوتها العالي وهي بتكلم فبعدت الموبايل شويه
=وحيااة امك!، بت اوعي تكوني هتعملوله بلوك انا عارفاكي،وبعدين دا معنا في المرسم اوعي تعملي حاجه!
رجعت الموبايل علي وداني تاني
_ربنا يسهل
=سمر!
_ماقلت ربنا يسهل بقي سلام
قفلت معها وفتحت الفيس بسرعة علشان اشوف الاشعارات
=دا اتفاعل مع حكاية من الحكاوي مش اسكريبت، هتفضلي جموسة تايهه في بحر الكتابه ياخلود
فتحت اشوف الحكاية اللي اتفاعل عليها بلاف
لقيتها اخر حكاية في الألبوم، ابتسمت انا بحب الحكاية دي دمها خفيف كدا
بصيت في الساعه لقيتها ٦:٣٠ بليل، انا كائن ليلي مبحبش النهار، ببقي مخنوقة فيه دايما
قمت وسيبت الموبايل اتوضيت وصليت وعملت فنجان قهوه ورجعت خدت الموبايل وطلعت البلكونة، حطيت الفنجان علي السور ووقفت
=هو الماسنجر دا علطول بيعطي اشعار ان فيه رسايل وخلاص
فتحتها وكالعاده رسايل ملهاش اي لازمة
سيبت الموبايل ومسكت فنجان القهوه استمتع بالليل والقهوة وتفكيري اللامتناهي في عمر

انا وعمر نعرف بعض بقالنا ٦ شهور من وقت ماشاركت في مسابقة رسم بلوحاتي واتضح بعد كدا انه هو كمان مشارك واتقبلنا وحاليا مشتركين في نفس المرسم اللي بنعرض فيه لوحاتنا

_______________

دخلت المرسم تاني يوم وانا جايبه لوحاتي الجديدة اللي هعرضها بدل اللي اتباعت، كانوا ٣ ومش عارفه اشيلهم من حجمهم

_بعد اذنك..
سمعت صوت ورايا فالتفت بسرعه وانا عارفه صاحبه، بعدت شويه علشان يعدي
لقيته ابتسم ومسك اللوحات من الطرف التاني
_هاشيلهم عنك ياسمر..
حاولت اعترض بس هو كان خدهم ودخل، اتنهدت ودخلت، شوفت خلود فسلمت عليها وانا عنيا علي عمر وهو بيفتح غلاف الصور
_يابنتي عنيكي هتطلع عليه مش كدا
ضربت خلود بكوعي وسبتها وروحت نحيته
=شكرا ياعمر
بصلي وابتسم وهو لسه بيفتحهم
=مفيش داعي انا هاعرضهم
_انا حابب اشوفهم ولا انتي خايفه اسرق موهبتك
ابتسمت وسيبته يكمل فضلنا في صمت براقب فيه كل تحركاته وتفاصيله بحاول اجمعهم علي قد ماقدر
_بس تعرفي
خرجت من أفكاري علي صوته وبصيتله باهتمام
_انا اول مره اقابل واحده عندها مواهب كتير كدا
فضل واقف يبص علي اللوح، وانا ساكته
_يعني بتعرفي ترسمي جميل
بصلي بهدوء وابتسامة جانبيه لاحظتها
_وكتاباتك أجمل

حسيت اني بنصهر قدامه وحاولت ابص في اي مكان..
_من اول حكايه قرأتها لمستني
اول حكايه؟؟ دا قرأ الالبوم كله!، طب ليه متفاعلش غير علي حكاية واحدة!
_طبعا بتقولي ليه متفاعلتش غير علي حكاية واحدة
بصيتله بهدوء وصدمة انه عرف انا بفكر في ايه
_كانت نهايتها حلوة وانا مبحبش النهايات الحزينه
فضلت بصاله شوية بحاول افهم ايه اللي ورا الجمله دي، انا في حكايات تانيه كتبتها نهايتها سعيده، لاحظت انه مشي فنفضت أفكاري
_لا دا انا كده لازم ابدأ أجيب الجذمه والطرحة علي الفستان كمان، خلي بالك البوكيه هترميه ليا
ابتسمت وهزيت رأسي علي افكار خلود الأوفر اوي يعني، بس هم كل الصحاب كدا صح؟؟