حب تائه

الفصل الرابع عشر

كانت ساره تجلس في المنزل بانتظار رانيا التي اخبرتها انها قادمه.. سمعت ساره صوت جرس الباب لتقوم وتفتح سلمت عليها ساره وادخلتها ليجلسوا
رانيا:اتفضلي ياستي
قالت ساره بتعجب وهي تنظر لما في يد رانيا
:ايه دا يارانيا
جلست رانيا بجانبها وقالت:دا ياستي هدية تخرجك
ثم نظرت اليها وقالت:فضلت افكر هاجيب ايه لحد ماقتنعت بالهديه دي
كانت الهديه عباره عن البوم به جميع صورهم منذ كانوا صغار حتي الان
فرحت ساره بشده واخذته منها لتنظر للصور ثم لاحظت شئ
ساره:ليه الاربع صفح دول فاضين في النص
قالت رانيا مبتسمه:دول ياستي علشان كل واحده فينا تحط فيهم الصور بتاعت السنين اللي فاتت فيبقي كدا الالبوم كامل.. انا عملت منه اتنين واحد ليكي والتاني ليا
ابتسمت لها ساره واحتضنتها قائله:ربنا يخليكي ليا يا ياحبيبتي
سمعوا صوت جرس الباب يرن ثانيا
قامت ساره لتفتح وتجده ادهم سلمت عليه  وادخلته
لاحظ ادهم وجود رانيا فالقي عليها السلام
ثم اعطي شئ لساره وقال :اتفضلي ياستي هدية نجاحك
اخذتها ساره منها لتنظر وتقول بدهشه:دي الروايات اللي كنت هاجيبها
قال ادهم بغرور وهو يعدل ياقه قميصه:اي خدمه ياستي
قالت ساره:ربنا يخليك ليا ياادهم
ابتسم لها ادهم ثم قال:هي ماما ساميه فين
ساره:عند خالتوا فريده.. وياسمين نايمه علشان متسألش
ابتسم لها ادهم ثم استأذن ليقوم ويتركهم علي راحتهم
بعد ان خرج نن من المنزل لاحظ ان الجميع يحلس في الحديقه نادي عليه عمر الذي رائه ليذهب اليهم ادهم
القي السلام عليهم وجلس
عمر:ايه ياعم انت كنت عند مراتي بتعمل ايه
ادهم:قبل ماتبقي مراتك فهي اختي فمتقلش بعقلك كفايه اللي حصل منك قبل كدا
ابتسم له عمر ثم قال:يااخي كلمني باحترام شويه داانا فيما سيكون هكون اخو خطيببتك
قال ادهم بتذكر موجها كلامه لممدوح: صحيح ياعمي بما ان الكل كتب كتابه يوم خطوبته مانعمل احنا كمان كدا
قال ممدوح مبتسم:لا خدوا راحتكم انتوا شويه ياادهم
قال ادهم:انا مش قصدي حاجه بس انا فكرته سلو العائله فقلت بلاش اغيره يعني
ضحك الجميع بينما قال عمر:لا مش سلو العائله يااخويا..
نظر اليه ادهم قائلا بحنق:ايوه ماانتوا كتبتوا الكتاب وبتتعامل معه براحتك ومش هاعرف امسك عليك حاجه
قال عمر:الله اكبر.. دا بعد صراع حرام عليك وبعدين يعني انت شايفنا اتجوزنا يعني ماكل واحد في حته اهه
قال ادهم حانقا:دا انتوا ساكنين مع بعض يعتبر.. اسكت ياعمر اسكت
كانت شيماء تنظر إليهم من نافذة غرفتها وابتسمت ودعت ربها ان تدوم هذه اللحظات وهذه السعادة
في المساء كانت ياره تبحث عن شاهي فذهبت لغرفتها وفتحت الباب لتفزع شاهي وتغلق هاتفها سريعا نظرت لها شيماء بتعجب قائلة:كنتي بتكلمي مين
قالت شاهي بتوتر:لا ابدا عادي انتي كنتي عايزه ايه
ياره:يلا علشان جهزوا العشا
خرجت ياره وهي تفكر فيما تخفيه شاهي
كانت ساره تجلس مع عمر علي الارجوحه وقع نظرها علي الجرح في رقبته فابتسمت ولم تشعر بنفسها وهي تتلمسه.. نظر عمر اليها فادركت ساره ماتفعله فازاحت يدها بينما امسكها عمر ليقول بتذكر:اها انا نسيت
نظرت له ساره بفضول ليخرج لها سلسال عليه حرفيهم ويقوم ليقف خلفها ويلبسها اياه ثم جلس بجانبها ثانية امسكت ساره الحرفين بين اصابعها لتقول:جميلة اوي ياعمر بس دي بقي بمناسبة ايه
عمر:بمناسبه تخرجك ونجاحك ياستي
قالت ساره بغضب طفولي:بس انا مجبتلكش حاجه
امسك عمر يدها وقبلها قائلا:انتي احلي حاجه بالنسبالي..بس اوعديني متقلعهاش ابدا ياساره
ابتسمت ساره وقالت:اوعدك
ثم قالت:غبيه
عمر بعدم فهم:مين
ساره:انا ..كنت غبيه اوي لما رفضتك في الاول..
عمر:جدا
نظرت له ساره بعتاب وصمتت فقال عمر
:لو فضلنا نفتكر اللي فات مش هنركز في الجاي ياساره
اومأت له ساره وقالت:معاك حق
اتصل حازم علي ياسمين
حازم:قبل ماتقولي اي حاجه.. انا اسف
قالت ياسمين:مفيش حاجه حصلت تعتذر عليها
قال حازم:لا ياياسمين.. انا كان لازم انزل معاكي نشتريه..بس انا كنت تعبان لاني منمتش طول الليل وكان لازم اقولك كدا علي الاقل.. فلازم تسامحيني
قالت ياسمين:وانا مسمحاك ياحازم
حازم:انتي طيبه اوي ياياسمين
قالت ياسمين:(الطيبون للطيبات)
ابتسم حازم وقال:طيب هننزل نشتري فستان الفرح امتي
ياسمين:الوقت اللي تختاره
قال حازم:هعدي عليكي بليل تمام
قالت ياسمين:ان شاء الله
في المساء
كانت ياسمين مع حازم لاختيار فستان زفافها
ظلت ياسمين تنظر حولها وهي تبتسم لفت انتباهها فستان ما فذهبت بسرعه ووقفت امامه رائها حازم فذهب لينظر علي الفستان ويقول:الله جميييل اوي
قالت ياسمين بفرح:ايوه جميل جدا
جائت اليهم فتاه ما:اهلا يافندم حضراتكم عاجبكم حاجه
قالت ياسمين:ايوه دا
اومأت لهم الفتاه باحترام وقالت :ممكن حضرتك تيجي معايا البروفه تقسيه لو هيحتاج تعديل
اومأت لها ياسمين ونظرت لحازم الذي قال
:هشوفه تمام
ياسمين:لا طبعا
حازم بتعجب:هو ايه اللي لا.. انا لازم اشوفوه عليكي ياياسمين
ياسمين برجاء :لو سمحت ياحازم خليها مفاجاءه
نظر اليها حازم وقال:اللي تحبيه اعمليه ياياسمين
اقتربت منه ياسمين وامسكت يده قائله
:طيب ممكن متزعلش
ابتسم حازم وقال:مش زعلان ياحبيبتي ادخلي قسيه بقي
ابتسمت له ياسمين وذهبت
كانت ياره تجلس في المنزل تشاهد التلفاز رن هاتفها فاجابت
ياره:ايوه يارامي
رامي:ياره انا مش قلتلك هنتقابل
ضربت ياره جبهتها قائله:نسيت.. اسفه تحب نتقابل فين
قال رامي:في كافيه*****
ياره:تمام نص ساعه واكون هناك
كانت شيماء تجلس مع ساره في حديقة المنزل
شيماء:ماتشربي شاي ياساره
تنهدت ساره قائله:ياشيماء انتي عارفه اني مش بحبه
قالت شيماء:دا عمر كييف شاي يابنتي
قالت ساره:هو فين صحيح
شيماء:في الشركه مع بابا لسه مجاش.. هيتاخروا تقريبا
اومأت ساره وصمتت
اما رانيا فكانت تجول في الغرفه ذهابا وايابا
داليا والدتها:رانيا لازم تنزلي.. خالتك تحت هتقول ايه مش معقول اللي بتعمليه دا
رانيا:قوليلهم نامت ياماما اي حاجه
قالت والدتها بتساؤل:انتي مش عايزه تنزلي ليه
نظرت لها رانيا وصمتت.. ثم قالت
:خلاص ياماما هنزل وراكي
نظرت لها والدتها وابتسمت قائله:ايوه كدا ربنا يهديكي
نزلت رانيا بعد والدتها بدقائق اول شخص رائته كان هو.. شادي.. كان ينظر لها ولم يحرك عينينه شعرت رانيا بشئ غريب به ولكنها تجاهلته وسلمت علي خالتها ثم جلست
فاطمه:وحشاني جدا يا رانيا مبتجيش ليه ياحبيبتي
رانيا:معلش ياخالتو.. تجهيزات فرح حازم  بقي
قالت فاطمه:ربنا يتممله علي خير يارب
ربت ابراهيم علي ظهر شادي وقال
:عقبالك ياشادي
نظر شادي لرانيا لتتفادي هي نظراته بشئ من الحزن ثم نظر هو لابراهيم قائلا:ان شاء الله ياعمي
كانت ياسمين قد عادت للمنزل بعد ان انتهت واوصلها حازم
دخلت وسلمت علي والدتها وخالتها
قالت فريده:عملتوا ايه ياحبيبتي
ياسمين:الحمدلله..ملفناش كتير.. كان حازم عامل حسابه علي اماكن كويسه جدا.. واختارت الفستان الحمدالله
قالت ساميه والدتها:الحمدالله.. ربنا يسعدكم يابنتي
كانت ياره قد وصلت للمكان الذي ستقابل رامي به وجدته يجلس بانتظارها فاقتربت منه وجلست قائله:اخبارك يارامي
قال رامي:الحمدالله
ثم قال :اوعي تكوني قلتي لحد
قالت ياره:لا محدش يعرف فيهم متقلقش.. بس خير
قال رامي بتردد:الحقيقه.. انا.. مش عارف اقولك ايه..
وصمت قليلا ثم قال:انا هاسيب الشله ياشاهي
نظرت له شاهي بتعجب وقالت:ليه مش فاهمه
قال رامي:الوضع مش مريح وانا الحقيقه بعد ماقعدت مع يوسف
نظرت له ياره وقالت بحده:ايه اللي دخل يوسف بالموضوع.. هو اقنعك تسيبنا
قال رامي:اهدي ياياره كل الحكايه.. اني حاسس اني هرتاح اكتر مع يوسف.. ويوسف مش بيحب الجو دا.. زي ماانتي عارفه ف..
قالت ياره مقاطعة اياه:فايه يارامي.. اختارته هو فضلته علينا..نسيت هو كان عمل معايا ايه
قال رامي بهدوء:ياياره انا عارف انه سابنا وبعد في وقت وفاة والدك.. بس متنسيش ان والدته واخته اتوفوا في الوقت دا برضه
قامت ياره وقالت:اللي عايز تعمله اعمله يارامي.. انا اصلا الشله دي بقيت بقرف منها..سلام
ثم تركته وذهبت
نظر إليها رامي قليلا لينظر علي الشخص الذي يجلس علي الطاوله التي امامه
تقدم منه ذلك الشخص ليجلس ويقول
:كنت عارف انها هتعمل كدا
قال رامي:مش عارف بقي يايوسف.. بس انا الشله دي مبقتش مريحاني.. وجود شاهي ومحمد فيها بعد ماانت مشيت بقي مش مريح اكتر من الاول
قال يوسف:محمد دا مش سهل يارامي.. وانا لازم ابعده باي شكل عن ياره
قال رامي:انت لسه بتفكر في الموضوع دا.. عدي عليه زمن دا غير انه لو كان عايز يأذيها كان أذاها من زمان
يوسف:ايوه طبعا عايزني انسي انه كان عامل رهان عليها..انا بحب ياره ومش هاسيبها في الطريق دا يارامي
ثم امسك يد رامي وقال:ولا هاسيبك ياصاحبي
ابتسم له رامي ليقول:ان شاء الله كل حاجه هتتحل