💔قلب مكسور 💔
١٠
بقلمي #بنت الرافدين #
سمعت واحد يصيح زهراء زهراء
التفت شفت ممثل الشعبه زيد
اهلا زيد
زيد : اول شي السلام عليكم
وثانيا اهلا بيج منوره الكليه
ردينا وعليكم السلام
زيد :الف مبروك على الخطوبه
-الله يبارك بيك ٠٠٠
تفضل رايد شي
اريد احجي وياج موضوع
نكدر نكعد هنا وياشر على مصطبه بلحديقه
-اوك
بس من تخلص المحاضره
تمام
دخلنا للقاعه
واهمس لوهج شنو يريد
وهج :شمعرفني
-ولج اخاف مصيبه جديده ترى
بعد مابيها حيل هبطات بعد
خلصت المحاضره وانه بالي
يم زيد شنو يريد
اعرفه هو انسان جدا محترم
بس صارت بيه خوفه ماامن باي شخص
خلصت المحاضره وطلع الدكتور
الي حتى مافهمت منها شي
رحنا للحديقه وهو اجه ورانه
وصلنه للحديقه كعدنا
كول زيد شعندك
زيد :شوفي زهراء ترى انه ولد الشعبه
كله نعرف الي صار ونعرف بيج برئيه
وماصدكنه بلمسرحيه الي صارت عليج
وانه اعتبريني مثل اخوج
-تسلم زيد الله يجازي الي جان السبب
شنو عندج نقص محاضرات او مواد انه موجود
-تسلم اخوي ربي يحفظك
وهج ماممقصر تجيبلي المواد اول بالاول
:ممحتاجين شي انه اترخص
-غالي اخوي
راد يمشي صحت عليه زيد
كال نعم
-ممكن سؤال او بالاحرى امر
بقلمي بنت الرافدين
زيد ،:امريني
-مايامر عليك عدو
زيد اريد اعرف هذا الولد منو
وليش سوه هيج ومنو الي دفعه
مامعقوله من نفسه
:سكت وحرك لحيته بايده وكال ليش اهلج
ماحققوا بلموضوع
-اهلي صراحه محد تكلم بلموضوع بعد الحادثه
بس الموضوع كلش شاغلني واريد منو وراه
هاي المصيبه ٠٠٠٠
:ممكن تنطيني يومين وانه اجبيلج الخبر
-على راحتك الك كل الوقت
بعدها سلم وراح
وهج :اكلج انتي ليش فتحتي الموضوع
من جديد شغله وراحت
رجعنا للمحاضره الي بعدها
وهاي درددم على راسي
خبصتني ليش وليش
الي يكول شغله سهله
دخلنا للقاعه كعدنه
اريد احجي دخل الدكتور وبدت المحاضره
كملنه وطلعنه لحد.نهايه الدوام طلعنه للباب
كلمن راحت على الخط مالتها
وصلت للبيت دخلت من المطبخ سلمت على
ام جعفر
شونج خاله
-،هلا خاله الله يساعدج
الله يساعدج
:اكول خاله روحي صعدي وبدلي
وارتاحي ورتبي نفسج
