قلب مكسور
٣٥
بقلمي #بنت الرافدين#
كال بعد.باجر نروح نعقد محكمه مايصير نبقى
بس على عقد الشيخ
كتله ماريد
شنوووو؟؟؟
ماريد اعقد
انتي علقج بي شي ليش ترفضين
هيج بدون سبب
ضرب الخاشوكه حيل على الميز
شفته هيج
عفت الاكل وكمت
ماحب يعلى اصواتنا وبوجود اولادي
رحت كعدت بلصاله.
شويه كملوا
اجه طلع كوبي وكعد.يشرب
ردت اكوم
اكعودي
ماخلصت كلامي وياج
احجي اسمعج ليش ترفضين
سكتت
شوفي زهراء يااما تحجين وتنطيني
سبب مقنع يااما اشوفج وجهه بعمرج
ماشايفته
صاح على ليزا تاخذ ادم وامير يصعدون فوك
التفتلي
احجيييييي
كوتلك ماكو سبب
يعني شغله عناد و خلص
زهراء احجي
جريت حسره جبيره وكتله
شوف مازن انه كلام اهلك وامك
تعبت منه
وماريده مره ثانيه ينعاد.
غريبه وجايه على طمع
واخذت الاول و التالي ماريد اسمعه
مخليته خدام الها ولاولادها
تذكر بلقيس ومنير شنو سواا بيه
واني شكوووو بيهم
يعني تريد تقنعني انت مالك ايد
بلي صار
شنوووووو قصدج يعني محرضهم عليج
ماعرف
بس تكدر تمنعهم يعني هيج مالك سلطه
على اختك
تعرف كلش زين انه الفلوس ماتهمني
لكن الكلام هواي يحز بي
ويظل ينخر بعظمي احسه مو بس بقلبي
يعني انه ماجاي اتفاول عليك
ان شاء الله عمرك طويل
عمرك عمر شعيب النبي
ولاانه ضامنه عمري
بس كلام جارح ماريد.اسمع
خليني هيج هواي ارحم
تعبت تعرف شنو تعبت
محد.رحمني الكل تاذيني تعرف ليش
افضل العزله حتى مااتلقي باحد.واسمع
كلمه تغثني
رحم لاهلك عوف هذا الموضوع
يعني انتي لشوكت تخليني الماضي
مسيطر عليج
ليش ماتفصلين حياتج الجديده عن ماضييج
انتي جاي تعيشين ايامج وتربطين
كولشي بحياتج القديمه
واله بقيتي هيج عمرج ماراح تتطورين
بلعكس ترجعين للوراء
منو بلقيس حتى تخليج مهزوزه هيج
اني وياج عشتي حياه صعبه بيها
فراك حزن خذلان بس ماكو مبرر
يخليج تعطلين حياتج
وتعيشين على قيود الماضي
لا اني زوجج الي جرحج واخذ ابنج
ولااني ليث اله عافج بنص الطريق
لبلقيس ومنير يتحكمون بيج
ولا اخوانج الي ماقدروا حبج وتضحيتج
الهم
اني مازن تعرفين شنو مازن
اختلف عن الكل
ماامشي خطوه اله اعملها الف حساب
واعرف شنو اسوي وشنو اريد
مااقبل اي كائنا من يكون يدخل
بيتي وحياتي
اني الي الي اختار طريقي بنفسي
كولنا مرينا بظروف صعبه مو بس انتي
عشنا حياه بيها فراك وغربه
وخيانه وهوااااااي شغلات
بس ماننكسر مثلج بلعكس
اتقوى واصير اصلب من قبل
واوجهه الحياه
بس انتي هشه من الداخل سهله
الكسر
ماتعرفين شون تلملمين جراحج وداويها
لاتخليها مكشوفه وتتاذين اكثر
هسه دوكوليلي انت رجال اكيد تصير
اوقوى مني
واني مره ضعيفه
اكولج غلطانه
المره اقوى بهواي من الرجل
عدها قوه وصبر عجيبه
بس من توصل للمشاعر والاحسايس
تصير ضعيفه ماتصيطر على نفسها
عوفي الماضي وعيشي
محد.ياخذ من الدنيا بس الي الله كاتبه
اله
اخذي منه عبره وبس
ارجع واكول صيري قويه زهراء
تصبحين على خير
وعافني وراح
