قلب مكسور
٣١
بلقمي# بنت الرافدين #
ادم اختنك وصدره متنك فوك الصخونه
ياربي شنو اسوي لاعندي علاج
لان طلعت من بيتنا مهجره
وين اروح بهل اليل
حتى السايق ماعرفه وين حتى ياخذني
فوني مو عندي
ماعندي بس مازن رحت لغرفته
دكيت الباب مره مرتين ماجاوب
مو مال انتظار
دخلت عليه نايم وخلي ايده على عيونه
وبملابسه الداخليه يالله شكد.عيب
مازن
مازن
مايرد غاط بنوم
ماااازن
وعى شافني فوك راسه
كام على حيل شكو شبيكم
الحك ادم مختنك وصدره متنك
وماعندي علاج
كال يالله هسه اخذه للمستشفى
استعجل عفيه
لبست على السريع
واخذته وصيت ليزا على امير
اخاف هو هم مريض
وطلعت
اجه عليه اخذه مني
ويكوله سلامتك حبيبي
سلامتك بابا
طلعنه فتحوا الحمايه الباب
وهو ساق السياره وحده
رحنه للمستشفى
هنوب يندل مناطق البصره وشوراعها
اكثر مني
خلوله بخاخ بخشمه واجه المضمد
استوه كاعد من النوم يريد يشدله
كانونه ويضرب على ايد ادم حيل
ويشد عليه ويفرك بعينه
انه تخبلت عطت بي
انت جاي تسوي
شنو طلعله وريد لو تعذيب
عوفه
اخذته منها وطلعتله وريد وشديت الكانونه
ومازن لازمه
بعدها الدكتور كتبله علاج
التفت على مازن عندك قلم نطاني
زيدت علاج احتاجه بلبيت
بعدها بشويه اتحسن
و بدء يتنفس طبيعي رجعنا للبيت
بلطريق نام
وصلت للبيت ميته تعب
خلاها مازن على الفراش
بقيت كاعده للفجر صليت
وبعدها نمت اليوم اداوم متحمسه
اشوف اخواني واكعد.واحجي وياهم
عن الي صار لازم يعرفون الحقيقه
مايصير ابقى بنظرهم مذنبه
لازم يعرفون شنو سبب زواجي
نمت شويه وكعدت وقت دوام
مازن اشترالي كم قطعه ملابس
الي والجهال
بدلت بعدني لابسه اسود
طلعت لكيته كاعد على الميز يتريك
وهاي العامله تحظرله سلمت وطلعت
انتظري خل اوصلج
انت موكلت مخليلج سايق
اي
طلعنا اجه السايق سلم عليه
وبعدها عرفني بي
ابو رند.
هو يوصلج يوميه اي مكان ترديه
اهلا وسهلا
اهلا بيج دكتورا
بعدها نطاني فون كال مخلي بي رقمي
ورقم ابورند.عمران
صعدت وراه سياره عاليه حديثه
وصلت للمستشفى فتحت الجامه وحجيت
والامن
حتى يفتحون الباب
و الظهر
من يرجع عليه يدخلوه
وصلني وكلوله تعال نسويلك باج دخول
وصلت لغرفتي بدلت واجوا الممرضات
سلموا عليه
شويه شفت اخوي محمد اجه
يمه روحي تريد تطير اله شكد.
مشتاقلته رحت عليه سلمت
جانوا واكفين مجموعه اطباء
مارد عليه والتهى يسولف وياهم
كلت يجوز مانتبهلي
دخل لغرفته رحت عليه
دكيت الباب ودخلت
طلعي بره
محمد اسمعني
اطلعي بره
الله يخليك افهمك ماكو دفعني وسده
الباب
لا مومعقوله الي جاي يصير محمد هيج
يعاملني
رجعت لشغلي بس ماكدر اركز بشي
بعدها بساعه شفت عماد
بلردهه يسجل ادويه
هم رحت عليه لكن هذا زاد على محمد.
بكلامه من يكلي امشي عار
بكل عين وقحه جاي وتحجين وياي
والله موتج على ايدي بس خل يفيد.
هذا الناقص رجلج هو رتبته
طبعا يحجي بصوت ناصي اخاف احد.يسمع
من المرضى
تخبلت ماعرف شنو ارد.
رجعت لغرفتي شبعت بجي
يعني بعدهم بنظرهم مذنبه
بقيت اشتغل وميته قهر ماعرف
شون واكفه على طولي
صار وقت الاستراحه رحت على حسن
بلقسم اكيد.حسن يتفهمني
لكن الصدمه كانت اكبر مما اتوقع
رده فعله وكلامه خلاني اطلع من المستشفى
كلها ولاابقى.دقيقه
طلعت رقم السايق
دكيت عليه
ربع ساعه اجه
رجعت للبيت منهاره اعصابي تالفه
صار بوجهي مازن
انهديت بي
ارتيحيتتت هسسسه مو
خربتني ويه اخواني
ليشششش
كتللك ساعدني
شنو طلبت منك.اله خليت هل الشرط
القذر
الله ينتقم منك ان شاء الله
انه كوه خلصت من بلقيس طلعتني انت
تردون تموتوني ليش
صرت عار بنظر اخواني من وراك
