قلب مكسور
٣٣
بقلمي# بنت الرافدين #
ودعت ام فاطمه خطيه وظلت تبجي
دكول تعلمت عليكم وانه هم
اتعلمت عليها انسانه طيبه
بعدها بدلت الي ولاولادي
طلعنا للمطار وشاءت الصدف
اتعدى من شارع بيت اهلي
ماعرف شون اوصف حالي
وانه اباوع للبيت الي ربيت بي
وهسه صار محرم عليه ظليت اباوع
على الباب ودمعتي تنزل
مشت السياره حدما .
وصلنا للمطار واجت وهج
ودعنا بعض بدموع
هواي اسافر
هواي سافرت بهذا المطار
وهاي الاستراحه خصوصا هذا المكان
شكد.كعدت بي انتظر الطياره
بس مثل هل المره طلعت غريبه
وحيده كان مالي اهل وعزوه
طلعت اجر اذيال الخيبه
وماعرف مصيري المحتوم
وين راح يوصلني
وصعدنا بلطياره انه وليزا
وادم وامير بمقعد.
ومازن ورانه هو حمايه اثنين
مقعد.٠٠٠٠٠
اولادي بقوا يبجون امير خليته بحظني
وربطوا بلحزام على بطني
وادم كعدته بكرسي وحده
ماقبل هم ظل يبجي
ربطوا بحظن ليزا
واجه مازن كعد.يمنه صرت بلوسط
ومازن بلطرف
وليزا يم الجامه
قلعت الطياره واباوع من الشباك
واودع مدينتي
الي كل مره اطلع منها و ارجعلها مجروحه
ادعيلي يارض الطيبه
يارض الخير
يرتاح بالي واستقر
بعد ما عندي ام تدعيلي ويستجاب
دعائها انتي امي ومدينتي
تعبت وانه ادور على بر الامان
احجي بداخلي وعيني على الجامه
وامسح بدمعتي
وصلنا مطار اربيل ونزلنا
بقينا حد.ماكملوا الجنط
عاى الرغم احنه ماجنبنا ويانه
اله كم جنطه
ومازن شايل امير
وادم بايده
ماعافهم ابد.
بلمطار تنتنظرنه سياره
وبيها سايق
والحمايه صعدوا بسياره
ثانيه والسايق سلم على مازن
وسلم عليه هم بس يحجي
عربي
طلعنه من المطار مشت بينا
السياره صح دنيا ليل
بس اضويه عبالك نهار والبنايات
وصلنا للبيت
منطقه مبين عليها حلوه بيوتها عاليه
وفخمه حدائق
البيت هم مبين علي جبير
وفخم
حديقه جبيره
ادم وامير ناموا
واحد عندي واحد.عد مازن
دخلنا للبيت لكيناه مفتوح
حتى ماركزت بي
ميته تعب غرفتين جوه وفوك الغرف
الباقيه
كال مازن الحمد الله على سلامتكم
تصعدون لو تنامون هنا
الله يسلمك
نصعد.فوك
صعد كدامي وشايل امير
وانه شايله ادم.
فتح باب الغرفه بيها غرفه نوم
تركيه
وليزا جابت الجنط
نزل مازن
كلت ليزا
طلعي ملابس الي والهم
بدلتهم وهما نايمين
وانه رحت سبحت ورجعت
ليزا كعدت بلغرفه الثانيه قريبه
على غرفتي اخاف احتاجها
وشويه دك فوني
قلبي فز
طلعته من الجنطه مازن يتصل
بعدني بامل يذكروني
اذكر من اسافر شون بس اوصل
كل ساع واحد.مخابر
ويكلي يمته وصلتي
ويسلمون عليه
اتصورت قلبهم حن عليه
هاي اله بعدهم يذكروني
او يدرون انه سافرت او موجوده هناك
رديت
الووو
انزلوا جوه تعشوا جبت عشاء
الاولاود.ناموا
وانه ماشتهي
على راحتج.
سديته منه
و تمددت يمهم بس عيني ماخذت نوم
يمكن لان جديد عليه المكان
ثاني يوم كعدت تعبانه وشكلي مريضه
حتى مابيه انزل
نزلتهم ليزا اولادي
جابلتي ريوك فوك مااكلت كتلها نزلي
للظهر شويه تحسنت
نزلت جوه اباوع بس ادم يلعب
امير ماهو
رحت على اصيح على ليزا
بس شكلي مرعوبه
كتلها امير ماكو
كالت اخذه بابا على كولتها
جريت نفس وكعدت على الكرسي بلمطبخ
ماتعرفين شنو صار بيه
تصورت طالع وانتي ماحسيتي عليه
ظليت اتفرج بلبيت
الي عباره عن استقبال.
وصاله مقسومه اول طخم وطبلات زغار
وبعدها ميز طعام
ومطبخ جبير وكاونترات داير مايدور
حتى غساله صحون بي وبي ميز طعام
بس هواي شغلات ماعجبتني كلت اغيرهم
بالايام الجايه
شويه واجه مازن
وهو امير
سلم وكال شونج
الحمد.الله
شفتي البيت
اي
هذا الاثاث موقت
شنو تردين تغيرين غيري
بي واثثي جديد.
وانه هم هيج كلت هواي يتحاج
تغير
تمام
العصر راح يجون
امي( ام ليث) وادهم وميار
صدك والله فتحت عيني عليه
ههههه اي والله ليش متعجبه
بيتهم قريب كولش فرق كم
فرع منا
والله
اي والله يعني يمته ماتردين تروحين
اخذي الاولاد وروحي
