قلب مكسور
٢٧
بقلمي# بنت الرافدين
اخذت سونار وكانت المفاجاه انه مامتوقعتها
مادري ليث من يعرف شنو يسوي
كملت وطلعت وبيدي صوره السونار والتقرير
ليث كاعد على نار
هابشري
كول خير
شنو كولي
هسه نطلع واحجيلك
احجي هسه
العياده مليانه ناس باوعت منا ومنا
تقربت يم اذنه وكوتله بي توم اولاد
فتح عينه عليه
اكيد تشاقين
ههههه
والله هاك شوف التقرير
خظني حيل وبس راسي
عزاااا ليث
شبيك مناالعالم ناس كلها تباوع
خله ايده على جتفي وطلعنه
واحنه على الدرج ويعيد نفس الكلام
اخاف مو صدك
خل نروح سونار ثاني
حد.ماوصلنه الكراج
صعدت بسياره
كال احجيلي بتفصيل
شنو كالت دكتورا
والله كالت بيج اثنين اولاد وهسه
بشهر الرابع واموري طبيعيه
وكلوشي تمام
متاكده
اي
هسه وين نروح
نروح للقمر اكيد نرجع للبيت
يابيت اليوم نحتفل
لاعفيه والله تعبانه خليها على الجمعه
وصلنا للبيت وخبرهم الكل فرح
هو متخبل كول ساع وسأل
يعني توم توم
اي توم شنو الغريب بلموضوع
شوكت يجون للدنيا يالله ماعرف شنو
احساسي من اشوفهم يمكن اطك واموت
اسم الله عليك ليش هيج دكول ان شاء
الله يجون وتشبع من هوستهم
خابرت ماما وكتلها هوايه فرحت
وظلت تصلي على النبي
بعدها بدء ليث يجهز
غرفه الهم جهزها من كلشي من الصبغ
الاثاث
البردات حتى اسماءهم كتبهم على الحايط
كل واحد قريب على سريره
وخله سرير ابو نفر الي
مشت الايام طبيعيه بين الدوام والبيت
وبين فتره وثانيه ياخذني
سونار شكل مادري شبي
يصور اجذب عليه مادري من فرحته
ونفس الكلام يكولوله
فد يوم جنه كاعدين على الغداء
واجه ليث شكله عصبي وتعبان
شاف ادهم دنك عليه وباسه وحظنه
قوي هو كاعد.ياكل وبعدها صعد
حتى ماقبل يتغداء
كملنه الغداء وصعدت لكيته كاعد على
القنفه ومخلي الجكاير على طبله
ولازم راسه بيده ومنزله
شبيك حبيبي مو على بعضك
تنهد وطلع جكاره من الباكيت
وطك الجداحه اخذ نفس وزفره
وكال
تدرين من جنت اضرب اداهم
واكوله ليش تمد ايدك على فلوسي
يحلف ويتوسل بي واني مارحمه
-اي صح هو حلفلي ماياخذ منك بدون علمك
هذا القاهرني اتوقعته هو واقسي عليه
- عرفت منو
اي عرفت
منو
جودي
جووودي
اي هي من جانت زعلانه لاحظت هذا الشي
ماكو نقص يصير عندي
لان اني اسحب من المصرف مبلغ بس اخلي بلبيت
مو كوله بلشركه
ومرات اخلي بجنطتي بسياره
اتوقعت ادهم ياخذ منهم
رجعتها بس حتى اتاكد.
رجعتها شوكت ؟؟؟؟
قبل فتره
جريت حسره وسكتت
خليت مبلغ بلكنتور وخليت كاميرا
وشفتها هي اخذتهم
انصدمت يعني شون تمد ايدها على فلوسه
-يجوز محتاجه او اخوها ضغط عليها
لج شنو محتاجه مغركها تغرك بلفوس
الحقيراااا اله اشوفه ليث منو اله ارجعها
للخرابه مالت اخواها
اشك بابني من وراها واضربه
لاتنقهر مو زين عليك تولي الفلوس تروح
وتجي اهم شي صحتك
زين المبلغ جبير
مو هواي ٣ شدات
ياالله مومهم اعتبرهم خساره وصارت
ماهامني الفلوس
ااي قاهرني شون مستغفلتني
اله صار نقص بلشركه اعاقب المحاسب
واله بسياره اعاقب ابني
وهي اخر وحده اشك بيها
الابسزززز ٠٠٠٠٠
ظل يسب ويشعل بيها
وانه اهديه بي
