قلب مكسور
٤٠
بقلمي #بنت الرافدين #
وصلنا لبيتنا صدك مشتاقتله
يعني واحد.لو يروح لاجمل مكانات
بلعالم مايحس براحه اله بيته
صرت احب اربيل صارت وطني
رجعنا وليزا متحسنه صحتها لكيتها منظفه
البيت ومنتظرنا
وادم وامير يحظنون بيها
وكل ساع وصاحولها ليدا
ثاني يوم بليل اجوا خاله واولاد ليث تعشوا عدنا
وبقوا سهرانين لوقت متاخر
واولادي يفرحون بيهم ينطلقون من يجون
بعدها نطيتهم هداياهم
اله بلقيس ولايوم اجت زارتني بلبيت
ولا انه رحت لبيتهم
هي صارت عدها بنيه وبعدها عايشه
بيت امها بس نطهوها الفوك
لان حصتها فتحت مشروع لزوجها يشتغل بي
ثاني يوم اجت ساره وبناتها تغدوا
عدنا كلش حبابه واسلوبها راقي
مرات احسها اختي دائما تخابرني وتسالني اله
محتاجه شي او اله طالعه للسوك دكول
شنو تردين او طلعي وياي
مرات ناس ماتربطنا بيهم صله دم
لكن تحسهم قريبين عليك حتى من اهلك
بعدها بلشت ادوام وادم وامير
دوامت وشفت سولاف بوستني
وكعدت دكولي احجيلي بتفصيل
عن سفرتج
٠٠٠٠٠٠٠٠
بعدها ايامي متشابهه الصبح بلمستشفى
وباقي اليوم بلبيت اولادي هم
بلروضه متونسين دايتعلمون لغه
مازن نفس نهايه الاسبوع بلبيت والشركه
وبعدها يرجع لبغداد
وراه اسبوع جنت نايمه العصر
دك عليه
الووو
هلووو شبيج صوتج
جنت نايمه
شونكم
حمد الله تمام
كال اريد الصور
ياصور!!!!!!
الي اخذناهم بالامام
اوك هسه ادزهم الك
بعدها كال ديري بالج على نفسج
وعلى اولادج
ان شاء الله
رسلتهم اله
مازن علاقتي بي صديق اكثر من زوج
يحجيلي كولشي عن حياته عن سهراتها
النسوان الي يتعرف عليهم ابد.مااغار عليه
انه هم احجليه عن طفولتي عن مدرستي وانه
وصديقاتي ايام الابتدائيه يضحك عليه
والمتوسطه حتى عن عزام حجيلته
صح نتاكر هواي بس هو خلكه طويل
يرجع يعتذر مني وينسى المشكله
عكسي انه كل مشكله انعزل
دائما يشبهني بسلحفاه من تواجه خطر
تغلق نفسها بقشرتها يكولي
انتي هم هيج ماتواجهين الخطر
امير هواي متعلق بي بشكل مو طبيعي
حتى يقلده بهواي شغلات
مره لازم بيده كلاص بي مي
ومخلي بي عوده مالت عصير
وينفخ بلمي ويطلع فقاعات وصوت
كتله امير دتسوي
كال بقبق مثل بابا
ههههههه شنوو
بابا هيج يشرب
بس اكبر يقصد.نركيله
متت ضحك عليه
ومره كاعدين على الغداء
سألني ماما انتي ليش ماتشربين
جكاير
عزززااا
لاماما البنات مايشربون بس الرجال
كال بس اني شفت مره يم بابا تشرب
جكاير
مازن فتح عينه كولها عليه
كملت الغداء وكلت ليزا اخذيهم انتي
غسليهم وبدليهم
اخذتهم بقيت بلمطبخ نظفته سويتله جاي
هو كاعد.بلصاله
كتله مازن ليش تخلي امير يشوف
هيج اشياء
كال مره بلشركه هو وياي و يجون عملاء اجانب
وعدهم عادي التدخين
بس هو عنده قوه ملاحظه قويه
سكتت لان اعرف بي هواي يخاف عليهم
مرت ايام متشابهه بين البيت والدوام فديوم بلمستشفى
وعندي مراجعين اداوم استشاريه
واحد.طالع ثاني جاي
فوني دك اباوع خاله ام مازن
اول تالي تتصل بيه !!!
اله عدها بلوه يالله تذكرني
سويته صامت وخليته بلمجر
احب افصل عملي عن حياتي الخاصه
بعدها وقت الاستراحه طلعته ولكيت
عشرين مكالمه دكيت عليها
بسرعه ردت يمكن مخليته بايدها
