قلب مكسور
٤٣
بقلمي #بنت الرافدين #
رفعت الفون
الووو
جابوني الحمايه
دكتورا تعرضنا لحادث والاستاذ
مازن بلمستشفى
هو كال هيج وانه
صرخت صرخه فزعت المنطقه كوله
كعدت للارض وبس اعيط والطم
على وجهي حد مااجتي ليزا ساعدتني
بلبسي وانه ماعندي فكر
ولفت شالي وسيف سندي وبيده جنتطي طلعنا
زين السايق مجهز السياره
السايق يمشي بسرعه عاليه وانه اصيح
بسرعه اكثر حد.ماوصلنا
لمستشفى باكى الخاص
دخلت طبعا اركض ركض مرعوبه
لكيته مدخلي عمليات تلكاني واحد من الحمايه
بي كدامات وايده ملفوفه وطمني وكلي
والله مابي شي
الضربه برجله
دخلت للعمليات وشوفتهم هويتي
ماقبلوا ابد كالوا بس الكادر مالت المستشفى
كعدت بغرفه قريب على صاله العلميات
وكعدت ادعي وابجي ياربي امحتانك صعب كولشي ولاابو بيتي
والله اضيع بعدها منو الي
ومنو لااولادي وهذا الي بطني منو اله
منو يعترف بي شون يصدكوني اكيد.
يجذبون اله اخوتي تبروا مني
عيالي يصيلبوني وانه حتى عقد محكمه
ماعقده عزاااا بعيني ان شاءالله
كلت انه منحوسه اي واحد.يقترب مني
مايبقى انه فكر وظليت الطم على وجهي
والله ردته بس ابو لاولادي
حظي المصخم طيره مني
مااحس اله ساره لازمه ايدي وتهديني
اباوع الغرفه مليانه من اهليتهم
وامه هم
ماعرف شوكت اجوا
حظنت ساره وظلينه نبجي
اكثر من ٣ ساعات ماعرف شون اوصف
احساسي هلكت من البجي
حد.ماطلعوا الطاقم الطبي وبشرونه
زين والحمد الله كسر بلساق وبذراع
وطلع الدكتور رحت وراه بعد ماعرفته
على نفسي استقبلني بمكتبه وكعد يشرحلي
على وضعه وضربته
وطمني وكال العمليه ناحجه بس يرادلها
وقت ومراحل شفاء
طلعت واحمد.ربي واشكره واكول خلي بس
النفس هم كافي ماريد يمشي ولاشي
صوته بلبيت يكفيني
رجعت للغرفه مخلي بلعنايه المركزه
دخلت عليه سوده عليه
رجله ملفوفه ومرفوعه على السرير
وايده هم ومربطين اجهزه على صدره وقلبه
اخذت ايده الصاحيه وابوس بيها
قوي نفسك مالي احد.وين اروح بعدك.
شوفتك عينك لاهل ولاعشيره
بعدها باوعت على الجهاز وقريت
النبض وسرعته والضغط والاوكسجين
كولشي تحت السيطره
طلعت كعدت بلاستراحه القريبه
ماعرف هسه حسيت على نفسي
مادري كد.القهر ماحس بالم ظهري موتني .
ولاهتميت اله
وامه جانت كاعده قريبه عليه
واستلمتني من اول ما وصلت هيج تحجي
مادري بس هسه سمعته
فكر نحسه متعوده كل رجل تكرطه
وهاي اجه الدور على ابني
حقها صدك انه نحسه
شويه وصلت بلقيس وزوجها وخاله
وادهم اول مره اشوف بلقيس تبجي
بقينا لحد.الصبح وانه بين كل ساعتين
ادخل اشوفه وارجع وساعه اقراء قران
حد.الصبح عيني ماغمضت
دخلت عليه اسمعه يون سوده عليه
الحمد الله على سلامتك ياعمري
ابتسملي يمه غير احس روحي
ردت الي
مازن انت زين
اي
متاذي
مو هواي بس الكلمه كوه يطلعها
مخلفتك بالله
ضحك والله زين
الف الحمد.والشكر
بعدها اجه الدكتور
وشافه وطمني وكل حنقله للغرفه
مايحتاج بعد يبقى على الجهاز
وسجل حالته وانه الف سؤال
سألته يعني شكد شايفه حالات وشكد
مشتغله عمليات وطوارى ما فديوم هيج
انهاريت يمكن الي يشوفني مايصدك.
دكتورا حتى الممرضه من تدخل اسالها عنه
ولاكانوا الجهاز كبالي بي كول المعلومات
بعدها طلعونه صعدنا بطابق ثاني
ومجهزي غرفه بقيت كاعده ويه ساره وامه
وسيف والحمايه بره وخاله ام ليث وبلقيس
شويه جابوا يدفعون بي بسديه
وشالوا وخلوا على السرير
وربطوا رجليه هم وايده
بقت اهله كل ساع واحد.يتحمد اله السلامه
وامه كعدت تبجي يمه حتى انه هم كمت ابجي
وياها حد.ماصاح بينه اسكتوا
وكال انتي تردين بس حجه حتى تبجين ماكو
دمعتج بطرف عينج
افداك انه والادي والله مو بس دموعي
سحبني اله حظني بيده الصاحيه
جانت الضربه
بلجانب الايمن الرجل والايد
بعدها سالني على ادم وامير
كوتله بلبيت ليزا يمهم
اريدهم يعني اجيبهم الك
كال خابريهم
خابرت ليزا وسالتها عنهم بعدها
كوتلهم صحيهم بابا يردهم
اجوا يركضون ظل يحجون وياها ويكوله
هيج جبينا ونريد هاي اللعبه لان هما متعودين
كول مايجي يجيبلهم هدايا
بعدها ودعهم واخذت الفون منه
هو منتبه لكلامي ويه ليزا سالني شنو
انتي من البارحه هنا
اي
ليش مارحتي للبيت يعني باتوا
وحدهم
ماعليهم شي ليزا يمهم
استغفر الله يالله
على كيفك اعصابك
كوه سكت بقيت يمه للعصر كال روحي
مازن
سمعتج لو اعيد.
اخوهم يمهم ماعليهم
ساره جانت موجوده كالت اني ابقى يمه
تقربت حظنته وبسته وظليت اهمس
باذنه عفيه بقيني يمك هيج ماتريدني يمك
خل ايده وره ظهري
رووحي حبي ادم وامير محد. الهم
فدوه لعمرك ارووح
طلعت من المستشفى وصلت للبيت ميته تعب
اجوه عليه حظنوني شويه وعفتهم
سيف هم ظل يسالني
شونها هسه عمو
الحمد الله حبيبي احسن
رحت للحمام سبحت ونزلت شربت عصير
ليمون وبعدها طلعت اكل من الثلاجه
حميته واكلت مابيه اسوي جديد
وقتت الفون ويه صلاه المغرب
نمت ودك المنبه كوه جريت نفسي من الفراش
صليت وبعدها جهزت ملابس لمازن
وصيت ليزا على البيت وعلى الاولاد.
وسيف وصيته
وطلعت للمستشفى وصلت لكيت الغرفه مزدحمه كومه ناس بقيت واكفه بلباب
حد مااستاذن كم واحد.
تقربت منه شويه وصلت ايفان تبجي
استوها واصله هي اخوها راحت عليه
حظنته وتبجي
بعدها اجت سلمت عليه
وسألتني عن حالته طمنتها
كولت لساره روحي لبيتج احنه هنا
سلمت عليه وطلعت
اشرالي بيده تعاي رحت عليه
يحجي بصوت ناصي منو كلج تجين
يعني تكسرين كلامي
لاوالله مو رحت وارتاحيت واجيتك
وثاني شي ساره
هم تعبانه يعني هم تريد.ترتاح
تريدني اعوفك بليل وحدك.
حتى لو تطردني اكعد بلحديقه وماروح
للبيت
سكت
استاذن اخو ايفان وراح وهي بقت
بس انه وياها بقينه
اكو قنفه عريضه كوتلها نامي عليها
خطيه جايه من السفر وبقيت انه على الكرسي
جابوله سوب وحليب
رفعت السرير ورفعت راسه بامخاد وكلته
وشرب الحليب
