البارت الثامن
قلب مكسور
بقلمي #بنت الرافدين#
ظليت املخ بروحي والطم على وجهي
كلشي ولادوامي والله القران اطك واموت
تعبي ودراستي لاسنه ولاسنتين
محرومه من كلشي حتى نوم مثل باقي البشر ماانام اخلص اليل كله قرايه
لاطلعه لاسوك لامول لاحفله واصله كل عمري
بين الاوراق والكتب تاليتها يروح كلشي
برمشه عين الله ينتقم منكم ظلالالالام
حسبي الله ونعم الوكيل
ظليت اصرخ حد.ماتعبت وغفيت
مادري انغمى عليه
كعدت لكيت نفسي كاعده بالارض
ومخليه راسي بين رجليه
ومتكرفصه على نفسي
كعدت صورت الي صار بيه حلم
بس انبهت على نفسي واسترجعت ذكريات
لا موحلم حقيقه رجعت ابجي
شوي وصعدتلي وفاء
اوووف ياوفاء لو اختي بت امي ماتسوي
هيج اليكول البيت فارغ بس هي موجوده
محد يسال عني لااخوه لاام لاابو
كلهم بعينهم مذنبه اله هي خطيه
تجي من بيتها عليها
جابتلي اكل وكعدت يمي
وفاء :اكلي يابعد عمري
اكلي زهوره حرام الي جاي تسوينه بنفسج
ولج ميته قهر وجوع من وراج وعندي طفل
بطني يريد اكل
-ماشتهي وفاء منين تجيني الشهيه واكل
وفاء :والله اله تاكلين انه ابقى بدون اكل
وانتي حره
مديت ايدي واكلت وهي خطيه كامت تاكل
بس شنو بشراها خطيه حامل وباقيه بدون
اكل على علمودي ٠٠٠٠٠
كلمنه الاكل كالت كومي اخذيلج دوش
وتضوي وكعدي على سجادتج ادعي
ربج واقري قران بلكي يبرد قلبج
ويهديهم عليج
-ان شاء الله
نزلت الصينيه وراحت البيتها
رحت سبحت وصليت بقيت اقراء قران
وادعي ربي يطلعني من هل المشكله
حد غفيت وانه على سجادتي ماكعدت اله الصبح
اوووف ودمتعي ماتقبل توكف واشوف
كتبي ومحاضراتي لا ياربي كلشي
ولادراستي ٠٠٠٠٠
بقيت على الحال يومين
محد يصعدلي ولا انزل جوه انعزلت
من البيت كله ليمول عايشه بغير
كوكب
حتى جهال اخواني جانوا كل الوقت يمي
