قلب مكسور
٣٩
بقلمي# بنت الرافدين #
اجيت اكعده
مازن
مازن
امممم
ودار وجهه على الجهه الثانيه
مازن
نعم
اكعد.وصلني للامام
هو سمع هيج
كعد على حيله
شنووو
اريد اروح ازور واصلي
انه احجي وهو يفرك بعيونه
اخذ الفون باوع لساعه
انتي خبله شي
شنو ساعه ٣ الفجر تردين تطلعين
اي شكو بيها شويه و ياذن الفجر
باوع على ادم وامير
والاودج
يبقون هنا
شون
انت وصلني وارجع هما نايمين ماعليهم
شي
يمعوده شلج بهل السالفه خل الصبح
يطلع ورحي
انه جايه حتى ابقى بلفندق مووو
يالله هسه اوصلج
كام وكال حضري ملابسي
دخل للحمام
وشويه وصاح عليه نطيتها الهم
بدل وطلع
كامله
اي
طفينه الاضويه
وقلنه الباب
ونزلنا بلمصعد.
وطلعنا من الفندق
لبست العبايه
ونمشي دنيا ليل وبارده
والشوارع شبه فارغه
اكو محلات قليله مفتوحه
كال زهراء
نعم
حلوه عليج
العبايه
شكرا
لاوالله شكلج بيها يصير مميز اكثر
اي ادري بنفسي حلوه ماحاجه تمدحني
اكول امشي امشي
دخلنا بشارع الرسول
وبينت قبه الذهب
يمه احس كلبي راح يطلع من ظلوعي
ظلت دموعي تنزل وحدهم
امشي اقراء سوره من القران
حد.ماوصلت للتفتيش
كتله انه ابقى حد.صلاه
كال اوك ارجع عليج
لا انه اجي وحدي
دبريها
ها اسأل
هههههه لااني اجيج
تمام
مشيت شويه وبعدها
اندريت عليه لكيته بعدها واكف
سويته بايدي معنى باي
ابتسم وهم رجع عليه بايده
ودخلت للتفتيش
وبعدها مشيت شويه وسلمت فوني
ونزعت حذائي وسلمته للكيشوانيه
ودخلت للحضره
وقفت بلباب قريت الزياره
ورحت للشباك واشتم العطر
اوووف ياريحه الجنه
فدوه لاسمك ياامير المؤمنين
بعدها رحت للجامع بقيت اصلي
واقراء قران حد مااذن الفجر
صليت جماعه
ورجعت للشباك بعد.الدفر ودفعات
وصلت للشباك
هواي حاجات ياابو الحسن منين ابدي
وانت اعلم بحالي
اريد اعرف خبر عن ابني
وانه اشكي وادعي اجتني روجه
دفعتني حتى عباتي نزلت من راسي
حتى ماكملت دعواتي
طلعت بلباب ودموعي تصب
عدلت نفسي
ودعت الامام
وما اريد اطلع مايشنبع منهم
سلام الله عليهم
باوعت لساعه وقت الصبح
طلعت اخذت غراضي
وطلعت من نفس الباب الي اجيت بي
اباوع ماكو مازن ظليت مكاني
ماعرف يمكن ربع ساعه وانه على وكفه
وحده وعيني على القبه
واحس واحد.طخ جتفي
فزيت
خليت ايدي على صدري
مازن يضحك شبيج
يمعود.صدك جذب طلع صوت مو هيج
فجاه.
يمته اجيت
قبل شويه بقيت اتأملج
من بعيد وانتي واكفه
نمشي
اي
طلعنه وسالته بعدهم نايمين
كولش مايدرون عن شي
اي زين
لو هما وياي لو اموت مازور
ظلينا نمشي والمنظر يخبل
المحلات مفتوحه
والبسطه الي بشارع
والي يبعن كيمر وجبن
والي واكف يبع عطر او علك
لوحه فنيه
لو تسافر لاجمل مكان بلعالم ماتعادل
جمال هذا المكان
وندخل من فرع ونروح على الفرع الثاني
كتله مازن انت بجيبك Gps
ليش
منين تندل
اي مو اني مثلج اثول
شكرا طبعا انت هواي تمدحني
بلخدمه اني
هههههههه
وصلنا للفندق وصعدنا
للغرفه
فتح الباب ودخلت قبله
اباوع لادم وامير بعدهم بنومتهم
نزعت عباتي وشالي
واتمددت يمهم والعب بشعرهم
بديت اغفي
مازن بدل وتمدد هم
كال بيش
الساعه نروح للمقبره
كيفك.
زين تعرفين المكان
اي
متاكده
اهلي ماعرف وين مدفونين
والله احساسي يكولي راح نتيهى
لا عيني مااتيه منهم
بعدها غفيت ماحس اله ادم وامير
يكعدوني بطريقتهم الخاصه
ومازن يصح بيهم يعوفوني
بس وين يسمعون شعري مسويه كفشه
وكم دفره بطني
كعدت اباوعلهم.تك عين وامشط بشعري
باصابيعي عدلت شعري
ومطيت جسمي شويه
اخذتهم سبحتهم وبدللتهم
ومشط شعرهم
شويه دكوا الباب جابوا ريوك.
اكو طبله زغيره كعدنا
نتريك
بعدها خابر السايق حتى نطلع
كتبتله العنوان وانطيته اله
لميت الاكل وعدلت الغرفه
وعزلت الملابس الوصخه
بعلاكه
وبدلت
وطلعنا شويه وصلنا للوادي
واحد.اله شايل صخر هم يلين من
يشوف الصور والقبور
حد.ماوصلنا مقبره اهلي
نزلت بس انه بقوا اولادي بسياره
ومازن نزل وياي
حظنت قبر بابا ونسيت الدنيا ظليت ابجي
واشيكله حالي
والي صار وياي وبعدها.قبر ماما
كعدت يمها واحجيلها الي صار بعدها
شون عاملوني اخواني
ماعرف شكد.بقيت من الوقت حد.
سحبني مازن سحب لو عليه ابقى
يمهم طول العمر
صعدت بسياره وعيني عليهم.
دموعي الي ماسكتن ابد.
حتى اولادي
يكولوي شبيج ويمسحون بايدهم الزغيره
دموعي على وجهي
وصلت للفندق تعبانه مو تعب جسد.
تعب روح
قلب مكسور ماله احد.يشكيله
بدلت ملابسي لبست دشداشه خفيفه
مالت نوم وتمددت على الفراش
وصلني مازن وكال ارتاحي
راح اطلع واخذ ادم وامير وياي
قفلت الغرفه
ونمت غطيت بلنوم ماحسيت اله على الباب
يدك.
كلت منو
اني
عرفتتهم اجوا
دخلوا ادم امير حظنوني
مازن جايب غداء
خلاها على الطبله
هواي دكيت الباب
اي نايمه مادري عن شي
زين ارتاحيت
اي الحمد الله
وين جنتوا
رحت صديقي ضابط بقياده
شرطه النجف
واصر اله يعزمني على الغداء
الف عذر طلعلته يالله عافني
وادم وامير وياك
لاخليتهم عند ابو رند.
تسبح لو نتغداء
اي اسبح
خليلي ملابسي
خليتهم اله ودخل للحمام
وانه بدلت لادم وامير
وتربت الاكل
حدما طلع
كعدنا نتغداء ومثل كل مره مازن يكول
تعبان وهما يوكلوا
كال وراه صلاه المغرب
نسافر لبغداد.
اوك
كملنه الاكل وغسلتلهم وخليتهم على فراشهم
ومازن هم تمدد
ماقبلوا ينامون
شغلتلهم التلفزيون
ومازن يخابر
اخذت ملابسي ودخلت للحمام
وصيتهم بدون وكاحه وحركه
هما يهزون راسهم
سبحت ولبست تراك
ربع ردن وبجامه ضيكه لونها
ازرق وبي ورد.
لفيت شعري بخاولي
وفتحت الباب صار بوجهي مازن
دفعني على باب الحمام ولزك جسمه
عليه ولزم وجهي بيدينه
ويبوس بشفايفي
اريد ابعده ماكو
يبوس بطريقه مالت واحد.عطشان
اختنكت وهو لازمني
بعدها دفعتها قوي
كال عسل مو شفايف
شبيك شنو تصرفات ماشوف اولادي منا
لو يشوفون هيج منظر مو عيب
انتي الي شبيج يعني اني مو زوجج
مالي عليج حق
لاتحججين بأولادج لج بس اريد.اعرف
انتي ماعندج احساس
يعني تخلين الواحد.كوه يشك
واستعمل وياج طريقه جديده
يعني مقعوله ماعندج رغبه او حاجه
انتي مو مره
شوف لاتكعد.طلع اعذار ويوميه
قصه شكل
شنو تشك بيه عيني بس حقك
لان كلمن يشوف الناس بعين طبعه
حيرتني منين مااجيبج ماتجين.
يعني بس كولوي انتي مو متدينه
وتعرفين الحلال والحرام وتصلين
يعني ماتعرفين النشوز حرام
مو حرام وانه مو ناشز
انه شرطت وانت قبلت
ليش انت من شرطت عليه انه نفذت شرطي
بس انت لا
ولاكل يومين مطلعلي بسالفه جديده
ومسوي منها مشكله
لج ياشرط هذا الي شرطتي ها
الي يشرط على كولتج شرط يكمل
الزواج مو اساس الزواج
يعني انتي سامعه بعمرج كوله هيج.شي
لج بابا المقاربه بين الزوجين هي
اصل الزواج
يعني انتي مو جايه للزياره مو هنا مرجعيتكم.
امشي سحبني من ايدي
امشي واسالي كوليلهم اني مزوجه
ومادا انطي حق لزوجي شوف شنو من اثم
عليج
يعني انت مالكيت مكان نتناقش بي
اله هنا بلفندق واصواتنا تطلع حتى الملا
كولها تسمع
بعدني احجي وادم يعلب
بفون مازن
وعثر وكع على الارض والفون تفلش
ركض عليه مازن
من شاف الفون هيج ضرب ادم
راشدي فر ذانه فر
وادم صرخ
سمعت ادم صرخ اله تخبلت ركضت عليه
حظنته
مازن هاي ليش هيج تضربه ؟؟؟؟
ماتشوفي شسوه ولازم الفون بيده
وهيج تشوه وجهه
ليكون صدكت انت ابوه
شوف مازن وحق الله وروح بابا
اله مره ثانيه ايدك نمد على واحد.منهم
اله اهج منك
لاليش اهج وهاي سهله عليك
اله اسممهم واسمم نفسي
زهراء الزمي لسانج وياي
وهاي اكولها الج للمره الثانيه لسانج
لايطول وياي
والله انه لازمه لساني ومااتجازو على اي مخلوق يايوم انه اجاوزت عليك او طولت لساني اله انت تستفزني
يالله شنو قيمته الفون حتى هيج
تضربه شكد.فلوسه انه
اخرسهم
يمه كلاص شاله وضربه بلحايط
وادم وامير ظلوا يعطون ويرجفون من الخوف
اخذ ملابسه للحمام وبدل وطلع
شكد شايف نفسه ومغرور
خطيه ادم يشهك من البجي وامير
مجلب بيه
هاي بس عليه وعلى اولادي يطلع
بطولاته ذيج ايفان شحده
يفك حلكه وياها بكلمه اله تكلب عليه
اربيل كولها
