قلب مكسور
٣٠
بقلمي# بنت الرافدين #
وصلت للمستشفى لكيته
متوفيه
وكعت من طولي ماحس على نفسي
اله انه بلبيت
وماما راحت
راحت جنتي
راحت دعائي المستجاب
بعدني بثوب الحزن على زوجي
كمتلها بأمي
ماعرف ليش الله كاتب عليه اودع احبابي
واحد واحد.
شفيد البجي والنوح لو يرجع جان
رجعلي بابا
رجع ليث
كم مره انكسر قلبي
تعبت صرت جثه
مصدومه حتى دموعي وكفوا بعيني
ماينزلون
اخواني ماعوفني خطيه كل ازمه
هما وياي
يواسوني ويصبروني
وراه ماخلصت الفاتحه الي مادري عنها
شي من كد مافاقده اجتي خالتي بقت
يمي ودكولي انه امج
ماتركتني وياي
بعدها اجو عيالي
خاله وبلقيس وحتى مازن
صح خذيت منه موقف بس هذا
عززا
كالوا طلعي اجوا عليج
بالاول رفضت
مو.علمود شي
بس انه تعبانه مو بحال احد
كالوا عيب جاييين من اربيل لهنا
بطياره علمودج ومن هل الكلام
بتوسيل نزلتني خالتي
لكيتهم كاعدين بلاستقبال
اجت خاله بوستني وتصبرني
وبلقيس سلمت عليه
ماعرف هي صايره زينه او انه حالي
هيج يكسر الخاطر
اولادي عدهم واحد بحظن مازن واحد
بحظن خاله
ظلوا خاله تحجي وتصبر
وانه حتى مابيه ارد عليه
كانونه بايدي لان ماكل كوله على المغذي
حتى صوتي مايطلع
من يسالوني خالتي تجاوب عني
بعدها اعتذرت وطلعت سنتدي خالتي
بقلمي بنت الرافدين
ماعرف شكد بقوا من الوقت وطلعوا
حتى ماسالت عليهم
شكد ماريد اصير قويه ارجع انكسر
شكد مااكول راح اوكف على رجلي
اطيح ٠٠٠٠٠
وزاد.كسرتي من اشوف اولاد اخوي اياد
واذكر حالته هو بلسجن
يعني من يسمع بالخبر شراح يصير
بي
زين بعد عشر سنوات اولاده شون يعشون
منو الهم مو قصه ماده
بس هما اولاد بعمر المراهقه .
عنده ابنه الجبير بصف سادس اعدادي
اصعب مرحله هو جان مشرف على
دراسته
هسه منو الهم اكيد راح يتاذون
قبل يمكن ماما هسه منو الهم
وهاي امهم ماتعرف بس اللغوه والعياط
يوميه مصيبه على راسي
اصعب من الي قبلها
خلصت السابعه وخفت الناس الي تعزي
اخواني بلشوا بدوامهم
بس انه صحتي ماتساعدني
بقيت بلفراش
وفاء ماعفتني ولاوهج
خطيه حتى تبات يمي
٠٠٠٠٠٠٠٠٠
صار على وفاه ماما شهر وانه بعدني
تعبانه
مابالغ واكول بس انه هيج يمكن اخوتي
اكثر مني
بس ياخذون حزنهم بقوتهم
صارت سولتي بلفون مخليه صور
احبابي واباوع بيهم اخلص وقتي
ساعات وانه هيج
بعدها تحسنت شويه بديت ادوام بس مستشفى
هواي اشوف حالات مأساويه احمد ربي
واكول انه احسن من غيري بهواي
هواي اشوف حالات وامراض
تجينا حتى مانعرف نشخص المرض
حتى نتكتبله علاج
سرطانات واورام خبيثه
ارجع للبيت كيئب ومابي رووح
نوره انطفه وبقى اظلم
اكره حتى نفسي اركض فوك لغرفتي
تجي وفاء خطيه تكعد تواسيني
تسولفلي عن يومها عن اولادها
تريد طلعني من عزلتي
فد يوم سألتها
وفاء شون بيت اياد
الهم الله يعني شبيدنا
زين وهو شون يتحمل السجن
اشو هو يوميه بلد ويوميه مسافر
هسه شون حاله
لازم يتحمل والله اخوانج اله بيدهم شي
مايقصرون بعد هذا مقدر ومكتوب
لو هل الشي يكفلهم كل مايملكون
بس القضيه نسدت وكعت براسه
كتلها بس انه جان بيدي حل
حل شنو ؟؟؟؟
شي يكدر يطلع اياد
اي وليش ماسويتي وليش ماكلتي عليه
ياريت اكدر بس صعب كلش وماينطاق
ولاينعقل شكد ماتتصورين
شنوووو؟؟؟؟
حجيتلها عن مازن
انصدمت اكثر مني
يعني صدك يطلعه
اي
ليش شمنتظره حد.مااخوج يموت بلسجن
انتي جاي تحجين
ادري كلش زين
بس مابيدنا شي
مو شوفت عينج عائلته باقيه تصوري
شكلهم بعد عشر سنوات بدون
اب
يعني مايفرقون عن اولادج هم يتامى
