قلب مكسور
٤٢
بقلمي #بنت الرافدين#
من بعد.شهرين يمكن احلى شهرين
بحياتي كولها
صار شي ابد مامتوقع ولايخطر على بال
احد.
لااكيد.اكوا خطا بلموضوع
بقيت ساكته وافكار تاخذني وتجيبني
اخاف انه ناقصه هم
حتى مازن لاحظ تغيري
ويسالني شبيج مالج خولك وليش كوله
تصفنين
مارد عليه.
سكتت وكلت يجوز انه متوهمه
وراه اسبوعين صار موعد زواج..سولاف
كولش فرحتلها وطلبت مني
اروح وياها للحلاقه
وقبلها بيوم هم راحت للمركز تجميلي
رحت وياها وانه هم غيرت لون شعري
وكصيته مدرج على طوله
صار كولش حلو
بس كولش تعبت ثاني يوم صادف الخميس
الحنه سوت حفله كولش حلوه
وانه وياها وهم اشتريت بدله
سوده طويله وبيها جاكه طويله
والفوك الصدر والردن ذهبي
وسويت شعري تسريحه عاليه بس مو هوايه
وسولاف طلعت تخبل لبست بدله حمره
وهي بيضه وشعرها صبغته ماورني
طلعت روووعه
طلعنا للقاعه وخابرني مازن كال
حجيب
ادم وامير
لبست جبه ولفيت الشال وطلعت اخذتهم
لابسين نفس الون من القوط رصاصي
وبي ورده مو ربطه
اول مادخلوا سألوني وين العروسه
اي حبايبي اشرتلهم عليها هاي هيه
اخذتهم سلموا عليها وانه اعلمهم
كولولها مبرووك
باركولها وكعدتهم امها بحظنها
كلتلها حتى الله يرزقج بولد
وبقت تدعيلها
بعدها استاذنت منها اريد انزل من الكوشه
ماعرف ماكدرت توازن ردت اوكع اله شويه
كوه ثبتت نفسي
حتى هيه كامت عليه
كتلها مابيه شي ارجعي كعودي
وظلت امها دكولي اله تعبانه رجعي للبيت
استحيت اشون اعوفها
رجعت كعدت وادم وامير يركصون
على الاغاني
شويه واحس معدتي ظلت تكلب
كمت اتنفس بعمق بعدها
خابرت مازن كوتله تعال اخذنه
كال ليش ومو استوها بدت الحفله
تعبت مابيه
رحت اعتذرت منها وطلعت
اخذت اولادي وهما مايقبلون يردون
يبقون اكثر كوه طلعتهم
نزلنا شويه واجه مازن صعدنا
مرحبا
هلو ياكلبي يارووحي
رجع عاد السوال ليش طلعتي
وانه نفس الاجابه
وصلت للبيت ميته تعب
كولت ليزا تاخذهم تنيمهم
رحت سبحت بلكي اصحح شويه
وبعدها الدوخه لازمتني
رحت للمطبخ طلعتي ليمونه واكلتها
و رحت للغرفه جوه تغطيت ونمت
شويه واجه مازن
فرح لان لكاني بغرفته ظل يحظن
مازن عفيه تعبانه وراسي ذابحني
شبيج ليش مو على بعضج اخاف عندج.
فقر دم
يجوز
يعني تعرفين لعد. ليش ماتاخذين علاج
لشوكت ظلين هامله صحتج
ان شاء الله كافي عفيه باجر وراي
هم طلعه وحفله
درت وجهي ونمت
كوه كعدت الصبح ميته تعب
كملت الحلاقه وياها من الظهر طلعت
اجه مازن اخذني و رجعت
للبيت طبعا انه على ريوك الصبح
بدلت لادم وامير وهم بدلت وطلعنه
للقاعه وكومه ناس موجوده ولازم اسلم واتعرف عليهم وانه اشوف الواحد اثنين
كعدنا ومازن يكولي شنو رائيج نسوي
هيج حفله النه
انت ماتشبع من العرس
لج اني مااشبع منج انتي
تقربت عليه وخليت راسي على جتفه
ربي يحفظك الي
اكول اكعدي عدل لا هسه اعوف الحفله كولها
ونطلع
ههههههه كاعده
بقينه حد.ماخلصت الحفله
بس روحي طلعت
هم رجعت للبيت تعبانه وانام بسرعه
٠٠٠٠٠
بهاي الايام مازن ظل يدردم
ليش هاملتني وكوله تعبانه واني
اخر اهتمامج
على شنو جايه يمي روحي صعدي
فوك احسن
واني على شنو اجي ابقى هناك
هواي ارحم.
اسكت مارد.عليه
بعدها سافر انه هم دوامت
وهذا الموضوع هواي ماخذ من
تفكيري
ياربي شنو اسوي لو طلع صدك.
يعني اني دكتورا وافهم
ميحتاج اروح واعرض لنفسي
لدكتورا ثانيه
يعني الشغله مو شغله هرومونات او
وتاخير عادي للشهريه
لا اعراض واضحه
زين هو مايخلف مو كم مره مزوج
و هاي ايفان ليش ماحملت
