قلب مكسور
٢٨
بقلمي #بنت الرافدين #
ادك عليه ومايرد.وانه حالي تخربط
يعني هو كول مره من ادك مره مرتين يرد
واله عنده شغل بس يكمل وراه نص ساعه
او اقل يتصل بس اليوم ابد الفون يدك
هو ماكو
وصار الي خفت منه
ونهدمت حياتي وبيتي انهجم عليه
لكوا ميت بحادث سياره بطريق السريع
بغداد
وماعرف شون اوصف حالي لا صريخ
لالطم يطلع حركه قلبي
ظليت اصيح هسه ارتاحيت هسه
يكولون عليك بطل مو هاي المناقصه الى
كتلت نفسك عليها
لييششش شنو ذنب جهالك
استعجلت على الموت
شوف اولادك منو الهم بعدك
اصرخ والطم صوتي راح خاله متخربطه
جهالي بيد المربيه بقيت على حالي
حدما جابوا بتابوته ودخلوا للبيت
اووووف ذبيت نفسي عليه واحاجيه
اتوسلت بيك كوتلك لاتطلع
كوتلك اخذني وياك ليش هيج
ليشششش كوم شوفني طولك الحلو
بدل ماتجيني تحظن اولادك تجيني
بتابوت
شوف ميار صارت يتيمه بعدك يشلوني
وارجع اذب نفسي عليه
حد.فقدت ماعرف شكد مر من الوقت
كعدت لكيت نفسي نايمه
بفراشي يعني ماخذي ودافني وانه هنا
لزمت الفرشه وشكيتها اناااام
على فراش هو نايم بلتراب
ذبيت الفراش كوله
بعدها اجوا اهلي ماما اخواني
نسوان اخوتي
خطيه ماما تبجي على بجي
وتبجي على حظي المصخم
اجوا يسكتوني ويهدئوني كتله جبيوا
جهالي
جابوهم الي حظنتهم صرتوا يتامى
حتى قبل تكولون كمله بابا
بعدكم لاشبعتوا ولاهو شبعوا منكم
ميار حاظنه مخدتها وتبجي وادهم قافل
غرفته عليه
كل واحد بينه ماسأته شكل
بقلمي #بنت االرافدين
خاله متخربطه
خلصت الفاتحه
وانه ساعه افقد وساعه اكعد.
ماما تواسني لو تواسي خاله
وفاء خطيه ماعافتني
كولي يالله زهراء صيري
قويه جهالج منو الهم
حرام تجزعين حرام الي جاي
تسوينه بنفسج
هذا يومه وهذا قدره
كوليلي ليش هيج الدنيا وياي
استوني ارتاحيت وفرحت حسيت عندي
بيت وعائله
ابجي على روحي لو على جهالي
لو جهاله حتى امهم مو يمهم
ابجي على خاله
حركت كلبيييي ليييث
والله جاي احترك
المن خلفتهم اله تريد تعوفنا المن جبتهم
اله ينولدون يتامه
بقيت هيج حالتي حد.يوم سابع
بعدها اجوا اخواني سلموا عليه وعزوني
يصبروني بس مصيبتي
جبيره ٠٠٠٠٠
قلبي انكسر كم مره
انكسر من راح سيف مني
هسه انكسر بموتته ليث
طلبوا اخواني مني اروح وياهم
وبعد كعدتي ماترهم هنا
مارفضت وافقت لان حألزم عده
وخصوصا
بعدما بلقيس هي والعار زوجها
رجعوا سكنوا بلبيت بكل وقاحه
ولاجنه مكسورين جاي وصاير كعيدي
بعد.كعدتي صعبه واعرف هو شون طايح
حظ
ماما تنام وياي بلغرفه وتظل تصبر
بيه ودكولي
انه السبب الي انتي انه الي لحيت عليج
تزوجين تصورت راح تنسعدين
تصير عند اطفال وتنسين ابنج
هاي قسمتي ماما انتي شنو بيدي
وانه قسمتي عوجه من البدايه
اي يأمي معلم على الصدعات كلبي
ظلت تبجي
يصبح عليه وانه فد ونه واشم
بهدومه
بعدها الصبح ٠٠٠٠٠٠
راحت ماما اعتذرت من خاله واستاذنت منها
وانه هم رحت سلمت عليها
طلبت منها اخذ الجهال وياي ماقبلت
بعدين بلتوسل اخذت بس ميار وياي
وطلعت لكن طلعت روحي
خاله وادهم ينحبون وانه هم فرفحت من البجي
هذا الي ردته ليث تهجولنه وكل واحد
يعيش بكتر
سحبوني سحب اخواني
جهالي بيد وفاء ماما تهدي بي
ماستمر على زواجي سنتين ورجعت
لبيت اهلي
هاي كم ارجع مكسوره
كول البنات تجي بفرحه لاهلها
اله انه اجيت هيج حالي
اباوع لاطفالي واكول ادم وامير
يتامه من الابوه
وسيف يتم مني
وصلت لبيتنا
حالتي حاله ماتحسنت بلعكس انتكست
جهالي ماعرف عنهم
مياروياي خطيه البنات يداروها تلعب ويه
بنات اخوي وحتى نسوان اخوي
يعاملوا بلطف ويحاولون يخففون عنها
اخابر خاله يوميه وافتح كام اشوفها اولادي
واصبرها مادري هي تصبرني
ادهم هم يوميه اطمن عليه مكسور سوده
عليه
صعبه من بعد الدلال صاروا ذليلين
اتوسلت بخاله تجي للبصره نشتري
بيت ونعيش هنا
ماقبلت كالت بعيده عن بغداد
كتلها والله ماعوفج طول العمر بس تعالي
هواي اجت ناس تعزيني
دكتورات وموظفات وممرضات
اخواني هم تجيهم ناس تعزيهم
لان نسيبهم يعني صار عززا ثاني
بيتنا اخواني هوايه يحبوه لان
مشافوا منه شي موزين وحتى مشاكلي
ماجنت اوصلها الهم
هوايه تاثروا عليه خصوصا اياد
لان هما اصداقاء،من اول
الناس الي تجيني اكعد شويه يمهم
واعتذر
واكوم ماعرف مالي خلك الناس
مادري ماريد اشوف بعينهم الشفقه
صرت جسد بلا روح
اولادي عند.وفاء او ماما ومايصير
الى متى يبقون هيج وانه مالي حيل
حتى ادريهم
اتصلت بمكتب التشغيل طلبت مربيه
اسبوع وصلت بنيه فلبينيه
استلمتهم عني
ميار بقت عندي ١٠ ايام واجه عمها
اخذها لان امها جايه من السويد
طلب يشوف الجهال خذوهم اخواني
انه جنت حاده ماطلعت
بعد راحت ميار لكن حسيت طلعتها مثل
طلعت سيف حيل تاذيت عليها
بقت امهم شهر وطلبت تاخذهم بس خاله
رفضت وكالتلها اني على شنو عايشه
هما املي بدنيا
انه قليل انزل او كعد.ويه اهلي
حتى اخواني الي يريد.يشوفني يصعد.
فوك الي هواي يحاولون يطلعوني
من وعزلتي بس انه ابد
مشت ايامي طلعت من العده
طلب مني محمد اخوي ادوام بلمستشفى مالته
وفتحلي عياده اعرف قصده حتى انشغل
واطلع من حزني
وقرر يرجعني وينقل واوراقي للمستشفى
العام
اضحك على لعبه القدر
يوميه منتقله وراجعه
خاله يوميه تخابرني وتريد تشوف احفادها
وتظل تبجي
واتوسل بيها تجي دكول صحتي ماساعدني
على السفر
تريدني انه اروح وماريد اشوفه لمنير
الى فديوم كالت منير مسافر هو بلقيس
عنده شغله بره يبقى شهر
والله دنيا المطيرجي صار عنده شغل ويسافر
فعلا قررت اروح بيت عيالي
اخذني يوسف اخوي وماما وياي واخذت ليزا المربيه
لان ماكدرعلى اولادي واتعب بلسفر
طلعنه بعد الظهر وصلنا المغرب
وصلنا يوسف وراح يزور العسكريين
بسامرا هناك يبات هو اصداقاءه متفقين يتجمعون هناك وهو اصلا يستحي يبات هنا
بس ماما وياي دخلنا للبيت
اله طاروامن الفرح خطيه
ادهم تلكاني وحظني
يمه وليدي حبيبي و
ميارهم ماعافتني وخاله استلمت الجهال
تخبلت بيهم حتى من يبجون دوكولي خليهم
لاتسكتيهم اريد اشبع من صوتهم
دخلت لغرفتي لكيته مثل ماهي
لان انه ماخذت شي بس اوراقي واشيائي
الضروريه ملابسي كلهم بقت
اصلا وين البسهم بعد وانه حزينه
هاجت عليه الاحزان طلعت هدومه
وظليت اشم بيهم
شيصير لو هسه عايش
شوف حال اولادك شون انذلوا رحت للموت
برجليك
ماماتهديني ودكلي حرام عليج مايصير
هيج
اي بس مو حرام من عافنه وراح
خليني مو حرام اولاده تيتموا
ماما بروح بابا عليج عوفيني خل
اطلع الخنكه
الي بصدري
بس كلبها ماينطيها تعوفني كابلتني وتبجي
وياي
الصبح ماما راحت بيت خالتي وصلها السايق
اول للامام بعدين رايحه بيت خالتي
انه بقيت مارحت وياها
ميار وادهم بيومهم حتى للمدرسه مادواموا
ويلعبون ويه اخوانهم جانوا عمرهم ٩ شهور
استوهم يلزمون ويكمون و يحبون
افرشهم فراش بلارض وينطلقون
وادهم لازم فونه ويصور بيهم
للظهر اجه مازن سلم عليه اتغداء ويانه
وخطيه الجهال مانزلوا من ايده
هما ولاعبالك اول نجي ولامستغربين
ليشوفهم يكول يعرفون اهلهم
يلعبون ويضحكون وماخذين حريتهم
بلحركه
صدك الدم يحن ٠٠٠٠٠
كاعدين ناكل
وهما بلارض يلعبون
وماسمع اله صرخه أدم واشوفه مفرفح
يمه ابني واشيله واشوف رجله صايره حمره
دم واثار سنون امير نابته برجله
والكل عاف الاكل وركض عليهم
والكل تسال شكو
اخذه مني ادهم طلعه بره يهدءا
وامير الحقير يضحك
شويه جابوا ساكت وخشمه وجهه احمر
متت من الاعصاب لو لازمه امير يمكن
اكطعه بس خاله شالته
مجلوب شون هيج تعض اخوك
الكل يضحكون عليه
خاله دكولي اليكول جبير وتعاقبي هو طفل
شويه ورجعوا يعلبون
هنوب ادم الفطير يرجع يضحكله ويكوله
دادا ولك هذا جلب مو دادا
حتى غداء ماتغديت من وراهم
سمعت خاله تحجي ويه مازن عن هيلين
ودكول متعافيه وشنو ناقصه
هو يكولها يوم تولي لاتقهرين نفسج
ردت اسال شبيها بعدين اذكرت
ليث جان مايطيقها سكتت ماريد ازعله
هو بقبره شعليه بيها وبعدين
انه صرت غريبه كول الي يربطني بيهم
بس اولادي
بس من خلال حديثهم عرفتها هي زعلانه مادري مطلكه
٠٠٠٠٠٠٠
بقينه اليل سهرانين وانه وادهم وميار
حتى جهالي هم سهروا ويانه
ثاني يوم الظهر اجه يوسف من الزياره
وجايب ماما وياه
وخطيه خاله ليث احتارت شنو سوت
على الغداء من غير الاكل الجاهز
هم اجه مازن لان ماعدهم رجال
يستقبل يوسف
بعدها العصر كولته يوسف اخذني ازور
الامام
حتى ليزا اخذتها وياي بس ماما كالت تعبانه
بقت بلبيت يم خاله
مازن ماقبل اله هو يوصلنه بسيارته. كال
سيارتي حكوميه وادخلكم للامام حتى ماتتعذبون
بلمشي
رحنه بسيارته هو ليكدام وسايق
واحنه وراه
وصلنا قريب كلش على الامام
نزلنا كال انتظركم
كاله يوسف لاتعذب نفسك احنه نتاخر وراه صلاه
المغرب اصر هو يرجعنا
بعدها نزلنا لبست عبايه وليزا لابسه
جادر مال صلاه
صاح عليه مازن زهراء
نعم
كال خلي واحد.من الجهال عندي
اخاف يبجون واحنه مانطلع بسرعه
كال بلعكس ماعندي شي
كتله لعد اخذ أدم شويه هادى
نطيته اله ونطيته ممه
كال اله كلش نحس ارجعه لامي
اوك
بقى بس امير عندي
من وصلنا للامام سلمته بيد يوسف
هاك
شنو
اخذه.انت دخله للامام
