قلب مكسور
١٨
#بقلمي بنت الرافدين #
كعدنا على صرخه
هزت اركان البيت
صرخه كسرتنا كلنه
اجت من غرفه بابا
نزلت اركض واشوف بابا
مدد بدون حس او حركه المس مكان
النبض مايدوك
هاي كانت الضربه القاضيه الي
ضليت اصرخ بابا كوووم
بابا منو الي بعدك
ليش يتمتني
فوك كسرتي بابني هنوب انته فدوه لعمرك
ردعليه فدوه بابا حاجيني
منوبعد يحظني منو يبجي وياي
منو يسال عليه الكل تصرخ
ومحد بحال احد اخوتي ماما
راح ابوي راح ابو دلال
راح الحنان
راح سندي
احس كلبي مخلين بجمر يسعر
ماكو شي يبرده
خلصت ايام الفاتحه وانه فاقده لاتكفي
دموع وصياح بقيت بغرفتي
الكل تجي تعزيني وانه ماطلع ابد
وبس دمعتي تحجي ماعرف منو اجه
منو يسلم عليه حتى عيوني
تغوش ماشوف بيها زين
الكل يصبرني
اشوف البيت يروش من اقاربنه
اطفال نسوان الكل بلبيت .
بليل انزل انام بفراشه واشم ريحته
شويه ارتاح وتهدى روحي
جنت لازمه صوره
وحده هسه صارت صورتين
اعز اثنين بحياتي راحوا مني
بقلمي بنت الرافدين
*****
ماردت القدر يبعدني منك يوم
ماردت السعاده تفوت بيباني
ياليل الامان الماتمره غيوم
ياحظره حنين بحظنه غفاني
يااجمل حلم وسط مرسوم
رحت والصور ظلت فوك حياطني
الك حنيت يابويه اعلى بخت كوم
عفتني ويتمتني وضاع عنواني
*******************
اليل كله اون انه بكتر وماما تنون بكتر
ماما كسرتها ببابا كلش جبيره
سندها وابو بيتها راح منها
ماما الي زوجت بابا وعمرها
١٣ سنه حتى بعدها ماتبلغ مبلغ النساء
كبرت على ايده
عاشت وياه اكثر ماعشت بيت ابوه
موسهله عليه تقفده
نبقى لليل كله تنحب حد مانتعب
وبقيت على هل الحال اسبوع
من وفاته واحس الم بطني بصفحه اليمنى
الم قوي ٠٠٠٠
لكن ماهتم ولااشكي منه لان الم روحي
وكسرت قلبي اكبر
واقوه ٠٠٠٠٠
ظل الالم وياي حد
.ما زاد عليه وكعت من طولي من شدته
ماحسيت على نفسي اله وانه بلمستشفى
اون واهذي ٠٠٠٠٠
واشوف محمد اخوي واكف فوك راسي
بملابس العمليات
محمد :حمد.الله على سلامتج
-الله يسلمك
:كافي زهوره شدي حيلج وصيري
قويه لخاطر بابا
