قلب مكسور
٣٦
بقلمي #،بنت الرافدين #
بعدني كاعده على سجادتي
صعدلي مازن
بس ابدشكله مو طبيعي
يخووووف
عيونه حمره دمارات ركبته كلها طالعه
وايده قابضها
جان لابس كوت طويل وياه بنطورون جينز
وحذاء بوت لان الجو بارد
ولازم بيده فوني
وانه ولاعلى بالي
هاي شنو زهراء
شنو ؟؟؟
ودرت وجهي عنه
كمت نزعت الاحرام الصلاه
وبكل برود اتصرف
تقرب عليه لزمني حيل من وجههي
عصره عصر هو ايده ماشاء
بعد وحش الشاشه بدون مبالغه
لج حتى كلام عدل ماتحجين ويايي
اريد ارد عليه ماكدر
كمت ادفع بي
شبيييك !!!
ولج هاي تاليتها تخوووننننييي
من كوتلج شايب وماعجبج
ماقبلتي بكلامي
بس هسه اتاكدت
وبعده عاصر على وجهي اله احس
فكي انعوج
بعدها دفعني بكل قوته
احجي منوووو هذا
منووووو؟؟؟
جان استحيتي من اولادج
تجبي للبيت حقيرااا
رخيصه
وكام يضرب بيه
بوكسات
كعدت للارض
وكت ازحف لليورا
والله ماسويت شي
وداعت اولادي ماعرف منو
ورفس بطني برجله وهو لابس بوت
احس كل ضربه روحي تطلع
ليش هييج ليششش
لج احبج لا امو احبج
اعشقج اعشق التراب الي تمشين
عليه
اجه حظني حيل ويضرب بيه
ليشش تخونني ليش
ويشم بشعري
وظل يردد.هاي الكلمه وبصوته العالي
لج اخاف عليج اكثر من نفسي
بعد.صوتي راح
ماكدر حتى ارد
روحي راحت
بس اهز راسي بمعني لا
دفعني وكال
هيج تجازيني بشنو قصرت وياج بشنوووو
وكسر شكو بلغرفه
رجع يضربني بكل قوته
ماعرف شكد.ظل ساعه يحظني ويشم بيه
ويكولي احبج
وساعه يضربني بكل وحشيه
لحد ما.فقدت.الوعي
يعني شكد.عشت وياه ماشفته هيج عصبي
بلفعل ينطبق عليه المثل
(احذر الحليم اذا غضب )
من صدوك يخوف
بعدها وعيت على نفسي بالغرفه
ظلمه كاعده بلطرف الاخير وملتفه على نفسي
اريد.اكوم ماكدر
بديت ارجع لوعي
كعدت الطم على حظي
فوك جسمي المكسر
يارب اخذ امانتك ليش كل مر انه اشوفه
واعيشه
لشوكت اعيش بلذله
ياربي بجاه حبيبك محمد اخذ عمري
لاتمنيت اعرف انه برئيه .
ولاتمنيت اعرف منو الي سواه هيج.
كد.ماتمنيت الموت
تعبت والله تعبت
اخلص من ظالم يطلعلي ظالم ثاني
سندت نفسي واريد اكوم افتح
الباب لكيته مقفول
رجعت لمكاني
ابجي حد.ماغفيت
والبيت هدوء لاليزا لاجهال
صعدولي
بعدها كعدت قريب الفجر
احس نفسي مصخنه
اباوع لاطرافي مورمه من كد الضرب
على بطني وصفحتي
الكلى تاذت
والالم ذبحني ماعرف ابجي من الالم
مادري على نفسي
رجعت .فقدت الوعي مره ثانيه
ماحسيت اله
خاله ام ليث فوك راسي
وليزا
كعدت اباوع بس اشوف غواش
اسمع خاله دكولي
حبيتي تسمعيني
يوم تسمعيني
ليزا تبجي دكولي ماما انتي
زينه
هزيت براسي
يمكن هاي الحركه شكد.بسيطه.
بس جانت عندي بثقل الجبل
بعدها سندوني
او شالوني شيل
يردون يخلوني على الفراش
اشترلهم للحمام
اخذوني
وجابتلي ملابس ليزا
اباوع لجسمي صاير خريطه
والمتكدم والي مورم
فتحت الدوش بقيت جواه
وبعدها لبست وطلعت
ليزا واكفه باب الحمام بس فتحت
الباب لزمتني وتمشيني
وصلتني للفراشي
وغطتني
سالتها على اولادي
كالت خاله بيتنا
خاله مابطلت حجي عليها
الله يكسر ايده ان شاء الله حوبتج
ماتتعداه
مخبل ماعنده عقل
وهواي كلام
جابتلي اكل ليزا
رفضت اكول وحتى علاج ماخذت
شكد.حاولوا وياي
المن اكل حتى اصير زينه وترجع
تجيلي مصيبه
جديده خليني هيج بلكي تطلع هل الروح
المعذبه
لااهل ارتاحيت وياهم ولازوج
بلكي اروح يم ابوي وامي
ماكو احن عليه منهم من يوم الراحوا
ماشفت خير
بقت خاله يمي
بعدها نزلت كالت ادم وامير بلبيت
وبلقيس ماموجوده ماكدر اتاخر
كلت ليزا نزلي وبعد لا تصعديلي
ماريد اشوف احد
قفلت الباب وبقيت
حالتي تتازمت الصخونه
والم صفحتي
وفوك كل هذا حلم سيف
يتكرر عليه
واكعد.مفزوعه
اخاف انه ناقصه
بعدها بقيت قافله على نفسي
من صدك كرهت الحياه
تجي خاله تتوسل بيه افتح الباب
ليزا اسمعها تبجي ودكول ماما
اكل
ابد
حتى سمعت صوت اولادي وهما
يدكون بلباب وانه مارد عليهم
اطلع للحمام وارجع للغرفه
اقفلها عليها
بقيت على حالتي يمكن يومين
بعدها حسيت على نفسي
معلكيلي مغذي
ويمي ممرضه
مازن ابد.ماشفته
