قلب مكسور
بقلمي #،بنت الرافدين #
#ليس هناك اصعب من قلب مكسور
يتالم بصمت قاتل ينتابه شعر الوحده والفراق
لانه يعلم بعدم وجود احد قد يشعر به
او يخفف عنه الامه يشكو لليل اوجاعه
يعبر عن كل مابداخله من جروح
قصتي بعنوان
قلب مكسور
للكتابه بنت الرافدين
اليوم كملت امتحانات البكلوريا
الحمد الله واخيرا خلصت من السهر والقرايه
والمراجعه
بس بقى هم النتيجه والمعدل اووف
يمته تنزل النتائج ٠٠٠
كاعده على نار هيج ويخلص همي
واطلع المعدل الي احلم بي واحصل
كليه الطب
واحقق حلمي واجازي تعب بابا وماما
واخوتي ٠٠
يوميه اكعد الصبح على امل اسمع شي من اخوتي او بابا عاى النتائج
نزلت الصبح وانه ماشايفه النوم
من التفكير والقلق بلنتيجه
وعيوني منين بيهم التعب
_صباح الخير للكل
_صباح الخير بابا قبلت ايده
_صباح زهوره شونج باباتي ليش هيج شكلج تعبان
_والله بابا مانايمه افكر بلنتيجه شوكت تطلع ماسمعت شي
_حسن اهوو صدك انتي تحبين الهم
بس انتي بلسادس لو بس انتي امتحنتي
يالله اكيد اكمال اومعدل ٦٠
- عابت شكد مكروه هاي بدال ماترفع معنوياتي
هيج تحجي
حسن :هوايه معدل ٦٠ ليش ضايجه
-ان شاء انت تجيب هيج درجات
-بابا شنو هاي زهوره ليش تحجين ويه اخوج
-اي بابا ماسمعته هو شون يهبطني
-ماما انتو متشبعون مناكر
سموا باسم الله وتريكوا
باروعت لحسن وعيبت عليه بحلكي
هو يضحك وياكل
شويه وبابا جر الكرسي كال الحمد الله
كالت ماما هاي شنو ابو محمد مااكلت شي
طلع يغسل وماما راحت بيدها الخاولي
واشتغل المناكر انه وحسن
وصلت ماما صاحت بينه
-انتم شنو ماناوين تكبرون
طلع حسن
-ماما كومي ساعدي مرت اخوج بلمطبخ
طبعا اني
زهراء طالبه سادس علمي
عمري ١٦طبعا هيج عمري لان امتحن تسريع
صف اول متوسط وثاني متوسط نفس السنه
لذلك عمري ازغر من مرحلتي
مواصفاتي
عيوني لونهم رصاصي
حواجبي ثخان وانفي مرفوع
شفايفي متروسه بشرتي بيضه
طولي ١٦٨ بس ضعيفه خصوصا من كملت السادس صرت جلد.وعظم
دائما يشبهوني جمال بلعجم
عندي ٦ اخوه ٢ اطباء
٣ مهندسين
وحسن اخوي طالب طب نجح لمرحله ثالثه
بابا دكتور جامعي بكليه الهندسه
٣ من اخوتي متزوجين
اخوي دكتور محمد مزوج وبيته بحده بس قريب علينه
وعماد دكتور صيدلي مزوج بت عمي وفاء
طبعا اكثر من اختنا الكل يحبها
واياد مزوج ويانه بلبيت
بس عباره عن مجموعه من المشاكل هو زوجته
نهاركم كله صياح وعياط
طبعا هو مهندس بلنفط وعقليه علميه
بس مامتوافق هو زوجته هي عدها خبث شوي
هو عصبي البيت كله يخاف منه
واحد من اخوتي عايش بلخارج
وعندي اخت وحده هم مزوجه بكندا مغتربه
واخوي يوسف طالب هندسه
هاي هي عائلتي
اخوتي اصداقائي كلش يحبوني ومدلله عدهم
********************************************
كاعده انظف انظف بلمطبخ ويه وفاء
وهي تعلمني على الطبخ
هاي الاكل هيج تصير وهيج مقاديرها
لان بلدوام ابد مادخل للمطبخ
صاح يوسف
-زهوره وين قميصي المقلم
-غسلته البارحه وكويته وخليته بغرفتك
-اصعدي حبابه جيبي اريد اطلع
صعدت جبته
-اكول يوسف سؤال
كولي
الغرف الفوك المن مخليهم الكل كاعد بلصاله
-اهووو شكد تحب تلغي دولي
-اكول ياحلو شنو هل الاناقه وين رايح
اكيد موعد مهم
لزم اذني حيل
-انجبي احسلج ومن يمته انتي تحجين هيج
-اااي اي جاي تعورني عفيه اذني
ماما ماااامااا
اخذ قميصه وراح يبدله وانه اكول الخوف رحمه من صحت ماما يالله طلع
هيج يخلص يومي بلعطله بين مناكر انه واخواني وشغل البيت
فد يوم انه وفاء بلمطبخ اساعدها بلغداء
وهاي زينب مرت اياد ملتهيه مشاكلها حتى ماتكلف عمرها تغسل ماعون ماعبالك ويانه
بلبيت تنزل بس وقت الاكل
واسمع صوت بابا
-شعجب بابا جاي من وكت
-بابا السلام عليكم
-ماما وعليكم السلام اهلا ابو محمد
سالها سمعتوا شي عن النتائج
كالت ماما لاوالله لا واحد.طالع ولاواصلين المدرسه
انه سمعت هيج تخربطت احوالي
لزمنتي رجفه
طلعت من المطبخ بصدريه الغسل
واشوف بابا بحجي ويه ماما ويلعب
ويه اطفال اخواني ويبوس بيهم
وشكله فرحان ويبتسم
-يكول بس انه سمعت خبر
-بابا صدك تحجي كلي شكد المعدل
ومن منو سمعت مريت على المدرسه
واحجي سريع ومتلهفه
وبابا بس يضحك
-بابا لاتلعب باعصابي
ماما وفاء يكلوله يالله بشرنه شنو النتيجه
ناحجه
-ادري ناحجه بس شكد المعدل
-بابا المعدلللل
ويجر بكلمه جر
-يالله عفيه احجي فدوه
-المعدل ٩٩
-اصرخ من الفرح ههههههي واكمز
وفاء اجت حظنتي
-الف مبروووك حبيتي تستاهلين
وماما تهلل
رحت حظنت بابا
-زهورة عمري باباتي راح تصير دكتورا
بعدها اخواني كلهم باركولي و كلش فرحولي
رحت خابرت صديقتي وهج
رفعت السماعه ودكيت جاوبت
-الو
-الو هلو قزومه
-وهج هلو خبله
-ماسمعتي شي عن النتائج
وهج-لاوالله ماسمعت شي وانتي
-اي
-وهج اي شنو
-طلعت النتائج
-وهج احلفي كولي والله
-دروحي شايفتني اكذب
-وهج يمته سمعتي يمته نطوها
-بابا سامع من رايدوا البصره
منطين اسماء الاوئل الي انه وانتي منهم
واسمع تصرخ من الفرح واهلها يكلولها شكو وشكو
-اصيح عليها هي قزومه وين صرتي
هي ردي
سديت التلفون
رحت على ماما حظنتها
-اليوم انام بدون تفكير ياياي شكد فرحانه
-الف مبروووك حبيتي تستاهلين
شفتي الي يتعب يلعب
وربج مايضيع تعب انسان تعبتي وحصلتي
-الف الحمد الله والشكر
يالله بنتي روحي صلي صلاه شكر
لرب العالمين لان هو وحده الي يستحق الشكر
والثناء
-اي هسه حصعد واصلي
وابوج محظرلج مفاجاه
-شنوو
-شنوو المفاجاه
-ماما ليش سموها مفاجاه لو اكولج بيها
-عفيه ماما الفضول عندي قاتل شنو شنو
-روحي حبيتي صلي واشكري ربج وبعدين تعرفين
-اوك
& & &يتبع
