قلب مكسور
٣٨
بقلمي# بنت الرافدين
فتحت ليزا سبيكر وكال
سمعيني زهراء وعوفي الخبال
الرقم الي دزيته الج خابري
عليه ضروري
هذا رقم اختج اتصلي عليها
اختي !!!
بعدها ركضت على الدرج
مو ركض طرت طير
اخذت الفون لكيته دازلي كومه رسائل
دكيت على الرقم هي كالي عليه
هي كالت الووو
وانه نهديت بلبجي هي تبجي وانه ابجي
يمكن نص ساعه كامله على فد شهكه
ظلت تهديني ودكولي كافي على شنو
البجي
يمعوده اسكتي اريد اسمع صوتج
فدوه لعمرج لاتبجين
ليش هيج نكرتوني كلكلم صرتوا ضدي صفيت
بلاهل ليش
حتى انتي اخيتي هم
هاي وانه وصيت ابوكم
وهيج.تسون بيه
والله ابقى خدامه جوه رجليهم
ومااحجي بس خل يسامحوني
لو مشبعين ضرب
والله اعرف اذوج بس مابيدي شي
تعرفين اخوتج من يقفلون على شغله
وانتي ليش هلفتره كله ماسألتي عليه
والقران وداعت اولادي شكد سألت عليج
حتى وهج حلفتها تنطني رقمج
ماقبلت وكالت عوفها بحالها.كافي
الي شافته منكم
واسألي زوجج كم مره ادك.على مدير مكتبه
وماينطيناه حتى من كد ماالح عليه
عباله وحده مو راحه وظل يكلي
وين تعرفي وتعالي وانطيج العنوان
ياعزززااا شبي هذا هيج يسوي
تعبت حوراء وانه اتوسل بيهم ابد
ماسمعوني والله لوكالين صيري خدامه
الهم ماحجي لو يوميه يضربوني
ولا هيج يسون بيه
الله كريم حبيتي شبيدي عليج.
زين انتي شونج اولادج
يعني شوني عايشه
كبروا اولادج اريد.اشوفهم
اي
هسه اصيحهم
فتحت كاميرا وشافتني
وتخبلبت ولج هاي صاير بيج
ليش هيج شكلج تعبان
يعني شتدرين اصير بعد.كل هل البلاوي
فوك راسي
سهله عليه الي صار هين عليه
من اخواني يهدرون دمي
ويسموني عار
زوجج شونها وياج
زين
اكلج انتي وين هسه
بأربيل ليش
لعد هو كل مااخابره بغداد
اي دوامه هناك
ظلينه نحجي وحلفتها ماتكطع بيه
ماعرف يمكن الله دزها اليه بهل
الوقت بذات تخفف عليه هم سيف
بعدها دزتلي صورها وصور عائلتها
ربي يسعدج ياخيتي
وانه دزيتلها صور اولادي
بقينا يومين نتخابر
حجيلتها كلشي الي صار وياي
ساعه تنقهر وساعه تصبرني
صدك ارتاحيت
نهايه الاسبوع اجه مازن
سلمت عليه وكتله حمد الله على سلامتك.
كاعدين على العشاء،
كال باجر معزومين بيت صديقي
على العشاء
مارديت
مودا احجي وياج
وانه شكو معزوم اولا
يعني شون مثلا اروح وحدي
رجال عازمني بيته وكال
انت والعائله
شنو اكوله اجي بس اني
مرتك موجوده اخذها وياك
اكيد العزومه الها غير انتم عرسان
بابا انتي شبيج
اكولها باجر دكولي مرتي
من الاخير وبدون مشاكل
انه ماروح
مثل كل مره عناد وتحدي
وانت مثل كل مره لازم تسممنةعلى الاكل
عفت الاكل وكمت صعدت بغرفتي
شتالي عمري اخلصه بس عراك
ومناكر
لاهو عاتقني ولاهو يعاملني
زين كله اومر ليكول
واحد.من الشرطه الي جوه ايده
ليزا غسلت لادم وامير
وترتبت المطبخ
