قلب مكسور
٣٤
بقلمي# بنت الرافدين
بعد مانيمت ادم وامير رجعت للغرفتي
شويه
دك عليه
الووو
هلووو
انزلي جوه اريدج
اوك
نزلت ليكته بغرفته
لالبس فانيلا كيمونه وبرمودا
يعني على الرغم عمره الجبير بس لبسه
شبابي وراقي
اكعودي اريد احجي وياج.
كعدت على طرف السرير
اسمعك
زهراء شكد.صارلنا مزوجين اكثر
من ثمانيه اشهر بعد كم شهر يصير
النه سنه خلال هاي المده
شفتي مني شي
قصرت وياج ٠٠٠اذيتج ٠٠٠
طلبتي شي وماسويته الج ٠٠٠٠
لا ابد ما منك قصور
لعد شبيج
شبيه ؟؟؟
يعني لشوكت نبقى هيج
اكو اثنين مزوجين ماتجمعهم غرفه
واحده او فراش واحد.
يعني مااكولج اني واني
بس طيعيني وشوفي اله اخليج
اميره والله
ليش مدصدكين اني احبج
ورايدج.وبنفس الوقت ماداضغط عليج
مازن احنه متفقين وانت قبلت بهذا الشي
على شنو متفقين بالله
شوكت احنه كعدنا وتناقشنا
مايجمعنا بس ميز الاكل وكم كلمه
لاغيرها
انه بلبدايه هذا شرطي لاطلبت منك مهر
ولاعقار ولاشي
يعني اني رجل عند احتياجات عندي رغبه
اله ماارتاح بيتي وين ارتاح
يعني انتي ماتزعلين من ازوج
لا عادي ازوج ليش ازعل حقك
هذا
بس انه لا
انتي لا ليششش ؟؟؟؟
كوليلي ليششششش؟؟؟
مازن بلاعياط دنيا ليل
منا ليزا والاودي فوك نايمين
كولي مالج رغبه بيه كولي شايب
ومااعجبج مووو
جبير على حضرتج
استغفر الله ياربي
اكولك انت تحلل من كيفك
انه شوكت كلت هيج كلام
شنو شايب حتى انه هم مو زغيره
عمري ٣٣ سنه وابني شاب
يعني اله انت عندك عقده من شيب راسك
او من عمرك
لاتحملني الي
واله على الزواج اكولك ازوج
بدل الوحده عشره
تريد تجيبها تعيش هنا خلي الجوه الكم
والفوك النه
واله تريد اطلع من البيت كوله عادي
اجرلي شقه
ولاكل ساع دكول مامقصر واصرف
عليكم
لاانه ولااولادي محتاجيك
الحمدالله عندي راتبي وعقار ورث ابويه
هم
واولادي عدهم ورث ابوهم
من باجر اشوفلي شقه واعوفلك البيت
صفك بيده
بعد شنو احجي وياج شنووو
عفتي الموضوع كوله وركزتي على المصرف
والبيت
وتعاي اكولج كل ما حجيتي وكولتي
اولادي واولادي
يعني اني مو ابوهم موووو
اشو اني ابوهم وغصبن عنج زييين
اني احق بيهم حتى من ليث نفسه
اول مااجوا لدنيا اول ايد شالتهم
هو اني
احبهم اكثر من روووحي
اله يتمرضون او يتعورن اتمرض
قبلهم اولادي سمعتي لو اعيييد
بس تعرفين الكلام ضايع وياج
واني مو رجال اله ماكسرتج بمره
امشي ولي من وجهيي
وانه اكولك الف مبروووك
عفته وصعدت
يكسرني بمره
دطير انت والنسوان مثل شكلك
هاي عدهم البشر بس رغبه وفراش
لاعلم لافهم ٠٠٠٠٠
تمددت ولاهتميت لكلامه انه روحي
خلاصانه تعبت ماريد رجال بحياتي
شنو شفت منهم
حد.ماغفيت ماكعدت اله الفجر
وبعدها مااجاني نوم نزلت البيت هدوء
كعدت انظف البيت وشغلت قران
وبعدها جهزت الريوك
وشربت بس جاي وصعدت بدلت
وطلعت لدوامي ماشفته
اولادي هم يبقون نايمين وصيت ليزا
بيهم
