غادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس .......
هي لا تتكلم مثلما تتألم ، فهي تستقبل العتاب عن اقتناع وتستع...
رواية :رفقاً بما تبقى مني... الكاتبة:Fatima Zahra Fallaka الجزء الأول : دموع طفلة يتيمة الفصل 5: دازت ايام عند الماس كلها متشابهة في الرياض لخرجات كتخرج غير من كتدي الخبز لفران و ترجع لكوزينة ،مرة ضربها لفيقة راسها مرة تنوض على ضريب جداتها كل مرة و شكون يبرد فيها غدايدو مرة تبرد فيها كوثر و مينة غدايدهم من رجالتهم لي دايرهم باهم تحت رجلو، مرا مريم و منال يجيو يبقا يريشوها و يضربوها و يضحكو عليها وعلى حوايجها المصخين ، مرة عمتها على الفقصة ديال راجل لي طلقها و تزوج وحدة اخرى و ولد معاها بنات، كل مرة و كيف لحمها مزوق بضرب و هي عمرها تشكات ولا قالت ليهم علاش كضربوني ولا علاش كتعاملوني هكا كانت كل ليلة كتنعس و عنيها مليئة بدموع و تبقا تبكي تا كتغمض عنيها و تنعس. الوردة لي كانت مليئة بالحياة و خلها باباها امانة فرقبت والديه ولات ذابلة و مبقا تا حد يسقيها و لا يعطف عليها ايه يا زمان الغدار شكون قال سي عبد المغيت الهما وشان و ولد لمرشان اصغر واحد فخوتو لي كان قافز و قاري وحافض سوق و عارف السلعة فين تبشي و تجي من نهار دخل مع باه في البازار وهو لفوق لفوق كبر تجارة ديال باه و وسعها و عرف يدخل ما بين تجار و يدير بلاصتو و يكبر راسو و ولا باه نافخ ريشو بولدو سيدي عبد المغيت زين و القلدة و الاصالة حروفو ماهي ديال مراكشين زين و بيض مسرار و نهار وقف على رجلو طلب يد لي ملكات قلبو غيثة حبيبت قلبو و خدامة فدارو كبرات قبالتو وبغاها وبغاتو و نهار طلب يديها ناضو حبابو و صحابو وقالو بنت الخدامة ما ديها و خود ليك بنت الاصل لي تزيد بيك و تكبر بيك قالهم مانحتاج مرة تكبر بيا قدام ناس هي ملكة قلبي و نديرها قدام ناس اصيلة بنت الاصل لبانت ليكم نتوما خدامة انا بانت ليا ملكة قلبي و شريكة حياتي و بلا بيها ما تسڭد حياتي، دارو بيه حباوبو و مخلاو فبنات الاصل جابو لكن القلب على لي ملكاتو ما تفارق، و فضد لحباب و العديان داها و لات مرات سيدي عبد المغيت لي اي وحدة تمناه و كاع بنات تجار طايحين فيه، و حبابو ما رضاو يتناسبو مع بنت خدامة و على بابهم ما دخلات خرج هو و ياها و دارو يد في يد و بناو حياتهم راس فراس و بعد على الحباب و صحابو و خلاها هي بوحدها حبيبتو و صاحبتو، و نهار سي الحاج محمد خطاه ولدو سيدي عبد المغيت لقا راسو ما عارف شطارة في سوق تجارة و عرف انه بلا ولدو ميسوا والو و ناضو على عبد المغيث قلبو و تصفات القلوب و على بنت الخدامة قبلو و حلو ليها باب دارهم دخل و عند عبد المغيث كانت هي راي و شوار و الحاجة ميديرها لما قالها ليها ناضو حباوبو قالو ساحرة بنت سحارة دخلات بسحورها و على عقل سيد رجال لعبات لعبو لعبتهم و لكن ما حد ربي معاك ما تخاف من عبادو ، زادت كبرات تجارة سيدي عبد المغيت و عمرو تحاسب مع حبابو خلاهم ياخدو لي بغاو هو باركة غير الماس لي جابت ليه حبيبت قلبو و ضوات عليهم حياتهم كبرات وسط فشوش باها و مها و عينين بنادم ما ترحم لعباد نهار و مطال و هما حاطين عليها العين كيف لا و بنت سي عبد المغيث بنت ولدات بزينها بيضة كيف لحليب و شعر مسبسب كيف لحرير و عنين خضرين كيف زمرد و فم صغيور حمر، كانت نجمة فسما العالية ما يوصل حد لزينها و قالو كيف غتكون هاد البنت نهار تكبر و يكبر زينها و شكون هاد ولد الاصل لي يديها وهي بنت باها و كبرات فالفشوش و كاس ما تعرف تهزو، اييه يا عِنين العباد كون تعرفو تجمعو عينكم و تقولو تبارك الله ، خليتو عينكم ضرب بنت و هي مزال الهضرة متخرجها مقادة ،، دازو ليام و سي عبد المغيت هو وملكة قلبو دارو كسيدة و عند الله بشاو، خلاو بنتهم معندها لحنين لا رحيم يتيمة ما تعرف ضحك من البكا دور و تسول فين بابا و ماما، و الحباب لي خليتي و سطهم بنتك ما حملوها ما بقات فيهم رجعوها لأصل مها لي هي خدامة و خلاوها خدامة عندهم بضرب و تمارة عِنيها دبالو و شعرها طويل نشف و من لونو بهات، تنوض على تمارة و العصا و الكلام لي مكتعرف والو من معناه، و ولاو جيران يوكلو بنت عبد المغيت لي كان هو لي يعطيهم ما ياكلو بعدا هما ما نكرو خيرك و على بنتك الماس رباو الكبدة لكن شنو يقول لميت قدام غسالو و سي الحاج مخرجها منهم لي جا يتشكا يبهدلو و يرجعو منين جا ، لقات لخير فالغريب و ما لقاتو فحبابها، نهار على نهار تنسى معنا طفولة و مبقات تعرف غير شقا و العصا و انها مجرد خدامة و عِنيها ديما فالأرض ، عياتها لعصا و تمارة و مقدارت تشكي و لا تبكي عنيها نشفو و فمها تشقق اييه يا وردة باها فين داتك ليام تا من حبابك ما رحموك ما ترحمو عليك مسكينة يتيمة ملقات جهد ولا جاهد......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
