غادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس .......
هي لا تتكلم مثلما تتألم ، فهي تستقبل العتاب عن اقتناع وتستع...
رواية :رفقاً بما تبقى مني... الكاتبة:Fatima Z-F الجزء الأول : دموع طفلة يتيمة الفصل 3:..
الماس خرجات من كوزينة كتجري:لعام اخالتي كوثر. كوثر شدتها بقرصة من دراعها :يخوي ليك دراس انشألله للالك كوثر هادي عاودي اش قلت. الماس و دموع في عينيها:اهئ اهئ ل لا لالة ك كوثر كوثر:بقاي دمعي عليا هنا يالله هزي هاد شباكي و طلعي تصبنيهم يالله نجي نلقاهم كيشعلو فهمتي. الماس:اهئ و و وخخخا الالة. بدات كطلع الماس شبكة وهي تقيلة عليها كطلع و تبكي و تخنسس معندها صحة لا لشقة لا لتصبين .طلعات فداك البرد، تصبن و 8 ديال صباح مزال موصلات ، بدات كتعزل حوايج لي كيطلقو مع لي مكيطلقوش و كل حاجة كديرها في بانيو بحدهم و دير عليهم تيد حطات فراكة و سطل حداها باش تشلل بيه، الما كان بارد بزاف و يديها و رجلاتها عريانين و كترجف بالبرد و الما سايل من نيفها بشدة البرد حنيكاتها حووومر و و فمها زرق و دموع في عنيها و شهقات كتخرج من فمها متابعين كل مرة تزلق و طيح على راسها حيث حوايج جاوها تقال و مقدراتش عليهم و وخا هكاك كتعافر و تصبن صبيعاتها و يديهتها كلهم مجروحين بشقة و تصبين كل مرة دير يديها على فمها تسوط عليهم باش يسخنو ليها، البرد و مصبحة على صباح على العصا و المعيور و تمارة .ماتقدر تشكي ما تقدر تبكي ربي لي عالم بيها صغيرة لكن كبروها بلا وقت و دخلوها لتمارة بلا وقت وردة كانت مضوية بضحكتها لي بحال اشراقة الشمس و وجها بحال شي ملاك كانت جميلة لي شافها كتدوبو بلون عينيها النادر و شعرها الرطب كانت قمة في البراءة و الجمال من كانت وسط والديها ..من كان عندها صدر علامن تنعس و من كان عندها باباها يشري دنيا على وديت ضحكتها.. اما دابا معندها لاحنين لارحيم، من نهار ماتو والديها فكسيدة هادي عام و بقات ساكنة مع جدها و و عمامها وسط هاد رياض وهي فتمارة و العصا شحال حرتو عليها و شحال ضربو فيها عيالات عمامها و عمر شي واحد جا منها ولا بقات فيه كلشي كيشوف فيها شوفة ناقصة و دايرينها خدامة عندهم و عطينها بيت حدا كوزينة صيف عليها و شتا و البرد عليها شحال من مرة فاقت فليل كتغوت وهي كتشوف فار قدامها، لكن شكون تبقى فيه هاد اليتيمة.. الهضرة فيها و لعصا فيها و تمارة فيها، تصبح على تمارة و تمسي على تمارة و زيد لي جا يدير فيها يدو تا مبقات قادرة تبكي لا تشكي جسمها كلو زرق بضريب و القريص و ديما حناكها حومر بتصرفيق لي كتاخد بحال هي ماشي من لحمهم و دمهم ، مسحات عنيها و هي مبقاتش كتحس بيديها و هما فاللفراكة كتفرك الحوايج، هادي هي حياتها عام دابة تا ولفات...... لشقات لعصا فيها ولا مشقاتش لعصا فيها، سالات تصبين و هزات واحد كرسي عالي باش توصل نشار و بدات كتنشر تا سالات و بشات كتستف البلاصة فين صبنات باش مضربهاش جداتها من تشوف روينة قدات و طرفات كلشي في بلاصتو و هبطات لتحت لقات الحاجة قدامها. لحاجة :افين كنتي يا ديك جحمومية. الماس و عنيها فالأرض :كنت غير فسطح كنصبن حوايج لالة كوثر. الحاجة:اوا صافي هادشي لي بقا علاش متصبنهمش هي نيت مالها محنية يديها ولا رجليها (كتغوت باش تسمعها مرات ولدها) ، يالله حيدي نتي من قدامي و سيري هبطي تسيقة من دروج الفوق تال تحت الماس :و و وخا أ جدة. بشات دارت كاع داك شي لي قالتو ليها جداتها هبطات تصيقة من دروج ديال سطاح و دازت على بيوت نعاس لي كينين في طبقة تانية جمعاتهم و دوزات عليهم جفاف، و هبطات لطاج الاول لي كلو صالونات بلدين و لوسط كاينة نفورة ديال الما و دايرين بيها محابق ديال لورد دخلات لصالات لمطاتهم و قداتهم و مسحات لغبرة و نفضات كلشي و صيقات و سط دار خلات وراها كلشي كيشعل بنقا و ريحة سنيكروا دخلات لبيت الما حكاتها بجافيل تا ولات كتشعل و حوايجها كاع طبعاتهم بجافيل سلات كلشي و دخلات لكوزينة لقال مينة تم نوبتها اليوم فطياب، بشات هزات اتاي و خبيز و بشات لواحد قنت و بدات كتاكل تا حسات بشي حد شدها من شعرها مينة:اوا الماكلة هي لي بقات ليك أ تنوضي تعجني لا. الماس : اهئ اهئ و و ا الله م ما كليت م من ا الب البارح اهئ اهئ ف فيا جو اهئ اهئ جوع اهئ اهئ مينة مخرجا عنيها : تاكلي سم لي يفرع ليك لمسارن انشألله و نتهنا منك و من صداعك و اش غادي تنوضي تعجني ولا و الله تا نزرق ليك لحمك. الماس:اهئ و و خا.....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
